The Saṅ Hyaṅ Hayu

[Folio 1r]
[Folio 1v]
1v1ndaḥ saṅ hyaṅ hayu ikaṅ ajarakna mami riṁ ṅvaṅ kadi kita, kunaṅ deyanta humədapa sarasanikeṅ vuvus mami, hayva kita Umavay rasa carita, mvaṅ kalpa rakva manavas ta, ndya ka
1v2ri lvirnikaṅ rasa carita mvaṅ kalpa rakva manavasta, yar kvaliṅanta ri kami, Aum·, nihan ta lvirnya, kadyaṅganiṅ viku maṅucap ta caritanikaṅ hyaṅ devata, kalpa pur
1v3va batara batari hana ṅuni, An paka yuga ṅ brahma, visnu, Isvara, mahadeva, mvaṅ kusika, garga, metri, kurusya, patanjala, mvaṅ kagəlarani yaksa, pisaca, prata, buta, pitara, sivah
1v4buda; yeka rasa carita ṅarannya, Adva rakva manavas ta ṅaranika, syapa ta ri vənaṅ myaktakna Ika, lena sakeṅ rakva juga Ika, nihan ta vaneḥ anuṅ kalpa rasa carita, vijilmnya saṅkariṅ aji, Ina
[Folio 2r]
2r1jarakən saṅ seva sogata, pitu rakva patumpaṅnikaṅ buvana I svar ta mvaṅ i ruhur ta rakva, ndya lvirnya nihan·, prativi ṅaran ikaṁ ṅ buvana kahananta, I svarnikiṅ patala, I svarnikaṅ patala nitala, I
2r2svarnikaṅ nitala sutala, I svarnikaṅ sutala talantala, I svarnikaṅ talantala talaniṅtala, I svarnikaṅ talaniṅtala mahatala, I svar mahatala [atyanta] atyanta Arta-
2r3patala, nahan lvirnikaṅ sapta patala, I svar ta rakva, kadi taya patapniṅ tapal inələp ri vakul rakva patapnya I svar, (02) maṅkana patumpaṅnikaṅ buvana pitu i ruhur ta
2r4rakva, ndya lvirnya nihan·, buhloka ṅaran ikaṅ buvana kahananta, I ruhurnikaṅ muvaḥ buvahloka I ruhurnikaṅ buvahloka suvahloka, I ruhurnikaṅ suvahloka janahloka, I ruhur
[Folio 2v]
2v1nikaṅ janahloka tapvaloka, I ruhurnikaṅ tapvaloka satyaloka, I ruhur satyaloka mahaloka, I ruhurnikaṅ mahaloka Atyanya Antaloka, nda nahan lvirnikaṅ buvana pitu,
2v2i ruhur ta rakva, kadi taya patumpaṅnyanika tvvan valuḥ lvirnya pagantuṅan i ruhur ta rakva, ya ta mataṅyan ri madyapada ṅaran ikaṅ buvana kahananta maṅke rakva, Apan pi-
2v3tu ikaṅ buvana I svar ta mvaṁ ṅi ruhur ta rakva, syapa ta ya sakeṅ i svar, mvaṅ sakeṅ i ruhur anuṅ vruḥ byakta, lena sakeṅ kalpa Ata ya lavan carita maṅkana, yeka Adva rakva manavasta ṅarannya, tiṅga-
2v4laknanika denta, hayva pinituhu, vaneḥ hana ta ya I ruhurnikaṅ sapta buvana rakva, pitu ataḥ patapnya rakva, ṅarannya, sunya, Ati sunya, parama sunya, Atyanta sunya, nirmala su
[Folio 3r]
3r1nya, suksma sunya, Acintya sunya, I ruhurnikaṅ muvaḥ taya, parama taya, Atyanta taya, nirmala taya, suksma taya, Acintya taya, I ruhurnikaṅ muvaḥ abyantara taya, Abyantara taya ṅaran-
3r2nya tar katəkan deniṅ tejaniṅ vintaṁ, vulan·, Aditya, vaṅkavaṁ, kuvuṅ-kuvuṁ, saṅhub, kukus, mega, hudan·, kilat·, gəlap·, gərəḥ, gəntər, rahu, handaru, paramanuḥ, svaraniṅ sarvajanma kabeḥ, yateka tar təka ya ṅkana ra
3r3kva, Apa lvirnya Ahvaḥ, Aliṅlaṁ, Ahəniṁ, niravarana, laṅgəṅ nirasraya, i ruhurnikaṅ muvaḥ pañcatanmantra, pañcatanmantra ṅarannya buddi guna pradana, I ruhurnika muvaḥ sunyata nirmala ta
3r4ya, sunyata nirmala taya ṅarannya lejñəp vindu pəpət taravaṅ səsiniṅ maṅdadi, tar katəkan deniṅ tutur lupa, Arahanta sarira, sesa Ananta guru moksa ləpas, I ruhurnika muvaḥ kanirasra
[Folio 3v]
3v1yan·, kanirasrayan ṅarannya hiṅan iṅ manahnikaṅ lokanya paran-paran·, Ar paṅalvar paṅidul paṅulvan paṅetan·, misvar minduhur makuliliṅan irikaṅ buvana, sinaṅgaḥ Anasti deva
3v2katunaniṅ vatək devata kabeḥ rakva, Ika vəkasniṁṅ i ruhur [niṁ ṅi ruhur], ya ta riṅ ahaḥ ṅarannya, sinaṅguḥ kanirasrayan ṅarannya rinahasyanikaṅ viku lokika kabeḥ, mankana tenajaranya, para
3v3nanya ləpas həlam yan mati rakva, paranan ikaṅ viku maṅusir arahanta, Ikaṅ tuməkakna ya ṅkana liṅnya, yeka brata tapa samadi, mvaṅ si vruhnya maṅaji lavan kasravakanya, ya ta mataṅyan paru
3v4hun-ruhunan ikaṅ saṅ viku kabeḥ mamriḥ maṅaji, mabrata matapa masamadi, majar-ajar ri rəban sampvara, pravakta lavan bramacari, kili ekavasa muna lagna Upavasa, sadyanika kaləpasən kamoktan·,
[Folio 4r]
4r1ya palanika An ginavayakəna rakva, An avas ṅaranika kabeḥ, yeka rasa carita madva, tiṅgalakənika hayva pituhu, Ika pavəkasnikaṁṅ i svar mvaṁṅ i ruhur liṅnya, ndaḥ madva tika, hana
4r2juga I svaranikaṅ mvaṁṅ i ruhuranikaṁ, kadyaṅganikaṅ lvar An hana lvaranikaṅ sinaṅgaḥ ta lvar, savadi jatinika yadyapin ta saṅ manuduhhan lvar, kidul·, kulvan·, vetan·, kunaṅ kumavruhhana vəkasniṅ lvar,
4r3kidul kulvan·, vetan tan hana maṅkana, yadyastun kadi tan iṅ mvaṅ bata Ata hiṅan ikaṅ lvar, kidul·, kulvan·, vetan·, hana taḥ lvar [nura]nika mvaṅ kidulnika, maṅkana tekiṁ ṅi ruhur, ya-
4r4dyastun kadi payuṅ vəsi kumurəb ata hiṅannikaṅ sinaṅguḥ vəkasniṁ ṅi ruhur, hana taḥ ruhur anika muvaḥ, kunaṅ apan ri hədapnya juga yan pahiṅan ikaṅ lvar, kidul·, kulvan·, vetan·, I svar i ruhur, ri həda
[Folio 4v]
4v1pnya ya para ṅkana hələm yar mati, ri hədapnya yar hana svarga I ruhur, parananiṅ deva pitara huvus byət yaṁ, mvaṅ paran saṅ viku sakti matapa yan mati, tuntunan deniṅ gəlar pujanya yan mati, makasuluha Ajinya,
4v2maṅkana liṅnya paṅuha, Anutakən rasaniṅ kalpa carita madva, Adva rakva manavas ta ṅaran ika, tiṅgalakən ika denta hayva pinituhu, ndya pva kaṅ pinituhun mvaṅ gəgə:n ranak saṅ pandita, yata-
4v3nyan menaka pagə:ḥ vulat ranak saṅ pandita, Atiṅgalakən ikaṅ madva rakva manavas ta, katəpə-təpətan saṅ hyaṅ darma, yar kvaliṅanta ri kami, Aum hana vak sesa saṅ pandita ṅuni surud ma
4v4mi sakeṅ sira, tiga paksa ṅaranya, ndatan kami juga maṅucap tiga, pada sira mpu kabeḥ maṅucap tiga, ndya lvirnikaṅ tiga vinuvusnira, nyaṅ brahmana, visnu, Isvara, tiga Atika liṅ saṅ vaneḥ, nihan taṅ bu
[Folio 5r]
5r1ddi, guna, pradana, triyantaḥ karana ṅaranya, tiga Atika liṅ saṅ vaneḥ, nihan taṅ prabu, rama, rəsi, sinaṅgaḥ tritantu, tiga Atika liṅ saṅ vaneḥ, nihan taṅ darma kaya, darma datu, darma tar, tiga Atika liṅ saṅ
5r2vaneḥ, nihan taṅ taya, vak·, cipta, tiga Atika liṅ saṅ vaneḥ, nihan taṅ darma, buda, saṅga, tiga Atika liṅ saṅ vaneḥ, nihan taṅ prativi, Akasa, Antara, tiga Atika liṅ saṅ vaneḥ, nihan taṅ mata,
5r3taliṅa, tutuk·, tiga Atika liṅ saṅ vaneḥ, nihan taṅ ulaḥ, sabda, Ambek rahayu, ya sinaṅgaḥ trikaya paramarta ṅaranya I saṅ isvara paksa, tri kaya parisuda ṅaranya I saṅ
5r4sogata paksa, tiga Atika liṅ saṅ vaneḥ, nihan taṅ pasukniṅ bayu mətunya mvaṅ laṅgəṅnya, tiga Atika liṅ saṅ vaneḥ, nihan taṅ sunyataya paramarta lilaṅ həniṅ niravaranya, tiga Atika liṅ saṅ va
[Folio 5v]
5v1neḥ, nihan taṅ səkul·, tok·, Ivak-ivak·, nda nahan paksa tiga ṅaranya, lina kaṅ viku paraloka kabeḥ, taha hade tanikaṅ sinaṅgaḥ paksa tiga ṅaranya liṅ saṅ pandita,
5v2tiga Anavasta ṅaran ika kabeḥ, tiṅgalakən denta hayva vinava rəṅə:, (07) vruḥ kari kita Ar seṅ ikaṅ tiga liṅ saṅ pandita, sineṅniṅ kaṅ ajñana, ndatar kami juga maṅucap ajñana, pada si-
5v3ra mpu kabeḥ maṅucap ajñana, ndya lvirnikaṅ sinaṅgaḥ nirajñana, nyaṅ guna kvandahagyan·, kacitrakaran·, Anulis, parapusmaṅjahit·, mvaṅ kanipunahastan·, panday sulpika salvirniṅ guna,
5v4nguniveḥ taṅ aji vəduk timbul·, siṅlar, pisampar, piciṅcəṁ, sihulap·, Indrajala, sivaḥ sampurna, kaləkavadana, puluṅ pulaṁ, mayastri, tutur dadatu, nahan sinaṅgahnikaṅ viku sabuvana Ajñana, makadi
[Folio 6r]
6r1kaṅ aji kanya saṅkya prakarana kalpa purananya ya, viniscaya canda ganita, maka rahayu gəlar puja Aji mantra samaddi, pəta liṅga liṅgir pratimabimba, ya buṅkaḥ Ikaṁ ṅ ajñana ṅaranya, liṅnya, taha hade tanikaṅ
6r2sinaṅgaḥ mami ajñana, kajñanan ṅaran ikaṅ kabeḥ, kajñana ṅaranya Ajñana ginavay-gavay, Apan ginavay ikaṅ aji mantra huṅkara padkara, ginavay ta ṅ liṅga liṅgir pratimabimba mvaṅ maha barali, gina-
6r3vay taṅ gəlar puja, Aji mantra, veda santi, mvaṅ jampa japya samaddi, Apan dadi ika kabeḥ, Inuvahan ya Ahala lavanya salaḥ, dadi hinilyan yan avuk lavanya hilaṁ, lavan dadi hina-
6r4nakən·, dadi inayyarkən·, dadi kinalupan·, dadi pinuca yan aləməḥ ṅvaṁ, ya ta kajñana ṅaranya, tatan maṅkana Iki ajñana liṅ mami, hana Iki tar hinanakən·, dadi iki tan ginavay-gavay, ta-
[Folio 6v]
6v1n kavənaṅ vinehakən ri sisya, ya ta sinaṅgaḥ ajñana jati ṅaranya, rovaṅnikiṅ buvana tumuvuḥ, lavan ya pinakahuripnikaṅ rat mvaṅ sarva janma kabeḥ, ndya sakala sabda saṅ pandita ri sisya nihan·, pahe-
6v2nak taḥ denta dumələ: sesiniṅ sariranta, Irikaṅ bahiya At maya prakrəti, sinaṅgaḥ desa sarira, ya ta kahanan saṅ hyaṅ ajñana, vulikən pepetən hana ṅkana, gagap ipak kətəgniṅ hantinta, mvaṅ
6v3hana niravarananiṅ akasa, samipa lavan saṅ hyaṅ vijñana sagraha, tri yva bavet saha, Aṅhiṅ təlu prakaranya, pinakesiniṅ sariranta, kunaṅ ya ta mataṅyan byakta təpət denta vruḥ ri saṅ hyaṅ ajñana,
6v4nihan ta guru vaktranya, ndan tula beda kita sakarəṅ paṅavruhanta I təpətniṅ tiga, kunaṅ deyanta, sumahur ta kita varaḥ rikaṅ satinakvanakən mami ri kita purva, liṅ nira ṅ aṅiṅətakən a-
[Folio 7r]
7r1naku, (08) ndya lvirnya, nihan seṅnya de saṅ pandita: nyaṅ a, nyaṅ jña, nyaṅ na, ya sinaṅguḥ tiga təpət basa ṅaranya, ndya kapaṅguhaniṅ tiga təpət liṅ saṅ pandita, kasihana ranak saṅ pandita, I kapaṅgu-
7r2hana, nyaṅ a, nyaṅ jña, nyaṅ na, Aum·, mami mavaraḥ ri kita, nihan patula beda mami rumuhun·, paṅavruḥ I təpətniṅ tiga, sumahur saṅ tinakvanan·, Aparan ṅarannya: buṅavari, srigadiṁ, Aṅsva-
7r3ka, tuduḥ denta, tuṅgal ika rika, Aum·, Abeda Ika, pvaṅkulun; vuṅavari ata vuṅa[ṅ]vari, srigadiṁ, Ata srigadiṁ, Aṅsvaka Ata [ṅaranya] aṅsvaka, pvaṅkulun·, suguḥ Ika vuvus ta, maṅka-
7r4na tekaṅ tiga, panula beda sajarva, saduga-duga, satəpət·, sapratyaksa, (09) apa ta ri ṅaran ikaṅ masuk·, mətu, mahavan ri ruṅ ta lavan ri tutuk ta, Upamana pravesa nəm ṅke ri sariranta, Apa liṅ ta, ba
[Folio 7v]
7v1yu ṅaranira pinakausvasa ranak saṅ pandita, ya teka A, ṅaranya liṅ saṅ pandita, muvaḥ nihan takvanakna mami ri kita, Apa kari ṅaran ikaṅ karəṅə: denta ṅke ri buvana lavan rikaṅ sarva janma kabeḥ,
7v2karəṅə: juga gunanya, sabda ṅaran ika panaṅguḥ ranak saṅ pandita, ya teka ṅ jña, ṅarannya liṅ saṅ pandita, vaneḥ takvanakna mami ri kita, Apa kari ṅaran ikaṅ tinəkaknanta ri vəkasnikaṅ bu-
7v3vana lvar, kidul·, kulvan·, vetan·, ləs luṅha sakədap humalivati tasik·, cipta kamuvaḥ, Apa ṅaran ika liṅ ta, hədap ṅaran ika, Aṅən-aṅən ranak saṅ pandita, ya teka na, ṅarannya liṅ saṅ
7v4pandita, (10) mataṅyan kinala karanta ya təluṅ viji, ya sinaṅgaḥ bayu, sabda, hədap·, bayu ṅarannya Ikaṅ [bayu] masuk mətu mahavan ri ruṅ ta pinakasvesanta, sabda ṅarannya Ikaṅ pinakavuvus ta, həda
[Folio 8r]
8r1p ṅarannya Ikaṅ [hədap] paṅaṅən-aṅən ta ri madvaḥ maparək·, kita hana ṅke ya haneṅ sabraṁ, maha misvar minduhur, makuliliṅan umidər ikeṅ buvana, tar kevəhan asiṅ sakala rəpnya paranya, tar kasukər
8r2deniṅ sukər, juraṁ, ləbak·, gunuṁ, praṅgabala, lvaḥ, tasik·, pətəṅ pəpət; ityevamadi, svaca juga ya Asiṅ saparanya, gagana cara maṅlayaṅ riṅ abyantara manumpaki ri valakaṅniṁ ṅ akasa vənaṁ, Ajalantara
8r3maṅlayaṅ riṅ abyantara manumpak ri tasik vənaṁ, Atava yan sumiləm ri pusə:raniṅ jaladri, sumurupan iṅ darsaniṅ sapta patala vənaṁ, tar viceda, tar vikara, tar amələs, svaca juga ya, kita ha-
8r4na ṅke ya luṅha haneṅ sabraṁ, ləs luṅha satəp təka, segra kas adrasya ləyə:, takarin maṅkana Aṅən-aṅən ta, yan aṅən-aṅən madvaḥ maparək·, Aum·, maṅkana pvaṅkulun·, ndaḥ yatika sinaṅgah
[Folio 8v]
8v1mami ajñana ṅaranya, A ṅaranya Ikaṅ bayu, jña ṅaranya Ikaṅ sabda, na ṅaranya Ikaṅ hədap·, papisan ikaṅ tigaṅ viji, yatika sinaṅgaḥ tiga jñana ṅaranya I saṅ pandita, Adva ta rikeṅ bayu sabda hədap ar ha-
8v2na ri kita Anakku, mvaṅ an ikaṅ bayu sabda hədap byakta pinakahuripnikaṅ sarva tumuvuḥ mvaṅ sarva satva, Adva ta rika Anakku, taham tuhu pvaṅkulun·, yatika Ajñana jati tar ginavay-gavay liṅ mami,
8v3(11) ndi kari kita nvan aṅrəṅə: agavay bayu sabda hədap·, lena sakeṅ sahaṅga rupa kajñana juga ya, parəṅ mətu lavan sariranya, vruḥ kari kita Ar dadya tapəl lavan vaṅkəy, pagavayakna bayu sabda
8v4hədap·, yan apa Ika maṅkana, yan ta vənaṅ ya gavayan·, marapvan vruḥ mvalaḥ masabda mambəkan·, dadya nuṅ ya maṅkana, byaktanya tar kavənaṅ ya gavayan·, pinupuḥ Ikaṅ tapəl·, Avuk ikaṅ
[Folio 9r]
9r1vaṅkəy, nahan mataṅyan hana mati ṅarannya rikaṅ sarva janma, Iḥ tar hananiṅ agavay bayu sabda hədap kaliṅanya, hilaṅ sakeṅ sarira, vaṅkəy ta ṅarannya, yapvan turu hana paripuma Ikaṅ bayu sabda hədap rikaṅ sar-
9r2va janma, pva saka subada təguḥ sariranikaṅ sarva janma, ya ta mataṅyan hiṅ ikaṅ bayu sabda hədap juga visesa pinakahuripnikaṅ sarva janma, ṅuniveḥ Ikaṅ rat kabeḥ, ndan saṅ pandita juga sira meṅət
9r3an bayu sabda hədap pinakahurip ikaṅ rat kabeḥ, kunaṅ ika loka vulaṅun ya tar vruḥ I sinaṅgahnya jñana visesa, nihan upamana ri vulaṅun ika, kadyaṅganikaṁ ṅvaṅ ri desa, Apa dumeh-
9r4nya vulaṅun ri hananikaṅ alas an sukət·, ləbak·, gunuṁ, lvaḥ, tasik·, təgal malva, savuk rəma rəp pətaṅ kunaṅ ya ta dumehnya vulaṅun·, sinaṅgahnya tekaṁ ṅ aditya mətu kulvan sumurup vetan·, sakariṅ vulaṅu-
[Folio 9v]
9v1nya kaliṅanya, samaṅkana tekaṅ loka-lokan vulaṅun ri jñanavisesa deniṁ ṅ alas an sukət·, lvaḥ, tasik təgal malva, Apa kaharan alas, sukət·, lvaḥ, tasik·, təgal malva, nyaṅ aji kavya saṅkya
9v2prakarana, kalpa purananya ya viniscaya canda ganita, mvaṅ brata tapa samadi gəlar puja, nahan rikaṅ alas, sukət kasusupanya, kavilət taṅ ya kapasuk i pañjara, karakətan tar kavənaṅ masigva-
9v3i denika samaṅkana kabeḥ, Ikaṅ samaṅkana ya ta sinaṅgahnya jñanavisesa, tatan mulya vaknya huripnya tar visesa liṅnya; araḥ pijir kədə: misesakən madvaḥ, Apa ta karaḥ mulya vi-
9v4sesa ri saṅ pandita ṅuni, sədaṅniṅ kratayuga, Aji aksara tapvan vətu, patula tavur tan ginavayakən·, gəlar puja tan hinanakən·, tar vikalpa ri hyaṅ devata, sunya ta ya paramarta, tar vinisesakən·,
[Folio 10r]
10r1brata kavikun tar ninadikarakən·, tan inucap makabalaṅ svarga kalpasən·, kevalya mahardika juga, virati masiḥ sambega, numana ri rat·, vruḥ ri katuṅgalan iṅ hurip nira lavan ikaṅ rat kabeḥ, Ikiṅ ba-
10r2yu, sabda hədap ata ya visesa pinakahuripnikaṅ rat an hana vaneḥ, (12) vicikətsa valiṅ pva mulya Ikaṅ sinaṅgahnira jñana, bari-bari meman duga liṅ pva mevəḥ, yan kvaliṅanta Ikeṅ ba-
10r3yu sabda hədap·, hayva ta kita maṅkana, Apa kari hədap ta ri saṅ pandita, misesakna kapuṅguṅnira təka ri sira, Apa kapuṅguṅnikaṅ loka, svarga kahyaṅan kadevataan·, batara-batari, kamvaktən
10r4mvaṅ kalpasən·, yar visesakən maṅkana, rakva saṅ pandita, rahayva ri loka, Ar tan panaṅguha kita vicikətsa, viku hayan basmaran liṅan kami, kavruhniṅ rat pva kaṅ vinarahakən mami ri kita, ndya
[Folio 10v]
10v1kavruhnikaṅ lokaniṅ mami, yekiṅ bayu sabda hədap·, siaṅgaḥ tatahnya kəcəs, Apa Upamana Irika, kadyaṅganiṁ ṅvaṅ malapa saṅka rikaṁ ṅelan·, təka ta yeṅ vanva, sinuṅsuṅ ta yeṅ səkul·, tvak·, Ivak·, vvay ma-
10v2tis, pinaṅanya ta ya, təlas varəg aku, Atis trəpti manahnya, vəkasan ar panaṅguḥ ta ya vyakəcəs, valiṅ pva menak ar mamaṅan·, Aṅhiṅ varəg juga palanya, tan padvandon·, nahan liṅ-
10v3nya huvus varəg, Ikaṁ ṅvaṅ maṅkana, kadi ta ya vənaṅa tumiṅgalakən paṅan inum·, həlam miṅa həlam muvaḥ amaṅan ataḥ, paramartanikaṁ ṅvaṅ maṅkana, baṅga An hale pinaṅannya, maṅkana ta ki-
10v4ta sinaṅgaḥ Ikaṅ bayu sabda hədap vyakəcəs, Inakanikaṅ huṅkarakna ya təka ya, Apan bari-bari liṅ ta, pakahuripanta tekaṅ pustaka barali mvaṅ gəlar puja liṅga liṅir pəta pratima bimba, Apan ya jñana-
[Folio 11r]
11r1visesa liṅ ta, tatapən yaya pva kaṅ taṅ bayu sabda hədap an hana ri kita, tamolaḥ laṅgəṅ ya pinakahurip ta, paramartanta ndaḥ humile sariranta sumestava hurip ta juga kita, Atavana naṅguḥ vyakcis,
11r2irikeṅ bayu sabda hədap·, Ikeṅ panaṅgaḥ ta vyakcəs takarin sabda Ika, ndi ta kita timpalakna ya, nda kaṅ vava Ikaṅ bayu sabda hədap veḥ, Ikvaṅ hana pinakesiniṅ sariranta, mvaṅ duvə-
11r3g pinakahurip ta, Atəda set ika, Apanaṅhiṅ ikaṅ bayu sabda hədap juga tuhu-tuhu hana pinakahuripnikaṅ sarat·, ṅuni lavan maṅke, dlaha tovi veḥ Ikaṅ bayu sabda hədap təka hurip
11r4nika, tan hana vaneḥ vənaṅa huripanikaṅ sarva janma, lena sakeṅ bayu sabda hədap juga pramana pinakajivaniṅ sarat·, Apan ya tuhu-tuhu, tan alaḥ deniṅ lavas, tan pavuk·, tan brana
[Folio 11v]
11v1deniṅ tis, tan pəgat deniṅ kadga, tar gəsəṅ deniṅ apuy, Apa ya mulaniṅ pati huripnikaṅ sarat·, ya mulya vitniṅ mulya visesa, vitniṅ bisa sakti lavan kinatakutan·, Apa byaktanya ya vitniṅ mulya
11v2nyaṅ drabya mas manik·, hulun sapivənaṅ-vənaṅ tuhu ika kabeḥ mulya, ndan ri kalanya hana Ikaṅ bayu sabda hədap i sariranya ya, hilaṅan ikaṅ bayu sabda hədap sakeṅ sariranya mne, A-
11v3pataḥ mulya kari kaṅ drəbya ta kabeḥ, tar mulya pvaṅkulun asiṁ ṅvaṅ maṅalap·, nihan taṅ prasida mulya sakeṅ mas manik·, Anak ta mvaṅ rabinta, tan aṅga piki, tan pədəkin gamələn rabinta
11v4deniṅ laki-laki len·, ndan ri kalanya hana Ikaṅ bayu sabda hədap i sariranya ya, hilaṅa Ikaṅ bayu sabda hədap sakeṅ sariranya mne, ndatan mulya piḥ asiṁ ṅvaṅ magaməl·, tinimpalakən
[Folio 12r]
12r1rasmi, pinarəbutakən deniṅ gagak mvaṅ asuviku, nihan ta vakta vəkasniṅ mulya visesa təmən·, yekiṅ iniṅu inut pandita, pinametakən pinaṅan inum sinadaṅ mvaṅ rabinya, sakveḥ Iṅ sadrasa, hiṅanniṅ kina-
12r2hanakna kaliṅanya, ndan ri kalanya hana bayu sabda hədap i sariranta ya, hilaṅa Ikaṅ bayu sabda hədap sakeṅ sariranya mne, Apa taḥ tar mulya, tinimpalakən vaṅkəy ta
12r3ṅaranya, drava mavuk syuḥ tar pahaməṅan sariranta, nihan taṅ vatək adras bisa sakti vuvusanta, nyaṅ kuda, liman·, kəbo, sapi, siṅha, barvaṁ, moṅ ula magəṅ prasida Ikaṅ madras bisa sakti kabeḥ, ndan
12r4ri kalanya hana Ikaṅ bayu sabda hədap i sariranya ya, hilaṅa Ikaṅ bayu sabda hədap·, sakeṅ sariranya mne, tar bisa, tar sakti, sinəmpal dinagiṅ-dagiṅ ya kabeḥ, nihan taṅ manuk prasida magəlis, vənaṅ
[Folio 12v]
12v1mərmibər malaṅkaḥ Iṅ gunuṅ lavan tasik·, ndan ri kalanya hana Ikaṅ bayu sabda hədap·, I sariranya ya, hilaṅa Ikaṅ bayu sabda hədap sakeṅ sariranya mne, tar vənaṅ mərmibər maṅgulaṅ-guliṅ ri ləmaḥ, nihan ta va-
12v2neḥ, Apa dumeḥ kita hyunan ri rara lavan hulanjar, ri hananikaṅ bayu sabda hədap ati ya, hilaṅa Ikaṅ bayu sabda hədap sakeṅ sariranya mne, Apa taḥ ahyun kari kiteri ya?
