Candrakiraṇa Gria Cau, Karangasem: Digital Doplomatic Edition — Kāladaśabhūmi

⟨Folio 1v⟩
⟨1v1⟩ ||◯ || Avighnam astu ||◯ || kiraṇa viyati candra:gni, dvijaḍano vīmarūtara, na:han· byakta pinakaśarīra bha§◯ṭa:ra, milva:ṁjanma:gave bhuvana, sira ta:ṣṭatunu ṅaranira, sira ta:ṣṭadeśomiḍәr· pinakavәṅku sira ta, Uripnikaṁ rat·, si§
⟨1v2⟩dumadyakәn· vr̥dḍiniṁ janma kabeḥ, praṇapraṇi, saṙvva hurip·, Ikanaṅ hurip la:van a:vak·, śarira mamiśeṣanya◯ riṁ saḍaraḍeyanya gumavay ikaṁ saṙvva:n dadi, sira ta sinaṅguḥ pūṙvvaka:niṁ janma, Umijil taṅ a:ṣṭataṇu, ra:t·, nara, paśu mr̥gha, jana: -
⟨1v3⟩ṣṭa:vara, pakṣi, sa:rīsr̥ppha, miṇa:, svabha:vanika:ṅ aḍaraḍeya,, prabhu ra:ma r̥ṣi, tiga sira prama:ṇa riṁ ra:t◯·, pakuniṁ bhuvana, tuvī sira ta sunduka:piśakəm· guruniṁ jana kabeḥ, lviṙnira, Irika: ṭa canḍa: ṅaranira, I ṅka:na ta sira ti§ -
⟨1v4⟩ga sidḍaguru, sira ka:ṣṭagaṇa guṇa:nira gumavay īkaṁ vaṙtta sә:k· lumra: ||◯ || Ika:ṅ akṣaropama:◯vak·, Ika: taṅ guru ṅaranya, yeki ta vīnastuṅ hurip·, ya sinaṅguh guru laghu || ya pinakamūla canda, Avakika guru laghu,
⟨Folio 2r⟩
⟨2r1⟩lavan hurip pasaṁyoga, Umijil ikaṁ tryaśaṇa || Adəgika: guru laghu, Aniga-nige sagaṇa, yeka:ṣṭaga§◯ṇa ṅaranya, sama ha:bhyapare va:ṙtta ||◯ || mvaṅ laghu śloka nihan len· ||◯ || sakveḥ saṁ sujana:tīhaṙṣa rumṅə: canda: nihan ka§ -
⟨2r2⟩vruhi, yan mahyun· vruha rūpaniṁ laghu lavan teka: sinaṅguḥ guru, bhedḍanya:ṅ guru la:ghu yeṅәtakna mvaṅ ruṅgva§◯nīṅ a:kṣara, sakvehniṁ guru yeriṅә:n hila-hilesah yan salaḥ kastha:nan || byaktanyan guru saṙvva dīṙggha taruṅa: saṁyogapa -
⟨2r3⟩:ra:nṅәn·, la:van kaṙṇna visa:ṙjja ka:ni surahan· śva:raṁ vatәk· vya:ñjana, E Ai na:han anuṅ kayatnakna len·◯ Au Au vkasniṁ guru, vus meṅә:t pva kiterika: niyata yan sotanta dadya: vaca:n· || lviṙniṅ a:kṣara gantuṅә:n· mapakneṁ
⟨2r4⟩va:kta mvaṅ aṅga:ntuṅa:, saṁyoga:para sūkṣma lakṣaṇa śiva:gnī kleśa lakṣmī kunaṁ, ndan· gla:na stula na:gna vī§◯ghna mamәvәḥ niṙvighna ma:ra stiti, sva:pna: sneha rīka: dvitīya kahadi riṁ dla:ha yan pa:phala || ba:hnī tikṣṇa murub· riṅ a:ḍri ya
⟨Folio 2v⟩
⟨2v1⟩katon· raśminya sa:teja ya, ma:sna:na pva kite naḍī masih ikaṁ sa:kleśa kūmla:bakәn·, riṁ sma:ra:ṅgva sahi◯ṣnu kora pinaṅan· ma:liḥ mvaṅ aṅga:ntuṅa:, yapvan· bhedḍa sakojarojaraknan maṅke baliknya:n· vacan· ||◯ || gәlana saṁ
