The PNRI 277 Peti 89 CaritaWiwitJatiLuput

[Folio 1]
1-23
[Folio 1a]Ndah varahhakna na puhun, jati luput tanpa katuduhhan, vuit mula tanpa nama, taṅkal mula tanpa ṅaran, vatu mula jati tan hana, na puhun luput jati saṅhiyaṅ hayu, ña mana hatә luput, bvana hatә, hatә katuduh, di jati luput niṅ hatә katuduh ti jati
[Folio 1b] luput niṅ bihәṅ hatә katuduh, ti jati luput tan katuduh, tan kәna dituduh, ti jati luput tan katuduhhan, tan kәna dituduh, ti jati luput niskala tanpa katuduh, tan kәna dituduh, ti jati luput tan hana tanpa katuduhhan tan kәna dituduh; ña mana hatә katuduhhan, nu mәtukәn tan hana, jati tan hana, luput tan hana; ña mana puhun luput jati tanpa katuduhhan, ña mana dayәhhannana ña maha visesa, vәnaṅ nuṅgalkәn puhun jati luput laṅgәṅ sadakala, nu tanpa katuduh jati.

[Folio 1]
23-26 Luput namana, luput tanpa namana, luputna tanpa ṅaranna, nu tanpa katuduh puhun ṅaraniya.

[Folio 1]
26-30 Beak bahe gan agәs
[Folio 3]gәs di jati di maneh pun, ṅaraniya na tәgәr jatina bәnәr, laṅgәṅ na tәmәn sadakala, na agәs puhun tugal jati laṅgәṅ sadakala.

[Folio 1-2]
31-5 Iña kapagәhhan jati carita niṅ bәnәr, ña kaliṅaniya pun; ñaho di puhun luput jati carita tanpa katuduhhan, ña puhun tuṅtuṅ gantuṅ, tutuṅ ma-tuṅan di bvana, ti mana, bvana mana, hatә bvana hatә, hatә katuduhhannana, hatә namana,
[Folio 2] hatә ṅaranna, pun; iñana nu madiyana dayәhhannanna, nu vәnaṅ ṅavisesakәn uraṅ sabvana, tanpa namana, tanpa ṅaranna, pun.

[Folio 2]
6-8 Iña tu puhun luput tanpa katuduhhan, ña-mana hatә namana, hatә ṅaranna, pun.

[Folio 2]
9-19 Iña tu puhun uraṅ, mana vaya katuduhhan sabvana, uraṅ tanpa namana; iña puhun luput carita niṅ tanpa katuduh, vvat mula carita tanpa katuduhhan, vvat mula carita niṅ tanpa nama, mula jati carita niṅ tanpa ṅaran, carita jati tan hana, vvat mula carita jati niskala, pun.

[Folio 2]
20-36 Sakitu anakiṅ nu tan hana, lәvih niṅ laraṅ ajñana; aiṅ magahhan sugan hamo ñaho, ti nis-ñanana carita, ti niskala, na mula jati bәhәla, na vvat jati bihari, na puhun jatina tanpa katuduhhan; saturunna ti puhun

[Folio 2-3]
37-14 Saṅ pandita, gәsanna di vvat bvana, vvat mulaniṅ suniya bvana, di jati niskala tan hana, tanpa
[Folio 3] namana, gәssanna ñamana hatә katuduhhananna, gәsan saṅ pandita vaya katitisan ñana, na vvat mula niṅ ajñana jati, pakәnna gәlisna patiṅtinan, pakәn lidahna rarasan, mata muliya ttaan niṅ sabda, satiya niṅ utama; maka prәmana ajñana, lidah laraṅan; maka vidu tutur vastu niṅ rahayu, maka tuṅgal uraṅ, lәga, ṅәnah, manah liṅlaṅ, satia jati nirmala; maka visesa nisna cipta nirmala.

[Folio 3]
15-19 Maka vastu nisna jati saṅhiyaṅ hayu, maka tuṅgal jati manah liṅlaṅ, lәga ṅәnah nisna nirmala, padaṅ caaṅ rahina sada, di jatina caaṅ sadakala.

[Folio 3]
20-38
[Folio 6]Ini na jati puhun, kiñar hibar, hinar, padaṅ, caaṅ rahina sada, bәraṅ caaṅ sadakala, nu tanpa katuduhhan; iñana puhun hurip, nu maka caaṅ uraṅ sabvana, nu tan kәna ku pәtәṅ, ja nu maka pәtәṅ tan kapәtәṅan ku pәtәṅ, nu tan kәna ku kiñar, ku hibar, ku hinar; ja nu maka kiñar, hibar, hinar, tan kәna ku padaṅ, caaṅ, rahina sada, ja litana vvat padaṅ, caaṅ rahina sada, tan kәna ku bәraṅ caaṅ sadakala; ja vvat bәraṅ, caaṅ, sadakala, maka tuṅgal ka puhun, ka nu maka jati laṅgәṅ sadakala, kitu kaliṅana na sadaṅ agәs jatina puhun.

[Folio 3-4]
39-12 Aṅgәs tan kәna ku sadaṅ, nu ñaho di nu maṅka di nu
[Folio 4] maka ñaho, hamo kañahoan, ja hatә katuduh ti nu hatә ka
[Folio 7]tuduhhan, ña tuna vvat tanpa namana, ña nama hatә kәna ku sadaṅ⁽²⁾, tan kәna disadaṅan ku sadaṅ, nu ñaho, ja lita nu ñiәn sadaṅ; nu ñadaṅan, tan kәna ku sadaṅ, ja nu ṅavayakәn nu ñaho, hatә kañahoan ku nu ñaho, ja lita nu maka ñaho di nu ñaho, hamo kañahoan ku nu ma ka ñaho.

[Folio 4]
13-21 ja nu maka hatә katuduh, ja nu maka hatә, nu maka hatә katuduhhan, ña tu nu tanpa namana, tanpa katuduhhannanna; ña keh tuṅgal kaliṅana, ka jati tanpa katuduh ka puhun, ña kaliṅaniya sida, ka jati panteg ka agәs.

[Folio 4]
22-31 Ini turunna ti puhun, ti luput puhun jati niṅ tanpa katuduh, cat ka jati niṅ tanpa katuduh, ti
[Folio 8]jati cat ka saṅ pandita; diña niṅgalan vvat mula tataniṅ ñana, mula jati niṅ tanpa katuduhhan, niṅ ajñana, ja tinu hatә katuduhhan nu hatә kanamaan, nu hatә kaṅarannan.