12v3taha Avədi arəs ṅvaṅ denya, tovi mariris ṅo ri bvanya, ndaḥ ri vruhhanta ri visesanikaṅ bayu sabda hədap·, Ar ya vvitniṅ mulya lavan kinaharəpan·, mvaṅ ar ya vitniṅ bisa lavan sakti,
12v4(13) nihan ta vaneḥ deyanta vihikan ri visesanikaṅ bayu sabda hədap·, yar sunyata ya paramarta visesa de saṅ viku vaneḥ, maka paləpas taṅ si puṅguṅ ulug-ugulun para biṅuṁ, ləṅə:
[Folio 13r]
13r1ləṅə: ləjñəp·, maka putus rasaniṅ aturu tan paṅipi, she arnikaṅ kuṅ trasni vətu ṁ, tapakan tutul mala Isiniṅ limas-kumurəb, taṅ vəluniṅ puṅlu, valakaṅniṅ hantəlu, vrədiniṅ bayu, Ica byavasaniṅ hurip ika, (14) yapvan ikeṅ aji mantra barali pratisara de saṅ viku vaneḥ,
13r2maka paləpas taṅ bajra huṅkara padkara, vrədiniṅ sabda Ica byavasayaniṅ vuvus ika, kaliṅanya tar vənaṅ vi ṅaji maca vaknya, mantra vedasanti mantrakən avaknya, Apa pramana Irika, sabda juga
13r3tar hana vaneḥ, Apan riñciniṅ vuvus ta varnaniṅ sabda Ikaṁ ṅaji mantra vedasanti ṅaranya, (15) yapvan ikeṅ batara batari, sivaḥ buda visesa de saṅ viku vaneḥ, makaləpas taṅ yuga samadi, sa-
13r4ləmbana nira ləmbana, vrediniṅ hədap ica byavasayaniṅ aṅən-aṅən ika, kaliṅanya hədap inaṅkar hyaṅ devata, cinta ṅ inadakara batara batari, sivaḥ buda Ika, Apan ri hədapnya hana batara, ri
[Folio 13v]
13v1hədapnya tan hana batari, savikalpa manon hədap ika, savikalpa hədapniṅ vikalpa hədap·, hədap kevala Ika kabeḥ, vikalpa manadakara saṅsaya pravala, (16) samaṅkana juga karika
13v2de saṅ pandita meṅət ri visesanikaṅ bayu sabda hədap rikeṅ buvana lavan i rikeṅ sarva janma, Is taham piḥ anipis ta ṅaran ika, yaya denikaṅ mapuṅguḥ maṅavəruhi ta ṅaran ika, Apan
13v3pada vəruḥ pvakaṅ sarat ar bayu sabda hədap pinakesiniṅ sariranya, mvaṅ pinakahuripnya, ndan abasmina ta dik ti yar vəruḥ, vəruḥ vulaṅun tan neṅət ri mulyanya, Apan hana batara batari siva
13v4ḥ buda, pinetnya, visesanya, liṅnya, tatan maṅkana saṅ pandita na vəruḥ, vəruḥ ṅ aṅiṅət inəkət sira ri kitarnya ri buvana, lavan ri sarva janma, Apa ta de saṅ pandita meṅət ri drabyanira, nihan arhiṅ təlu praka-
[Folio 14r]
14r1ranya, hana seṅnya, hanya Imanya, hana Ivəhnya, seṅnya ṅaranya Ajñana, Imanya ṅaranya bayu, sabda, hədap·, Ivəhnya ṅaranya katuduhanya, kavivekanya, katəmunya, pramananya, vibuhnya, tuṅgəṅ-
14r2nya, yavat pvakaṁ ṅvaṅ vəruḥ Irika, tavat sira pandita ṅaranira, (17) nyaṅ bayu varnana ta, Ivəhnya rumuhun keṅətakənta ri kimanya hayva himəṁ, ta tuduhaniṅ bayu ṅara-
14r3nya, sri ṅaran dasanama pariyaya, tuṅgal ikaṅ bayu an akveḥ ṅarannya, Iva kadyaṅganikaṅ vidyasari an makveḥ ṅarannya ya vidyasari, ya haṅya-haṅya, ya payana, ya vadu-vadul·, vidyasari
14r4katuṅgalanya, Iva maṅkana tekaṅ bayu, An makveḥ ṅarannya, hayva ta kita kepvan·, ya bayu, ya Usvasa, ya Ambəkan·, ya nyava, ya hurip·, ya jiva, ya deva-masiḥ, ya purusa, ya pañca-ba-
[Folio 14v]
14v1yu, ya prana, ya Apana, ya samana, ya Udana, ya byana, ya Aṅin·, ya rivut·, ya pavana, ya maruta, ya seduṁ, ya halisus, ya halivavar, ya bayubuta, ya vagyut·, ya prahara[na]kala, ya bayulaṅgəṁ,
14v2ya vindunada, ya vindupəpət·, ya vindurahasya, Indra piṅgala, susu məna, sunyata ya paramarta, kaparamarta, jñananta paramarta, Akasa paramarta, ya Aturu tan paṅipi, katəmu rasaniṅ si lupa
14v3tar hana ṅ inivəhnya, moksaḥ ləpas, nahan taṅ kveḥ ṅaran ikaṅ bayu, kabeḥ haya vuvusən ṅarannya, hinəta bayu katuṅgalanya, Usvasa, Ambəkan ṅaran ika, mvaṅ ri janma mvaṁ,hana pva
14v4ya riṅ abyantara, bayu laṅgəṅ ta ṅarannya, Umirir pva ya Aṅin ta ṅarannya, Adras pva ya rivut ta ṅarannya, Anikəlakən pva ya hayuseduṅ ta ṅaranya, Umidər pva ya mupus ləbu, haliyusus ta ṅaranya, Adulur pva ya
[Folio 15r]
15r1hudan·, vagyut ta ṅarannya, Adras pva ya Aduhur ryak hiṅ tasik·, Ampuhan ta ṅaranya, Anub pva ya ser maruta ṅarannya, miriakən pva ya ganda pavana ta ṅaranya, masuk mətu pva yeṅ sarira Ambəkanta ṅaran
15r2nya hurip jiva deva masiḥ ṅarannya, yan tan molaḥ tumuṅgu sariranta, visesa pva hurip purusa ta ṅaranya, kapolaḥ pva yeṅ sarira vindu pəpət ṅarannya, murtum bayu saṅ krəti ṅarannya vaneḥ, vindunada
15r3ṅaranya, A tri aksara, Uhuḥ sanyu pva ya sakakala, hə:b-hə:b ta ṅarannya, vindurahasya ṅarannya, mavak·, masarira taṅ bayu, Idəra ṅarannya, digəlarniṅ hurip pralina sumiksa sarira ṅarannya,piṅ-
15r4gala ta ṅarannya vantahnya ri paramarta ta ya, valik huripniṅ maturu, suba-suba kadi ta ya kunaṅ-kunaṁ, susumna ṅarannya, Ivəḥ saṅ anəmu ya, puñcak pagantuṅan iṅ hurip·, vəlu tuṅkəbniṁ ṅakasa, pakəmpə
[Folio 15v]
15v1lniṅ paramanuḥ, hana kadi səkarniṅ sasavi, hana kadi seratniṅ vaja tinunu, pakambaṅan iṅ bidanaga, hana sukla pita kadi kəmbaṅniṅ aṅsana, gumilap umibək kadi kunaṅ-kunaṁ, nahan rahasyaniṅ hurip ṅarannya, I-
15v2ka taṅ bayu samaṅkana kvehnya, dudva Ata rakva Ika, taham piḥ bayu hurip katuṅgalan ika kabeḥ, katuduhan iṅ bayu ṅaran ika, (18) kavivekaniṅ bayu ṅarannya, yan pahiṅan ikaṅ lvar,
15v3kidul·, kulvan·, vetan·, I svar ri ruhur, Ahiṅan ikaṅ bayu yan maṅkana, kunaṅ apan tar pahiṅan ikaṅ lvar, kidul·, kulvan·, vetan·, I svar ri ruhur, tar pahiṅan ikaṅ bayu yan maṅkana, Apanikaṅ bayu
15v4sumusup riṅ akasa, bayu sumusup ri prativi, bayu sumusup ri lvaḥ tasik·, ṅuniveḥ ri sarva tumuvuḥ ri sarva satva, Ahyaṅ tar pahyaṅ kapva juge katərus deniṅ bayu sumusup iriya, makadi te
[Folio 16r]
16r1kaṁ ṅabyantara ṅ avaṅ-avaṁ, bayu pinakatyasnya, Apa byakta habət ri ṅiri ikaṁ ṅ abyantara vaṅavaṁ, bat-bat·, Akəndəl mara ya, Atis ikaṅ səkul ri huyan denta, tatan dindinaḥ maṅkana tekaṁ,
16r2ndan nahan byaktanikaṅ bayu an hibək ikaṅ buvana denya, kavivekanikaṅ bayu ṅaran ika, (19) katəmuniṅ bayu ṅarannya, siṅ kasparsa, karasa, kasparsa ṅarannya katubnya Avak ta deniṅ aṅin nuṅ mi
16r3ra, mvaṅ kvasan kasparsa kaharas, kaprasa ṅarannya pasuk vətunikaṅ bayu ra ruṅ ta, kambuṅniṅ mabva lavan mavaṅi, karasa ṅarannya Akəndəl iṅ haṅin·, kagaməl kasapnya ləmbutnya, kapaṅan·, kenum
16r4ṅenaknya lavan tar nenaknya, makadi kahədapniṅ panas tis, lapar varəg, ya ta karasa ṅarannya, katəmuniṅ bayu ṅarannya Ika, (20) pramananiṅ bayu ṅarannya, Una mana pravesa nəm yar hana bayu masuk mətu ri ruṅ
[Folio 16v]
16v1ta si hurip ṅarannya,hilaṅ pva bayu sakeṅ sarira,sipati ṅarannya, vəkasannya vaṅkəy ta ṅaran ikeṁ ṅ avak·, pramananiṅ bayu ṅarannya, vibuhniṅ bayu, bayu juga pinakahuripnikaṅ sarat·,
16v2tan hana katunan pati lavan huripnikaṅ sarva janma, vibuhniṅ bayu ṅaran ika, (21) tuṅgəṅniṅ bayu ṅarannya, Adəlitan kavənaṅ tinambəhan·, Agəṅ tar kavənaṅ linvaṅan·, haneṅ buvana lavan liman·,
16v3haneṅ prativi lavan təṅu, tar lva, tar humpəṅ duvəg juga ya,tuṅgəṅniṅ bayu ṅaran ika, nahan deyantaniṅ vəruḥ ri kahuvusannikaṅ bayu keṅətakna, (22) samaṅkana kojariniṅ sabda nama taḥ beda
16v4nya, katuduhanniṅ sabda ṅarannya, siṅ aran dasanamapariyaya, tuṅgal ikaṅ sabda, ndan pariñciniṁ, ṅarannya Akveḥ, kadyaṅganiṅ vuyaḥ an makveḥ, ṅarannya ya vuyaḥ, ya garəm·, ya pirə:, ya lavana, ya səndava, ya
[Folio 17r]
17r1sasadvara, vuyaḥ katuṅgalan ika, Iva maṅkana tekaṅ sabda Akveḥ ṅarannya, hayva ta kita kepvan·, ya sabda, ya vuvus, ya vacya, ya Ujar, ya kara, ya Uni, ya liṁ, ya kpara, ya sada, ya gəntər, ya patər, ya kətug,
17r2ya kisik·, ya nada, ya pradvani, ya rava, ya gita, ya Akasa, ya lilaṁ, ya həniṁ, ya niravarana, ya nirasraya, ya laṅit·, la ləṅit·, ya nilakəliṁ, ya mahanila, ya Anta, ya tan pahiṅan·, ya vindu, ya ta-
17r3ya, ya hana, taya Ikaṅ sabda ya ta həniṁ, hana yan inucapakən·, mataṅyan taya hana ṅarannya, vaneḥ həntə: sabda katuṅgalan ika, Ujar vuvus ṅaran ikiṅ sabda yan haneṅ janma vvaṁ, hana pva yeṅ sarvva satva Uni ta
17r4ṅarannya, hana pva ya ri gunuṅ guntur ta ṅarannya,hapa pva ya riṅ akasa gəlap gərəḥ gəntər ta ṅarannya, hana pva ya ri tasik patər ampuhan ta ṅarannya, hana pva ya ri kayu gərit ta ṅarannya, sabda sidda ya tinabəḥ kvani ṅarannya,
[Folio 17v]
17v1sabda sidda vaneḥ dilahniṅ apuy ya jala pravaha hiliniṅ vaḥ gunuṅ guntur ṅarannya, tibaniṅ kayu pinəraṅraṅ hudan adras kətug ṅarannya, tibaniṅ handaru, sigvalniṅ vakul kumurəb mvaṅ pinalu, valakaṅniṅ
17v2pinrap kisikniṁ ṅarannya, ron tinubniṅ aṅin·, siratniṅ jaladi cañcala, kisikniṅ saṅa-saṅan·, pagasahniṅ simbar, pradvani ṅarannya, pasamvahaniṅ vvaṅ akveḥ yan asakən-sakən·, ravuḥ ṅarannya, samvaha pahyun iṅ
17v3balamantri, gita ṅarannya, kiduṅ kanda carita, nahan akveḥ ṅarani sabda, Ikaṅ taṅ sabda samaṅkana kvehnya, sabda juga simpənnika kabeḥ, taṅeḥ yar vuvusən·, katuduhan iṅ sa
17v4bda ṅaran ika, (23) kavivekaniṅ sabda ṅarannya, kadyaṅganiṅ bayu an hibəki ikaṅ buvana, lavan sarva janma, maṅkana tekiṅ sabda An hibəki ikaṅ buvana lavan sarva janma, Apan byaktanya tabəḥ Ikaṅ lə-
[Folio 18r]
18r1maḥ kayu vvay, ṅuniveḥ hikaṅ kəndaṅ gəndiṁ, pada muni mara ya, nihan taṅ abyantara Avaṅ-avaṁ, habəti ri hada saviji, bat-bat təka ndi-ndi naḥ muni juga ka, nahan byaktanikaṅ sabda An hibəki ikaṅ bu
18r2vana lavan sarva janma, kavivekaniṅ sabda ṅaran ika, (24) katəmuniṅ sabda ṅaranya, tuṅgal ika Apan siṅ karəṅə: juga, Apa siṅ karəṅə: kapva sabda ṅaran ika, Aum·, mvaṅ kisikniṅ rondonan·, kətəb
18r3niṅ sukuniṅ lumaku, kagulan təmbaṅniṅ sabdanikaṅ kəndaṅ gəndiṅ tinabəḥ, sabdanika kabeḥ juga karəṅə:, Apan karəṅə: kəndaṅ gəndiṅ ləmaḥ kayu satva ṅuniveḥ vvaṁ, sabdanika kabeḥ ataḥ karə
18r4ṅə:, mataṅyan siṅ karəṅə: katəmuniṅ sabda katəpətan iṅ vuvus, (25) pramananiṅ sabda ṅaranya, pinakapaṅaranan ta rikaṅ buvana mvaṅ sarva janma, pinakapaṅaranan ta ri ṅ aksara svara vyañjana, pinakapaṅaranan ta sa
[Folio 18v]
18v1kvehnikaṁ ṅaji mantra vedasanti, pinakapaṅaranan ta ri sakaton sakarəṅə:, sakarasa sakasparsa, pamastu ta ri hana tan hana, lavan sakala niskala, kapva Ikaṅ matuṅgalan ṅaran ika kabeḥ denikaṅ lo
18v2ka, ndan ri hananikaṅ sabda Irikaṅ rat·, ndi kita ya tan hana sabda Irikaṅ rat·, Umulat taya miṅə-miṅəl maṅiṅə-iṅəl ikaṅ sabuvana, pada humənəṅ kadi maratən yar maṅkana, tan pavastu
18v3tan paṅarani ya tanikaṅ rat·, kunaṅ ri hananikaṅ sabda rikaṅ loka, nahan mataṅyan pada vijaḥ maṅarani, matuṅgalan tekanaṅ rat kabeḥ ṅarannya vəkasan·, pramananiṅ sabda tekaṅ pamastu
18v4paṅaranan·, vibuhniṅ sabda ṅarannya, tan hana katunan sabda rikaṅ rat·, ndan makasabda sabdanya jatinika, vibuhniṅ sabda ṅaran ika, (26) tuṅgəṅniṅ sabda ṅarannya Adəlitan kavənaṅ tinambəhan·, Agəṅ tar
[Folio 19r]
19r1kavənaṅ linvaṅan·, haneṅ buvana mvaṅ liman·, haneṅ prativi lavan təṅu, tar luga tar humpaṅ duvəg juga ya, tuṅgəṅniṅ sabda ṅaran ika, nahan ta vuvusan iṅ sabda ṅarannya, (27) maṅkana teki hədap·, nama ta-
19r2ḥ pinakevəḥ niki, katuduhan iṅ hədap ṅarannya, si ṅaran dasanamapariyaya, tuṅgal ikaṅ hədap ṅarannya ya makveḥ, kadyaṅganiṅ səkul an makveḥ, ṅarannya ya səkul·, ya me, ya beksa, ya na
19r3si, ya kijo, ya pranik·, ya campagi, ya mandur, ya gərul·, səkul katuṅgalan ika, Iva maṅkana tekaṅ hədap an makveḥ ṅarannya, hayva ta kita kepvan·, ya hədap·, ya Aṅən-aṅən·, ya kira-
4 kira, ya Upaya, ya cinta, ya budi, ya manaḥ, ya ksitan·, ya viksatan·, ya pratijña, ya ekagraha, ya viroda, ya vitarka, ya Ananta, ya smita, ya Indriya, ya Anendriya, ya Atma, ya
[Folio 19v]
19v1paratma, ya dikatma, ya sukmatma, ya jñana, ya vijñana, ya kavijñanan·, ya jñanendriya, ya malit·, ya Anendriya, ya manonvijñana, ya Astaguna, ya Animan·, ya mahiman·, ya Ahiman·, ya lagiman·, ya prapti, ya prakamyaka, ya vasitva,
19v2ya Isitva, ya vijña tabya mumuksuhna, mumuksuḥ Ikaṅ saṅ pandita, vijña tabyam an kavəruhi tekaṅ jñananira, jñananira, ndya kinavəruhanira, Ikaṅ bayu sabda hədap·, nahan kveḥ ṅaran ikaṅ
19v3hədap i saṅ viku, (28) manaḥ ṅarannya, sədaṅ manadakara rupa vastu luṅha təka pva ya cinta ṅarannya, kupa pva ya budi ta ṅarannya, Aṅən-aṅən pva ya mamiveki, praya Upaya kira-kira ta ṅarannya, prjanya vicitran
19v4pva ya paṅavəruḥ ta ṅarannya, Agalak pva ya kroda həṅkara ta ṅarannya, Ahyun pva ya raga ta ṅarannya, katon pva ya mavak ri paṅipyan atma ta ṅarannya, kepi pva ṅvaṅ len denta ri paṅipyan paratma ta ṅarannya, di
[Folio 20r]
20r1katma Apupul taṅ atma, nahan ta kveḥ ṅaran ikaṅ hədap·, taṅeḥ yan vuvusən·, kintu hədap katuṅgalannya hayva Iməṁ, katuduhan iṅ hədap ṅaran ika, (29) kavivekaniṅ hədap ṅarannya, pinakapaṅhiṅhiṅnikaṅ loka
20r2lvar, kidul·, kulvan·, vetan·, I svar, ri ruhur, An pahiṅanikaṅ ri hədapnya, tar pahiṅanikaṅ hədap·, kavivekaniṅ hədap ṅaran ika, (30) katəmuniṅ hədap ṅarannya, pinakapanon vijilnya ri mata,
20r3pinakapaṅrəṅə: vijilnya ri taliṅa, pinakapaṅambuṅ vijilnya ri ṅ ruṁ, pinakapaṅrasa vijilnya ri lidaḥ, pinakapaṅasparsa vijilnya ri kulit·, pinakapaṅuha pamikalpa panada-
20r4 kara rupa vastu vijilnya ri buvana, nahan katəmuniṅ hədap ṅarannya, (31) pramananiṅ hədap ṅarannya, yeki pinakavak ta ri paṅipyan·, pinakasariranikaṅ rat kabeḥ ri svapna laksana, sida ya katon mavak masa-
[Folio 20v]
20v1 rira ri svapna laksana denya, mvaṅ dinadakara hyaṅ devata denya, Inarakənanya batara-batari, ya pahana-hana ya paṅhilaṁ, pramananiṅ hədap ṅaran ika, vibuhniṅ hədap ṅarannya, tan hana katunan
20v2 hədap ikaṅ rat kabeḥ mvaṅ sarva janma sarva satva, kapva ta kahanan hədap ika kabeḥ, vibuḥ ni(ṅ) hədap ṅaran ika, (32) tuṅgəṅniṅ hədap ṅarannya, Adəlit tar kavənaṅ tinambəhan·, Agəṅ tan kavənaṅ linvaṅan·,
20v3 haneṅ buvana ri liman·, haneṅ prətivi ri təṅu, tar luga tar humpə duvəg juga ya, tuṅgəṅniṅ hədap ṅaran ika, nahan kavivastunikaṅ bayu sabda hədap liṅ saṅ pandita, (33) ndaḥ yeka pinake-
20v4 vəhnikaṅ bayu sabda hədap liṅ saṅ pandita, byakta maṅke juga tan iha tar dəlaha, vartamana An hibəki ikaṅ buvana lavan sarva janma, tar rakva-rakva Ikihən·, rakva karikeṅ bayu sabda hədap an
[Folio 21r]
21r1 hana ri sariranta,ya pinakahurip ta, taham tuhu pvaṅkulun·, ndaḥ teṅət-iṅət ta kirnanya ri rat·, kadyaṅganikaṅ pañcabayu vinuvus seva svagata katika, lima ta rakvak veha
21r2 niṅ bayu ṅarannya, taha tuṅgal ikaṅ bayu, havananya vijil ri sarira Ata ya lima, ndya lvirnya nihan·, prana ṅaran ikaṅ bayu yan mijil saṅka ri muka, Apana ṅaran ikaṅ bayu yan mijil saṅka
21r3 ri lə:t lavan pəlat·, samana ṅarannya yan mijil ri hati, byana ṅrannya yan mijil ri puhunvulu, Udana ṅarannya yar mijil ri vunvunan·, nahan lvirnya lima kavijilnya ri sarira, mataṅyan si-
21r4 naṅguḥ pañcabayu de saṅ viku vaneḥ, kintu tuṅgal ikaṅ bayu ṅarannya, (34) maṅkana tekaṅ sabda An pakaṅaran akasa ri bvat aji tan kaprakarana, ndya lvirnya nihan·, pratyaksa numana pama-
[Folio 21v]
21v1 non pramananiṅ sabda Iki pramana ṅkana, Ata savak sabda guna krata katon·, Apa sinaṅgaḥ akasa ṅarannya, Ikaṅ sabda, sumahur rikaṅ mapuṅguṁ, nahan ta karikaṅ sabda haneṅ ruhur, yanikaṁ ṅ akasa sinaṅgah-
21v2 nya sabda, Apa mataṅyannya Akasa ṅaran ikaṅ sabda haneṅ ruhur, Apan laṅit ṅaran ika, apa mataṅyan laṅit ṅaran ika, laṅit ləṅit tan hana kaliṅanya, Aparan pva kaṅ dadi hiṅaniṅ laṅi-
21v3 t ahirəṅ lvirnya katon denta ya təṅha, avya jñanendrya ṅaran ika, hədap sagraha pinakapanon·, mataṅyan pətəṅ ahirəṅ lvirnya, Apa paṅgahnan ta Irika, vulat i lvar, kidul·, ku-
21v4 lvan·, vetan·, takarin kadi təpinikaṅl aṅit lvirnya ləṅit·, lvirnya, Ahirəṅ anila-nila katonnya saka ṅke, vetniṅ dohnya kaliṅanya, yadyapin paranaṅ parahvanan layarana mamaṅke
[Folio 22r]
22r1 juga Ika, maṅkana tekaṁ ṅi ruhur, laṅit ləṅit tar hana kaliṅanya, mataṅyan ahirəṅ lvirnya, katonanya matyana kapənyəkapihantəb tekiṁ ṅvaṅ sabuvana, ya tan hana prətivi, buvana, svarga
22r2 i ruhur ta, nahan paṅguhnanta mataṅyan laṅit ləṅit ṅaran ika, Apa pva mataṅyan·, Akasa ṅaran ikaṅ sabda, akasa svabava pinavavakna tan katon tar kagaməl·, tuhun hirəṅ ka-