⟨2v2⟩lagəna:n para riṁ sәma, vighəna tikṣəna yogini tulya ya, nəvaḍaśoka vaśūn yasa nighə ⟦ṇa⟧na, pasupәna:◯pu vaḍū sumәneha ya || vagәmi yan paḍәmī bhahnī yati, tuvi kleśa vina:śa salakṣәmi, sәpinikaṁ bratamaṙgganika:n kaL̥m·, kra -
⟨2v3⟩maniṅ a:kṣara yañ jinajaṙ nika: ||◯ || lviṙni sayogamareṁti, kakya-kakya kakva-kakvan·, kakran a:nṅәnn agantu◯ṅ·, kayatnakәn· tmәn· || Antaḥ paḍa guru yati, kalavan· śvara kamaḍya, dīṙgghadīṙgghavata vatī, tavat guru prasidḍa ya
⟨2v4⟩ ||dīṙgghataruṅ asurahan·, visaṙgga lavan a:juṁjuṁ, kalavan guru saṁyoga, nahan ta sinaṅguḥ guru || nihan ta śva◯ra kamaḍya, A A I I U U E Ai, tan dadya muṅgu ri tṅaḥ, vitañ juga prakr̥tinya ||◯ || sampun ika: pratiṅkahikanaṅ guru dinali§
⟨Folio 3r⟩ -
⟨3r1⟩ṅakәn·, nya:t ajaR̥:n muvaḥ panuluriṁ guru laghu vuvusən·, kveḥnya savaṙgga mūrikana ya:tika maniga-niga, yeka sinaṅgu§◯han gaṇa ṅaranya sipatiṅ aṅavi || pūṙvva nihan· maka:ra ṅaraniṅ guru tiga sagaṇa, la:ghu kunaṁ panәṇḍasani luṅguhi yatakaraga -
⟨3r2⟩ṇa, yapvan ikaṁ raka:ragaṇa la: matutur i tṅaḥ, hetunikaṁ saka:ragaṇa ma:tvaṅ aguru vkasan· || vruḥ pva kita: ta◯ka:ra ṅaraniṅ la ⟦gu⟧ghu tpi kavurī, ja:tinikaṁ jaka:ragaṇa maṅkana guru rī tṅaḥ, bhakti jugaṁ baka:ragaṇa rī guru sira rumuhun·, na: -
⟨3r3⟩karaga:ṇa təlva paḍulur· ṭika ya laghu paḍa || nyan laghu ka:rva saṅ guru pasəṅgahanika si la goḥ, śeṣanika:◯gaṇeki vkasiṁ guru laghu vinuvus·, riṅ aji canḍa teki yan ava:ś śivaṅ aji piturun·, saṁ r̥ṣi vaṅśapatramanitaḥ sira tika manata§
⟨3r4⟩ ||◯ || niha:n· gaṇaniṅ ha:ṙyya yaiṅәtakna, jaka:ra kala:van· baka:ra sakara, catūṙ laghu gurva ye◯ka ta lima, L̥viḥnya guru la:ghu ka:nәm ikahən· || lavan hana ta patra yeṅәtakna:, vilaṁnya ri sapa:ḍa kapva matәtәg·, Ikaṁ paḍi
⟨Folio 3v⟩
⟨3v1⟩kapūŕvva ka:tlu kunaṁ, gnəp· rvavlas aṅgәpanya tutuR̥n· || kapiṁ rvanikihәn pva ya valuvlas·, tumut limavlas paḍanya vkasan◯·, tan eva taya tavra vinuvus·, samaṅkana vilaṁni matranikihәn· || mvaṅ uṅgvanikanaṁ jaka:ra matәtәg·, kapiṁrva maṅənə: dvitīya§
⟨3v2⟩kaśula:, paḍa rva ya ta hiṅaniṅ vvaṅ amilaṁ, kayatnakna saṁ vatәk kavivara ||◯ || trigaṇa gaṇa gaṇita ya guni◯ta:n·, prakaraṇa kiraṇa vaṇa taruṇa:, Aruṇa ḍaruṇa baruṇa śaraṇa:, Avaraṇa bharaṇa ṅ apaṇa na gə:ṁ ||◯ || kuṇa kunṇi