[Folio 4-5]
32-5 ña mana hatә katuduhhannanna, pakәn na jati di puhun, sakitu ti puhun ka saṅ pandita, kapitәṅgәlan ti jati niskala tan hana, niṅgalan saṅ pandita, vvat jati tanpa nama, tanpa ṅaran, tuṅtuṅna puhun tanpa katuduh; sakitu ti tan hana, na paniṅgalan ajñana
[Folio 5] jati di saṅ pandita; ti niskala niṅgalan na jati tanpa katuduh, jatina luput, jatina bihәṅ, na jatina nu mәtu hana sakeṅ tan hana.

[Folio 5]
6-20 yana vvat jati mula niṅ ṅavarah, jati mula niṅ ajñana ti niskala
[Folio 9] disaṅ pandita, saṅ padita agәs katitisan ka jati, vvat mula jati mataṅiyan, teka vaya hurip ti jati vvat hurip, ti mula niṅ bvana, niskala tan hana katuduhhan mataṅiyan, teka vaya huripniṅ bvana, kena ku jati hurip vastu niṅ bvana; ñamana dәdәgna bvana, ñamana gәlisna bumi, kena vayana jati, huripna vidu jati tanpa vastu pun.

[Folio 5]
21-26 ña mana vayana katuduhhan di bvana, sakala niskala kena vayana jati, huripna jati tanpa katuduh; ti iña saṅ pandita ñamana, mәtuna katuduhhan niṅ ajñana.

[Folio 5-6]
27-2 Kena ti puhun agәs nu ñiәn bvana, matәmahhan vaya kahannan, hatәna kahanan, bihәṅna kahanan, luputna kahanan, tanpa katuduh
[Folio 10]na kahanan, niskalana kahanan, tә hanana kahannan, luput katuduhhan; tanpa namana kahannan, tanpa ṅaranna kahannan, ja luput hatә katuduhhan na kahannan, ja luput na rvana, hatәna kahannan, na kahannan hatә, luputna mana, hatә
[Folio 6] na mana, jati mana bvana, mana hatә, ja hatә katuduhhan.

[Folio 6]
3-4 Tan kәna dibasaan, tan kәna dinamaan, kәna diṅaranan, pun.

[Folio 6]
5-19 ña tu dayәhhannan nu luput ti puhun, tan kәna dituduh, ja nu ñiәn tanpa katuduh, ja nu ñiәn tanpa nama, ja nu ñiәn tu ṅaran, ja nu ñiәn luput, ja nu ñiәn puhun, ja nu ñiәn luput mana, ja nu ñuun jati mana, ja nu ñiәn tan hana, ja nu ñiәn
[Folio 11]niskala, ja nu ñiәn tanpa katuduhhan, ja nu ñiәn luput, ja nu ñiәn bihәṅ, ja nu ñiәn hatә, hatә katuduh.

[Folio 6-7]
20-4 Nu ñiәn puhunna na jati, tan kәna dituduh jati, nu ñiәn puhunna laṅgәṅ, tan kәna dituduh laṅgәṅ, nu ñiәn puhunna sadakala, tan kәna dituduh sadakala, nu ñiәn puhunna hurip, tan kәna dituduh sadakala, nu ñuun puyuna hurip, tan kәna dituduh hurip; ja nu maka hurip na hurip, tan kәna dipatian ku pati, ja matian nu pati, dihirupan nu maka hirup nu hirup; ñamana na jati tan kәna ku pati, tan kәna ku hurip, ja hatә ganal, hatә alit, ja na jati hatә katuduh, ja nu maka hatә ganal, ja nu maka hatә alit, ja na puhun jati tanpa katuduh, ja na
[Folio 12]puhun jati huripna laṅgәṅ, tan kәna dituduh laṅgәṅ, ja iña nu ma-
[Folio 7] ka laṅgәṅ, puhunna jati huripna sadakala, tan katuduh, ja nu maka sadakala, nu sadakala tan katuduh.

[Folio 7]
5-22 Nu ñiәn bvana, luput, maka jati mana, ti mana bvana hatә, nu ñiәn puhun, hatә katuduh, ja tan kәna dinamaan, tan kәna diṅaranan, ja puhun luput, jati tanpa katuduh, vvat jati mula tanpa nama, vvat mula tanpa ṅaran tu puhun, nu tan katuduh, nu tan mәtu hana, nu tan mәtu tan hana, ña na vvat nu mәtukәn na hana, ña na vvat sakeṅ tan hana, mataṅiyan vaya katuduhhan niṅ ajñana, tan hana; ti iña ñiәn bvana jati niskala, jati bvana lәṅis, jati bvana laraṅ.

[Folio 7]
23-30
[Folio 13] Hatә, bihәṅ, luput tan katuduh niskala tan hana, tanpa nama, tanpa ṅaran, tanpa katuduhhan-nanna; ñamana jati di puhun-niṅ luput, tanpa katuduh di puhun, luputna jati pun, tanpa katuduh nu agәs, pun.

[Folio 7]
31-37 Ini na puhun, vvat mula jati carita niṅ bәnәr, vvat mua jati carita niṅ tanpa nama, luput carita tanpa ṅaranna, puhun luput carita niṅ tanpa katuduhhan.

[Folio 7-8]
38-29 Lamun hamo ñaho di jati carita, jati niṅ bәnәr, hamo ñaho di jati di maneh, lamun
[Folio 8] ñaho di puhun jati carita niṅ bәnәr, ñaho di jati di maneh, ñaho di jati bәnәr di maneh, kaliṅaniya bәnәrna tәgәrna tәmәn, dәṅ na agәs ñaho di kala
[Folio 14] tanpa katuduh, ja litana jati, vvatna ṅavayakәn ṅahatәkәn, tan kәna divayakәn ku nu vaya, tan kәna dihatәkәn ku hatә, ja na puhun jati laṅgәṅ tanpa katuduh, kaliṅaniya sadaṅ saṅ pandita, ti puhun kana jati, tanpa katuduh dipigәsan nuduh na jati ajñana, nuduhhan jati parayuga niṅ ajñana, jati saṅ Manon, puhun jati ma hurip niṅ bvana, mana vaya saṅ pandita nuduhhan ka jati niskala, di jati bvana, vvat mula niṅ devata; ka jati seda bvana, ka bvana jati suda, di vvat niṅ jati manusa, di hantara manusa bvana Mәkah, di jati bvana cina, sakatuduh niṅ bvana loka, nu visesa di desaniṅ nusa haṅkarra.

[Folio 8]
30-37 Sakitu ti saṅ pandita, ja uraṅ agәs kavayakәn pa
[Folio 15]ṅgavay, ti puhun katuduhhan niṅ ajñana, sabvana loka, ti puhun ka jati, dipipaṅәsi bumi, lamba parәk aṅәsian bvana lamba, ṅәsian bvana parәk, әsina bvana lavan sarira.