22r3 rəṅə: kasaṅguhannya hədap·, nahan mataṅyan akasa ṅaran ikaṅ sabda ri bvat aji, (35) maṅkana tekaṅ pañcendriya vinuvus saṅ seva svagata, lima ta rakva kvehan iṁ ṅ indriya, taha tuṅga-
22r4 l ikaṁ ṅ indriya, Apa kariḥ sinaṅgaḥ Indriya ṅarannya, Ikaṅ hədap·, lima ta rakva kvehanniṅ hədap·, taha tuṅgal ikaṅ hədap·, kavijilannya ri sarira Ata ya lima, ndya lvirnya nihan·, svatahnindriya
[Folio 22v]
22v1ṅaran ikaṅ hədap yan mijil ri taliṅa pinakapaṅrəṅə: sabda, granendriya ṅarannya, yan mijil ri ṅ iruṅ pinakapaṅambuṅ ganda, jihvendriya ṅarannya, n vijil ri lidaḥ pinakapaṅrasa ri sadrasa, təvəkindriya ṅarannya, n vijil ri ku-
22v2lit pinakapaṅasparsa panas tis, cakvindriya ṅarannya, vijil ri mata pinakapanonira rupavan·, nahan lvimya kavijilan ikaṅ hədap lima rikeṅ sarira, mataṅyan sinaṅguḥ pañce-
22v3ndriya de saṅ seva svagata, ndan ikaṅ hədap an padvara lima sakeṅ sarira, Atətəg ya ri visayaniṅ rovaṅnya, byaktanya tar vənaṅ teṅ hədap pinakapanon yar vijil ri taliṅa, Apan paṅrə-
22v4ṅə: sabda pakənan ika, tar vənaṅ taṅ hədap pinakapaṅambuṅ ganda yar vijil ri lidaḥ, Apan pinakapaṅrase sadrasa pakənan ika, tar vənaṅ taṅ hədap pinakapaṅrəṅə: yar vijil ri kulit·, Apan paṅasparsa paṅhədap panas tis
[Folio 23r]
23r1pakənan kita, taṅeḥ yar vuvuvsən·, Apan kaliṅanya, atətəg juga kahədapi ri visayanya Ar pakadvara lima Aviji rikeṅ sarira, Apa pada nyaṅ bayu mətu mahavan ri tutuk·, tar vənaṅ taṅ bayu panuhun saṅka kala
23r2yar mətu mahavan ri ṅ iruṁ, Apan paṅambuṅ ganda pakənan kita, yar mətu mahavan ri tutuk·, Ikaṅ bayu an pakaṅaran hab-hab, ṅarannya, vənaṅ ya panuhun saṅka kala Apan maṅkana pakənan ika, ndan ikaṅ bayu mətu
23r3mahavan ri tutuk mvaṅ ri ruṅ ta, tuṅgal ika kunaṅ apan atətəg ya ri visayanya, Apan dvaranya ya malen-lenakənya, maṅkana tekaṅ hədap an pada tətəg ya ri visayanya,
23r4 tar vənaṅ makavisayaniṅ rovaṅnya, Apan dvaranya ya malen-lenakənnya, Ikaṅ hədap makadvara lima rikeṅ sarira, tuṅgal·, nahan mataṅyan sinaṅguḥ pañcendriya de saṅ seva svagata, kunaṅ ri saṅ meṅət tu-
[Folio 23v]
23v1ṅgal ikaṁ ṅ indriya ṅarannya, tuhun kavijilannya ri sarira Ata ya lima viji, kaliṅannya Ikaṅ bayu sabda hədap ya vvitniṁ ṅ aji lavan sastra, lvanya kənyar ya cinəṅil·, tuṅgalnya simpənnya ya tinakva-
23v2n de saṅ pravadika siṅhavadi, (36) nahan deyanta meṅət ya tanikaṅ dasanamapariyaya, paramarta ṅarannya, pasukniṅ bayu rikeṁ ṅavak·, kaparamarta ṅarannya, vijilniṅ bayu rikeṁ ṅava-
23v3k·, jñanantara paramarta ṅarannya, Antaraniṅ masuk lavan mətu, Aparamarta ṅarannya, Ikaṅ haneṁ ṅ abyantara, Apa pinakavaknya sivaḥ, apa pinakavarnanya paramanuḥ, apa pinakalilaṅnya A-
23v4kasa, apa pinakatundu kasipatanya Ikaṅ bayu tan umirir, Ikaṅ umirir aṅin ṅaran ika, Ikaṅ rivut bayubuta ṅaran ika, Ikaṅ seduṅ bayupapa ṅaran ika, hana ta laṅgəṅ tan umirir, Ikaṅ pinakatyas
[Folio 24r]
24r1nikaṅ sunyataya, ə:siniṅ limas-kumurəb, tapakniṅ kuntul maṅlayaṁ, hənəṁ ṅ ivak ri tasik·, Ika pinakavalakaṅniṅ hantəlu, vəluniṅ aṅlu, tyəsniṅ pətuṁ, ya ta sinaṅguha paramarta
24r2ṅarannya, Akasa paramarta kumva pva ri ruṅnira, ya ta məsat məgil riṅ abyantara, ya ta sinaṅguḥ akasa paramarta, ṅarannya, ya sinaṅguḥ li-
24r3na ṅarannya, Umapa lvirniṅ lina ṅarannya, tar palvir, mapa rupanya tar parupa, apa laksananya tar palaksana, apa hədapnya tar pahədap·, iḥ umapəki takariḥ, Iṅət-iṅət rasaniṅ aturu tar paṅipi; i-
24r4ṅət-iṅət rasaniṅ aturu tar paṅipi, katəmu rasaniṅ si lupa; pinəḥ pva rasaniṅ si lupa, katəmu ta rasaniṅ vvara hinədapnya, tan suka tan duka, tan grahya tan grahaka, pinəḥ rasanika katəmu taṅ rasa sakəda-
[Folio 24v]
24v1p·, sakədep·, ṅarannya, ñəp ikaṅ taṅ ñəp ṅarannya, tatan kinavəruhan lavasnya, saṅkanya, parannya, mvaṅ ləpasnya, pinəḥ rasanika katəmu taṅ moksaḥ, Ikaṅ taṅ moksaḥ, ṅarannya, tatan kinavəruhan leknya, tu-
24v2hunya, təkapnya, pinəḥ rasanika katəmu taṅ ləpas, nahan lvirniṅ varaḥ de hinilaṁ, kevalya pamupug ataḥ katəmu taṅ kevalya ṅarannya, sasvami kavaḥ paramaḥ, tan hana mavak·, tan hana
24v3pinakavak·, tan hana tut·, tan hana tinutan·, ya ta sinaṅgaḥ parama kevalya, ṅarannya, samipa ta saṅ hyaṅ atma lavan saṅ hyaṅ sivaḥ, (37) animan ṅarannya Alit·, A-
24v4himan ṅarannya Agəṁ, mahiman ṅarannya Advaḥ, lagiman ṅarannya segraḥ, prapti ṅarannya təka, prakmya ṅarannya magavay, Isitva ṅarannya basa, vasitva ṅarannya maṅaku, nahan na Artaniṅ astaguna kavəru-
[Folio 25r]
25r1hana ṅ saṅ sevaka darma, (38) jñana ṅarannya Ambək tuṅgaṅ ahəniṅ alilaṁ,vijñana ṅarannya Ambək branta magələḥ, kavijñanan ṅarannya Ambək təka yar kroda, mamrərəp mamati, nahan artaniṅ jñana kavijñana-
25r2n ṅarannya, kayatnakna, (39) ksitan ṅarannya cinta makambaṅan·, viksitan ṅarannya cinta valu-valuy, pratajña ṅarannya cinta vuruṁ, kagraha ṅarannya jñana tuṅgaṁ, nirvada ṅarannya jña-
25r3na kahərət·, vitarka ṅarannya manaḥ tar katut·, ra Ananta ṅarannya manaḥ tar harsa, asmita ṅarannya manaḥ tar lələḥ, (40) anendriya ṅarannya tar katon taṅ panon·, manon vi-
25r4jñana ṅarannya panon ta ri madvaḥ ri buvana ləmbana, jñanendriya ṅarannya panon ta ri maparək maṅke pratyaksa [ṅarannya], nahan artaniṅ pariyayaniṅ na kavəruhanta, (41) ganalniṅ bayu ṅarannya siṅ kasparsa, kavənaṅ pi-
[Folio 25v]
25v1nasukikən vinijilakən pinəgəṅ ri ruṅ ta kətaṅ bayu ṅarannya, tar pavak tar parupa tar pavarna, tar kagaməl tar kasikəp·, suksmaniṅ bayu ṅarannya tar katon·, Adyatmakaniṅ bayu ṅarannya trusi ikaṁ ṅ a-
25v2dvaha parək deniṅ bayu, ganalniṅ sabda ṅarannya siṅ karəṅə:, kavənaṅ vinijilakən·, kavənaṅ pinəgəṁ, litniṅ sabda ṅarannya tar pavak tar parupa tar pavarna, tar kagaməl tar kasikəp·, suksmaniṅ sabda ṅarannya tan ka-
25v3ton·, Adyatmakaniṅ sabda ṅarannya trus ikaṅ magəṁ ṅadəmit deniṅ sabda, tan hana katunan sabda, ganalniṅ hədap ṅarannya pinakapanon pinakapaṅrəṅə:, pinakapaṅambuṅ pinakapaṅasparsa pina-
25v4ka paṅhədap·, litniṅ hədap ṅarannya tar pavak tar parupa tar pavarna, tar kagaməl tar kasikəp·, suksmaniṅ hədap ṅarannya tar kevəhan saparanya, trus ikaṅ dunuṅ deṅa, ndaḥ tan patapak·, tan pa-
[Folio 26r]
26r1vuri, təp cəp luṅha təka meṅgal·, Adyat makaniṅ hədap ṅarannya trus ikaṅ agəṁ ṅadəmit deniṅ hədap·, sapta patala sapta buvana, I svar ri ruhur kapvaka kasuluhan katəkan deniṅ hədap·, nahan ta vivastunikaṅ bayu sabda
26r2hədap·, keṅətakna saṅ sevaka darrna, simpənya mvaṅ lvanya, (42) telas ikaṅ bayu sabda hədap inucap ta, yeki kinala karantan ya təluṅ viji, Atambəhan ta kita kala tar-
26r3muvaḥ rvaṅ viji, Apa pinakatambəhnya, buvana lavan sarira, Apa ta sinaṅguḥ buvana ṅarannya, prətivi lavan akasa, Apa sinaṅguḥ sarira ṅarannya, sahana riṅ akasa lavan sahana riṅ prətivi,
26r4ndya lvirnikaṅ sarira hana riṅ akasa, nyaṅ vintaṁ, vulan·, Aditya, vaṅkavaṁ, kuvuṅ-kuvuṁ, saṅhub, kukus, mega, hudan·, kilat·, gəlap·, gərəḥ, gəntər, patər, rahu handaru, paramanuḥ, lindu, nahan lvirnikaṅ sarira hana riṅ a-
[Folio 26v]
26v1kasa, ndya lvirnikaṅ sarira hana ri prətivi, nyaṅ vvay, tasik·, Apuy, vatu, gunuṁ, trəna, taru, lata, gulma, pasu, pasksi, [sarikrami], sarpa, stavara, jaṅga, madi; sesiniṅ lvaḥ lavan tasik·, saṅ rumaṅkaṁ, saṅ kuməlip
26v2ri prətivi, makadi ta janma sivvaṁ, nahan sarira hana ri prətivi ṅaran ika kabeḥ, ya ta kaliṅan iṅ paribasa sajña, sajñana kaliṅannya, Apan tuṅgal hurip ta lavan huripnikaṅ rat·,
26v3bayu sabda hədap katuṅgalannya kaliṅannya, ya sinəndinikaṅ paribasa sajñana, sajñana sinəndinya kaliṅanya, Apa byaktanya Ajñana sinəndinya, təlu viṅarani buvana lavan sari-
26v4ra, təlu viṅarani ajñana, ndya rahinanya, buvana, sarira, Ajñana, Apa ta sineṅnika, nihan avak kəta, yan hilaṅa Ikaṅ bayu sabda hədap saka ṅke, byakta mavuk-syuḥ dravatan pahaməṅan sa-
[Folio 27r]
27r1riranta, maṅkana tekaṅ buvana lavan sarva janma, ya tan hana Ikaṅ bayu sabda hədap iriya, byakta ta yan hanti hantu mati tan pasesa Ikaṅ sarva janma, sinar paravasa syuḥ runtuḥ rubuḥ Ikaṅ prətivi
27r2lavan akasa, kunaṅ pva ri hananikaṅ bayu sabda hədap irikeṅ rat kabeḥ, nahan mataṅyan pva saka paripurna pagəḥ Ikaṅ rat kabeḥ, maṅkana tekaṅ paribasa kavikun·, maṅiku
27r3kətaḥ kaliṅanya, Apa maṅiku ṅarannya, mamet·, Aparan pinet saṅ hyaṅ ajñana, ndi pinet·, ndi iniku, irikaṅ aṅga ro, Aṅga ro ṅarannya buvana lavan sarira, yan nirukti pari-
27r4basa bujaṅga, buha ṅga kaliṅan ika, buḥ Ikaṅ prətivi, Aṅga Ikaṅ sarira, buḥ Ikiṅ sarira, Aṅga Aṅga Ikiṅ prətivi, dadi ya samaṅka, ri saṅ vruḥ, Apan pada sarira, pada prətivi kaliṅannya, prə-
[Folio 27v]
27v1tivi biparita ṅaran ikaṅ ləmaḥ, prətivi cañcala ṅaran ikaṅ sarira, ngka tan pinet·, ṅka tan iniku, ndaḥ maṅkana ya tan inaku ikaṅ saṅ hyaṅ ajñana, de saṅapa, de saṅ viku, syapa ta saṅ viku ṅaranira, syapa ta syaku ṅaranira, ndya Ika saṅ viku ṅarannya, syaku, ndya Ika syaku ṅarannya, saṅ
27v2maṅaku tar kaku, ndi ṅke ri buvana lavan sarira, sira tuṅgal·, sira darma, sira pramana ṅaranika, Iḥ, kapuhan ranak devata saṅhulun·, Apa mataṅyan kapuhan rana devata saṅhu-
27v3lun·, Umaṅən-aṅən rasanikaṅ bayu sabda hədap ranak devata saṅhulun·, Ar ya kumusa buvana lavan sarva janma, halimpunya ya juga pinakahuripnikaṅ rat·, ya ta mata-
27v4ṅyan tan hana visesa vaneḥ beda sakeṅ bayu sabda hədap ranak devata saṅhulun·, Umijil pva tutuk devata saṅhulun ikaṅ saṅ viku, saṅ maṅaku tar kaku ṅke ri buvana lavan sarira, sira
[Folio 28r]
28r1tuṅgal·, sira darma, sira pramana liṅ devata saṅhulun·, ya ta pva sira drabya t makanira kapva Ikaṅ bayu sabda hədap mvaṅ ikeṅ sarira, yar kvaliṅanta ri kami, Aum·, drabya t makasiḥ, kasihana ta ranak
28r2devata saṅhulun·, təṅətakna Irikaṅ viku, saṅ maṅaku tar kaku ṅke ri buvana lavan sarira, yar kvaliṅanta ri kami, Aum·, syapa ta ri ṅaranta ṅuni duk rarey, Ikaṅ pinagu-
28r3gutikən ta vuyaḥ deniṅ bapa Ibu, nambaṅ hulun syanu ṅaran ranak devata saṅhulun·, deniṅ bapa Ibu, Aum·, yukti ikaṅ pavaraḥ ta ri kami, vənaṅ ta kita, kami tumakvana na va-
28r4k mami, sumahur na vak mami, kita hana marəṅ ya humədapa rasanikaṅ vuvus mami, maṅkana krama mami ri saṅ matuha ṅuni, ndaḥ Imanya ta ṅaran iki mavaraḥ syanu, yu anu kumva ta kami, nyaṅ hulun
[Folio 28v]
28v1kumva ta kita, Ivəhnya ya tar katakvanakna mami ri kita, Ar sahur kita si nyaṅ hulun·, vruḥ kita Inaranan syanu, Aum·, yeki anakniṅ hulun ikaṅ inaranan syanu, kumva ta ki-
28v2ta, hade avakniṅ syanu ṅaran ika, yan bayu sabda hədap ta Ikaṅ inaranan syanu liṅ ta, bayu sabda hədapniṅ syanu, ṅaran ika, ya saṅ yvaga pasamvaha sapaniskaranya vak ta kabeḥ Inarana-
28v3n syanu liṅ ta, hade ataḥ saṅ yvaga pasamvaha sapaniskaranya vakniṅ syanu ṅaran ika kabeḥ, Apa byaktanya drabya siṅ syanu ika, inakunya viya, buvana ṅku, sarira ṅku, bayu ṅku,
28v4sabda ṅku, hədap ṅku pasamvahanya vak ṅku kabeḥ, maṅkana liṅnya paṅaku, Ikaṅ saṅ maṅaku tar kaku tapvan katuduḥ juga rasika, valiṅ tatan mevəḥ Ikaṅ inaranan syanu, mvaṅ ikaṅ inaku ta
[Folio 29r]
29r1bapa Ibu, Apa byaktanya mevəḥ, ndaḥ vi bapa Ibunika syanu, tar vavaha vuniṅ bapa Ibunya ri dihyaṁ, takvanakna gavay puhun i daṅ acarya mvaṅ daṅ upadya karuhun ri bagavanta, yar vruḥ Irikaṅ inaranan syanu, mvaṅnikaṅ ina-
29r2kunya bapa Ibu, kunaṅ saṅkariṅ puṅguṅnya, nahan mataṅyan takvanaknanya, maṅakana ta sira mpu, ta raṅga sira magavay, ya vruha Irikaṅ inaku ni syanu, bapa Ibu, kunaṅ saṅka riṅ puṅguṅnira, nahan mataṅyan raṅga gumavay bapa Ibu,nikaṅ
29r3syanu, Inavakənira ta ya rvaṅniṅ vaduri, ginavay puspa liṅga, ləmaḥ binimba lavan gaṅsa liniṅir ya ta hədapanira bapa Ibunika syanu, hədapinika saṅ makvan·, sinəmbahnya tekaṅ puspa liṅga, ləmaḥ binimba gaṅsa liniṅir, kaliṅanya, pada pu-
29r4ṅguṅ saṅ makvan lavan saṅ kinvan·, Apa padanya, kadyaniṅ vuta manuṅtun atuta tinuṅtun·, kasasar pva ya riṅ alas gəṁ ṅarannya, kapan ata ya pamaṅguhakən mava, maṅkana ta saṅ makvan mvaṅ saṅ kinvan magavay puhun·, kapan ata sira tətəs irikaṅ inaranan sya-
[Folio 29v]
29v1nu, Apan pada vulaṅunira, Apa kari hədap ta ri bapa Ibunika syanu, tar vəkasniṅ sinaṅguḥ visesa Ika; ri huvusnya mati, luput mara masarira bapa Ibunika syanu rakva kavənaṁ ṅavehan makavaka ṅ len·, A-
29v2hurip pva ya tutur masarira sapvacap lavan anak putu, kvanan ta ya makasarira len·, makavak ikaṅ liṅga liṅir puspa liṅga, ta-
29v3r kavənaṅ ata ya tan aṅga makavak ika, ri huvusnya visesa bapa Ibunika syanu kapva, visesaniṅ bayu sabda hədapnya; ri vəkasan vineḥ pva ya madadya-dadyana, kinvan makava-
29v4ka Ikaṅ liṅga liṅir pratima puspa liṅga ronniṅ vaduri, haləpas sakeṅ vuru kadaṅ mvaṅ ri vukvan aṅga saṅ viku pamvatan gavay, mataṅyan vehi bapa Ibunika syanu madadya-dadyana, vineḥ makavak tan avaknya,
[Folio 30r]
30r1rasaniṅ vuvus saṅ pandita, təka vəkasan sinaṅguḥ rahasya, bapa Ibunika syanu, təka vəkasniṅ sinaṅguḥ darmvatama mahavisesa, Apan vənaṅ sarva karya rikaṅ loka, magavay tar ginavay, ya ta mataṅyan sastra taḥ guru ta-
30r2ḥ sva taḥ Ikaṅ syanu, ṅarannya, na sastra taḥ tar kəneṅ inajyan·, tar katəmu deniṅ sastra, na guru taḥ luput tinakvanakən·, tar kəna pinətəṅən deniṅ guru, kaliṅanya, sarat taḥ sva taḥ juga hana tar hinanakən·, ṅarannya, na
30r3bayyar na putra na bandu bə:h; sira ta sinaṅguḥ darma tuṅgal makavak ikaṅ buvana lavan sarva janma, na putra taḥ tar panak tar paputu, na bayyar tar parabi, na mata taḥ na patəmpva taḥ, sira
30r4ta sva taḥ tar pabapa tar pebu, tar pasaṅka tar paparan·, Avis mrati drəsti, sira ta manon tar katon·, vəruḥ tar kinavəruhan·, pramana tar kapramanan·, manuduḥ tar katu-
[Folio 30v]
30v1duḥ, masarira tar sinariran mabayu tar binayvan·, masabda tar sinabdan·, mahədap tar hinədapan·, parəṅ gata juga mətu lavan sariranya, bayu sabda hədapnya, Arsakeṅ garbavasa ṅuni, ndaḥ tapvan paka-
30v2ṅarannya sakeṅ daləm vətəṁ, savətunta ri heṅ ata ya, Ianaranan deniṅ bapa Ibu syanu, ya ta mataṅyan saṅ hyaṅ mevəḥ ṅaranika syanu vaneḥ, Apan hana sariranya sinaṅgaḥ syanu,
30v3hana bayu sabda hədapnya sinaṅgahnya syanu, hana saṅ yvaga pasamvahanya vaknya kabeḥ, sinaṅgahnya syanu, kaliṅanya pətəṅ pəpət andakara juga ṅvaṅ sabuvana, tar vəruḥ sinaṅgahnya bapa I-
30v4bu lavan anak·, syapa ta sira vihikan ri bapa Ibunikaṅ sabuvana, lavan anaknikaṅ loka, saṅ pandita juga tar hana vaneḥ, (43) arti arta puṅguṅnikaṅ loka Irikaṅ inakunya
[Folio 31r]
31r1bapa Ibu lavan anak təkap devata saṅhulun·, kunaṅ gati ranak devata saṅhulun tekiṅ tətəsi kəna Inaranan syanu, yar kvaliṅanta ri kami, Aum·, hayva ta kita tar meṅət ri beda
31r2niṅ katon·, ṅuniveḥ saṅ manvan·, nihan kəmbaṅniṅ vuṅavari pintonakna mami ri kita, pamratyana pratyananta Irikaṅ inaranan syanu, (44) katon kəmbaṅnikaṅ vuṅavari
31r3denta, mambaṅ hulun·, Apa varnanya tinon ta, baṅ pvaṅkulun·, eṅət ri tinonnya ṅaran ika, dvara havan iṅ panonton kembaṅ vuṅavari ri vruḥ kita, taham yeku mata-
31r4nta gvala kaliḥ viji, eṅət ri dvaraniṅ panonnya ṅaran kita, panonton kəmbaṅnikaṅ vuṅavari vruḥ kita, taham yeku hədap ta mijil mahavan ri matanta kanan keri, eṅət ri panonnya
[Folio 31v]
31v1ṅaran ika, saṅ tumon ikaṅ vuṅavari, syapa ta ya, ranak devata saṅhulun·, ndaḥ təguhi teka denta, yeka Inaranan syanu deniṅ bapa Ibunta, Ikaṅ tumvan kəmbaṅnikaṅ vuṅavari,
31v2yeka manon tar katon ar hana ṅke ri sariranya, kaliṅanya tar panon ikaṅ sarira, kəmbaṅnikaṅ mata kaliḥ viji, Apa byaktanya pan panon·, nihan kita, taya tu-
31v3ru ri kuləm avasya rikaṅ kala, pijər biparita, nidra ta kita, dinva dvaḥ pva kita deniṅ maliṁ, Asuluḥ apañjutekaṅ maliṅ n alap drabyanta, matanta hana taḥ vulat·, dumələṁ,
31v4ndan tan panonnya vinayaṅ-vayṅan taṅan·, tutuk ta tar parəṅə:n dinulaṅan vuyaḥ, tahanan byaktanikaṅ sarira lavan mata, Ananta ya manon·, Ikaṅ syanu piḥ Ikaṅ makakuruṅan ikaṅ sarira
[Folio 32r]