⟨3v3⟩kuṇa ka:ṇvī kaṇika-nika len·, graṇa ṅ agaṇa-śaṇa: grahana samiraṇa:, praṇava paniya vaniya manita-nitan·◯, Ayaṇa karuṇa: ma ⟦na⟧ṇi na gәṅa yatika: ||◯ || paṇḍita pa:ṇḍava paṇḍura paṇḍu, piṇḍa ṅ apiṇḍa mapaṇḍaṅ amaṇḍi, laṇḍuph alaṇḍiph a -
⟨3v4⟩ṇḍuph aleṇḍo, gaṇḍi-ginaṇḍi vinaṇḍa na magghәṁ ||◯ || ḍa:raṇa vaha ⟦na⟧ṇa va:raṇa bha:ṇa, veśraṇa vaṙṇna maṇī śa◯ṇa kaṙṇna, Arṇnava kiṙṇna supaṙṇna yavoṙṇna, cūŕṇnita pūṙṇnama ghūṙṇniṭa ṇa:gə:ṁ ||◯ || kagantuṅa deniṁ na: gә:ṁ, ṭa ta ḍa da na riṁ§
⟨Folio 4r⟩
⟨4r1⟩ṇa:guṁ, ta ṭa da ḍa na riṁ na:lit·, vaṙṇna:doḥ ya śa:vaṙgga || liṁ saṁ, kavi, vruḥ teṁ, ma:ṙgga ||◯ || Uṅgvani◯kaṁ na lita:pakneki, ndaḥ savaneḥnya rikaṁ paknanta:, na:ta samaṅkana teka na ma:lit·, kapva masaṅkya niha:n savaneḥnya ||
⟨4r2⟩◯ || muni muna nana samanuṣa:, Anumana hana nami-nami, dina dana nadi nada nana:, hani hina tan una hinituṁ ||◯◯ || pranata nata: pratapa:tini tanunya:, tanah atunaḥ pinaka:tva nuta:nanya:, nita vanita: nininīni ta:nu ta:nī, manana va§ -
⟨4r3⟩na: malinī na līt ika:hәn· ||◯ || vaneḥ paknani na lit·, naga punagana gunuṁ, naga nagenda nagendi, naga◯ri naga nagiṇī ||◯ || mahni yagni yagneya, gagana dinina dina, gagana ⟦nininasina⟧ vahini vani, nitya yanu na līt ika: ||◯ || da -
⟨4r4⟩hana jvalana: pa:na, ka:pini vahinī nini, punaḥ vina va:ni vana, vinavan iṁ na līt īka ||◯ || saṁkṣepanya§◯ yan· vuvusən·, yavat· rakvaṁ r̥ṅva pūṙvva, pa ba madi kunaṁ pūṙvva, dadi na: lit· dadi na:gәṁ ||◯ || na byakta:nyan huvus kojar·
⟨Folio 4v⟩
⟨4v1⟩, kekadeśa:nya kokta ya, kocapa teki śa ṣa sa:, byaktan· ma:tranya vaṙṇna:nən· ||◯ || śa:mbhu śa:◯ṅkara śara: śaraṇa śaśi, deśa deśika śaśa:ṅ śavali kuśa:, śva:śucī śu: śaraḥ śiva ḍaśana:, śanta śoka paśa śa:stra śuna
⟨4v2⟩śiśu ||◯ || sa mūrdḍanya:tekaṁ śa kuR̥b umunī vunbhunikihәn·, śaśa:ṅka śaṅka śaṅkuśa kasa-kr̥śa: keśi kuśika,◯kuśa greka: krośa kraniki kava śaṅde śīkariṇī, śikī keśīkeśa pr̥śa: śa:kuni kesī kuśaśika: ||◯ || śaneḥ śūnya: śrenī
⟨4v3⟩ghgraṇa piśunane śrīyaśa niśa:, vina:śa: mvaṁ śūka: daśadiśi śara:t· śūra viśika:, śiva: śśa:mbhu śśūla: tri◯śula mūśalī keśava śiva:, śata: vaṅśa: venya: śśavari śivira:ka:śa ⟦ca⟧ śucima:n· ||◯ || kṣaṇa kṣaṇi kapakṣa lak -