[Folio 8-9]
38-1 ja agәs pahi kaәsian na paṅgavay, na kahanan, jati ma hurip niṅ bvana, ti puhun-
[Folio 9] na katuduhhan bvana loka.

[Folio 9]
2-4 Pahi agәs titis lantis, tata ratas, limpas saratpas sañana, bvana loka.

[Folio 9]
5-9 Agәs pәpәk pәnuh nikaṅ bumi, agәs pasra lәpas sarat niṅ bvana loka, sәsәk kapәrәd bvana iṅ sor maṅduhuṅ.

[Folio 9]
9-17 Pәnuh ku katuduhhan niṅ ajñana, pәnuh ku bayu, pәnuh ku sabda, pәnuh ku hidәp, ku tutur, ku miṅәt saṅ Ma
[Folio 16]non, pәnuh ku bvana rasa lavan sarira, pәnuh ka bumi ku kahanan, pәnuh ku sunia sunian taya, paramarata niṅ bvana loka.

[Folio 9]
18-23 Saṅ pandita nuduhhan na paṅgavay ti puhun-na jati bvana laṅgәṅ; ña mana agәs visesa, dina jatina kahanan tutur laṅgәṅ, nuṅguan jatina bvana.

[Folio 9]
24-26 Ditu dina prәtivi, di bvana lavan akasa, tutur laṅgәṅ jati ma hurip niṅ bvana.

[Folio 9]
27-31 Kitu tutuṅgalna di vulan, ventaṅ, aditiya, tuṅgal laṅgәṅ tutur jati ma hurip di bvana lavan sarira, tutur bәnәr, tәgәr, tәmәn jatina laṅgәṅ namaniya.

[Folio 9-10]
32-6 Kitu na-mana na lәmah lavan laṅit, tuṅgal, ti puhun ka jati, sa-vvat ma hurip lavan bvana prәtivi; iñana jati vvat hurip niṅ kaṅ bvana
[Folio 17]loka anәlan jati vvat mula jati pusәrran bvana, muliyana jati, citana jati
[Folio 10] pujar niṅ bvana, mataṅiyan vaya kahananna jati, ñamana dәdәg laṅgәṅ tutur jati; hurip bvana jati prәtivi; mataṅiyan vaya kahanan tәmahhan hurip niṅ kaṅ jagat.

[Folio 10]
7-9 Kitu kapagәhanna jati bvana lavan sarira, sakaliṅannan na katuduhhan niṅ aydñana.

[Folio 10]
10-19 Lamun vaya tәmahan di bvana lavan prәtivi; nu katuduh: vaya rupa, reka varna, maka ditrәna trәne, tarula, ta henake, guluma, lamun ron-ronan, uruta rarambatan; lamun neja ṅagәdәg sarva niṅ kakayon, maka divaya kasaṅga, tәmahhan niṅ kaṅ jagat.

[Folio 10]
31 Nu katuduh: lәmah, cai, kayu, batu, maka di sarva sato nikaṅ ja
[Folio 18]gat, iṅ sor, iṅ ruhur, iṅ darat, iṅ cai, paṅәsi lmah lavan tasik, sakveh kumilip niṅ kaṅ prәtivi, sakvey kumәdap niṅ kaṅ bvana; pada mahi kaduumman, ma hurip nikaṅ sarira, pindah ka sarira, sarira hurip niṅ kaṅ bvana, ṅaranna katuduhhanniya.

[Folio 10]
32-37 jati ma hurip, mataṅiyan pasraniṅ desa, pasraniṅ bvana, jati mataṅiyan ma hurip, pasra sagara hantara niṅ bvana, yan katuduhhanniya.

[Folio 10-11]
38-13 Lamun dituduh jati patala, tan kәna dituduh, tala patala; ja jati vvat patala, jati
[Folio 11] bvana; tan kәna dituduhhan, lamun iṅ sor, iṅ ruhur tan kәna dituduh; kala di i-sor, tala sapta, patala niṅ tala, tan kәna dituduh: di luhur, tapa-patala, tala niṅ tala, di sapta-tala
[Folio 19] talaniya niṅ bvana laka, tan kәna dituduh tala, nu ñana puhun jati, nu ñiәn bvana; patala talaniṅ tala bvana loka; samaṅkana, katuduhhaniya ti jati niṅ tanpa katuduh, pun.

[Folio 11-12]
14-13 Ini katuduhhan ti puhun, dәṅ ti jati ma hurip niṅ bvana; jati ajñana tanpa katuduh, jati sadakala tanpa katuduh, jatina laṅgәṅ tanpa katuduh, jatina saṅ Manon tanpa katuduhm jati saṅ visesa, tanpa katuduh, jati saṅ tuṅgal tanpa katuduh, jati saṅ prәmana, tanpa katuduh, jati mataṅiyan, tanpa katuduh; jati niṅ iyatna, tanpa katuduh, jati niṅ iṅәt, tanpa katuduh, jati niṅ tutur tanpa katuduh, jati niṅ hidәp tanpa katuduh, jati niṅ sabda tanpa katuduh; ja
[Folio 20]ti niṅ bayu tanpa katuduh, jati niṅ tasa tanpa katuduh; jati niṅ sarira, tanpa katuduh; jati niṅ kama ratih, tanpa katuduh; jati bvana sarira tanpa katuduh bvana; jati niṅ alit tanpa katuduh, alit jati niṅ acitiya, tan kәna dituduh; acitiya, jatina cita
[Folio 12] tan kәna dituduh, cita; jatina lәñәp, tan kәna dituduh lәñәp, jati niṅ lәñәp, tan kәna dituduh lәñәp; jati niṅ lәṅәs, tan kәna dituduh lәṅәs; jatina nis, tan kәna dituduh nis, jatiniṅ purusa, tan kәna dituduh jati purusa; jati kamoksahhan, tan kәna dituduh kamoksahhan; jatina kalәpasan, tan kәna dituduh kalәpasan; jati niskala tanpa katuduhhan
[Folio 21]nanna niṅ ajñana.

[Folio 12]
14-26 Niskala tanpa namana, tanpa ṅaranna, jati nu namaan, tan kәna dinamaan; na jati nu ṅaranan, tanpa diṅaranan jati tan katuduhhan ku ajñana uraṅ sabvana; ja di nu sakala di nu niskala, ja nu puhun jati dayәhhananna, dina uraṅ sabvana, jatina tanpa katuduh di jati bvana lavan sarira; samaṅkana ajñana katuduhhan ti puhun ka jati, pun.