32r1tar turu ya tar kəneṅ harip mata, Ica lila juga ya maməṅ-aməṁ ṅke ri svapna laksana, kadi panonnya ṅke panonnya ṅka, Ikiṅ sarira samaṅke, kavəkas ri kalasa, ikaṅ syanu ṅ piḥ manon ata ya ri sva-
32r2pna laksana, Ar vaṅsil sakeṅ sarira, maluy pva kaṅ syanu mantuk ri sariranya, malilir ta ya mataṅhi, ṅarannya denikaṅ loka, tinonnya taviṅ umahnya babak·, maraṅraṅ denikaṅ maliṁ,
32r3mukanya hibək harəṁ, tutuknya mesi vuyaḥ, drabyanya kabeḥ lilaṁ, tan pasesa katon denya, Avuta ya krak aminta tuluṁ, nahan paṅanumanan ar tanpato-
32r4n panon tan parəṅə: ikaṅ sarira samaṅke, byaktanika syanu juga Ar ya manon ri sakala niskala, An ton kəmbaṅnikaṅ vuṅavari, An pakapanon hədapnya, makadora matanya kaliḥ,
[Folio 32v]
32v1an pakasadana bayunya, makpamastu sabdanya, An pakapaṅastu sariranya, An pakadvara ri ikaṅ buvana, nahan deyanta Umupata Ikaṅ inaranan syanu, (45) təlas ika, Apa ta Avak ni-
32v2ka syanu, hana terika sira tar hana kunaṁ,yan koliṅanta; tan si tan hana, tan antaraniṅ hana lavan tan hana, jati juti kunaṅ tar jati tar juti, tan antaraniṅ jati
32v3lavan juti, tuṅgəṅ tar tuṅgəṅ kunaṁ, tar si tuṅgəṅ tar si tar tuṅgəṁ, tar antaraniṅ tuṅgəṅ lavan tar tuṅgəṁ, kaliṅanya; tuṅgəṅ ri kavakanya, tar tuṅgəṅ ri kavakanya, Antara ri kavakanya,
32v4syanu ri kavakanya, yadyastun panaṅguhakənta ya lavan hade, hade ata pvaṅkulun·, hade ri kavakanya, ya ri kavakanya, syanu ri kavakanya, kataliṅanya, taṅeḥ yan sədəṅ
[Folio 33r]
33r1pasabda juga Ika kabeḥ, ndya sabda; hana sabda tan hana sabda, jati sabda, juti sabda, tuṅgəṅ sabda, tar tuṅgəṅ sabda, ya sabda; hade sabda, Antara sabda, Ikaṅ inaranan syanu tapvan ta sabda ju-
33r2ga Ika, An sira madrabya tan pinakadrabya, Apa pva kapaṅguḥ hana nira, saṅ mamaṅguḥ ataḥ tar kapaṅguḥ, ya jayanya kapaṅguha kaharəp ta, Avakniṅ syanu, juga hiṅaniṅ kapaṅguh
33r3lavan kasabda, mvaṅ kaviveka, Aṅhiṁ ṅka Ikaṅ sabda Ata hiṅaniṅ mata kapaṅguha siṅ karəṅə:, Avakniṅ syanu ataḥ makahiṅaniṅ siṅ karasa mvaṅ kəna si sabda, kunaṅ bayu sabda hədap-
33r4nya, hiṅaniṅ karəṅə:, karasa, kasparsa Ika, lavan kəna vinastvan·, kunəṅ ika saṅ mamaṅguḥ, sira ta mamaṅguḥ tar kapaṅguḥ, yavat kapaṅguḥ tavat drabya, yavat drabya tavat papa hade ika, Apa po
[Folio 33v]
33v1katəmvananira, saṅ manəmu ataḥ piḥ tar katəmu, yavat katəmu tavat drabya, yavat drabya tavat papa hade ika, Apa ta kariḥ katəpətananira yar kvaliṅanta, saṅ manəpəti ataḥ tar katəpə-
33v2tan·, yavat katəpətan tavat drabya, yavat drabya tavat papa hade ika, Umapa pva kavastonira, saṅ mamaston ataḥ tan kavaston·, yavat kavaston tavat
33v3drabya, yavat drabya tavat papa hade ika, Apa pva kahədapanira, yar kvaliṅanta, saṅ maṅhədap ataḥ siḥ tar kahədap·, yavat kahədap tavat drabya, yavat drabya ta-
33v4vat papa hade ika, Umapa po katvananira, saṅ manon ataḥ siḥ tar katon·, yavat katon tavat drabya, yavat drabya tavat papa hade ika, Umapa pva teṅət-iṅət-
[Folio 34r]
34r1anira, saṅ meṅət-iṅət ata siḥ tar teṅət-iṅət·, yavat teṅət tavat drabya, yavat drabya tavat papa hade ika, Apa deyaniṅ kumavruhana sira kariḥ, yar ko-
34r2liṅanta, yavat kəna kinavruhan·, yan emana, yan evəha, yan aganala, yan alita ṅ sukma taḥ kavruhanya kəna kinavruhana, tavat drabya juga Ika kabeḥ de saṅ mano-
34r3n·, kaliṅanya syanu juga kumavruhi ika kabeḥ, Apa kariḥ avakanika syanu kaharəp ta, mataṅyan kapaṅguha lavan kəna kinavruhana, kagaməla katoni karika syanu ka-
34r4harəp ta, rupa varna sariranya kətaḥ hiṅa katon kagaməl·, makavak iṅ lit ləjñəp·, moksaḥ hiṅaniṅ karasa kasparsa, makavak lilaṅ hənəṅ taravaṅ nirasraya kunəṅ ika syanu kaharə-
[Folio 34v]
34v1p ta, maka kapaṅguḥ hana siṅ karəṅə:, hade sabdanika syanu kətaḥ makavak lilaṅ hənəṅ tarvaṅ nirasraya, hiṅaniṅ maka kapaṅguḥ hana siṅ karəṅə:, makavak iṅ sukma dadi hana dadi tan hana, kunaṅ ika sya-
34v2nu kaharəp ta, maka katəvaniṅ teṅət-eṅət·, taha hade hədapnya syanu kətaḥ makavakniṅ sukma, dadi hana dadi tar hana, maka katəvan hiṅaniṅ teṅət-eṅət·, kunəṁ ṅka saṅ ma-
34v3non ikaṅ inaranan syanu, tar katəmu jugeka, luput sakeṅ rika kabeḥ, tan hana ta vənaṅ tuməke sira, ṅunivəḥ kumavruḥ hana sira, sariranira rakva vənaṅa kumavruḥ hana
34v4sira, taha sira kətaḥ kumavruḥ hana sariranira, Apa denira kumavruhi sariranira, tinonira ginaməlnira sariranira, Aku sarira kumva ta rikaṅ sarira, taha tan hana janma maṅkana,
[Folio 35r]
35r1kevala Inulahakən kəta, lumaku linakvakən·, gumuliṅ ginuliṅakən·, Apa pva samadanya pakaraṅan sarira, ica byavasaya nu gatanika saṅ manon juga mataṅyan arani,
35r2ya sarira, Inakunya ta ya sarira ṅku, bayunira rakva vənaṅa kumavruḥ hananira, taha sira kətaḥ kumavruḥ hana bayunira, Apa denira kumavruhi bayunira, Ina sparsanira pa-
35r3suk vətu ri ruṅnira, aku bayu ṅku, kumva karikeṅ bayu, taha tan hana janma maṅkana, kevala masuk pinasukikən·, mətu vinətvakən tuṅgəṅ kinuñci kəta ṅ bayu, Apa pva samada-
35r4nya pakaṅaran bayu, ica byavasaya nu gatanika saṅ manon juga mataṅyan arani ya bayu, Inakunya ta ya bayu ṅku, sabdanira vənaṅa kumavruḥ hana sira, taha sita kətaḥ kumavru-
[Folio 35v]
35v1hi sabdanira, Apa denira kumavruhi sabdanira, rinəṅə:nira, vinastonikənira, Aku sabdaku, kumva ta rikeṅ sabda, taha tan hana janma maṅkana, Apa po tan pramana sabda yyar vaknya,
35v2kevala mijil vinijilakən dadi hinərət pəgəṅ kəta ṅ sabda, Apa pva samadanya pakaṅaran sabda, ica byavasaya nu gatanika saṅ manon juga mataṅyan arani ya sabda, Ina-
35v3kunya ta ya sabdaku, hədapnira kari vənaṅa kumavruḥ hana sira, tan hana sira kətaḥ kumavruḥ hana hədapnira, Apa denira kumavruḥ hana hədapnira, meṅətnira hədapnira panonira, paṅrəṅə:nira, ya paṅhəda-
35v4pnira, rinakniṅ paṅan inum lavan ta viḥ, Aku hədap ta kva hədap·, kevala maripakvan pinaripakvakən·, kətaṅ hədap·, vicitran midər kinirakirakən·, Apa pva samadanya pakaṅaran hədap lavan aṅə-
[Folio 36r]
36r1n-aṅən·, ica byavasaya nu gatanika saṅmanon mataṅyan arani ya hədap·, Inakunya ta ya hədapku, Aṅən-aṅənku, nahan byaktanikaṅ sarira, mvaṅ bayu sabda, hədap·, Ar drabya denikaṅ saṅ
36r2manon·, Ar tar vənaṅ ika kabeḥ kumavruha sira, Apan byakta katəṅəra mvaṅ keṅət-eṅət pva hala hayuniṅ budi, ndan katəṅər mvaṅ teṅət-eṅət·, riṅ ulaṅ lavan varna [lavan]
36r3sabda, syapa manəṅər, maṅiṅət-iṅət·, saṅ manon ata siḥ, saṅ maṅhədap saṅ masabda saṅ mabayu, ndaḥ sira tika Inaranan iṅ ibunta syanu, samulahakənnikaṅ sarira, sira ta
36r4sinaṅguḥ acintya, Adrəsya, Abyapadesa, Advaya, Avijñana, Avimohita, Avarna, Avasta, Avacya, prabuta rəbava, Atyanta rəbava, ( 46) acintya ṅarannya, tan kahədap deniṅ
[Folio 36v]
36v1hvdapnya, Adrəsya ṅarannya, tan katon deniṅ panonnya, Abyapadesa ṅanrannya, tar kavastvan kahanannya, Advaya ṅarannya, tar kəna sinaṅguḥ tuṅgal·, Apan ro ṅaran ika yan hana kumavruhan sira tu-
36v2ṅgal·, Avijñana ṅarannya, tan kəna kinavruhan deniṅ paṅavruhnya, Avimohita ṅarannya, tar kəna puṅguṅan deniṅ puṅguṅnya, Avarna ṅarannya, tar ilu varna Ikiṅ pakavarna-varnaniṅ sariranya, Ava-
36v3sta ṅarannya, tar kəna n inaranan·, Avacya ṅarannya, tar dadi inujar-ujarakən·, nahan kavuvusan saṅ hyaṅ pramana Ikaṅ inaranan iṅ bapa Ibunta syanu, sira Ika saṅ hyaṅ paramana, ṅarannya,
36v4liṅ saṅ pandita, valiṅ tatan seṅ karika saṅ hyaṅ darma, vinuvusa ṅ matuha, Apa sineṅniṅ darma pramana, Apa sineṅniṅ pramana rahasya, Apa sineṅniṅ rahasya visesa, apa sineṅniṅ visesa tuṅgal·, Apa
[Folio 37r]
37r1sineṅniṅ tuṅgal saṅ manon·, apa sineṅniṅ saṅ manon·, ṅarannya, syanu, Apa sineṅniṅ syanu, tar katəmu inaṅən-aṅən·, ndaḥ syanu taya ṅhiṅ saviji, sira sinaṅguḥ bapa Ibu lavan anak·, Apan ṅka baga vi
37r2bapa sira rumiñci avaknira, sira ṅhiṅ saviji makavak makalvar rat kabeḥ, humibəki buvana, kadyaṅganiṅ pañjut saviji, pinasaṅ pva kaṅ vərati satus evu sakvadi, tapva Ikaṅ vərati ka-
37r3beḥ kandəlan apuy, denikaṅ pañjut saviji; tar hana svaṅ riṅ panas dilaḥ lavan teja, maṅkana ta saṅ manon·, An kahanan kaṅ sarva janma, tar hana svar tar hana ləviḥ, Araḥ ta pada ba-
37r4yu sabda hədap juga pinakahuripnikaṅ sarat tar hana vaneḥ, ndaḥ syanu taya ṅhiṅ saviji, sira ta sinaṅguḥ saṅ hyaṅ pramana, makadrabya buvana lavan sarva sarira, ṅuniveḥ bayu sabda həda-
[Folio 37v]
37v1p·, nambaṅ hulun ikaṅ inaranan iṅ bapa Ibuniṅ hulun·, syanu kapva Ikaṅ sira sida saṅ pandita, tar hilaṅaniṅ katuduhan saṅ hyaṅ darma kaliṅan ika, ya ta mataṅyan hinilaṁ ṅaran ika,
37v2 bapa Ibu deniṅ pinakaanak·, ṅuniveḥ ṅaran saṅ prabu, karuhun ṅaran saṅ pandita, rahasya hila-hila laraṅan katuduhan saṅ hyaṅ darma, kaliṅan ika, patula beda saṅ hyaṅ
37v3pramana, kaguru vaktran saṅ sevaka darma, (47) enak mara tərus vruḥnika syanu, Ar ya vruḥ tar kinavruhan·, yar maṅrəṅə: tar karəṅə:, yar maṅhədap tar kahədap·, yar manəmu tar katəmu; ar
37v4ya manon tar katon·, Ar hana ṅke ri sariranya, ndaḥ ya ta siṅgauḥ mokta jiva, ṅarannya, mokta tutur iṅ hurip; tar dəlaha po kamoksan təmən·, maṅke juga ya riṅ saṅ
[Folio 38r]
38r1meṅət·, kunaṅ ikaṅ saṅ viku maṅucap hələm yar huvus tapa, vanantara ṅidaṅ amajar-ajar rumuhun·, kamənanya paṅguhakən kamoksan·, mvaṅ hələm yar praptiniṅ pati, yatika Ujarniṅ viku hayan basma-
38r2ran ṅaran ika, kaliṅanya tar dəlaha kamoksan·, vinuvus, maṅke juga ya ri saṅ pandita, ndaḥ pahapagəḥ tambak ta, ya Inarananniṅ bapa Ibunta syanu, Ikaṅ manon tar kato
38r3n ar hana ṅke ri sariranya, Ar katon kəmbaṅnikaṅ vuṅavari, sira ta sva taḥ magavay tar nilu ginavay, sit hana tar hinanakən·, hayva ta linvaṅan hayva tinambəhan·, hayva met vasa
38r4na, hayva salaḥ hədap·, (48) təlas karasanika sabda devata saṅhulun·, Atika saṅ manon inarananniṅ bapa Ibuniṅ hulun syanu, Ar sira ṅhiṅ
[Folio 38v]
38v1saviji makadrabya buvana lavan sarira, ṅuniveḥ bayu sabda hədap·, sira pramana tan kapramanan irikaṅ rat kabeḥ, liṅ saṅ devata saṅhulun·, Umapa pva kaṅ syanu maṅhədap suka duka, tu-
38v2ha lara lavan pati, apan sira pramana, liṅ saṅ devata saṅhulun·, tar kapramananniṅ rikaṅ rat·, kapramanan teka syanu maṅkana, Apaniṅ hədap ya papa, syapa ta mehika maṅhədap·,
38v3yar kvaliṅanta ri kami, aum·, tuhu kita, suka duka hinədapanikaṅ sariranya, saṅka yyar vaknya juga kəta tekaṅ suka duka hinədapnya, kadyaṅganiṅ apuy, An sakeṅ enaknya I-
38v4kaṅ panasnya dilahnya tejanya, maṅkana ta saṅ manon an sakeṅ vaknya Ikaṅ suka duka hinədapnya, prihati lavan inak ambək·, ya ta mataṅyan papa Ikaṅ syanu pava-
[Folio 39r]
39r1k pasarira, Apan ri kalanya rakut·, Ikiṅ sarira ganal rako ikaṅ syanu paṅhədap papa; makasarira ṅ alit sukma maya ri svapna laksana, papa Ata ya maṅhədap suka duka Ata ya ṅke ri paṅi-
39r2pyan·, kaliṅanya yavat mavak sarira juga Ika syanu, tavat maṅhədap suka duka, Apa Upamana, kadyaṅganiṅ tata mikul-mikul mabyət·, ri kalanta t pikul ika, kita kədap by-
39r3ətnya, sakarəṅ kita t pikul ika, sakareṅ kita kədap byətnya, Asuve kita pikul ika, Asuve kita kədap byətnya, tiniṅgalakən pva kaṅ pinikulta, ndaḥ mara ta kita kədap a-
39r4byətnya, Ica lila kita siṅ saran·, kaliṅanya sobavaniṅ mikul-mikul juga humədap byətniṅ pinikulnya, maṅkana tekiṅ syanu rakut ikiṅ sarira samaṅke, sobavanya
[Folio 39v]
39v1juga humədapi suka duka, tuha lara lavan pati, ndi kariḥ paranan ikaṅ syanu luput iṅ suka duka, salaha deniṅ tuha lara lavan pati, viku asravaka tyagambara Aləməha yan kənəṅ gavay,
39v2anusup aṅidaṅ amajar-ajari rəban sampvara, eka vasa ta ya tuṅgal-tuṅgal·, yaya juga ta kabeḥ tar luput ri suka duka ta lara lapa panas tis tuha pati, kaliṅanya sagvananya
39v3lavan salahanya ta juga tinut kinuñci ṅinuki deniṅ papa pañcagati saṅsara, Apa sinaṅguḥ papa pañcagati saṅsara ṅarannya, pañca ṅaran iṅ lima, Agate taṅ maṅhədap·, saṅsara ṅaran iṅ papa, ya ta
39v4mataṅyan pañcagati saṅsara ṅarannya lima kətaḥ karananikaṅ syanu paṅhədap papa, lima ṅarannya; nyaṅ buvana, nyaṅ sarira, nyaṅ bayu, nyaṅ sabda, nyaṅ hədap·, nahan lima ṅarannya, Apa sinaṅguḥ papa saṅsara ṅarannya, yeka
[Folio 40r]
40r1sarananikaṅ syanu paṅhədap suka duka panas tis lara lapa tuha pati, kadi kahədap ikaṅ papa samaṅkana kabeḥ denikaṅ syanu, ya tan hana Ikaṅ buvana tinapaknya, lavan ikaṅ sarira pinakava-
40r2knya, ya pinakapaṅhədapnya papa, Ikaṅ bayu ya pinakasadananya papa, Ikaṅ sabda ya pinakasabdanta papa, Ikaṅ hədap ya pinakapaṅhədapannya papa, Apa mataṅyan pinakapapa Ikaṅ hədap·, ka-
40r3hədap ika rikaṅ suka duka, hala hayu lara lapa, panas tis de saṅ manon·, ya tan hana Ikaṅ hədap pinakapaṅhədapnya Iriya, taham piḥ, tan hana maṅkana ṅarannya, nahan drəstanta Iriya, ka-
40r4dyaṅganikaṅ kayu magəṅ ri təpiniṅ havan·, rug ika rika yar vulatanən juga, nguniveḥ yar halivatanya, Aṅel ika rika, taham piḥ pəraṅ pva kita ya ri prəkuli tan vaduṁ, rug ni ya tinəka,
[Folio 40v]
40v1atava ni ṅel kita denikaṅ prəkuli tan vaduṁ, Aṅel piḥ agəraḥ Ikaṅ sarva sandi, tar dva t maṅkana ta saṅ manon·, Aṅel deniṅ hədapnya, lavan drabyanya, ndya kaṅkən kayu magəṅ; nyaṅ suka vahye
40v2salvir katon lavan karəṅə:, Apa kaṅkən prəkul lavan vaduṅ, yekiṅ hədap·, Apan byakta pva ya pinakamarganiṅ lara kiṅkiṅ ikeṅ manaḥ, nahan lvirniṅ hədap·, An pinakapapa, Apa lvir
40v3nikaṅ sarira pinakapapa, yateka Uṅgvan ta humədap ikaṅ suka lavan duka, Uṅgvan ta humədap ikaṅ hala hayu, Uṅgvan taḥ umədap ikaṅ lara lapa, panas tis, kiṅkiṅ prihati
40v4suṅsut·, ya ta mataṅyan paṅhədapaniṅ ikeṅ sarira, nahan byaktanya Ikiṅ avak ar pinakapapa, Apa mataṅyan pinakaikeṅ hurip·, saṅka ya kum ar sumusuk·, sumiku ikeṅ
[Folio 41r]
41r1bayu ri kulit·, ri dagiṁ, ri puhun vulu, kahədap tekaṅ panas tis, bata pita, salesma, rorəm·, ṅəlu hulu, lara hati, Ipa pulaṅ kanikaṅ bayu ṅka riṅ avak·, hetunika, nahan bya-
41r2tanikaṅ bayu pinakapapa, (49) apa lvirnikeṅ sabda pinakapapa, yateka Amyaktakən malara lavan maṅel·, Apa lvirnya; anaṅa lara, Anaṅa ṅel·, Anaṅa panas,
41r3anaṅa tis, Anaṅa his, nahan byətnya kəta kəna taṅ lara hinədapnya ri sabdanya, Anaṅa laraku, Anaṅa panasku, Aduḥ atis dahatku, Aṅelu aku, Ĕhaḥ pətəṅ panonku, vula-
41r4ṅun hulun·,ndaḥ nahan liṅnya myaktakən ikaṅ papa hinədapnya ri sabdanya, ya ta mataṅyan kavaḥ Ikeṅ sarira, pinakavvayniṅ kavas ikaṅ bayu, pinakaapuyniṅ kavaḥ Ikaṅ sabda, pinakapana-
[Folio 41v]
41v1snikaṅ vvayniṅ kavaḥ lavan apuy ikaṅ hədap·, kavəruḥ Ikaṅ sarira, nahan lvirnikaṅ sinaṅgaḥ kavaḥ ṅarannya, paṅhədapan saṅ manon suka duka, nyapan tahanikaṅ malara juga sira naṅguḥ ta maṅhədap papa, taha pada I-
41v2kaṅ rat kabeḥ maṅhədap papa, Ikaṅ varas liṅnikaṅ loka papa tika, kadi kasuṅsaṅ kavalik ikaṁ ṅvaṅ sabuvana, mamet pinaṅan sinandaṁ, grama viku mara ya pada vulaṅ vulikən mame-
41v3t haraka mvaṅ sadana, tar vənaṅ dumarana ṅ tis lapa panas kaliṅanya, tatan idva ta Ikaṅ prihati lavan kiṅkiṅ kabukti denya, səsəb rujit runtiṅ ikaṅ manahnya, vetniṅ putək
41v4hatinya, kaliṅanika, Apa ta hetunikaṅ kabeḥ ar kahədap denikaṅ syanu, ri hananikaṅ buvana tinapaknya, hananikaṅ sarira, mvaṅ bayu sabda hədap kaliṅanya, ya ta mataṅyan tanuṅ vah
[Folio 42r]
42r1janma tan pasarira, muvaḥ pinet saṅ viku, Apan bavacakra mavaluy-valuy ikaṅ rat·, huvus mati muvaḥ maṅjanma, hinədapnya Ikaṅ papa muvaḥ, sagaropama, kadyaṅganiṅ tasik tan pakasa, tan laṅgəṅ pasaṅ
42r2surud, Apa Upadyan ta, kadyaṅganiṅ aditya, lavan vulan·, tiləm puhun agəṅ madəmit·, tan kahuvusan·, maṅkana tekaṅ sarva janma pavaluy-valuy rikaṅ bava saṅsara,
42r3huvus mamati muvaḥ maṅjanma, mati-mati muvaḥ maṅjanma, tatan pahiṅan tan pakahuvusan ya paṅhədap papa saṅsara vəkasan·, ya ta mataṅyan aləməḥ saṅ kavi təlas məṅət janma masarira muvaḥ,
42r4an katon papanikaṅ sarvo janma, pada kasuṅsaṅ kavalik maṅjanma maṅusi tavaṁ, tar hanenaknya ṅel juga palanya kabukti ndenya, Apa ta karananikaṅ syanu luput saṅkari papa pa-
[Folio 42v]