⟨4v4⟩ṣmi viṣaya: hahəmma:niḍī, kagantuṅa gumantuṅeṁ ḍa ḍa kunə:ṅ ṣa pr̥tvītala, prahr̥ṣṭi parituṣṭa roṣa ruṣa◯poṣya tr̥ṣṇan viṣa:, Akaṙṣaṇa ya vr̥ṣṭi pr̥ṣṭa sa lumaḥ sa pr̥thvīnucap· || maha:ṙṣi mahiṣi mahoṣada mahiṣa meṣa: mu
⟨Folio 5r⟩ -
⟨5r1⟩ṣa:, R̥ṣa: muśika pūṣpa koṣaka puṣa praṣa:ṣṭa: tvīṣa:, ṣaḍa:ṅguli ṣa:daṅga bhūṣaṇa kubha:ṣa dūṙbha:ṣita, vaṣa§◯t· vaṣada yoṣaḍīṣu viṣama: dviṣa:dḍuṣana || bhavīsyati bhavisya hiṙṣya puruṣa: huṣa byasa len·, ya viṣyayaha yomiśeṣa
⟨5r2⟩dadi manuṣa:ṅ ka:maya, nyata: kaluṣa kilviṣa:ṅ aluṣa kaṣmala: doṣa ya, Ikaṁ mami ṣa yoṅgaṅgvaniṁ ṣa maR̥◯ṇaḥ riṅ anta: ta ya ||◯ || śakaśa mvaṁ śapr̥tvī sadulur iki R̥ṅә:n· yekihәn· vaṙṇnanәn ta, sūśruśa ṁ śīṣya śikṣa śviṣita vtuni -
⟨5r3⟩kaṁ mośvaṣa: śosaśeṣa:n·, sa:śvat· śiṙṣanya sośvi śvaṣinaka śaśi de saṁ vaśiṣṭa: śaviṣṭī, maṅka: tekaṁ śa§◯ta:vor· śa ta yat iṅәt-iṅәt· yeki sa:kṣat· vtunya ||◯ || ma:sa:nika sa ta niha:n· vuvusәn paḍanya, sa:dḍu sada: sati sa -
⟨5r4⟩bha: sisi tasita:si, sīta: susatya rasa satiru sa:ri saṁ hyaṁ, seriṁ svabha:va ri śarasvati sa:rīsa:rī || samva sa◯va: basumatī basusena sūnu, ma:ṅekava:śa ṅ upava:śa vina:śa-va:śa, duṙbha:ṣi duṙyyaśana duṙvyaśana praśanaḥ byosa:
⟨Folio 5v⟩ -
⟨5v1⟩sasa:nu sasivin ta pujin sapūja: || sasvaṅga saṅga sigi seṅgita sa:ṙga sa:ṙjja, svaṅgəḥ sgaṁ suka sugiḥ sigiran sa◯ga:sor·, sasvaṙgga sa:gara sagorava sa:daka: syaṁ, ra:t kosvanī sata sara:t paknanya sa:kṣa:t· ||◯ || sura sapta smara:§
⟨5v2⟩surasa sīra sada, samasiḥ sapasәn savasi sūnu saha, savinaṁ savanәn· sakala sa:kavaśa, praja na:mi sa na◯nkya niti kaṁ vivara: ||◯ || Iti paruṅguniṅ a:kṣara: ||◯ || nyan· sutrasa:ndi vuvusәn·, parakṛta lviṙnika: patiṅkaḥnya, matamba§ -
⟨5v3⟩yan· mavkasa:n·, na:han ta ya sinaṅguhan· vaṙṇna ||◯ || tinitaḥ pina:rva vkasan·, na:maḥ yekihәn· śvara ṅa◯ranya, yapvan kapūṙvva: A:nta ya, sinaṅguhan· vyañjana na:ma: || yata, A: samana, tumut sinami riṁ pūṙvvaka:, vkasan· ghoṣa, sa -
⟨5v4⟩hle, Iki sabatәk·, A: Ī U R̥̄ L̥̄, lviṙnya kavruhana: || diṙggha ṅaranya manhə:r·, A I U R̥ L̥, limaṁ◯ siki sahaya, sanḍya:kṣara muvvah aṅgәpan·, E Ai O Au, nahan lviṙnya ||◯ || ka ka: ca ccha: ta tha: pa pha, sakatlu na:han saha:§
⟨Folio 6r⟩ -