[Folio 12-13]
27-5 Ini cipta ajñana, jati ti puhun, dougan vaya di nu tihәla, di nu pandәri, ti nu sakala, ti nu niskala; sugan vaya nu milaṅan iña, na tata ajñana di kakuraṅananna, tata ajñana; dipajarkәn ñasabkәn, maka ṅuni di kaluputananna kaduhhan ajñana; su
[Folio 22]gan dipajarkәn ṅaduhuṅkәn nu agәs vәruh di puhun, sugan vaya nu milihhan iña, dәṅna iña, dәṅna lain,
[Folio 13] dәṅna juti, dәṅna jati; sugan vaya nu milaṅan ñana, tata katuduhhan niṅ ajñana, nu iyatna di taṅkal nu ilik di jati.

[Folio 13]
6-13 Sugan vaya na pandita, parasatiya, agәs cita atajñana, avas di rasa, agәs ilik di alit, cita tәhәrna iyatna, parekot tәhәrna ñaho, iṅәt tәhәrna bәnәr, agәs rampuṅ puput vәruh, tatas lantas, titis lantis, cita avas di rasana.

[Folio 13]
14-18 Agәs tәrus ma naravaṅ niṅ bvana, puput vrәh paritama, tatas rampuṅ niṅ ajñana, ñaho di jati vvat niṅ ganal, alit niṅ ajñana pun.

[Folio 13]
19-21 jati saṅ pandita, pun, hegan kami
[Folio 23]samodana ku na katuduhhan niṅ ajñana.

[Folio 13]
21-28 Lamun vaya nu milaṅan iña, mulah ditamakәn, mulah dikaliṅakәn, mulah dipirahasea, iña ma mulah dipuji, kena hatә kajәәṅ sәri, dipedah ma hatә kajәәṅ suṅkan, hatә kajәәṅ rua.

[Folio 13]
29-37 Iñana jati nu hatә kәna dipuji, nu hatә kәna dipeda; siar di jati rasa soraṅan, ñaho ma di jati nu muji, ñaho ma di jati nu meda, hatә kabava muji, hatә kabava meda, hatә kabava ku na kairәṅan, hatә kabava ku na kabisaan jana jati.

[Folio 13-14]
38-3 Tan kabava ku tita laṅgaṅna ñana, ku nu cәta ṅagivaṅ ñana, hayva siṅkara
[Folio 14] visesa, hayva siṅkara prәjaña, sikara bisa, sikara ajñana, hayva sikara darma, pun.

[Folio 14]
4-8 Lamun vaya nu mikar
[Folio 24]ma iña, padita parasatiya, papada siya di tapa, di pada janma, vayaṅ-vayaṅ sәkar rava, ja tulus tapa ka papa, pun.

[Folio 14]
9-14 Lamun vaya nu visesa mataṅ desa, pada siya puṅa carita ratu prabu; lamun mikarma iña siyara visesa, vayaṅ-vayaṅ sәkar rava, ja tulus tapa ka papa.

[Folio 14]
15-20 Lamun vaya nu mikarma iñana, ñaho di vvat jati saṅhiyaṅ hayu, vayaṅ-vayaṅ sәkar rava, ja tulus tapa ka sorga devata, ka jati niskala pun.

[Folio 14]
21-30 ñaho kadi kaliṅaniṅ jati vuruṅan tapa, mana papa hatә kañaho di jati nu ñiәn tapa, mana papana di tapa, kena hatә ñaho di jati di maneh; lamun ñaho di jati nu ñiәn tapa, muku papa ja jati dayәhhan tapa, tan kәna dituduh tapa, pun.

[Folio 14]
30-40 ñaho ka
[Folio 13]na jati suniya hnәṅ bvana, heraṅna jati nirmala, gәsan saṅ pandita satiya tuṅgal ajñana, ti jati visesa, vvatna hurip jati mula mataṅiyan, jati mula niṅ ajñana, na mula jati saṅ Manon, jati mula saṅ tuṅgal, vvat mula jati prәmana.

[Folio 15]
1-6 vvat jatina alit, vvat mula tina carita, mula jati acitiya, taṅkal jatina lәñap, vvat jati niṅ lәñәp, jati mulaniṅ lәñәp, jati vvat niṅ lәṅis, vvat jatina nis, na hatә katuduh.

[Folio 15]
7-16 jati mula niṅ iyatna, vvat jatiniṅ lәṅis, puhun jatiniṅ tutur, vvat jati niṅ hidәp, na mula jatiniṅ sabva, na puhun jatiniṅ bayu, na mula jatiniṅ rasa, na vvat jati sarira, puhun vvat jati kama ratih, vvat jati niṅ bvana.

[Folio 15-16]
17-3 Tuṅtuṅ tәgәlan na carita, +nis di
[Folio 25]kaliṅaniṅ tuṅgal, tuṅgal ñaho kafi kaliṅaniṅ bәnәr, bәnәr ñaho kadi kaliṅaniṅ tәgәr, tәgәr ñaho, kadi kaliṅaniṅ tәmәn, tәmәn ñaho, kadi kaliṅaniṅ jati, jati ñaho, kadi kaliṅaniṅ laṅgәṅ, laṅgәṅ ñaho, kadi kaliṅaniṅ sadakala, sadakala ñaho, kadi kaliṅaniṅ puhun, puhun ñaho, kadi kaliṅaniṅ agәs, agәs ñaho, kadi kaliṅaniṅ hatә, hatә ñaho kadi kaliṅaniṅ tanpa katuduhhan, tanpa katuduhhan ñaho, kadi kaliṅaniṅ tanpa nama, tanpa nama, ñaho kadi kaliṅaniṅ tanpa ṅaran; ñana luput puhun, tanpa katuduhhan-nanna, ajñana uraṅ sabvana, di nu sakala, di nu niskala,
[Folio 16] ja hatә tanpa katuduh, ja bihәṅ tan
[Folio 26]pa katuduh, ja luput tan
[Folio 26]pa katuduh, ja tan katuduh.

[Folio 16]
4-7 Tan kәna dituduh, ja niskala tanpa katuduh; ja tan hana tanpa katuduh, tanpa namana, tanpa ṅaranna.

[Folio 16]
8-39 ja na puhun luput, nu maka luput, tanpa katuduhhan niṅ tanpa ṅaran, ja luput nu maka luput, niṅ tanpa katuduhhan tanpa nama, ja nu maka luput, nu luput, luputna niṅ tanpa katuduhan niṅ tan hana, ja nu maka luput, luput-luputna, tanpa katuduhhan na niskala; ja nu maka luput, nu luput, luputna tanpa katuduh ti nu luput; tan katuduh, ja nu maka luput, luput-luputna, tanpa katuduh ti nu luput; ja nu maka luput, luput-luputna,
[Folio 27]tanpa katuduh na bihәṅ, ja nu maka luput, nu luput-luputna, tanpa katuduh; tina hatә, ja nu ñiәn puhun hatә katuduh, di puhun; iña di jati tan hana, iña di jati niskala, iña di jati satiya, saṅ pandita, iña di jati devata, iña di jatina seda, iña di jatina sakati⁽⁴⁾, iña di jati manusa, jati suda, iña di jati sakala, jati niskala, pun.