42v1ñcagati saṅsara, tar kalaṅkahan deniṅ rahineṅ vəṅi, tar kaleran deniṅ ler, tar kakidulan deniṅ kidul·, tar kakulvanan deniṅ kulvan·, tar kavetanan deniṅ vetan·, tar kasvara-
42v2n deniṅ svar, tar karuhuran deniṅ ruhur, tar liganan deniṅ candraditya, tar kagarba deniṅ sunyataya, tar kadyota deniṅ sarva janma kabeḥ, tar kaganalan deniṅ ganal·, tar kalita-
42v3n deniṅ alit·, tar kaparikusta deniṅ buvana, ndya tekaṅ petən ranak saṅ pandita, yar kvaliṅanta, hana vak sesa nugraha saṅ sida pandita ri kami ṅuni, surud mami sakeṅ sira, pa-
42v4ñca marga ṅarannya, vuku lima karananikaṅ syanu luput ta saṅkariṅ papa pañcagati saṅsara, pratekanya nihan: sandi, tapa, luṅguḥ, pratyaksa, kalpasən·, yavat ika syanu vruḥ ri kaliṅan ika sama-
[Folio 43r]
43r1ṅkana maṅke, tavat ləpas papa kabeḥ, ndan hələm ta kita varaha mami ri samaṅkana, yan təlas menak ataḥ karasa naṅnikaṅ bayu sabda hədap denta, hələm punya ri buvana mvaṁ ṅ irikaṅ sarva janma, Avasa gili-gi-
43r2li ata kita Irikaṅ inaranan syanu, Apagəha Ar sira Anon tar katon·, pramana tar kapramanan·, Ar sira ṅhiṅ saviji makadrabya buvana lavan sarira, ṅuniveḥ bayu sabda hədap·, mvaṅ se-
43r3vaka kəna ta ya rumuhun·, tirun sakramaniṅ hulun·, Ar pasevaka ṅuni ri saṅ pandita, Iti kojaran saṅ manon·, kayatnakna saṅ sevaka darma, (50) nyaṅ sandi təmbəyniṅ saṅ pandita maṅuca-
43r4p vuku, sandi ṅarannya si tutur, ya pinakasipatnikaṅ buvana lavan sarva janma, mataṅyan tar salaḥ tuvuḥ, tar salaḥ rupa, tar salaḥ rasa Ikaṅ rat kabeḥ, Abənər tumiru bapa Ibunya mvaṅ vit bvatnya I-
[Folio 43v]
43v1kaṅ sarva janma; vvaṅ manak vvaṁ, kəbo manak kəbo, sapi manak sapi, sarva tumuvuḥ tar salaḥ tuvuḥ pada kalaya-layanya, makasə:və:-sə:və:nya, tar salaḥ vvaḥ tar salaḥ rasa, vruḥ juga ya kabeḥ ri jatinya, Apa ta
43v2makahetu ika, tutumya taḥ, Apan pinakapanyajinya, lavan pinakasandinya dumehnya, maṅkana lvirnikaṅ sarva tumuvuḥ mvaṅ satva, si tutur ataḥ dumadyakən ika, ya ta mataṅyan
43v3bənər paṅbaṅun ikaṅ sarva janma, Apa Upamana terika, kadyaṅganikaṅ kayu pinraṅan·, ya tar sipatina vilut jatinika, sinipatan pva ya de saṅ undahagi mamraṅi, ya ta hetunya na bənər, Iva
43v4maṅkana tekaṅ si tutur ar ya pinakasipat ikaṅ buvana, lavan sarva janma, tuturnya hetunya pada vruḥ ri jatinya mvaṅ sobavanya; a bənər tan salaḥ tuvuḥ Ikaṅ rat kabeh; deniṁ ṅapa, deniṅ tuturnya
[Folio 44r]
44r1ta siḥ, Apa ya Apan kapo kahanan tutur ikaṅ rat kabeḥ, kadyaṅganiṅ bayu sabda hədap ar hibək ikaṅ buvana lavan sarva janma, maṅkana tekiṅ si tutur an hibək iṅ buvana lavan sar-
44r2va janma, maṅkana tekaṅ tutur ar hibəki ikaṅ buvana, Apa byaktanya, təṅə:-təṅə:n kətaḥ lvirnikaṅ rat kabeḥ, vulat ri buvana, pagantiniṅ vəṅi lavan rahina, linduniṅ ləmaḥ, polah
44r3hiliniṅ vay, pasaṅ surudniṅ tasik·, pavalikan iṅ ryak·, Iriṅniṅ aṅin·, habətniṅ rivut·, Idərniṅ halisyus, tampuniṅ hudan·, kupakniṅ gəlap·, pagənturniṅ gərəḥ, gəntərniṅ pa-
44r4tər, Ibərniṅ handaru, larapniṅ kilat·, halintaṅniṅ kavaṅ-kavaṅ mvaṅ kuvuṅ-kuvuṁ, pakəmpəlniṅ mega, kədapniṅ vintaṅ lavan paramanuḥ, paṅibva-ṅibvaniṅ pətəṁ, paṅlvaṅ panambəhniṅ vulan purnama lava-
[Folio 44v]
44v1n mavasyanya; prakasaniṅ kənyar saṅ hyaṅ aditya, pinakasyuluhniṅ buvana, Atutur teka vətu vetan sumurup i kulvan sarisari, Inakanikeṅ vətu kulvan təka ya, sumurup i vetan·, taha siḥ atu-
44v2tur ta ya ri vətunya, dəlit teka kabeḥ denta, takarin tutur saṅ manon ta, ar pakavak ika samaṅkana kabeḥ kaliṅan ika, talihakən ta vulata rikaṅ sarva tumuvuh; kayu, dukut·, ron-
44v3don·, odvad, pada vruḥ ri tuvuhnya; pasariranya, pasəvə:nya, pakəmbaṅnya, pavvahanya, tan salaḥ rasa, tar vinaraḥ, tar inatag ri deyanya pakəmbaṁ ṅavvaḥ, vəruḥ atutur juga ya kabeḥ ri masanya
44v4lavan ri kalanya, dəlit teka kabeḥ denta, takarin tutur saṅ manon ar pakavak ikaṅ samaṅkana kabeḥ kariḥ kaliṅan ika, nahan byaktanikaṅ rat ar kapo kahanan tu-
[Folio 45r]
45r1tur, nda nagata saməna tad iti yan vruḥ Ikaṅ rat ar hana ṅ tutur iriya, Apan vulaṅun tar vruḥ ar visesa lavan pramana, Aji gəlar puja samadi ataḥ visesa liṅnya, mvaṅ hana hyaṅ devata, batara ba-
45r2tari sinaṅgahnya pramana, tar neṅət ar ya visesa basa kumavruhi maganal malit sakala niskala, tatan maṅkana saṅ pandita na tutur, vruha ṅeṅət anəkət sira, Ar sira ṅhiṅ saviji vise-
45r3sa makadrabya buvana lavan sarira mvaṅ bayu sabda hədap·, ya ta mataṅyan tiksna vruhnira, basa, vasitva, vagmi, tut·, vigata, vidagda, labdasmrti, prajña, meṅət tonan rahina A-
45r4ta, vihikan atutur laṅgəṅ ni ya, nahan pinakavisesa saṅ manon·, Apan kavak tutur, Apa pinakapapa saṅ manon irikaṅ sandi, nidra tan atutur si lupa puṅguṅ taneṅət an vihikan·, gelə:-gelə:,
[Folio 45v]
45v1ləṅə:-ləṅə: parama biṅuṁ, tar vəruḥ jugul dumeda dusa prajñana pətəṅ pəpət andakara, paṅan inum turu viparita, Alupa ta ya pramana lavan visesa, milu tumut misesakən aji mantra gəlar puja, mvaṅ hyaṅ deva-
45v2ta, nahan pinakapapa saṅ manon ri sandi, Ika taṅ sandi ṅarannya, seṅ iki, Apa sineṅnika si tutur, sineṅniṅ tutur si tar pakavuruṅan·, sineṅniṅ tan pakavuruṅan si təka, Apa kaliṅaniṅ təka?
45v3təka tar denikaṅ aji gəlar puja, təka tan deniṅ tapabrata samadi, təka tan deniṅ yasa punya kasaladri, təka juga Ika saṅ manon; deniṅ apa, deniṅ tuturnya, Apa byaktanya, nihan kita dataṅ manembah
45v4ri kami, tuturnya taḥ tuməkakən kita, nihan ta ṅvaṅ maparan-paran venya gama layar kunaṁ, manabraṅ irikaṅ nusa para nusa; ri palembaṁ, ri tañjuṅpura, ri jambudipa, ri cina, ri kəliṁ, ri gədaḥ, ri campa, ri malayu, muvaḥ ta ya muliḥ mvaṅ ri
[Folio 46r]
46r1java pada tar salaḥ dunuṅan·, dunuṅan ta ya ri anak rabinya, kapva masuk vi umaḥ, Apa ta tuməkakən ika, tuturnya taḥ, nahan byaktanikaṅ tutur an panəkakən ri sakala, Apa byaktanika saṅ manon·, ar təka de
46r2niṅ tutumya ri niskala, ri neṅətnira tut ikiṅ sariranira tutur, taṅ bayu sabda hədapnira matutur, Apan tutur pura samulahakən sariranira, mvaṅ bayu sabda hədapnira, syapa pva matutur saṅ
46r3manon juga, kaliṅanya, masarira tar pasarira Ikaṅ saṅ manon·, tuturnira Ataḥ tuməkakən sira, sakala niskala Ataḥ avak nira saṅ manon·, [tuturnira Ataḥ tuməkakən sira], raseta sa-
46r4byakta tuhu liṅ saṅ pandita, nahan sinaṅguḥ sandi ṅarannya, liṅ saṅ pandita, (51) maṅkana tekiṅ tapa, Apa rasanya si lilaṅ, apa mataṅyan ri lilaṅ, riṅətnira pakadrabya buvana lavan sa-
[Folio 46v]
46v1rira ṅuniveḥ bayu sabda hədap·, An aṅhiṅ sira saviji pramana tan hana vaneḥ, ya ta mataṅyan tar karakətan sarva mala, hyun lulut ilik trəsna tan hana ri saṅ meṅət·, Aləṅis juga
46v2manahnira; si nis trəsna, tan asiḥ, tan ahyun·, tan ikuṁ, tan non·, tan harsa, tan aharəp·, tan adrāda, tan raga, tan lah-alah; varəg vruḥ siḥ jiva basa huvus juga, ya byakta nirmala lilaṁ, ṅarannya,
46v3tan kapramanan deniṅ sariranya, ṅuniveḥ bayu sabda hədapnira, nahan pinakavisesanikaṅ saṅ manon·, yar tapa, Apa pinakapapa saṅ manon yar tapa, si kavya vandana deniṅ sari-
46v4ranya, bayu sabda hədapnya, Aku ya taya ri katut trəsna, Asiḥ, lulut·, Unaṅ; harsaku, giraṁ, drəda, hyun·, syalah-alah; si tan varəg, raga, dvasa, lvaba, mvaha, mansa yar timburu, nahan pina-
[Folio 47r]
47r1ka papa saṅ manon yar tapa, yavat ika saṅ manon kapramanan deniṅ sariranya bayu sabda hədapnya mvaṅ katutakən deniṅ trəsna, tavat bavacakra saṅsara valu-valuy janmanika saṅ manon·, nitya maṅ-
47r2hədap saṅsara papa Ika yan maṅkana, Apa byaktanya pinakari sakala niskala Ikaṅ si trəsna, nihan ta ṅvaṅ malakirabi, pada ta ya masiḥ malulut·, na hana pañcalaniṅ budinya pakurən·, Ata-
47r3dinta ya pasha sadanantara, pada tayvanaṁ, Avaluyan ta, vetniṅ pada trəsna kaliṅanya, Aparan ta mavaluyakən ika, trəsnanya Ataḥ, nihan ta ṅvaṅ hilaṅ masnya, mati anaknya rabinya kunaṁ, təka taṅ
47r4lara kiṅkin iriya, Anaṅis ta ya, krak·, Akuru maṅkiṅ tar kəneṅ paṅan lavan turu, vetniṅ prahati kaliṅanya, Apa dumeḥnika maṅkana laranya, deniṅ trəsnanya taḥ, nahan byaktanikaṅ trəsna pina-
[Folio 47v]
47v1ka papa ri sakala saṅ manon·, Apa byaktanya pinakapapa ri niskala Ikaṅ si trəsna, nihan kadyaṅganiṁ ṅvaṅ umiṅgat sakeṅ umahnya ri desanya mahas ta ya mamet desa, ndi tan paṅənakən ikaṅ desa pi-
47v2naranya kabeḥ, mon iṅ taya ri yumahnya desa buminya, muliḥ ta ya tar kasulan·, katəmu pva kvemahnya turu ṅ pva saka paripurna, təka ta ya mandel ri yumahnya, rug n avuk hilaṅ pva koma-
47v3hnya, dadi ya mamaṅun umaḥ muvaḥ Iva maṅkana tekaṅ saṅ manon ya katut deniṅ si trəsnanira ri niskala, mataṅyan hana vvaṅ mati huvus tinivakən ri səma, Ahurip muvaḥ mati maba-
47v4ṅun·, ṅarannya, vaneḥ deniṅ loka, havuk drava pva sariranya, dadi ya magavay sariranya muvaḥ, mataṅyan hana vvaṅ jatismara, ṅarannya, deniṅ loka, ri yumahnya janma, tatan adva kahədap tekaṅ sapañca-
[Folio 48r]
48r1gati saṅsara muvaḥ denya, Apa ta makasamanda Ika, deniṅ trəsnanya Ataḥ, nahan byaktanikaṅ trəsna pinakapapa Ikaṅ si trəsna, ya ta mataṅyan prahə-
48r2n pəjahən ikaṅ nistrəsna de saṅ sevaka darma, katəmu taṅ alilaṅ agili-gili luput taṅ saṅkariṅ mamsarira, pinəḥ pva rasaniṅ luput saṅkariṅ masarira, katəmu ta rasa taṅ
48r3lina, ṅarannya, papa kətaḥ Ika, kadi ta kahədap ikaṅ papa denikaṅ pramana ta, yata n lina samanda Ikaṅ pramana makavaknya, Apa kariḥ sinaṅguḥ lina, ṅarannya, kadyaṅganiṁ ṅ vay vvarən ta
48r4lavan tvak·, byakta ya tuṅgal sama rupa sama varna, tar kəna padudvan muvaḥ, ndan asiṅ makveḥ mariṅ suda katədak·, ya vvay makveḥ vvay mari suda tvak·, tvak makveḥ tvak mari suda
[Folio 48v]
48v1vvay, Iva maṅkana tekaṅ saṅ manon·, Ar tapa ri kusa ta deniṅ makveḥ, Apa makveḥ, ṅarannya, nyaṅ buvana, nyaṅ bayu, nyaṅ sabda, nyaṅ hədap·, nyaṅ tutur, nyaṅ lupa, nahan ta makveḥ, ṅarannya, Umari ku-
48v2sa saṅ manon·, saṅkariṅ lina samadanya ri samaṅkana, nahan mataṅyan paṅhədap papa vəkasan·, deniṅlina samada kaliṅanya, dinələ:-dələ: pva kaṅ saṅ manon·, kadi sarira vinasvas, kadi ba-
48v3yu, kadi sunyataya, linilaṅ-lilaṅ kadi sabda, kadi akasa, Iniṅət-iṅət kadi hədap·, linit-lit kadi tutur, tinələṅ-tələṅ kadi lupa, kintu ta maṅkana hade drabyanira Ika
48v4kabeḥ, kunaṅ apan lina sambada, nahan mataṅyan kadi maṅkana kabeḥ, ya ta mataṅyan paribasaniṅ viku ri mahapralaya Ikaṅ lina, ṅarannya, marahakən linanya ri papa, kaliṅanya, Apa ta
[Folio 49r]
49r1kariḥ paribasaniṁ ṅvaṅ ri krəta ṅuni, Aum·, mati juga, Apa kaliṅan iṅ mati, Umati ta Ikaṅ papa kabeḥ kaliṅanya, ndya lvirnikaṅ papa Inatita saṅ manon·, nyaṅ buvana lavan sarira, mvaṅ bayu
49r2sabda hədap·, nguniveḥ taṅ rabi anak hulun·, ləmaḥ sima vənaṅ-vənaṁ, nahan inatita saṅ manon·, kalaniṅ prata nirbana, ya ta kaliṅan iṅ mati liṅnikaṅ loka, Umati ta Ika kabe-
49r3ḥ kaliṅan ika, pinə:ḥ pva rasaniṅ maṅatita, katəmu ta rasaniṅ maṅandəl tar kandəlan·, kadyaṅganiṅ manuk·, Umandəl ri gunuṅ tan ilu gunuṁ, Umandəl ri kayu tan ilu kayu, sandə-
49r4lan ikaṅ manuk ta juga tan tut sandəlannya, Iva maṅkana tekaṅ saṅ manon·, Apan ṅandəln tan kandəlan·, kapan ta saṅ manon apa ṅandəli tar kandəlan·, yar kvaliṅanta maṅke ndaḥ, Umilu ta ri
[Folio 49v]
49v1kita ləmaḥ atuṅgu ri ləmaḥ, taham piḥ, kari kita sali atuṅgu ri sali, taham piḥ tan ilu juga kita siṅ svagvananta, ri niskala tovi, maṅandəli tan kandəlan ata saṅ hyaṅ pramana, U-
49v2mandəl ri buvana sarira saṅ manon·, tan ilu buvana tan ilu sarira, Umandəl ri bayu sabda hədap saṅ manon·, tan ilu bayu sabda hədap·, Umandəl ri tutur lupa saṅ manon·, tan ilu
49v3tutur tan ilu lupa, Umandəl ri sunyataya paramarta saṅ manon·, tan ilu sunyataya paramarta, Umandəl ri ṅvay lavan tasik saṅ manon·, tan ilu vvay tar kapələk tar amələs, Umandəl
49v4riṅ apuy saṅ manon·, tar kapanasan tar gəsəṅa, nguni kalanya pasarira kətaḥ Ika saṅ manon kapanasan deniṁ ṅ apuy, kapələka deniṁ ṅ vvay, təlas pva sira tyakta tumiṅgalakən ika ka-
[Folio 50r]
50r1beḥ, Apa mataṅyan kapələkan·, lavan kapanasan rakva, nahan maṅandəli tar kandəlan·, ṅarannya, pinə:ḥ pva rasaniṅ maṅandəli tar kandəlan·, katəmu ta rasaniṅ sida, sida tar kaleran deniṅ ler, sida tar kakidulan deniṅ
50r2kidul·, sida tar kakulvanan deniṅ kulvan·, sida tar kavetanan deniṅ vetan·, sida tar kasvaran deniṅ svar, sida tar karuhuran deniṅ ruhur, sida tar kaganalan deniṅ ganal·, sida tar kalita-
50r3n deniṅ lit·, ya ta kaliṅan iṅ paribasa saṅ sida devata, liṅniṁ ṅvaṅ ri tuhun ta yan taki, huvus luput ri papa kabeḥ, kaliṅanya, ya ta kaliṅan iṅ saṅ ngadityan·, maluy hyaṅ kaliṅanya,
50r4pinə:ḥ pva rasaniṅ sida, katəmu ta rasaniṅ ekatva, ekatva, ṅarannya, tuṅgal ikaṅ saṅ manon maluy ri svabavanira, manon tar katon·, nahan tapa, ṅarannya makarasa lilaṅ nistrəsna liṅ mahapandita,
[Folio 50v]
50v1(52) maṅkana tekaṅ luṅguḥ, Apa pinakarasanya si pagəḥ, tuhva tekaṅ saṅ manon mapagəha ri vruhnira ri sakala niskala, Apa pagəhanika saṅ manon ri sakala, tar ilva misesakən a-
50v2ji mantra huṅkara, gəlar puja dyana samadi,tar ilva misesakən tapa brata, tar ilva misesakən guna-guni, nahan kapagəḥnika saṅ manon ri sakala, ndya kapagəhan ika saṅ manon ri niskala,
50v3hayva sira maha vvilan·, Apa kaliṅanya, kadi vruḥ marika saṅ manon ri vvilanya, pakavak ikaṅ buvana lavan sarira, pinakapapanya, kadi vruḥ marika saṅ manon·, pakavak i-
50v4kaṅ bayu sabda hədap pinakapapanya, Apa Upamana Ar tar vruḥ ri vvilanya pakavak ika kabeḥ, Ar ya pinakapapanya, nyaṁ ṅvaṅ mara riṅ alas maṅidək iṅ rvi, mareṅ papuyan maṅidək iṅ apuy, mareṅ təgal ma-
[Folio 51r]
51r1ṅidək iṅ tahi, Apa hetu ikaṅ rvi tahi lavan apuy, ar kedəkan denta, saṅkariṅ vruḥ ta karika, taham piḥ maha vvilan ta ṅaran ika vruha ya, kunaṅ saṅkariṅ puṅguṅ ta kaliṅan ika, mata-
51r2ṅyan atambaha ya denta, tatan adva kahədap taṅ lara bva-mvaṅ panasnikaṅ apuy denta, Iva maṅkana tekaṅ saṅ manon an pakavak ikaṅ buvana lavan sarira samaṅke, saṅkariṅ tar kavruhnya pa-
51r3pa mavak masarira kaliṅanya, mataṅyan mavak masarira, tata Adva kahədap tekaṅ suka duka denya, kabukti tekaṅ papa kabeḥ, vruḥ pva kita papa saṅsara mavak masarira, Apa ta
51r4mataṅyan pavaki muvaḥ, yan huvus tumiṅgalakən sariranya, vvilan ta ṅaran ika, Apa mataṅyan vvilan sira, tar hana viku mvan sira mavak mavak masarira, mari tuṅgal mari pramana ṅaran ika, yan ha-
[Folio 51v]
51v1na kumvana sira mavak masarira vvilan ta ṅaran ika yan maṅkana, Apa byaktanya maṅke ri sakala, ndaḥ tan hana ta kumvan sira Asiṅ sagavaynira, mvaṅ tatan pamalaku ikaṅ sarva kriya ginavay,
51v2apa byaktanya, amaḥ aku gavayku, kumva ta rikaṅ gaga savaḥ, taham piḥ tan hana janma maṅkana, maṅkana ta kita ginavay ika kabeḥ, tar hana kumvan kita, kita taḥ maha
51v3mahyun ginavay, ginavay ta pva kaṅ umaḥ gaga lavan savaḥ, tatan adva kahədap tekaṁ ṅaṅel·, Agraḥ maṅkəp nu sandi ta kabeḥ, kadyaṅganikeṅ umaḥ gaga lavan savaḥ, Ar ta-
51v4n pamalaku ginavay ri kita, maṅkana tekaṅ sarira mvaṅ bayu sabda hədap·, Ar tan pamalaku ginavay de saṅ manon·, Amaḥ aku gavay sarira ta paṅhədap papa, Amaḥ aku gavay bayu sabda həda-
[Folio 52r]
52r1p·, sadananta paṅhədap papa, kumva ta rikaṅ sarira mvaṅ sabda sabda hədap·, taham piḥ tan hana maṅkana, tan pamalaku ika kabeḥ ginavay irikaṅ tuṅgal·, lavan ika saṅ manon agavay i-
52r2ka kabeḥ, tan hana kumvan sira, mari tuṅgal mari pramana ṅaran ika, yan hana kumvan sira, kunaṅ apan saṅ manon juga maha mahyun magavay ikaṅ sarira, mvaṅ bayu sabda hədap pina-
52r3ka sadananya, mvaṅ pinakahuripnya, paṅhədap papa, vruḥ pva kaṅ saṅ manon ar papa mavak sarira, meṅət ar saṅsara pakahurip ika bayu sabda hədap·, Ava savla-vla vruhnya I landəp rvi, bvaṅ
52r4niṅ tahi, panasniṅ apuy, Apa ta mataṅyan ambaha ya, vvilan ta ṅaran ika, Apa ta rvi ṅaran ika, yekiṅ buvana svarga patala, Apa ta tahi ṅaran ika, yekiṅ sunyataya paramarta, Apa ta Apuy ṅaran ika?