⟨6r1⟩yaniṁ, Aṅghoṣa, ga gha: ṭa ṭa: ta, ya ra la va ha:, sighoṣa rakva na:manika: || vaṙggha ṅaranya limali◯kuŕ·, ya pinaka:pūṙvvanikaṁ ma, ma vkasan pinakavkasnya: ka: ga kaṁ limanya ya śudḍan·, ra śa ṣa saha:yanya vr̥vudaḥ || Anū -
⟨6r2⟩na:śika ṅa ña na ṇa ma, Antaśvara ṅaranikaṁ ya ra la va, tūt·, Uṣmana śa ma sa ha: samvīdḍa, patiṅkaḥniṁ sutra◯sa:ndi Iṅke ||◯ || sa:mpun prateka:niṅ a:kṣara riṁ vyañjana la:van· śvara, t ucapa ta sañjatanikihәn·, prakaranī ṅaranya,§
⟨6r3⟩vruhana || ṅaranikaṅ ulu savaneḥ makūṭa rukuḥ, Apra ma:ṣṭaka: kaphala, tijakula śeka:ra: maśiraḥ, na:han ta: pa◯rina:maniṁ śr̥ṅga: || diṙggha: hulu mapalenan·, Utәk· lavan ka:mbara kuñcir·, maja:ṭa, magumbhak majambul a:ṅure, svana:maniṁ diṙ§ -
⟨6r4⟩ggha: yan riṁ hulu || vindu lavan ma:ḍana kunaṁ, kunaṁ-kunaṁ len tara: la:van vintaṁ, tilaka titīk asurahan·, na:han ta ◯ parinamaniṁ na:ḍa || nyan ta cakra ja:ntra: guluṅan·, śudḍaṙṣaṇa:yudḍa kr̥ṣṇa len sakatha, na:ma yekī huniṅan·, mvaṅ añakra hulu yu
⟨Folio 6v⟩ -
⟨6v1⟩kti kavruhana || yapvan ika taliṅha nihan·, ku ⟦na⟧ṇḍala: sumpiṁ capiṁ len kaṙṇna, śrotya: śuvә:ṁ mvaṅ iṅәt-iṅәt·◯, phalaha na:maniṁ taliṅha || diṙggha ṅaranya tulalay·, Iku ta ṅaran vara:stra len galaḥ madava:, kirivili kuñcha ya sava⌈§ -
⟨6v2⟩neḥ, Asiṅ udava: dīṙggha rakveka || Aṅraṅśuk agoduha: keśa mavaju, kaṙtti kunaṁ śaṅka: len kuruṅan·,§◯Ikaṁ kalambi lavan ma:na manuṅga:ṁ, mataputapukana: han mapayuṁ, Ika: sinaṅguḥ kalambhi vaneḥ, Ika: na:maniṁ matharūṅa:n· ||
⟨6v3⟩yapvan· vatək makəṇḍit a:ṅgaṇitri la:van guduha: vija sahaṁruha:, masura:t iṁ ba:hu mvaṅ ajnu vaneḥ, visa:ṙjjaniye◯ki na:han saba:tәk· || mati pjaḥ śūnya turu kunaṁ, paratra:kna bajra liṇa:guliṅan·, hana:payuṁ maruṅgi len asoṅsoṁ, na:han ta
⟨6v4⟩katṅәn ika:, makadi vkasniṁ yati Iṅətakna || ma:tkәn gada || matkən· gada suku-suku, palu-palu ḍaṇḍa saha sa◯ḍa, vtis alaris· pva kagurita:n·, Asiṅ adava: jə:ṁnya yeki knakən· || təvək maluṅid mapañjaṁ, curiga: gaḍiṁ suṅu tinyup·, A
⟨Folio 7r⟩ -
⟨7r1⟩siyuṅ umiṅis·, ya ta malaris·, curik· na:han· yukti kakyakyan· || śivapatra ya ta tinampil·, masi§◯dkuṁ hatva hana:mluk siṅəl·, muṅgv iṁ paṭaraṇa bantala, karaṅ ulu yaya kakvakvan· || Anadaḥ maṅhiṙ vḍiyan aḍeṁ, kr̥tala bhūja