[Folio 16-17]
40-11 Lamun ñaho ma di kaliṅaniya,
[Folio 17] di nu ñiәn puhun, di jati di agәs, hatә katuduh di tanpa namana, di tanpa ṅaranna, di jatina hatә katuduhhan-nanna uraṅ sabvana, di sakala, di niskala; lamun ñaho ma di jati hatә katuduhhananna, ñaho di puhun hatә katu
[Folio 28]duhhananna, ñaho ma di agәs hatә katuduhhan-nanna.

[Folio 17]
12-25 Lamun ñaho ma di kaliṅaniya, di agәs hatә katuduhhananna, ñaho di agәs di jati agәs, di maneh; ñaho di puhun agәs di maneh, ñaho di agәs, agәs di maneh, agәs katuduhhananna; ṅaraniya, kaliṅaniya ñaho di jati di maneh; lamun hatә ñaho di jati agәs, hatә katuduh di puhun agәs, hatә katuduh di agәs, hatә katuduh; lamun lamun ñaho di kaliṅaniya, ñaho di jati di maneh.

[Folio 17]
25-27 Lamun hatә ñaho di kaliṅaniya, hatә ñaho di jati di maneh, pun.

[Folio 17]
28-40 Ini nu ñiәn ajñana, pipañalinduṅanәn cita prәjña arajñana, saṅhiyaṅ ajñana, dipitәṅ
[Folio 29]gәlan ajñana, vaya nu dipidunuṅan tutur, tanpa katuduhhan dipigәsan nuduhhan, ka nu tanpa nama, ka nu tanpa ṅaran, ka nu tanpa katuduhhananna, ka nu tan mәtu, ka nu tan hana, ka nu niskala, ka nu hana jati parayuga, katuduhhan niṅ ajñana.

[Folio 17-18]
40-21 jati uraṅ sabvana,
[Folio 18] di nu sakala, di nu niskala, di nu tan hana; lamun dek ñaho di jati di maneh, tiṅgalkәn na nisna saṅsaya, di drabiya kabeh ti sarira; tuṅgalkәn ka-bәnәr-bәnәr, tuṅgalkәn ka tәgәr-tәgәr, tuṅgalkәn ka tәmәn-tәmәn, tugalkәn ka jati-jati, tuṅgalkәn ka laṅgәṅ-laṅgәṅ, tuṅgalkәn ka sadakala; sadakala tuṅgalkәn ka puhun; puhun tuṅgalkәn ka aṅgәs, aṅ
[Folio 30]gәs tuṅgalkәn ka hatә, hatә tuṅgalkәn ka tanpa katuduhhannanna, ka tanpa namana, ka tanpa ṅaranna; sakitu na pigunaәn, lamun dek ñaho di jati, di puhun, di aṅgәs, agәs hatә katuduhhannana; sakitu lamunna kapilu na, ñiar na jati soraṅan, pun.

[Folio 18-19]
22-1 Ini na sadaṅ⁽⁵⁾ ti jati, turunna ti puhun, nu ṅyatnaan⁽⁶⁾ na jati, dihinarran tan kahinarran, dipadaṅan, tan kapadaṅan, dituduhhan, tan katuduh, diucap tan kaucap, tan katoṅton, tan kavrәtan, tan karagap, tan kasikәp, tan kagamәl, tan karasa, tan kaprәvasa, tan kaloran deneṅ lor, tan kakidulan deneṅ kidul, tan kaku
[Folio 31]lonan deneṅ kulon, tan kavetanan deneṅ vetan; tan lor, tan kidul, tan kulon, tan vetan, tan sor, tan luhur, tan ganal, tan alit, tan bayu, tan sabda, tan hidap, tan vulan, tan ventaṅ, tan aditiya, tan kukus, tan saṅhub,
[Folio 19] nir siuh tan hananiya kabeh.

[Folio 19]
2-17 Ini na pigunaәn tәmәn, pakәn na diri ti bumi, pakәn na niṅgalkәn jati bvana lavan sarira, na pakәn ṅahusir na jati, pakәn ṅadoṅkap ka taṅkal, pakәnna cunduk ka puhun, paṅkatna⁽⁷⁾ jati ti suniya nisna nirmala, ti suniya nisna lәñәp, nisna saṅsaya, ti suniya lәñәp lәpas nirmala, ti jati
[Folio 32]lәñәpna lәṅis-na nisna satiya, na atis tina tiisna, ṅәnah manah liṅlaṅna tuṅgal, na ciciṅna, jatina laṅgәṅna.

[Folio 19]
18-30 Lamun-na paṅkatna jati ti sarira, niṅgalkәn na jati kahannan, tanpa rasana niṅgalkәn na kalәpasan, kamoksahhan, pakәnna paṅkat ti lәñap, pakәnna paṅkat ti lәñap, pakәnna diri ti lәṅit, pakәn niṅgalkәn na katuduhhan di sarira; paṅkatna jati ti sarira, hatә lәmpaṅ teka tәka, hatә tәka teka dataṅ; lamun paṅkat ti sarira, teka hatә ti sarira, paṅkatna lac⁽⁸⁾ hatә ti sarira.

[Folio 19]
31-35 Teka sida tanpa paran na jati sakәdap, sida agәs ka jati, agәs kadoṅkap na taṅkal, agәs cuduk ka puhun, kaa
[Folio 33]gәs hatә katuduhhananna, pun.

[Folio 19-20]
36-8 Ini na paritah pakәn paṅkat ti sarira, na jati, lamun diri ti lәtikna nәt ti lәñәp, ti suniya alit-niṅ lәñap, niṅ ñana, paṅkat ti atintiya, lac
[Folio 20] mana hatә ti lәñәp, lәñap mana teka sida, sakaparanna niskala, sakәdap aṅgәs sida, ka jati tan hana, teka sida sakaparan ka jati tanpa nama, ka jati tanpa ṅaran, ka sida luput jati tanpa katuduhhananna, jati agәs visesa dayәhhananna, pun.

[Folio 20]
9-22 Ini hatә katuduhhananna, na pakәn agәs panteg ka vvat, pakәn lәṅit ti jati, pakәn pupus ti puhun, pakәn luput ti tanpa katuduh, pakәnna paṅ
[Folio 34]kat ti lәñap, ti tanpa nama, pakәnna hilaṅ sakәdap, tanpa paranna, hilaṅ ti tanpa ṅaran, sakәdap sida, lac hatә katuduhhan; teka sida tanpa paranna; sakәdap sida, mana luput puhun sida, mana luput tanpa katuduhhananna; sakәdap sida, agәs dataṅ ka vvat madiyana, tanpa katuduhhananna, pun.