[Folio 52v]
52v1yekiṅ sarva janma kabeḥ, ṅuniveḥ Ikaṅ rupa samaṅke, kapanasan deniṅ ya vaknya, Avulaṅ-valikən mamet haraka mvaṅ sadana, dələ:n tekaṅ sarva janma kabeḥ nyaṅ sarva tumuvuḥ mvaṅ sarva satva,
52v2karuhun ikaṅ janma si vvaṁ, pada Ika kabeḥ maṅhədapa, tatan vruḥ Ikaṅ janma vvaṅ ika denya I laṅgəṅniṅ papa, han menmen lumaku lampuran·, hana panusupi ri gunuṁ, tyagambara
52v3vaneḥ majar-ajari rəban sampvara, valiṅnya luput iṅ papa pakolaḥ Ika, taya yaya tinut iniku deniṅ papa panas tis lapa, kinuñci rinujit ginəsəṅ deniṅ kiṅkiṅ prahati, tinadya-
52v4n ninara kinara tinambaḥ deniṅ tuha lara pati, tatan adva raga dvasa lvaba mvaha madəmak sar yar, murub dumilaḥ guməsəṅ hatinya, Apayapan tan pelagan ikaṅ papa, Apan ri hananikaṅ sarira mvaṅ ba-
[Folio 53r]
53r1yu sabda hədap tinutniṅ panas tis, lara mvaṅ lapa, pinakarambatniṅ tuha lara pati, lara kətanikaṅ sarva papa kabeḥ, enaktərus denta vruḥ ala gili-gilik mara katonan iṅ saṅsaranikaṅ sar-
253rva janma de saṅ manon·, yata mataṅyan dadi saṅ pandita tumiṅgalakən sariranira, mati tan pakara ni lara, syapa maha dyuta sumayutana sira, yar aharəp tumiṅgalakən sariranira, A-
53r3pan drabyanira Ikaṅ bayu sabda hədap·, mvaṅ ikeṅ buvana sarira, tar vənaṅ ika kabeḥ humandyutan iṅ sira mvaṅ sumayutana sira, yar aharəp luṅha tumiṅgalakən sariranira, A-
53r4pa Upadyan ta, kadyaṅganiṅ saṅ pradana, mahyun ta ya miṅgati saṅkariṅ umahnya buminya simanya, vənaṁ ṅka rikaṅ umaḥ bumi sima sumayutana sira, taham piḥ tan hana liṅnikaṁ ṅumaḥ bumi sima, ya-
[Folio 53v]
53v1n tuṅgun yan ayyar kəna tan hana juga liṅnika, maṅkana kavənaṅ-vənaṅnya kabeḥ, kəbo sapinya, mas maniknya, tan hana liṅnika kabeḥ, ya Iyyar kəna tar vənaṅ ika sumayuta saṅ pradana, yan aharəp·, U-
53v2mayyar kəna ya, yan ayyar kəna yan tuṅgun·, tan hana juga liṅnikaṅ drabya kabeḥ, saṅ pradana madrabya juga vəkasnika, Iva maṅkana tekaṅ saṅ manon tar hana vənaṅ sumayutana sira,
53v3yar ahyun luṅha tumiṅgalakən sariranira, sariranira kari vənaṅa sumayutana sira, taha tan hana liṅnikiṅ sarira, tuhun ulah-inulahakən kəta ṅ sarira, yan tuṅgun yar i-
53v4yyar kəna tan hana juga liṅnika, bayunira rakva vənaṅa sumayutana sira, taha tan kətaḥ liṅnika, tuhun masuk-pinasukakən·, mətu-vinətvaken kəta ṅ bayu, ta ṅ bayu, yan iyyar kəna yan tuṅgu tar hana
[Folio 54r]
54r1kətaḥ liṅnika, sabdanira karika vənaṅa sumayutana sira, taha tar vənaṅ ika, tuhu mətu vinətvakən humənəṅ hinərət kəta ṅ sabda, yan iyyar kəna yan tuṅgun tan hana liṅnika sabda, hədapnira kari vənaṅa su-
54r2mayutana sira, taha tan vənaṅ ika, Apan drabyanira Ikaṅ hədap·, tuturnira kari vənaṅa sumayutana sira, taha tar vənaṅ ika, Apan sira visesa makadrabya tutur, ṅuniveḥ te-
54r3kiṅ buvana mvaṅ sunyataya, maṅkən tar vənaṅ təmən ika sumayutana saṅ manon·, kaliṅanya tar vvnaṅ juga Ika kabeḥ sumayutana saṅ hyaṅ pramana, yar aharəp tumiṅgalakən sariranira,
54r4mari tuṅgal ta ṅaran ika, mari visesa, mari pramana, Adva pakadrabya maganal malit ṅaran ika, yan apa Ika, yan kapramanan maṅkana kasumayutana deniṅ drabyanya, yar aharəp uma-
[Folio 54v]
54v1ti ta sariranira, jənək pva kaṅ saṅ manon mavak masarira len ta humədap ikaṅ papa saṅsara Ar huvus meṅət·, vvilan ta ṅaran ika, mvaṅ muvaḥ ahuvus maṅjanma, huvus tumiṅgalakən sariranya Aha-
54v2rəp humədap ikaṅ papa muvaḥ, vvilan ta ṅaran ika, Apagəḥ pva kaṅ saṅ manon ri ṅətnira An papa mavak masarira, ekatva tan pavak sakala niskala, ṅuniveḥ tan pavaluy rumaku-
54v3t ikaṅ rupa samaṅke, kahyaṅ ta ṅaran ika sira yan maṅkana, maluy ri svabavanira tuṅgal·, pramana tar kapramanan·, kaliṅanya pet rasa ni nvahan·, tan pabalik vvagan·,
54v4enak tar pabalik lara, suka tan pabalik duka, hayu tan pabalik hala, rahina tan pabalik pətəṁ, nahan sinaṅguḥ luṅguḥ ṅarannya, liṅ ayyar pandita, Iṅəteṅət ki-
[Folio 55r]
55r1tanaku, (53) maṅkana tekaṅ pratyaksa, Apa pinakarasanya, syasəmbava, Apa kaliṅanya, vəruḥ karika ṅ tuṅgal yyar sambavanikaṅ buvana kahananya, taham vəruḥ karikaṅ tuṅgal yyar samba-
55r2vanikaṅ sarira pinakavaknya, taham vəruḥ karikaṅ tuṅgal yyar sambavanikaṅ bayu sabda hədap pinakahuripnya mvaṅ pinakasadananya, taha tar vruḥ Ikaṅ yyar sambavanika kabeḥ kadi pi-
55r3tuhunya Ikaṅ aji mantra suṅjvatisa gəlar puja mvaṅ palaniṅ tapa brata həlam yan mati, yan apa Ika, yan vəruha ya yyar sambavanika kabeḥ, kunaṅ saṅkariṅ puṅguṅnya yyar sambavanikaṅ rat ka-
55r4beḥ, nahan mataṅyan katut kekət ikaṅ loka, milu mituhu ikaṅ aji gəlar puja, mvaṅ palaniṅ tapa brata samadi, Apan sinaṅguhnikaṅ loka sambava, kadyaṅganiṅ punti atuda tuṅgal ri savvi-
[Folio 55v]
55v1t·, tan sambava liṅnya Irika, Apan lagi katon denta, yadyastun panon pva ya punti atuda rva, təlu, pat·, lima risa vvit·, sinaṅguhnya jatinikaṅ sambava, Apan purva katon denya, taham piḥ liṅ san pa-
55v2ndita, Atsti pada sambavanikaṅ rat kabeḥ, Atuda tuṅgal ri savvit·, Asambava Ata ya, tan patuda tovin ndaḥ asambava Ata ya, yavat kapva katonan karəṅə: karasa kasparsa, ṅunive-
55v3ḥ Ikaṅ bayu sabda hə:dap·, mvaṅ ikeṅ sarira pinakavak ta, Asambava juga Ika kabeḥ, Apa byaktanya, tuṅkup taliṅanta kaliḥ, Apa rinəṅə:nta sabda gumərəḥ kadyampuhan pvaṅ-
55v4kulun·, vəṅakən ta taliṅanta, Apa kara rinəṅə:nta, sabda Asiṁ, sabda Ataḥ, məne ta tinuṅkup taliṅanta sabda taḥ rinəṅə:nta, vinəṅakən taliṅanta sabda taḥ rinəṅə:nta, Apa tatan sambava kari-
[Folio 56r]
56r1ka liṅ ta, ri huvusnikaṅ maṅkana, tuṅkup matanta kaliḥ, Apa tinon ta, pətəṅ paramanuḥ kabaranaṅ kumədap kadi əndəp-əndəp·, vaneḥ lumarap kadi kunaṅ-kunaṁ, Akveḥ lvirnikaṅ rupa varna katon pvaṅku-
56r2lun·, vəṅakənta mata ta kaliḥ, Apa tinonta, sarva ryupa sarva varna Ataḥ, Apa tatan asambava karika liṅ ta, taham liṅ saṅ sevaka darma, Iṅət-iṅət kətaḥ siḥ denta pahenak·, enak avas pva
56r3katonanikaṅ de saṅ sevaka darma, dinələ: ta gəṅniṅ buvana, lva libarniṅ akasa, segraniṅ aṅin·, vijilnikaṅ sarva varna, tuvuhnikaṅ sarva janma, vultakniṁ ṅvay sakeṅ ləlmaḥ, tampu
56r4niṅ hudan sakeṁ ṅasu, ndi ta saṅkanika kabeḥ, Ar vijil·, enak pva katonya sambavanikaṅ rat kabeḥ de saṅ sevaka darma, ya ta mataṅyan takvankəln saṅkanikaṅniṁ ṅ asambava, təlp mavara-
[Folio 56v]
56v1ḥ ta saṅ pandita, saṅkaniṅ sambava, Asambava, masambava, liṅ sira maṅrəṅyə: ta kitanaku, hana manik savvasta sakarja paripuraka, ṅarannya, cinaritakən ri carita kumaravaṅ samurti mvaṅ sri vikramaditya, Ar sa-
56v2karja nu vidi ikaṅ manik savvasta ri carita, Aum·, rəṅyə: ranak devata saṅhulun·, yar kvaliṅanta ri kami, Umapa tekaṅ manik savvasta sakarja paripuraka, liṅ tan aku,
56v3manik vatu kari ya lita, Aum·, manik vatu ata ya liṅ ranak devata saṅhulun·, ndi ta hapya Anaku, yadyastun petən ta ya ri vəkasnikaṅ lavar kidul kulvan vetan·,
56v4i svar i ruhur, tar pamaṅguḥ juga kita karika, Aparan pva kaṅ sinaṅguḥ saṅ pandita, savvasta sakarja paripuraka, ṅarannya, Ikaṅ hədap·, savvasta nu vidi ikaṅ tutur, yeka manik savvasta sakarja
[Folio 57r]
57r1paripuraka, ṅarannya, mvaṅ sakarja nu vidi, ṅarannya, liṅ saṅ pandita, pinakaaməṅ-aməṅan saṅ hyaṅ darma, ya ta kinudaṅ-kudaṅnikaṅ loka ri prəvaga ṅarannya, salvirnikaṅ kiduṅ mamuhara raga, mvaṅ vijaḥ Irikaṅ loka, Apa mata-
57r2ṅyan manik savvasta sakarja paripuraka, ngaraniranikaṅ hədap·, rase kətaḥ panəmunikaṅ rat suka duka, enak tar nenak·, tar sakeṅ hədapnya karika, Apa denya panəmu hala hayu suka
57r3duka ri hədapnya, ya pva krama kira-kira, yar aharəp kira-kiranya haneṅ buvana, Amaṅguḥ ya hayu, Apa ta hayu ṅarannya, ya pva sambyavahara, satya ta ya ri gunanya gavaynya, nitya maṅra-
57r4ksa sila, satya matuha, ṅuniveḥ yan pajari darma ri saṅ matuha, nahan deyanya panəmu hayu ri hədapnya, Apa deyanya panəmu hala ri hədapnya, yan ahala kiranya ri padanya janma, yan laku maliṅ ma-
[Folio 57v]
57v1nəluḥ, salvirnikaṅ kira-kira mahala ri buvana ginavayakənya, byakta ta ya tan hana hinuripən deniṅ loka, nahan deyanya panəmu hala ri hədapnya, kadyaṅganikaṅ hədap ar ya byakta katon pinaka
57v2hetuniṅ hala hayu, suka duka, enak tar nenak irikaṅ loka, maṅkana ta ya ginavay sarva janma, makavijil ikaṅ buvana lavan sarva janma, mvaṅ bayu sabda hədap·, ṅuniveḥ sakato-
57v3n sakarəṅə: sakarasa sakasparsa, ya kapva Ikaṅ hədap kapva ginavay, yan koliṅanta ri kami, Aum·, mijil sakeṅ tiga rakva Ikaṅ buvana lavan sarva janma, yan koliṅanta, Aum·, tu-
57v4hu mati ikaṅ rat kabeḥ mijil sakeṅ tiga, ndi tan tiga brahma visnu saṅkanya, syapa kari vənaṅ myaktakna Ika, ndya pva kaṅ tiga saṅkanya kəta kariḥ, hana tiga rahasya, ṅarannya, vəkasniṅ tiga vinuvusa saṅ pandita,
[Folio 58r]
58r1ikaṅ bayu sabda hədap kari ya, taha tiga sadana ṅaran ika, ndya pva kaṅ tiga rahasya, ṅarannya, liṅ saṅ pandita nihan·, nyaṅ hədap·, nyaṅ tutur, saṅ manon·, yeka tiga rahasya ṅarannya, saṅkanikaṅ buvana lavan sarva
58r2janma, nihan dərəstanta Irikaṅ tiga rahasya, Ar ya saṅkanikaṅ buvana lavan sarva janma, nyaṅ pañjut dilahnya mvaṅ tejanya, tuṅgal karika liṅ ta, taham piḥ, duduṅ dilaḥ, duduṅ teja, duduṅ apuy,
58r3apa byaktanya, pasaṅ ikaṅ pañjut tinon sumbunya, bar dumilaḥ ta ya, Ikaṅ murub aṅadəg satumuduḥ gəṅnya, yeka dilaḥ ṅarannya, Ikaṅ abraṅ humibək iṁ ṅumaḥ yeka teja ṅarannya, I-
58r4kaṅ luməṅ sakunaṅ-kunaṁ, Abaṅ ri tutuṅniṅ sumbu yeka Apuy ṅarannya, nahan byaktanikaṁ ṅ apuy, Ar duduṅ mvaṅ dilahnya lavan tejanya, ndi ta saṅkanikaṅ dilaḥ lavan teja, saṅkariṁ ṅ apuy ta siḥ, Apa byakta-
[Folio 58v]
58v1nya saṅkariṁ ṅ apuy, ikaṅ dilaḥ lavan teja, pəjahi kaṁ ṅapuy, pada pətəṅ jati, ndi ta paranikaṅ dilaḥ lavan teja, mara ri sunyataya kariya, taham piḥ apan liṅnira vaneḥ mara ri sunyataya kətaḥ paraniṅ
58v2dilahnikaṁ ṅapuy mvaṅ tejanya, hayva ta maṅkana, ndi pva paranikaṅ dilaḥ mvaṅ teja, mareṁ ṅapuy ata siḥ saṅkariṁ ṅapuy ikaṅ dilaḥ mvaṅ teja, mareṁ ṅapuy paranya pəjaḥ muliḥ ri saṅ-
58v3kanya jatinika, Apa byaktanya, pasaṅ muvaḥ Ikaṅ pañjut·, bar parəṅ gata jatinika, mijilniṅ dilaḥ mijilniṅ teja, maṅkana ta ya pəjaḥ, hilaṅniṅ teja, parəṅ gata Ata ya hilaṁ, A-
58v4pa sinaṅguḥ apuy ṅarannya, saṅ manon·, Apa pinakadilahnya, ikaṅ hədap·, Apa pinakapanasnya mvaṅ pinakatejanya, ikaṅ tutur, ndaḥ saṅ manon ta sinaṅguḥ apuy ṅarannya, nahan sinaṅguḥ tiga raha-
[Folio 59r]
59r1sya ṅarannya, vəkasniṅ maṅucap tiga liṅ saṅ pandita, (54) ya teka saṅkanikaṅ buvana lavan sarva janma, Apa byaktanikaṅ rat·, Ar saṅkariṅ tiga rahasya, nyaṅ ləsniṅ pari saviji dərəstanta, Apa deyanta makadərəstanta ya?