⟨7r2⟩nagapaśa: pinutәr·, kadi vaṅkava ya kumaluṁ, laras vinәṇṭaṁnya kakrakra:n· || Aṅkus galaḥnya ṅanala kuku pa◯nol sagayuṁ sivuṙ, paha:t ⟦y⟧· ya tinavanya, hanan pasidkuṅ amkul tūṙ, kukunya tumakul· kadi kr̥:-kr̥:: || hana ta:ṅinḍit kuṁ la§ -
⟨7r3⟩vak·, hanan pamava gada hanakonta, tuvuk limpuṁ kr̥tala pañjiṁ curik·, salviranika:ṅ inuṇḍa: yayanyañ jinujuṅ i§◯ka: ||◯ || saṁ hyaṁ jagatripuruṣa:, nama śivaya ta ṅhulun·, A:mvit uma:stave kita, Amaṙṇnana va:ṙtta vtun· || guruniṁ jagat kita ya, mū -
⟨7r4⟩la:kṣara guru laghu, matra ka:ṙyya ya ta gaṇa, na:han· ṅaran tataṁ ca ⟦ṇa⟧nda || kita maka:rūpa: canda, Agave ti◯ti mvaṁ śloka:, ya ta vaṙṇnanən kvavtun·, ya pinakasuluh iṁ ra:t· || lviṙniṁ canda ta ṅaranya, kvehiṁ vilaṅiṅ a:kṣara, rika:naṁ paḍa sa
⟨Folio 7v⟩ -
⟨7v1⟩yati, pataṅ paḍa ya maśloka || mūlanyan keṅә:takna, Akṣara tuṅgal i yati, yeka: sinaṅguh antya ⟦ta⟧nta, rva§◯ṅ a:kṣara pvayatka || trya:kṣara maḍyama na:ma, pratiṣṭa pataṅ akṣara, śiṣapratiṣṭa ya lima, nəmaṅ a:kṣara gayatri || Uṣṇik· ya§ -
⟨7v2⟩n· pituṅ a:kṣara, valu pva ya paḍa:nuṣṭup·, vr̥ha:ti saṅaṅ a:kṣara, sapuluḥ pva si pakr̥tī || sya:samvada pva savla§◯s·, rvavlas pva yañ jagati, Atijagati tridaśa, śakvari pad·blas ika: || Atisakvarī limavlas·, Aṣṭi nәm·blas ikahәn·, Atya:ṣṭi
⟨7v3⟩yan pituvlas·, ḍr̥ti yapvan· valuvlas· || Avr̥ti saṅavlas·, rvaṁpuluḥ ya tanu kr̥ti, prakr̥ti ya ta salikur◯·, rvalikur ika:ṅ a:kr̥tī || tlulikur i vikr̥ti, padlikuṙ suka:makr̥ti, bhikr̥ti yan limalikur·, Abyutkr̥ti yan nәmlikur· ||◯
⟨7v4⟩ || na:han· pratiṅkaḥnya, I sa:mpun ika: samaṅkana vilaṁniṁ vr̥tiniṁ canda, yapvan· lviḥ sakeṁ nәmlikur· ḍa◯nḍaka rakva ṅaranya, kalalu ṅaranya, ḍaṇḍaka I luhuṙnya || paduluṙnikaṁ vr̥tti gnәp· java-javanikaṁ canda sa:mpun enak a:tū§
⟨Folio 8r⟩ -
⟨8r1⟩t·, dinəliṅakәn· vinlaḥ-vlaḥ, byaktanya ya vaṙṇnanәn· sumiliḥ, ṅaraniṁ la:ghu nihan· kveḥnya ||◯ || nanda,◯ bha:dra, bhadreti, vanamr̥gi, vijayanti, kanya tanuma:ḍya, kusumitagaṇḍa, maḍukaralalita:, madaleki, kumaralalita, va:§ -
⟨8r2⟩tapatya, paḍa:nuṣtup·, sapantika:, vittana, manavakrīḍita, vidyu:tmala, bha:vacakra, bhramaravilambita,◯ vikriḍita, kumaravilambita, bhujasukr̥tta:, Ahayamuka:, turiḍagati, cittaśudḍa, vahira:t·, Indrabajra, Upendraba: -