[Folio 20]
23-33 Sakitu, lamun kaiyatnakәn na puhun, vvat mula jati kapulaṅan; paṅuvusna jati saṅhiyaṅ hayu, paṅṅuvusna puhun, luputna jati tanpa katuduhhan, paṅṅuvusna jati saṅ Manon, paṅṅuvusna jati ajñana, paṅṅuvusna jati ma hurip-niṅ bvana, paṅuvus ajñana, jati tanpa katuduhhan, pun.

[Folio 20]
34-38 La
[Folio 35]mun dek ñaho di puhun jati di maneh; pun, mulah mo laraṅankәn maka tәmәn, mulah di maka rea nu ñaho kena litana jati, laraṅan ti niskala, pun.

[Folio 20-21]
38-10 Sahur nu naṅtu: anakiṅ, nu tan hana lәvih niṅ laraṅ ajñana,
[Folio 21] mulah mo iyatnakәn na jati bvana, lavan sarira; iyatnakәn na puhun musuh saṅhiyaṅ hayu, iyatnakәn saṅkan niṅ sabda, taṅkal tulak tala saṅhara, panambay baya, ganal, alit, mulah dimaka nәmpuh di sarira; lamun-na nәmpuh di sarira, ganalna nәmu salah pamedana, na niskala papa sarira, lamun hamo iyatna di jati di maneh, pun.

[Folio 21]
11-23 Iyatnakәn na vvat mulaaṅ ka padaṅ, taṅkal tulakna tala
[Folio 36]saṅhara, panabay baya niṅ ajñana, iyatnakәn na jati vvat-niṅ budi kaliṅa, iyatnakәn na dkati vvatniṅ sadi panadi, puhunna tutur guru lagu, iyatnakәn na jati vvat, mula sadi sadaya niṅ ajñana, cәcәkna, pada lisanna, iyatnakәn na jati vvatniya hәәh tә tәiṅ; kena iñana jati, iñana puhun, duruna vvat niṅ siksa guru.

[Folio 21]
24-29 Dәrma pitutur, vvat mula dәrma siksa, dasa sila, pasa siksa, na jati, vvat niṅ ulah, pamali; iyatnakәn puhun musuh, lәbuh talapakakan, upa-drava cadu sakti, saṅ pandita.

[Folio 21]
30-34 Mulah mo iyatna-yatna, dina jati di saṅhiyaṅ siysa, mulah dek nәbuk puhun, ṅarumpak hada, ulah ṅaleṅka
[Folio 37]han dada, ṅalivatan sipat vataṅ, ulah pamali.

[Folio 21]
34-38 Lamun hamo ñaho di kaliṅaniya, ulah pamali, lita puhun musuh, taṅkal saṅhara; na mula panabay baya, taṅkal mula kali saṅhara, papa sarira, pun.

[Folio 21-22]
39-12 Lamun hamo ñaho madi budi kaliṅana, na ulah kәna ku sa-
[Folio 22] jaka saṅhiyaṅ siksa, dasa sila, paca siksa; lamun kәna ku ulah ma, di ganal niṅ sarira, siya nәmu dosa, kәna ku cәnda pedaan, duka, dopara, dirurud, dirampas ñandaṅ hutaṅ, katәbus kapihalaṅ sarira, sakagәsan na maṅkuk hulun hatә mәnaṅ buṅah, sakagәsanna kapibahada⁽⁹⁾, ku pada janma; sakitu kahuvusananna, janma mәraṅ ulah nu hatә ñaho di jati maneh, pun.

[Folio 22]
13-15 Lamun di
[Folio 38]niskala, kәna ku kavah saṅ iyana bala, papa niskala sarira, samaṅkana agәsniya, pun.

[Folio 22]
16-26 Kaliṅaniya pamali ma, di ganal sariraniya, kәna ku cakna, sanjata saṅhiyaṅ Darma siksa, dasa-sila paca-siksa, kәna ku puhun musuh, ku taṅkal sahara, kәna ku taṅkal panabay baya, agәs kәna ku cadu sakti saṅ visesa, agәs kәna ku loka sabda, sa-rat nikaṅ jagat kaliṅaniya, pamali, palih kahuvusanniya; sakitu nu hatә ñaho di jati di maneh, pun.

[Folio 22-23]
27-9 Nu hatә iyatna di sarira, nu mrәraṅ ulah nu mapag, taṅkal nu ṅarupak hada, nu ṅalәpaṅan vataṅ sipat saṅhiyaṅ siksa; na ulah, pamali, hamo ñaho di jati maneh, kәna ku sanjata siṅkara
[Folio 39]bala, ku cakra si hada bvana, karuruh ku musuh ganal, musuh alit; kasampak kahadaṅ lampah, ku hala saṅhara panabay baya; lamunna nәmpuh di sarira, sakagәsan nәmu mala, bala ditambaan; agәs bala, kali saṅhara, papa sarira, sakitu ma nu mriraṅ ulah,
[Folio 23] nu hatә ñaho di jati, kasampak kahadaṅ lampah, sakaparanna nәmu saṅhara sarira; lamunna nәpuh pameda siksa niskala, samәtuna hana sakeṅ tan hana di sarira; lamunna nәmpuh teka karasa, hatә karasa ruana, dataṅna lәmpaṅna, hatә ruana kala di lacan, ja hatә lacanәnanna.

[Folio 23]
10-18 Lamunna
[Folio 40]nәmpuh, na sameda niskala saṅhiyaṅ siksa, lamunna dataṅ ka saṅ Manon, saṅhiyaṅ siksa ta saṅ Manon: Lamunna nәpuhna pameda niskala, saṅhiyaṅ siksa, lamunna dataṅ ka saṅ Manon, saṅhiyaṅ siksa ha saṅ Manon; lamun hamo iyatna nu di jati di maneh, pun.

[Folio 23]
19-37 Lamun ṅalәpaṅan saṅhiyaṅ, mrәraṅ, ulah pamali saṅ Manon, kәna ku niskala saṅhiyaṅ siksa; lamunna nәpuh ka saṅ Manon, samana mәtu, hana sakeṅ tan hana, teka karasa tanpa saṅkan, na pameda niskala saṅhiyaṅ siksa, di sarira saṅ Manon, teka nәmu mala tanpa saṅkan, teka huam⁽¹⁰⁾ hoream, teka lamur putәkәn, teka bolor, buta loroṅṅәn, teka pecak padәm, mata hatә ñәәṅ, lәmpaṅna rumampa-rampa, papa rumakәt de
[Folio 41]neṅ saṅsaya, papa rumakәt deneṅ sarira.