59r2ntoḥ pve buṅkahnya, vvadnya, rvannya, yadyastun tətəkən·, pahasatusan ikaṅ las saviji, deyaniṁ ṅamet ikaṅ buṅkaḥ vvad lavan rvan·, tan kapaṅguḥ ni ya tanika, ri diva-
59r3sanya maṅkana, tanəmakən ta ri ləmaḥ, kahudanan kavveyan pva ya, mətu tekaṅ buṅkaḥ, vvad, vvit lavan rvan·, ndi ta saṅkanikaṅ vətu, atava Ikaṅ məraṅ lavan vvas kunaṅ dadi buṅkaḥ vvad vvi-
59r4t lavan rvan·, taham piḥ tar hana maṅkana, Apa byaktanya tanəmakən vijiniṅ hambavaṁ, sivaknikaṅ taṅ kurikanya bəlahniṅ vijinya, mətu tekaṅ buṅkaḥ vvad lavan rvan·, Atuha pva ya, sivak tekaṅ
[Folio 59v]
59v1taṅkurikanya, tumimpal vijinya, nahan byaktanikaṅ vyas lavan məraṅ ata ya dadi buṅkaḥ vvad lavan rvan·, Aparan pva kaṅ dadi buṅkaḥ vvad vvit lavan rvan·,yeka hədap ginavay, pagavay i-
59v2riya Ikaṅ tutur saṅ magavay saṅ manon·, ya ta mataṅyan pakaṅaran vvat bvat lavan vinih-viniḥ uṅgvananiṅ vvit kaliṅanya, maṅkana laksana saṅ manon·, Ar pakajanma sarva tumuvuḥ ka-
59v3yu, dukut·, rondvan·, lavan odvad, (55) apa laksana saṅ manon ar pakajanma Ikaṅ sarva satva mvaṅ janma vvaṅ, pet rasaniṅ tiga rahasya ri hantiga, tiga kətaḥ lvirnika, myaktakənya da-
59v4diniṅ tiga rahasya Ika, Apa byaktanya, taṅkurikanya, putihnya, kuniṅ-kuniṅnya, nahan lvirnya tiga riṅ tiga rahasya sineṅnya, kaliṅanya, Apan liṅnikaṅ loka, kama lavan ratiḥ sinaṅguhnya
[Folio 60r]
60r1ca dadi janma lavan sarira, Apa mataṅyan dadi janma lavan sarira, Ikaṅ kama lavan ratiḥ, rase kətaḥ Ikaṅ hantiga, Apa patəmvan iṅ hayam lanaṅ lavan vadvan ika, pasan yvaganiṅ kama lavan ra-
60r2tiḥ, dadya ta ya kabeḥ hayam·, havya haneṅ vukan·, marahakən tanikaṅ kama lavan ratiḥ, mataṅyan hana vukan yan hantiga, hana taṅ kraṅan·, ṅarannya, yan manusa, Apa
60r3ta ka rikaṅ dadi janma lavan sarira, liṅ saṅ pandita, yeka hədap·, Ar ya dadi janma lavan sarira, Apa Upadyan ta rikaṅ hədap ar ya dadi janma lavan sarira, nyaṅ savaḥ duvəg na ləmaḥ, ginaru
60r4tinətər pinahalit ikaṅ lvaḥ, dadinya karika təmahan pari, taham piḥ tan hana maṅkana, tuhun pinakapaṅandəlan viji atikaṅ ləmaḥ, tuhun pinakapaṅə:man viji atikaṁ ṅ vay,
[Folio 60v]
60v1iva maṅkana tekaṅ tiga rahasya, Apan kaharan latəka, Ikaṅ ratiḥ riṅ anakbi, An pakaharan vvay, Ikaṅ kətaṅ masaṅka riṅ laki-laki, Apa kaharan viji, ikaṅ hədap·, ndaḥ Ikaṅ hədap ta
60v2inandəlakən ri pasaṅ yvaganikaṅ kama lavan ratiḥ, ya ginavay janma lavan sarira, Apa pagavay iriya tutur, syapa magavay saṅ manon·, ndaḥ saṅ manon ta gumavay hədapni-
60v3ra pinakavaknira, Apa pva mataṅyan hana raray kasalaḥ, ṅarannya, lavan vuruṅ ri garbavasa, ṅuniveḥ vvaṅ mətu mati, nihan laksana saṅ manon ar gavay sariranya ri garbavasa, sakama-ka-
60v4ma Ativa hita sarira sira, sakama-kama Ativa hita sarira, ṅarannya, vənaṅ magavay ṅaləmaḥ sarira, vənaṅ mavak vənaṅ tar pavak·, vənaṅ tuṅgal vənaṅ makveḥ, Apa kaliṅanya, Aharəp sira makava-
[Folio 61r]
61r1k ulihnira magavay dadi sira makavaknya, mətu mahurip sira yan maṅkana, Aləmaḥ pva sira makavaka Ulihnira, magavay, mətu mati avuk avaknira yan maṅkana, nahan laksana saṅ manon ar gava
61r2y sariranya ri daləm vətəṁ ṅuni maṅke, kaliṅanya dadiniṅ hədap ikaṅ rat kabeḥ, nda ta katuduḥ Ikaṅ hədap denikaṅ rat kabeḥ, kadyaṅganiṅ vrati lavan saṅ citrakara, ndi kanurat ikuṅ vvaṅ-vvaṅan liṅ
61r3nikaṅ citrakara, tinulisnya tekaṅ muka, taṅan suku, mata taliṅa, satəlas rupa pura saṅka para, vinarnanya ta ya, Inuṅkaban pva kaṅ patani, dataṅ tekaṅ manonton tulis kabeḥ, Apa
61r4ta paribasanya məne, hayunikiṅ vratyanya kumva kari ya, taha tan hana maṅkana, Apa kaliṅanya ta kariḥ, hayunikiṅ tulis kva juga liṅanika, ri pamatan·, ri pasusvan·, ri pajarijyan·, ri
[Folio 61v]
61v1parambutan·, ri peruṅan·, tan hana juga pacalanya, maṅkana liṅnikaṅ manonton tulis kabeḥ, Aparan tekaṅ vrati, tan katuduḥ ya deniṅ təmahanya, apan təmahan iṅ vrati pvakaṅ tulis, Iva maṅkana te-
61v2kaṅ hədap lavan tutur, Ar tan katuduḥ ya deniṅ təmahanya, Apan təmahan iṅ hədap pva kaṅ rat kabeḥ, vəruḥ pva kita təmahan iṅ hədap ikaṅ rat kabeḥ, mvaṅ ikaṅ buvana lavan sarira, Ar hədap ginavay tutur, pagavay saṅ ma-
61v3non magavay, ya ta sinaṅguḥ janma rahasya, ṅarannya, eṅət i rahasyaniṅ janmanya, ri təlasnya maṅkana, pati tekaṅ hayam lanaṅ lavan vadvan·, sivak ta dadanya kaliḥ, pet tekaṅ kama
61v4lavan ratiḥ, ri purusa lavan baga, tan kapaṅguḥ niyatanika, yan kapaṅguḥ saṅ manon·, vulikən petən ri sarira, kapaṅguḥ Ikaṅ kama lavan ratiḥ, Ar pinet ri sarira, Apayapan maṅke
[Folio 62r]
62r1krama saṅ manon ar parupa sidi, Ar pakavak raga mvaṅ harsa, ganal saṅ manon kətaṅ tutur, ganalniṅ tutur hədap·, ganal hədap raga mvaṅ harsa, ganalniṅ raga mvaṅ harsa Ikaṅ kama lavan ratiḥ, ganalniṅ
62r2kama lavan ratiḥ yekiṅ sarira, maṅkana laksana saṅ manon ar pakavak raga mvaṅ harsa, makavak kroda lavan ilik·, maṅkana taḥ, ganal saṅ manon ikaṅ tutur, ganalniṅ tutur hədap·,
62r3ganalniṅ hədap kroda lavan ilik·, ganalniṅ kroda lavan ilik vulat ambə: varna kambaṅan·, təka taṅan təka vuvus mamərəp mamati, nahan laksana saṅ manon ar pakavak kroda lava-
62r4n ilik·, (56) təlas ika ta ləhakən ta ri hilaṅ ikaṅ raga mvaṅ harsa, kramanya padəm ikaṅ raga mvaṅ harsa, mari mahyun mari melik unaṁ, litniṅ sarira, ṅarannya, kama lavan ratiḥ, litniṅ kama lavan ra-
[Folio 62v]
62v1tiḥ raga ragi mvaṅ harsa, litniṅ raga mvaṅ harsa hədap·, litniṅ hədap tutur, litniṅ tutur saṅ manon·, litniṅ saṅ manon tar kəna deniṅ raga mvaṅ dvasa lvaba, mvaha mada matsarya, luput an pakavak ika kabeḥ, tar ka-
62v2təmu tar kagrahya tar kagrahaka, nahan mataṅyan padəm ikaṅ kroda lavan ilik·, hilaṅ taṅ raga mvaṅ harsa, ya ta mataṅyan sambava Ikaṅ rat kabeḥ vəkasan·, Apa mataṅyan sambava, ri tar ka-
62v3ton ikaṅ ginavay lavan pagavay, ṅuniveḥ saṅ magavay, nahan vuku pratyaksa ṅarannya, maka rahasya sambava, liṅ arya pandita, (57) maṅkana tekaṅ kaləpasən·, A-
62v4pa pinakarasanya, si krataka, lavan si dum·, Apa krataka ṅaranya, gavay, Apa dum ṅarannya, titaḥ vatəs vija karma darma datu dumi ika kabeḥ, Apa kaliṅanya, vruhanira pakagavay
[Folio 63r]
63r1vruhanira dumum magavaynira ri sakala niskala, Ikaṅ saṅ manon ar pagavay dinumnira hiniṅanira gavaynira, Ar pakatuduhan iṅ gavay saṅ manon ri kala, nyaṅ aji mantra kiduṅ carita grə:da sloka sastra,
63r2hiniṅan ika ri davanya ri təndəknya, kvehanya lavan kədikanya, mataṅyan hana sarga rvaṅ sarga yan aji, sactus padika sapada, rvaṅ pada yan kiduṅ carita, maṅkana de saṅ kavi yar paga-
63r3vay, byaktanya hiniṅan kaliṅanya, nihan ta ṅvaṅ tani magavay gaga lavan savaḥ, hiniṅan lon ika Anuṅ kavasa kavənaṅa denya, nihan ta saṅ undahagi magavay umaḥ patani kunaṅ
63r4hiniṅan ika ri gəṅanya ri davanya mvaṅ ruhuranya, kaliṅanya Asiṅ pakagavay ika saṅ manon ri sakala ta juga hiṅa gavaynira, Iva maṅkana ta ya hiḥ gə:ṅi gavaynira ri niskala, Apa katuduha
[Folio 63v]
63v1niṅ gavay saṅ manon ri niskala, yekiṅ buvana svarga patala, mvaṅ sarva janma salvirnikaṅ duvəg pinakavaknya lavan pinakasariranya, Apa kaliṅanya, vruhanika saṅ manon ar pakavak pasarira juga, vru-
63v2hanya hiṅ ika sariranya, Asiṅ sakavakanya, Apa byaktanya, nyaṅ rahina lavan vəṅi, tan pahiṅan kətaḥ Ikaṁ, yan apa Ika, ya tan hiniṅan denikaṅ pramana makavaknya, nahan taṅ kayu dukut ron-
63v3don odvad tar pahiṅan kətaḥ kari gə:ṅanya lavan i ruhuranya, yan apa Ika, ya tar hiniṅan denikaṅ pramana makavaknya, nihan taṅ lvaḥ lavan tasik·, tan pahiṅan kətah
63v4lavan ika lavan jəronika, tan hana dasar lavan təpi, nusa para nusa ri sabraṅ maṅucap layaran·, yan apa Ika, ya tan hiṅan denikaṅ pramana makavaknya, nihan taṅ ləbak lavan gunuṁ, pata ya pada
[Folio 64r]
64r1kəta ratanika,yan apa Ika, ya tan hiniṅan denikaṅ pramana makavaknya, kaliṅanya, saṅ manon juga hiṅa Avaknira, dumumi asiṅ saka sariranya ri gə:ṅanya lavan i ruhurannya, kadyaṅga ni-
64r2kaṅ saṅ manon ar sira humiṅa Asiṅ sakavaknya ri gə:ṅanya lavan ri dəmitanya, maṅkana ta ya gavay avaknira lanaṅa lavan vadvana ṅka ri garbavasa, Ar gavay avaknira Ahala la-
64r3van hayu, Agə:ṅa lavan vujil·, salisu lavan beda, Agavay avaknira nohan lavan vogan·, suka lavan duka, ṅka ri daləm vətəṅ juga sira An salvirlvirnya kabeḥ, tumi-
64r4taḥ avaknira I lviranya Asiṅ sakahyunira, Aṅel tekaṁ ṅvaṅ vaneḥ mamet suka, sahavidi mantra japa lavan puja, satitis yan pamet suka, Atuha guguḥ cukuh-cukuḥ ravun matanya, tar
[Folio 64v]
64v1katəmu atekaṅ suka pinetnya, Apayapan·, ṅuni garbavasa Ikaṅ saṅ manon ar pagavay avaknya vvagana lavan duka, maṅkana tekaṁ ṅvaṅ ahala vujil·, Aṅel yan pamet viji ma-
64v2tranya na harəp·, lituhayu gə:ṅ adava sadrasa, tar kavənaṅ ika, Apa ṅuni ṅka ri garbavasa Ikaṅ saṅ manon ar gavay avaknya, na hayu lavan vujil·, maṅkana tekaṅ pramana gumavay a-
64v3vaknya gə:ṅ adava sadrasa, gumavay avaknya nohan lavan suka, təbəṅ ta ya migul mamet suka vahya, manəmu ta ya boga magə:ṁ, tar men ta tvavi ndaḥ vikva manusup iṅ gunuṁ, Usə:n ata
64v4ya deniṅ suka susup anaraṅ baṅan deniṅ boga, Apayapan ṅuni ṅka ri garbavasa yan agavay avaknya lituhayu gə:ṅ adava sadrasa, nguni ṅka ri garbavasa An gavay avaknya suka lavan nohana,
[Folio 65r]
65r1kaliṅanya, ṅuni ṅka ri garbavasa An gavay avaknya, saguna lavan iṅ guna, pajña lavan dusa prajña, vikala beda lavan varasa salisva, [kaliṅanya], ya ta kaliṅanya paribasa kumva, gavay ta ṅuni purba janma ta
65r2kunəṁ ṅke, mataṅyan atəka maṅke kahala vujil duhka dali drami sis dahat an lavan vyadi malara saṅsara, mvaga siṅlar sular juga ku asiṅ saguna ku vvagan·, maṅkana liṅnya sinəsə-
65r3l avaknya, tatan salaḥ Ikaṅ lvaṅ tan pakvajar ika, Apan ṅuni ṅka ri garbavasa yar gavay avaknya maṅkana kabeḥ, ri purvanya pasarira yan reka lumvaṅ ravatnya lanaṁ ṅala-
65r4van vadon·, Ahala lavan lituhayva, suka lavan duka, vvagan alavan nohan·, ya ta kaliṅaniṅ paribasa ri purbva janma, ri purbvanya pasarira yan gavay avaknya maṅkana kabeḥ, dumumi ika salvi-
[Folio 65v]
65v1ranya lavan haməṅi ya ri gə:ṅanya lavan dəmitanya, davanya lavan təndəkanya, ya kaliṅaniṅ paribasa dumnya maṅkana, Apa byaktanya saṅ manon·, magavay tan ginavay, madumi tan kaduman·, maṅ-
65v2hiṅa tan kahiṅanan ri sakala niskala, nihan avakta kala n tava humijil saṅkariṅ garbavasa, kadi ta ya Atigrasa gə:ṅanya lavan ruhuranya, taha siḥ dinumanira ta ya ri gə:ṅ-
65v3anya lavan ruhuranya, nihan ta pasuk vətuniṅ bayu hiniṅan ata ya, nihan ta vijilniṅ sabda lavan həniṅ-həniṅan ta ya, nihan ta laku limbay luṅguḥ kədap hiniṅan taya, nihan tapvalahniṅ
65v4hədap panadakaraniṅ manaḥ rupa vastu, paṅaler paṅidulnya, pisvar pinduhuranya hiniṅan ataya, nihan ta lapa varəg, turu taṅhi hiniṅan ata ya, nihan taṅ panas kaliṅanan devi aṅin·,
[Folio 66r]
66r1yadyastun kahiṅan ikaṅ panas deniṅ tis, (58) mapa hiṅanniṅ tis, Apa pva Apuy kəta, kahiṅan ni ikaṅ tis deniṅ panas, mapa deyaniṅ humiṅa hurip·, ta labuḥ apuy, ta labuḥ gunuṁ, ta labuh
66r2her, ta labuḥ kidat·, ta labuḥ kəndat ceda, kahiṅan iṅ ikaṅ hurip deniṅ si pati, nihan taṅ rupa kayovanan təṅaḥ tuvuḥ lavan tuha, hiniṅan ata ya, Apa ta paṅhiṅan saṅ manon irikaṅ maṅkana kabe-
66r3ḥ, tuturnira juga, Aum ikaṅ samaṅkana kabeḥ Ika kavənaṅ hiniṅan·, Apa ta pahiṅ-hiṅ saṅ manon irikeṅ si pati, yan kvaliṅanta ri kami, aum yekiṅ piḥ mevəḥ təmən·, sina-
66r4ṅguḥ baya Adyatmaka, ṅarannya, Ikeṅ si pati, Apa byaktanya bavacakra saṅsara Avaluy-valuy janmanika saṅ manon·, ya ta hiṅ ika si pati, Apa ta de yanika saṅ manon humiṅ ika si pati, nihan deyanira,
[Folio 66v]
66v1iva kadyaṅganiṅ pande mas an sumimakən pagavaynya, tinarimakənnya ri kahulanya, mari ta ya byapara Irikaṅ kasulpikan·, dataṅ marapva kaṅ saṅ makonkon·, Apa tekaṅ nuṅ sahura, kasihana pva saṅ-
66v2hulun·, pagavayakna simsim lavan səsəran·, liṅ saṅ manon maṅkana, sumahur saṅ pandey, mari kətaḥ pinakahulun pandey maṅke, pagavaynikaṅ təlas tinarimakən iṅ pina-
66v3kahulun·, təka yan pinakahulun·, Alupa ri kagavayanya, Ikaṅ saginavaynya, Apan alavas ikaṅ guna katiṅ deniṅ pinakahulun·, nahan liṅ saṅ pandey, vuruṅ ta saṅ ma-
66v4konkon kerəṅan·, luṅha ya met pande vaneḥ, saṅ pandey mari maṅel deniṅ gavaynya, lavan ikaṅ ginavaynya, mari ta ya hulun deniṅ gavaynya, Iva maṅkana tekaṅ saṅ manon an hiṅ ika si
[Folio 67r]
67r1huripnira mvaṅ si pati, rahasyaniṅ vuvus iṅ pandita, sarira tan pinakasarira, bayu tan pinakahurip·, sabda tan pinakasabda, hədap tan pinakahədap·, tutur tan pinakatutur, saṅ manon kari madra-
67r2bya kabeḥ, niruktinya liṅ arya pandita; hədap mari ginave, tutur mari pagavay, saṅ manon mari magavay, kaliṅanya mari byapara saṅ manon irikaṅ rat·, nahan deyanira ra
67r3humə:ṅ ika si pati, maṅhiṅa tan kahiṅanan·, maṅdumi tar kaduman po kaṅ saṅ manon·, yavat ika saṅ manon·, kahiṅanan deniṅ sariranya, bayu sabda hədapnya, tuturnya gavaynya A-
67r4jinya; tavat papa kapataka saṅ manon yaṅ maṅkana, ya sinaṅguḥ viku hulun ṅaranya; enak mari vihikan·, Arya pandita, An sira maṅdumi tar kaduman·, mahiṅa tan kahiṅan·, ri gavayni-
[Folio 67v]
67v1ra ri sakala niskala, tavat purnabavata saṅ manon·, ya sinaṅguḥ ləpas ṅarannya, nahan kaləpasən ṅarannya, liṅ maha pandita, (59) taṅkəs ṅarannya, pet aṅ rasaniṅ tuhu, Apanikaṅ vuku lima, ya tan kataṅkə-
67v2san iṅ tuhun·, brata maga mvaṁ ṅan manahniṅ sisya humədapa ya, Apa dərastanta Ar si tuhu panaṅkəsi irikaṅ vuvus kabeḥ, kadyaṅganiṅ banava, bahetra, havan iṅ manabraṁ, ya tan apusən katir-
67v3nya, kamudinya, layarnya, salimarnya, byakta yan rusak kasurikat pakəkəsannya kabeḥ, təmahan aṅambaṅ kasasaḥ Ikaṅ banava bahetra, kunaṅ pva ri hananikaṅ apus-apus, həduk
67v4hvi, nahan mataṅyan paripurna pva saka pagəḥ vənaṅ ta ya mamava banda paribanda mariṅ sabraṁ, nihan ta ṅveṅ mamaṅun umaḥ patani kunaṁ, ya tar apusa vəlaḥ usuk hatə:p taviṅ salə:, sak baya tasurika-
[Folio 68r]
68r1t atani ya tanika kabeḥ, Inapusan pva ya kabeḥ həduk hvi hada, Atəguḥ ta ya vənaṅ paṅə:ban apagəḥ vənaṅ paluṅguhan lavan paturvan·, Iva maṅkana tekaṅ vuvus kabeḥ, ya tan kataṅkəsan
68r2riṅ tuhu, Apa ta kavivastu niṅ si tuhu, nihan·, nyaṅ buvana, enak karika səṅgahən ta buvana, yan apa Ika, yan adva yan buvana, kunaṅ saṅkariṅ tuhunya buvana, nahan mataṅyan e-
68r3nak apagəḥ sinaṅguḥ buvana, nihan taṅ sunyataya, enak karika səṅguhan ta sunyataya, yan apa Ika, yan adva yan sunyataya, kunaṅ saṅkariṅ tuhunya sunyataya, nahan mataṅyan ena-
68r4k apagəḥ səṅgahan ta sunyataya, maṅkana tekiṁ ṅ avak·, enak karika səṅgahən ta sarira, yan apa Ika?yan adva yan sarira, kunaṅ saṅkariṅ tuhunnya sarira, nahan mataṅyan enak apagəḥ sinaṅgu-
[Folio 68v]
68v1ḥ sarira, maṅkana tekiṅ bayu sabda hədap·, enak karika səṅgahən bayu sabda hədap·, yan apa Ika, yan adva yan bayu sabda hədap·, kunaṅ saṅkariṅ tuhunnya bayu sabda hədap·, nahan mataṅyan enak apagəh
68v2sinaṅguḥ bayu sabda hədap·, si tuhu atekaṅ enak apagəḥ pamituhvan ri ya, Apa kaliṅanya, tuhva taṅ saṅ manon·, Ar sira meṅət ar sira madumi tar kaduman·, maṅhiṅi tar kahiṅa-
68v3n·, ri sakala niskala pinakarasanya ri kaləpasan·, tuhva ta saṅ manon meṅət ar sira magavay tan ginavay, Ar gavay ikaṅ hədap·, tutur pinakapagavay, mataṅyan asambava I-
68v4kaṅ rat kabeḥ, pinakarasanya ri pratyaksa, tuhva tekaṅ saṅ manon meṅət landəpniṅ rvi, bvaniṅ tahi, panasniṅ apuy, tar ambaha ya, vvilan ta ṅaran ika, pinakarasanya ri luṅgaḥ, tuhva te-
[Folio 69r]
69r1kaṅ saṅ manon meṅət ar pinakapapa Ikeṅ si trəsna ri sakala niskala, ya ta sinaṅguḥ nis trəsna pinakavisesanya, pinakarasanya ri tapa, tuhva tekaṅ saṅ manon meṅət ar si lupa biparita pinakapapa-
69r2nya ri sakala niskala rikaṅ sandi, si tutur pinakavisesanya rikaṅ sandi, Apa kaliṅanya, hayva juga saṅ manon [mil]umituhu ikaṅ madva, Apa madva ṅarannya, nyaṅ gəlar puja, dyana samadi, mvaṅ kalpa
69r3carita, Adidevaniṅ hyaṅ devata, batara batari, svarga lavan patala, nahan madva ṅarannya, yavat ika saṅ manon umituhu ika kabeḥ, tavat papa kapataka saṅ hyaṅ pramana, enak ma-
69r4ri vihikan·, saṅ manon ri dvanika kabeḥ, ya ta sinaṅguḥ ləpas i ṅarannya, liṅ arya pandita, nahan taṅkəs ṅarannya, (60) nihan təmbəyniṅ tulis, ṅarannya, Apa tinuduḥ saṅ pandita ri təm-
[Folio 69v]
69v1bəyniṅ tulis, nihan otvat taṅan kanan keri, tulis lit mu gval iṅ ləpa-ləpaniṅ taṅan ta, Adi seṅ ika, Apa sinəndinika, kratya, krataka, krataka ṅarannya gavay, krataṁ ṅarannya taṅan·, A-