⟨8r3⟩jra:, Upastita, doḍaka:, vimala, bhramalavilaśita, svagata, ratoḍata, maḍuvalamr̥ta, bhika:, dru§◯tavilambita, vaṅśapatra, viralalita, rasanaitra, śrīputa, girisa, kusumavicitra, citraleka:, A:mara:jita, A:tivittana,
⟨8r4⟩śikariṇi, A:riṇipluta, pr̥tvitala, kusumitalata, ma:laśikyaśaṇa, saṙḍulavikriḍita, suvadana:, mr̥◯gaṅśa, ra:jani, ma:nda:ra:dri, vijaya:dri, śragḍara, mandakranta, Aśvalalita, matkakriḍa, kendragati, śigragati, turagagati,
⟨Folio 8v⟩
⟨8v1⟩pa:ḍavisa:ma, sakroccha:ve, va:vahira:t·, bhuja:ṅgavijr̥:mbita:, jayavikrama, samenī, sa:mavisa:ma, ca◯ndraka:ṇṭa:, siṅhasarī, viṣa:lata, talakusuma, gli, jayakusuma, caṇḍa, ma:tra, Aṙyya, 78, ndaḥ samaṅka:na: krehi ṅaraniṁ lagu§
⟨8v2⟩Icchanire ṅka:na, mvaṅ ameta la:ghu lena: saṅkerika:, nihan· va:ṙttanya, kavruhi || Om̐, na, nda:, stu ||◯ || sa◯mbaḥ, kva:gə:ṁ, riṁ hyaṁ, bhadra: || tandasku, jña:naṅku, bhaktya:gә:ṁ, bha ⟦da⟧ḍreti ||◯ || skar asәp·, paḍanikī, vaca-vacan·, vanamr̥gī ||◯
⟨8v3⟩ || saṁ hyaṅ aka:śa:, bhuḥ kīraṇendu, Aghni marūt ve, Om̐ vījayantī ||◯ || sakveḥ ta vatәk hyaṁ, muṅgv iṁ vanadeśa,◯tonton praṇathaṅku, muṅgv iṁ tanumaḍya || lindū mara saṁ hyaṁ, hogaḥ kṣiti molaḥ, kegut vavatanya, kanya: tanumaḍya ||◯ ||
⟨8v4⟩sahananikiṁ ra:t·, nara taru satva:, paḍa ta pinūjeṁ, kusumitaganḍa: ||◯ || mata mulat ahniṁ, ḍamar upamanika:◯vuvus amanis arūm·, maḍukaralalita: ||◯ || sakveḥnya: vatu kəmbaṁ, yeky a:nuṁ pamūja:ṅku, kleśa:lva:ṅa palanya, na:ṣva:niṁ ma
⟨Folio 9r⟩ -
⟨9r1⟩ḍaleka: ||◯ || tlas ta ṅhulun amūja:, niroga:ṅ vaṅuna vīghna, phalaṅkv iky anu kuśa:la, kuma:ra:lalita matvaṅ ||◯ ||§◯na:han· sambaḥku riṁ deva, ka:ruhun riṁ munīva:ra, Amvīta:maṙṇnana:jña:na, va:tapatya:thəṙ vtu ||◯ || sakveḥniṁ paḍa yan patya, ka:§ -
⟨9r2⟩la:pa: laghuṅ a:kṣara, pa:ḍa: ka:piṁrva ka:piṅ pat·, pa:ḍa:nūṣṭup· lviriṁ la:ghu ||◯ ||A:pan· yava tīka L̥vi◯ḥ, jña:na:hayu, lavan ulaḥ, pūja: sakala tan alum·, sa:pantika lagi-lagin· ||◯ || lviṙnikanaṅ hayu lagi, yeki dlə:n tuladana, śo -
⟨9r3⟩bha vnaṁ saparaṇa:, divya kadī pva vi ⟦ka⟧ ⟨⟨ta⟩⟩ na ||◯ || yapvan ulaḥ lagi tivas·, hayva ginәṁ bvat atukan·, dośanika:priḥ ka◯śulam·, manavakakriḍita ya ||◯ || hayva ṅvaṁ tan pamriḥ yatna, Akveḥ lviṙniṁ maṅde duḥka, ya:vat· kevat· śabdanteṁṅ len·, ta:vat·