[Folio 23-24]
38-1 Sakitu kahuvusananna nu kәdә, mriraṅ ulah nәmu mala, ku padrava saṅ-
[Folio 24] hiyaṅ siksa pun.

[Folio 24]
2-15 Ini iyatnakәn, niskala saṅhiyaṅ siksa, di dati saṅhiyaṅ miṅәt, lamun nәmbuṅ⁽¹¹⁾ puhun, mapag taṅkal, ṅarumpak hada, mrәraṅ ulah saṅhiyaṅ siksa, saṅhiyaṅ miṅәt katәpuhhan papa, kәna ku na pameda alitna, ulah pamali; lamun hamo ñaho di jati iṅәt di maneh, katәpuhhan mala, di ganal sarira saṅhiyaṅ miṅәt, sadataṅna pameda, samasana mәtu hana sakeṅ tan hana, di sarira, teka karasa tanpa saṅkan.

[Folio 24]
16-25 Lamunna cәli, sambuṅ katәmpuhan mala, teka coṅe, teka tosek, teka pәpәt, teka
[Folio 42]pәtәṅ, teka lupa, teka lipi, teka himәṅ, teka muṅәṅ, teka bana, ṅagәmba ṅamba rata, papa sarira tanpa ṅarәṅә, di jati saṅhiyaṅ miṅәt; sakitu kahuvusananna, nu hatә ñaho di jati pun.

[Folio 24]
26Lamunna dataṅ alit niskala, daṅhiyaṅ siksa kana tutur jati, hatutur jati, sugan hamo ñaho di tutur jati di maneh; sugan vaya nu muṅkurran, na puhun, mapagan taṅkal, ṅarupa ka hada, mri raṅ ulah saṅhiyaṅ siksa; lamun vaya nu kәr ditutur, lain di jatina, katәpuhhan nәmu mala, di tutur sarira, kәna ku pameda alit niskala, saṅhiyaṅ siksa; teka karasa tanpa paranna, haja buruṅ tutur, haja
[Folio 25] tiru makut vuruṅan tapa kabeh, papa sa
[Folio 43]rira niṅ tutur, kapadәman ku saṅhiyaṅ siksa, dimaka vuruṅ tutur, vuruṅ mәtu, vuruṅ reka, vuruṅ rupa, vuruṅ varna, tan mәtu ganal, tan metu alit, tan mәtu hana; maka vuruṅ sakaparan-paranna, maka tutur papa, maka hilaṅ tanpa kajajadiananna.

[Folio 25]
11-13 Sakitu huvusananna tutur, nu hatә ñaho di jati di maneh, pun.

[Folio 25]
14-39 Sadataṅna alit, niskala saṅhiyaṅ siksa, kana hidәp tanpa karasa, ka hidәp hamo ñaho di jati hidәp, di maneh; lamun salah hidәp, muṅkurran puhun, mapag taṅkal, ṅarumpak hada, mriraṅ ulah saṅhiyaṅ siksa, ta hidәp katәmpuhan mala hidep di sarira, kәna ku pameda alit, niskala
[Folio 44] saṅhiyaṅ siksa, maka disalah hidәp, salah ti niṅ salah aṅәn-aṅәn, salah rasa mika lәpas varna saṅsaya, mikahanan varna visaya, salah nu dipisari, visesa sarira hidәp, mikalәpas kahanan varna saṅsaya, di sari varna visaya, hasasab hidәp ja lain di jatna, kәna ku na niskala jati saṅhiyaṅ siksa, katәpuhhan papa hidәp, sakahanan bvana lavan sarira, pada sirәp pәjah, pada rumakәt deneṅ kapapaan, di kavah saṅ iyana bala, hilaṅ tanpa kajajadiananna.

[Folio 25-26]
40-2 Sakitu kahuvusananna, nu
[Folio 26] kәdә mrәraṅ ulah, saṅhiyaṅ sisa, pun.

[Folio 26]
3-26 Ini siksaan jati ka saṅhiyaṅ sabda, pun; ta sabda sugan hamo ñaho di jati
[Folio 45]sabda di maneh, pun; mulah salah mәtukәn ñana sadana, sabda pamastuna; lamun mәtukәn jati sadana, na sabda jati satiya, utamana muliyana prәmanan, maka sabda jati, acitiyana, lәñәpna, lәṅisna, nirmalana, na sabda lәga ṅәnahna, padaṅ caaṅna, rahina sadana, ahoh⁽¹²⁾ ahәniṅ aliṅlaṅ niṅ ras, srayana, ni lavane, ñamana sabda jati nirmalana; hala, mun vaya nu muṅkurran puhun, nu mapag taṅkal, nu ṅarupak hada, nu mrәraṅ ulah, niskala saṅhiyaṅ siksa, maka di nu salah tinuduh, haṅkara siṅkara sabda; maka di haṅkara sikara ajñana, haṅkara bisa, haṅkara sikara prәvña, haṅkara sikara darma, haṅkara sikara ñana, haṅkara sikara sadana.

[Folio 26]
27-37 Lamunna mәtu sabda ti sarira,
[Folio 46]nu maka givaṅ ajñana, pun; hamәtuna ja lain sadana, kәna ku pameda alitna niskala saṅhiyaṅ siksa, katәpuhan mala, karasa, tәmahan niṅ kaṅ sabda, di jati kahanan bvana lavan sarira; papa, saṅsara, pәjah, rumakәt sakahanan nikaṅ sabda, kәna ku kavah sikara bala; maka papa hilaṅ muksah tanpa karana.

[Folio 26]
38-40 Sakitu kahuvusananna, pun; nu kәdә mreraṅ ulah saṅhiyaṅ siksa, pun.

[Folio 27]
1-38 Ini alit niskala, siksaaniṅ bayu; lamun bayu hantә ñaho di hurip rasa jati di maneh, pun; lamun bayu ñaho di jati hurip di maneh, hamo muṅkurran puhun, mapad taṅkal, ṅarupak hada, mrәraṅ ulah saṅhiyaṅ siksa; lamun bayu salah
[Folio 47]mәtuna, ti rasa lavan sarira; lamun mәtu ti kahannan, tutur bayu tәka maras, rasa mәlas, rәvasniṅ sarira, teka usah, teka susah, teka rusah, teka geder, teka gedog, teka ṅecoṅ, teka liṅab, ikaṅ paviduan, tәka gәdag, teka iṅgut ikaṅ bvana, samәtuna ti kahanan bvana lavan sarira, ja bayu lain-lain jatina, nu maka divaṅ bvana lavan sarira, bayu aṅkara niṅ bvana, bayu varna, bayu sadana, varna sarira, ja lain nu mahayu bayu jati di sarira, ta katәpuhhan nәmu mala, sakahanan nikaṅ bayu, di bvana lavan sarira, kәna ku pameda alitniskala saṅhiyaṅ siksa, bayu papa kәna ku sanjata cakra si-kәsta, ra
[Folio 48]sana padәm pәjah, papa rumakәt deneṅ sarira, di kavah ku saṅ iyana-na raspati, ma ka hilaṅ tanpa paranna, hilaṅ npa kajajadiyan; sakitot nu mrәraṅ nu kәdә di saṅhiyaṅ siksa, kahuvusananna, pun.