69v2pa kaliṅanya, tar hana gavay luput ri taṅan·, ya ta mataṅyan tinuduḥ Ikaṅ otvat tulisniṅ taṅan ta, Apan pinakasvaṅ pinakatatva ni gavay saṅ manon ri niskala Ika, mararakənya saṅ
69v3magavay ri sakala niskala kaliṅan ika, Apa katuduhanniṅ gavay saṅ manon ri niskala, yekiṅ buvana svarga patala, mvaṅ sarva janma salvirnikaṅ duvəg pinakavaknya, Apa ta
69v4lvirnikaṅ duvəg pinakavaknya, ṅarannya, yekiṅ prativi apaḥ teja bayu akasa, nyaṅ vintaṅ vulan aditya vaṅkavaṅ kuvuṅ-kuvuṅ saṅhub kukus, mega hudan kilat gəlap gərəḥ gən-
[Folio 70r]
70r1ter patər rahu handaru paramanuḥ, mvaṅ trəna taru lata galuma, pasu paksi sarikrami sapastavara jaṅgamadi, sesiniṅ lvaḥ lavan tasik·, saṅ rumaṅkaṅ saṅ kuməlip ri prativi, makadi sarira samaṅke,
70r2nahan ika sinagguḥ duvəg pinakavaknya, ṅarannya, Apa ta katuduhan iṅ gavay saṅ manon ri sakala, ri sədaṅnya rakut ikaṅ buvana sarira samaṅke, nyaṅ aji kavya sankya prakarana kalpa pu-
70r3rana; vinya ya viniscaya canda ganita, ṅuniveḥ taṅ gəlar puja dyana samadi, mvaṅ pəta liṅga liṅgir pratima bimba, vihara sala kamulan·, parahyaṅan·, cetya candi prasada stapa, nahan sakve
70r4hniṅ gavay saṅ manon ri sakala kabeḥ, sədaṅnya rakut ikiṅ janma sivvaṁ, Ika ta gavay saṅ manon ri sakala kabeḥ nir saṅsaya sira Irika, yavat ika saṅ manon milu katut kəkət deniṅ gavaynya ri
[Folio 70v]
70v1sakala niskala, tavat papa kapataka Ika saṅ manon yan maṅkana, enak mari vihikan saṅ manon ar visesa, ya ta mataṅyanniṅ saṅsaya juga huvus, (61) nihan ta pindoniṅ tulis, sabda saṅ
70v2kiriman·, ya pinakaseṅ saṅ pandita, Apa tinuduhnira, nyaṅ gvala kaliḥ viji, mata kanan keri, Apa kaliṅanya, liriṅniṅ mata ri kivan·, tut mata ri təṅən·, liriṅ mata ri təṅən tut ma-
70v3ta ri kivan·, Apa kaliṅanya, yugapat parəṅ gata jatinika, Apa ta sinəndinika, hədap lavan tutur, Apa kaliṅanya, lakuniṅ hədap lakuniṅ tutur, lakuniṅ tutur lakuniṅ hədap·, yu-
70v4gapat parəṅ gata jatinika, Apa rahinaniṅ vuvus saṅ pandita, sahinədapnikaṅ sarat·, ya kinatuturan ikaṅ sabuvana, sakinatuturannya hinədapnya, Apa kinatutur rikeṅ sarat mvaṅ sahinəda-
[Folio 71r]
71r1pnikaṅ sabuvana, nyaṅ svarga patala, yaksa buta raksasa pisaca, ṅuniveḥ adidevaniṅ hyaṅ devata, batara batari sivaḥ buda, nahan hinədapnikaṅ sarat·, Apa kinatuturannya, sakvehniṅ gəlar puja
71r2patula tavur srinasiḥ, mvaṅ lek·, vəṅi pañcavara sadvara saptavara, sandi divasaniṅ lek tahun·, nahan kinatuturan ikaṅ sabuvana, nityaseṅ rahineṅ kuləm·, Ikaṅ loka hədap ika lavan kuma-
71r3tutur ri ika, ya hinvan iṅ manahnya, sarisari tar pəgat·, hayva ta saṅ manon milu maṅkana, yavat ikaṅ saṅ manon milu humədap ika lavan kumatutur ika, tavat papa kapata-
71r4ka saṅ manon yan maṅkana, enak nak mara vihikan arya pandita ri kaliṅan ika, ya ta mataṅyan nir vikalpa ta juga huvus, (62) nihan kapintiganiṅ tulis, təbay saṅ pandita maṅucap
[Folio 71v]
71v1rahasya, purva saṅ manon vruha yar vaknira Ar darma visesa, ləpasnya sakeṅ buvana, luputnya sakeṅ sarira, tar pakavak bayu sabda hədap·, ṅuniveḥ sunyataya paramarta, luput an pakavak ikaṅ samaṅkana
71v2kabeḥ pva pinakavak saṅ manon·, ya ta mataṅyan rahasya, ya sinaṅguḥ darma haneṅ sarira, nityasa dumilaḥ kumənyar tar pakapadəman ri rahineṅ kuləm·, lumə:ṅ rahi-
71v3na sadakala, nihan ta saṅ hyaṅ aditya Upamana, Ar tan hana Umade tejanira ri buvana, parama təka kvehnikaṅ vintaṁ, kadi hinatap ikaṅ gagana denya, Inakanika vənaṅa marahina
71v4kna təka ya, taha siḥ tar vənaṅ ataḥ umade tejanikaṅ saṅ hyaṅ aditya ri buvana, Aum tuhu ikaṅ gagana kadi hinatap denya, ndan adəmit ika pvaṅkulun·, yan koliṅanta, Aum tuhu ika,ni-
[Folio 72r]
72r1han taṅ vulan duvəg purnama, pada gəṅnya, pada vəlunya, tar vənaṅ ataḥ umade teja saṅ hyaṅ aditya, Apuy kari vənaṅa, handaru kari vənaṅa, kilat kari vənaṅa, taṅ vulan sədaṅ purnama pva, pada gəṅnya, pada vəlunya, tar vənaṅ-
72r2a Ataḥ umade teja saṅ hyaṅ aditya, lavan ika saṅ hyaṅ aditya, sakakalananira təka juga rahina denira, svarga patala kabahananira, svarga patala rahina denira, madyapada kahana-
72r3nira, madyapada rahina denira, sakahananira ta juga sumuluḥ hiṅ avaknira, tumejaniṅ sariranira, kaliṅanya sakahanan saṅ hyaṅ aditya ta juga n rahina denira, Iva rupa kalaksa-
72r4na, maṅkana tekaṅ saṅ manon·, Ar tan hana luməviḥ Iṅ pramananira, ri buvana lavan sarva janma, saṅ manon ataḥ pramana, makavaknya kabeḥ tan hana vaneḥ, ri sarira mvaṅ bayu sabda hədap·, saṅ mano-
[Folio 72v]
72v1n ataḥ pramana makadrabya ya kabeḥ, tan hana juga luməviḥ hiṅ sira pramana, tejanira tovi tan hana taḥ luməviḥ hiṅ tejanira ri rat·, Adva devata saṅhulun piḥ, Ar tan hana Umade tejanira
72v2riṅ buvana, Apan maṅhiras ri teja saṅ hyaṅ aditya pva ranak devata saṅhulun maṅke, tovi ika sahaban deniṅ vəṅi, katusa deniṅ pətəṅ yan akva kita, tuhu kita, ya ta mataṅyan maṅ-
72v3guru lavan manəmbaḥ, namanya rikaṅ loka, majarikna kapətəṅannya, yavat papaniṅ janma samaṅke, kaliṅanya, Apan ri sədəṅnya rakut ikiṅ sarira samaṅke ikaṅ saṅ manon at ra sahaba-
72v4n deniṅ vəṅi, mvaṅ katusa deniṅ pətəṅ lavan ar paṅhiras i teja saṅ hyaṅ aditya, kunaṅ i vaṅsilnya saṅkariṅ rupa samaṅke ta, Irikaṅ tar pahiras i teja saṅ hyaṅ aditya, Apa byaktanya, ta tu-
[Folio 73r]
73r1ru məne ri kuləm maṅavasya rikaṅ kala, vintaṅ vulan·, pañjut tan hana, pətəṅ pəpət agamələn lvirnikaṅ vəṅi vetnya pətaṅ ika, təp maturu kita ṅipi, kapətəṅan ta ri kita ṅka ri paṅipyan·, taham piḥ rahi-
73r2na juga ya, Ika tan rahina ṅka ri paṅipyan·, rahina taḥ deniṅ vulan pañjut·, ṅuniveḥ aditya, tan hana Ika kabeḥ ṅke ri svapna laksana, rahina juga ya ṅka ri paṅipyan·, deniṅ kə-
73r3ñarnikiṅ darma laṅgəṅ haneṅ sarira, teja saṅ hyaṅ pramana, yapvan kapətəṅan kavəṅyan kira haneṅ paṅipyan·, hana duhkanta kita, ya tar duhkanta [duhka]nikaṅ desa kahananta kaliṅa-
73r4n ika, ri divasanya maṅkana, ta turu ta ri rahina, Aṅipi ta kita muvaḥ, rahina Ata ya tejaniṅ aditya karika tumut pinakasuluḥ ta, taham piḥ, Apan adva samun tan avas tejaniṅ
[Folio 73v]
73v1[deniṅ] aditya, kasaṅsepta deniṅ teja saṅ hyaṅ pramana, kadi kasaṅseptaniṅ tejaniṅ pañjut deniṅ tejaniṅ aditya, ri kalaniṅ təṅahṅe, tuhun dilahnikaṅ pañjut ya katon·, maṅkana ta saṅsepta
73v2niṅ teja saṅ hyaṅ aditya, deniṅ teja saṅ hyaṅ pramana, ya ta ṅipi maturu ri rahina, kaliṅanya Ar nakvan pama Ikaṅ saṅ manon·, rahina juga Ika sira sadakala, tar kəneṅ turu, tar kalaṅ-
73v3kahan deniṅ rahina vəṅi, tar kəneṅ pati, lavan tejaniṅ aditya, vahye kətaḥ Ika Apan ahiṅan·, tar təkeṅ jəroniṅ umaḥ, gambir lavan iṅ jəro guha, tatan maṅkana teja saṅ hyaṅ
73v4pramana, ləpasnira ri buvana samaṅke tərus ikaṅ svarga patala, sapta svarga, sapta patala tovi, Ava ya Ata kasuluhan deniṅ saṅ hyaṅ pramana, kadi ta ya tan pahiṅan ikaṅ lvar kidul
[Folio 74r]
74r1kulvan vetar, I svar i ruhur, maṅkana ta tan pahiṅan teja saṅ hyaṅ pramana, Ava rahina laṅgəṅ jaga I kadi desantara, Apa hetunika saṅ sevaka darma An enak apagəḥ deniṅ maṅguḥ byakta
74r2niṅ vuvus iṅ guru, ri kapaṅguhnikaṅ rahina sada damar laṅgəṅ haneṅ sarira, hana mata rahina sada liṅ saṅ viku vaneḥ, ndya lvirnya nihan·, hana manik sakuruṅan gəṅnya, Umuṅgu ri vvit
74r3niṅ kalpataru, tejanya Ikaṅ manik samaṅkana gəṅnya, ya ta pinakasuluhnikaṅ kadevatan rakva, nahan rahina sada liṅ saṅ pandita vaneḥ, nihan taṅ sunyataya, lilaṅ həniṅ niravara-
74r4nya mvaṅ nirasrayanya, rahina sada tika liṅnya, nihan taṅ manaḥ ri vəruhnya ri rahina vəṅi, rahina sada tika liṅnya, valiṅnya manaḥ Ikaṅ [manaḥ Ikaṅ] maṅavəeruhi, tar vəruḥ yan paṅavəruḥ Ikaṅ manaḥ, kunaṅ saṅkariṅ mu-
[Folio 74v]
74v1danya, nahan mataṅyan sinaṅguḥ Ikaṅ manaḥ maṅavəruhi, nahan rahina sada liṅnikaṅ viku paraloka, ndya pva kaṅ rahina sada liṅ saṅ utama pandita, yan koliṅanta, rika paṅguhniṅ
74v2laṅgəṅniṅ tutur, təlaniṅ sandi jñana, nahan rahina sada, ṅarannya, rahasyanya saṅ manon·, pinetnikaṅ sabuvana, ṅuniveḥ savatək viku, nahan ta pintiganiṅ tulis liṅ saṅ pandita,
74v3(63) kala karpat·, ṅarannya, hurip pati turu viparita, nahan pinakapapa saṅ manon ri niskala vastu, kinvanakən saṅ pandita, kayatnakna Ikaṅ saṅ sevaka darma, Apa ta
74v4kavivastunya, nihan·, ri huvusnika saṅ manon makavak laṅgəṅniṅ tutur təlaniṅ sandi jñana, ləpasnya sakeṅ buvana, luputnya sakeṅ sarira, rakutənya tekaṅ sarira ganal·, sarira
[Folio 75r]
75r1lit·, sarira lilaṁ, sarira suksma, ya ta vaknya, tavat papa kapataka saṅ manon yaṅ maṅkana, hana ta sarira lit·, ya sinaṅguḥ hurip ṅaranya, ndya lvirnya: nyaṁ ṅaṅin·, rivut patər
75r2seduṁ, haliyusus, halivavar, sarira lit si hurip ṅaran ika, Ika Avak saṅ manon rakutənya huvus luput sakeṅ buvana, ləpas sakeṅ sarira, hayva tiṅgalakən ika
75r3 tan avak saṅ manon·, turu byapara papa Ika, sarira ganal·, ṅarannya si pati, Anon ta ya sarira kiñcit matra sakədap katonanya, lvirnya Anuḥ paramanuḥ, kilat gəlap
75r4vaṅkavaṅ kuvuṅ-kuvuṁ, vintaṅ vulan aditya handaru, ṅuniveḥ taṅ sarva sato tumuvuḥ makadi sarira samaṅke, ya sarira ganal ṅarannya, sinaṅguḥ si pati, Ika ta rakutən saṅ mano-
[Folio 75v]
75v1n·, Avaknya huvus tumiṅgalakən sariranya, ləpasnya sakeṅ buvana, hayva tiniṅgalakən ika tan avak saṅ manon·, Ivəḥ turu byapara papa Ika, hana ta sarira suksma, ya siṅguḥ turu, ṅarannya, Ikaṅ
75v2pinakavak ta ri paṅipyan·, Ikaṅ ta rakutən saṅ manon·, Avaknya huvus timuṅgalakən sariranya, ləpasnya sakeṅ buvana, hayva tan avak saṅ manon tumiṅgalakən ivəḥ turu
75v3byapara papa Ika, yaya maluy ri janma samaṅke ika yar maṅkana, yan pavak aṅatma Ayyarkən ika, hana ta sarira lilaṁ, ya siṅguḥ viparita ṅaranya, lina ri sunyataya para-
75v4marta, maprabu takas myavasaya samatita ri bayu laṅgəṁ, mvaṅ lilaṅ həniṅ niravarana Umaṅguhakən rasaniṅ turu tan paṅipi, tuməmvakna rasaniṅ lupa, yatika ratuniṅ lupa, mandala kidah-
[Folio 76r]
76r1henaci, kadi kama ṅke ya Ataḥ lvirnikaṅ buvana lavan sarva janma, ya tan pakavak lupa Ikaṅ tuṅgal·, kunaṅ apan lina makavak viparita Ika saṅ manon·, nahan mataṅyan laṅgəṅ ikaṅ
76r2buvana lavan sarva janma, ya ta mataṅyan tiniṅgalakən ikaṅ viparita, tan avak saṅ manon ri huvusnya ləpas sakeṅ sarira, luputnya sakeṅ buvana, Apan kədaḥ aveci ra-
76r3tuniṅ papa Ika, nahan kala karpat ṅarannya, tan avak saṅ manon liṅ saṅ pandita, pinakabaya ri niskala vastu, Umapa ta lvirnika saṅ manon ar tiniṅgalakən sari-
76r4ranira, ləpas sakeṅ buvana, Ar pakavak laṅgəṅniṅ tutur təlaniṅ sandi jñana, kaste-kaste ya ta bahəniṅ suksma tovi pala byate, Iva kadyaṅganiṁ ṅapuy haneṁ ṅisyan·, suksma teka
[Folio 76v]
76v1tar katon·, nvapalabyate, tan hana paṅguhanya, tan panas tan atis, tar hala tar hayu katəmvaniṅ ikaṁ ṅapuy, yadyastun hana hala hayu mvaṅ panas tis ikaṁ ṅapuy, tan su-
76v2ka tan dukanikaṅ apuy ika, suka dukanikaṁ ṅəsyan ika, ya tapva luput ri suka duka, mvaṅ panas tis kapva Ikaṅ apuy, Aum·, luput·, Apa byaktanya, mijil jatinikaṅ
76v3ṅapuy saṅkariṁ ṅəsyan·, makahetu panas tis, pəjaḥ pva kaṅ apuy luṅ sat mari lumaṅkaṅ ri tekaṅ panas tis kavəkas rikaṁ ṅəsyan·, Apa byaktanya, gaməl ikaṁ ṅəsyan apa-
76v4nas jatinika, ri vəkasan atis ikaṁ ṅəsyan·, nahan byaktanikaṁ ṅəsyan·, Ar ya kahananikaṅ suka duka mvaṅ panas tis, kunaṅ ikaṅ apuy luput ləpas, Irikaṅ papa samaṅkana
[Folio 77r]
77r1kabeḥ, yadvat ri denya maṅkana, tadvat maṅka saṅ manon ar luput ri hala hayu mvaṅ suka duka sarva papa kabeḥ, ṅuni ri sədaṅnira pasarira, kəta saṅ manon ar karakətan deniṅ sarva pala
77r2lavan maṅhədap papa, huvus ta tiṅgal pva kaṅ sarira denira, luput ləpas ikaṅ buvana, Aparan tekaṅ rumakətana sira, Apan kavəkas irikaṅ sarira, Ikaṅ suka duka hala hayu
77r3lavan ikaṅ sarva papa kabeḥ, bvaḥ aṅivut nanaḥ, kunəṁ ṅika saṅ manon luput sira ləpas tar kavyavandana deniṅ sarva papa, svaca lilaṅ sira makasabda Ikaṅ lilaṅ həniṅ makadrabya
77r4buvana, nahan pavak i rahasya sandi ṅarannya, liṅ saṅ pandita, (65) apa kavəkasniṅ takvan saṅ sisya, mvaṅ mvkasniṅ pajar saṅ guru, hana sabdopadesa nugraha, ṅarannya sabda saṅ kiriman·, Ar tan donya,
[Folio 77v]
77v1ndya liṅ saṅ pandita ri sisya nihan·, sakaton denta ri sakala, katon denta ri niskala, Apa kaliṅanya, satinon tar pavak pasarira maṅke, katon denta tar pavak pasarira, Apa drəstanta ni-
77v2han·, kadyaṅganiṅ taya tuṅgu ri daləmniṅ umaḥ bumi, Aninjo ta kita saṅkari lavaṁ, katon tekaṅ desa kaharəp denikaṅ umaḥ juga, tar katon denikaṅ desa kahiriṅ mvaṅ
77v3kapuṅkur denikaṅ umaḥ, Apan sukər kalinduṅan deniṅ taviṅnikaṅ bumi, mijil pva kita sakeṅ rikaṅ bumi, svaca maṅadəg rikaṅ təgal malva, manumpak ayyar granikaṅ gunuṅ maru-
77v4hur kunaṁ, Umulata ta kita Umavayekanaṅ desa-desa, enak ta ya tərus manaravaṅ katonan ika desa-desa ri lvar kidul kulvan vetan·, Agili-gilik tar katonan ika
[Folio 78r]
78r1i svar i ruhur, Apa tan hana varana sumuk iṅ ri panon ta, Irikaṅ təgal malva, mvaṅ ar tan numpak yyar granikaṅ gunuṅ maruhur kunaṅ, aaiva maṅkana ta denta tumon ikaṅ rat kabeḥ maṅke, Arda kana-
78r2va sukəer denikaṅ sarira, tan katon ikaṅ desa kahiri mvaṅ kapuṅkur denta, tovi pira saraniṅ mata rvaṅ viji mata sadu lit hanavi panon ta, kunaṅ i vaṅsil saṅ hyaṅ pramana sakeṅ sari-
78r3ra, ləpasnya sakeṅ sarira, Apa kavak laṅgəṅniṅ tutur təlaniṅ sandi jñana, enak avas agili-gilik·, katon ikaṅ buvana lavan desanira, Apa kaliṅanya, kadi saṅmanon kəna ri turu
78r4tar kəna ri tuha, tar kəna ri pətəṅ tan pakahilaṅan·, tar kəna pati, sariranira juga katekaṅ kəna ri drava mapasaḥ avuk·, kunaṅ bayu sabda hədapnira, Astiti ika tan pakahilaṅan·, ṅuni-
[Folio 78v]
78v1veḥ havuk·, karuhun ta saṅ madrabya, maṅkən ta pakahilaṅan·, lavan tar kənəṅ pati, Apa humilaṅakən sarira kari, apan sira maṅhilaṅakənya lavan maṅhanakən·, Apa matyana sira, Apan sira
78v2magavay pati mvaṅ magavay hurip·, ya ta mataṅyan yaya vəruhnira maṅke pasarira lavan vəruḥ nira tar pasarira, ruḥ nira tar pasarira, Aya panonira maṅke pasarira lavan denira manon tar pasari-
78v3ra, maṅjanma ri sugiḥ ri vanva brahmana ratu patiḥ, paməgət pva kaharəp ta, Apa kevəhan ika, tar pakasaṅkaniṅ aji gəlar puja mvaṅ brata tapa samadi, ya ta harəp maṅkana, ya ta mataṅ-
78v4yan hana Aji jatismara, ṅarannya ri loka ṅuniveḥ ri carita, ndi tanikaṅ dvan tatanikaṅ viniveka lavan vinisayakən saṅ pandita, luputanya ri sarva papa lavan tar pakavak sarva janma kabeh
[Folio 79r]
79r1atekaṅ ginənət ya rinahasya saṅ pandita, (66) ndaḥ aparan tekaṅ takvanaknanta ri kami, Apan siṅ satinakvanaknanta ri kami, ya pinakapapanta, svarga patala, hyaṅ devata batara batari takvana-
79r2knanta, ya pinakapapanta, Aji mantra gəlar puja kaləpasən mvaṅ kamvaktən ika takvanakna, ya pinakapapanta, sunyataya ya paramarta sivaḥ buda Ika takvanaknanta, ya pinakapapa-
79r3nta, hana takvananta, hana pinakapapanta, tar kapva kaṅ takvananta, ndaḥ tar hana tekaṅ pinakapapanta, kaliṅanya taṅeḥ təkaṅ takvanaknanta kveḥ Ikaṅ kapuṅguṅ ta, nda tanikaṅ
79r4sakapuṅguṅ ta mvaṅ satinakvanaknanta kabeḥ visesa, kaliṅanya sira si matakvan kətaḥ visesa, samaṅkana kami ya kampa varaha, Aparan tekaṅ varahakna mami apan siṅ savarahakna ma-
[Folio 79v]
79v1mi, ya pinakapapa mami, svarga patala hyaṅ devata batara batari varahakna mami, ya pinakapapa mami, Aji mantra brata tapa samadi gəlar puja kalpasən mvaṅ kamvaktən varahakna mami, ya
79v2pinakapapa mami, sunyataya paramarta sivaḥ buda varahakna mami, ya pinakapapa mami, hana varahakna mami hana pinakapapa mami, tan hana pva kaṁ, ndaḥ tan hana tekaṅ pinaka
79v3papa mami, rasaniṅ vuvus mami, taṅeḥ Ikaṅ varahakna mami ri kita Akveḥ Ikaṅ vruḥ mami, ndi tanikaṅ kavəruḥ mami, lavan pavaraha mami visesa, kaliṅanya saṅ maṅavəruhi la-
79v4van saṅ mavaraḥ kətaḥ sira visesa, saṅ matakon visesa, saṅ mavaraḥ visesa, tuṅgal pada paramarta pva saṅ mavaraḥ lavan saṅ matakvan ya ta vəruḥ kita ri kaliṅan ika vənaṁ, Apuṅguṅ
[Folio 80r]
80r1kita katakvan ta mvaḥ, nahan sabdopadesa nugraha, ṅarannya, kayatnakna saṅ sevaka darma, Iti srinanta Agə:ṅ kahuvusan saṅ hyaṅ pustaka pun·, (67) vus maniba taṅan
80r2ri desa mahapavitra ri tajakbarat kalpasən·, tasan anti tajakheraṁ, Uṅgva ri girivaṅsa, malampaḥ hiṅ apura, kuna sastra, o ceki ya ləbət·, yuyu cinaṅcaṅ ri natar pun·,
80r3iti svadaniṅ ta saṅ kavi, pañca varna catur bumi, “5441”,