[Folio 27-28]
39-19 Ini lamun vaya nu iyatna di jatiniṅ bәnәr, di bvana jati
[Folio 28] soraṅan, nu tan kәna ku sadaṅ budi, kaliṅanna tan kәna dikaliṅakәn, nu tan kәna dipәtukәn, nu tan kәna divayakәn, nu tan kәna dihatәkәn, nu tan kәna dituduhhan, nu tan kena dibasaan, nu tan kәna dinamaan, nu tan kәna diṅaranan, tan kәna diirәṅkәn, tan kәna dibasakәn, tan kәna diñahokәn, tan kәna dicitakәn, tan kәna diajñanakәn, disiar di
[Folio 49]rasa bvana lavan sarira, tan katәmu ku bayu, ku sabda, ku hidәp, tan katәmu ku tutur, ku miṅәt, ku manin tan katon, tan katәmu, pun.

[Folio 28]
20-31 Mo maku jatina, ku jati tәrus manaravaṅ niṅ ajñana, jati tәrus ma naravaṅ niṅ bvana, nu tan kәna dituduh ganal; alit, tan kәna dituduh batara, batari, dituduh deva, manusa, devata seda sakti, tan kәna dituduh ku tuṅgal, ku visesa, tan katәmu ku alit acitiya, tan katәmu ku lәñәp; ku lәñap, ku lәṅis, ku nis, ku lәpas, ku moksah, ku nirmala, tan katәmu.

[Folio 28]
32-34 Mo maku jatina, lamun vaya nu iyatna di puhun jati niṅ bәnәr di maneh, pun.

[Folio 28]
35-37 Ini pustaka ti puhun, luput jati tanpa katuduhhannanna, pun.

[Folio 28]
38-40 Ini na vvat jati, mula tan luput, tanpa katuduhhananna, pun.

[Folio 29]
1-4 Ini na vvat jati luput, tanpa nama; ini na vvat jati luput, tanpa ṅaranna; ini na vvat tan hana jati luput, tanpa katuduhhananna.

[Folio 29]
5-6 Ini na vvat niskala jati luput, tanpa katuduhhananna.

[Folio 29]
7-8 Ini na vvat jati luput, tanpa katuduhhananna.

[Folio 29]
9-10 Ini na vvat luput jati, tanpa katuduhhananna.

[Folio 29]
11-13 Ini na vvat na bihәṅ, jati laṅgәṅ suniya luput, tanpa katuduhhananna.

[Folio 29]
14-16 Ini na vvat niṅ hantә, jati laṅgәṅ sunia lupo
[Folio 57]et, tanpa katuduhhannana.

[Folio 29]
17-19 Ini na vvatna nis jati laṅgәṅ sunia luput, tanpa katuduhhannanna,

[Folio 29]
20-22 Ini na vvatna lәṅis, jati laṅgәṅ sunia, luput tanpa katuduhhananna.

[Folio 29]
23-25 Ini na vvat niṅ lәñap jati laṅgәṅ suniya, luput tanpa katuduhhananna.

[Folio 29]
26-28 Ini vvat niṅ lәñәp, jati laṅgәṅ sunia, luput tanpa katuduhannana.

[Folio 29]
29-31 Ini vvat acintiya, jati laṅgәṅ sunia luput, tanpa katuduhhananna.

[Folio 29]
32-34 Ini vuit alit jati laṅgәṅ sunia luput, tanpa katuduhhannanna.

[Folio 29]
35-37 Ini vuitna cinta, jati laṅgәṅ sadakala, sunia luput tanpa katuduhhananna.

[Folio 29]
38-40 Ini vuitna
[Folio 52]tuṅgal, jati laṅgәṅ sadakala, sunia luput tanpa katuduhhananna.

[Folio 30]
1-3 Ini vuitna visesa, jati laṅgәṅ sunia, luput tanpa katuduhhananna.

[Folio 30]
4-6 Ini vuit niṅ bәnәr, jati laṅgәṅ sadakala, sunia luput tanpa katuduhhananna.

[Folio 30]
7-9 Ini vuit niṅ tәgәr, jati laṅgәṅ sadakala, sunia luput tanpa katuduhhananna.

[Folio 30]
10-12 Ini vvat niṅ tәmәn, jati laṅgәṅ sadakala, sunia luput tanpa katuduhhananna.

[Folio 30]
13-15 Ini vvat jati laṅgәṅ sadakala, sunia luput tanpa katuduhhananna.

[Folio 30]
16-18 Ini vvat laṅgәṅ jati laṅgәṅ, sadakala sunia luput tanpa katuduhhananna.

[Folio 30]
19-21 Ini vvat
[Folio 53]na sadakala, jati laṅgәṅ sadakala, sunia luput tanpa katuduhhananna.

[Folio 30]
22-25 Ini na puhun luput, jati tanpa katuduhhan niṅ ajñana, ñana vvat niṅ agәs, panteg hantә katuduhhananna.

[Folio 30]
26-27 jana vvat mula tanpa nama; vvat mula tanpa ṅaran.

[Folio 30]
28-31 Mulana mana, ti mana, jati mana, luput mana, ti mana bvana hatә, mana bvana tanpa katuduhhananna.

[Folio 30]
32-40 Puhun luput, tanpa katuduhhananna; tuṅtuṅ gantuṅ; bvana hantә; hantә tuṅtuṅ gantuṅ, mantuṅan niṅ buanna hantә, ja tan kәna dituduhhan bvana hantә; ja na vvat hantә katuduhhananna hantә.

[Folio 30-31]
40-2 ja na vvat hantә; nu
[Folio 31] maka hantә nu hantә, luput katuduhhananna hantә.

[Folio 31]
3-5 Lamun aṅgәs, ñaho di aṅgәs uraṅ sabvana, uraṅ hantә ñaho di puhun, pun.

[Folio 31]
6-8 Na vvat paṅ kuvus ti nu luput, tanpa katuduhhan ti puhun, pun.

[Folio 31]
9-10 Tәlassi nulis riṅ saṅgara visesa, pun.