⟨9r4⟩mr̥tyu vidyutma:la ||◯ || Apan ika saṁ vihikan·, tan alupa riṁ pitutur·, naga ta taman gigiR̥n·, bhramaravi◯la:mbita ya ||◯ || saphalakna huripniṁ ṅvaṁ, magavaya hayu sa:mbega, yat aṅusir anura:geṅ rat·, bhujagaśiśukr̥ta:gurva ||◯ || hayva
⟨Folio 9v⟩
⟨9v1⟩vakparuṣa caphala, yekaṅ abhyaṣa kaviratin·, byakta moha puharanika:, ḍva:para nyana ṅayamuka: ||◯ || ya ti◯kana vastuniṅ avəR̥, Ikaṅ avama:na puji jəvəḥ, gəR̥mətən iṁ manmu suka:, turidagatinya vaR̥g upət· ||◯ || sakveḥniṁ sukaduḥka tan madoḥ
⟨9v2⟩, petən keriṅ avak· ndatan vaneḥ, na:han hetuni saṁ maha:muni, A:mbak· śūdḍa pinet iṁ saṁ maha:n· ||◯ || deya:ni◯ka saṁ sajjana budḍi, saṅsa:ra mayūn iṁ suka vahya, mūja:di cinittanta sanitya, rūkma:vati sa:ḍyantya saḍa:śrī ||◯ || A:pan saṁ suka tuməmuṁ priḥ -
⟨9v3⟩nya, vvaṁ vījña: dadḍi ya rasike ṅūnī, bhaktīṅ hyaṁ kr̥tayaśa tan sīṅ vaṅ, gəṁniṁ puṇya: vavaḍa ya:nuntun· ||◯ || lviṙniṁ dadi◯ vvitnikanaṁ jatīnya, maṅgəḥ gavenya:n paripūrṇna janma:, hetunya mamriḥ magave para:ṙtha, rapva:n· tmu viṙyya jayendrabajra ||◯ || Ikaṁ ka -
⟨9v4⟩viṙyya:n kalavan suka:gəṁ, kapaṇḍitan dibya L̥viḥnikiṁ ra:t·, Asiṁ sakojaṙnira tan kapa:pa, Upendrabajropa◯ma taṁ sula:bha ||◯ || svajatiniṁ ra:t· mahaR̥p kaviṙyyan·, pada:ṅajap· bhyudḍaya len suka:gəṁ, manaḥ juga hyun tama tan para:ṙtha, Upasti§
⟨Folio 10r⟩ -
⟨10r1⟩ta:voḥ ri suḍaṙmma saṁ hyaṁ ||◯ || ja:tinikaṁ vvaṅ agəṁ maḍa moha, kevala budḍi taman· vruh i soṙnya, tan sa§◯kaya:siga caṅkak-acaṅkak·, doḍaka duḥka magəṁ tinmunya ||◯ || na: lviṙniṁ vaṁ hīnayonin haneṁ ra:t·, bhedḍa mvaṁ saṁ puṇyaman an de -
⟨10r2⟩vayonī, viṙyya:ma:san· rūpavan lud paneṣṭin·, siṁ solaḥnya: ⟦s⟧śa:liśūt tan pavaŕṇna ||◯ || dūran·yekaṁ ma§◯na mohaṅəpəpa, maṅkin· humva:t· kasujanma:nira:van·, kendra:n ka:ḍəḥ kalivat· ya: kabhūkti, śvecca: riṁ ra:t· sthira tovin vima: -
⟨10r3⟩la || yogya ṅvaṁ ma ⟦b⟧ ⟨⟨bh⟩⟩ yaṣa suka viratin·, Atya:ntevəḥni vnaṅa kuśala, śabda:nta:rūm kusuma paḍanika, deva:ṅR̥◯:ṅə: bhramaravilaśita ||◯ || ma:s maṇik· juga viśeṣa rikiṁ ra:t·, ndan· L̥viḥ tmən ikaṁ kaśsuśīlan·, budḍi paṇḍita lavan kupaśa:ntan·
⟨10r4⟩, svagateṅ para taṅan matalaṅkup· ||◯ || saṁ narendra sira mibk i jaga:t·, taṙ vnaṁ mupakareri saṁ viku, byaktaniṁ ka◯viratin· maha:ṙdḍika, ya:mr̥ta:suṅa vnaṁ ratoḍaka: ||◯ || kiraṇa pinakasuluh iṁ loka, vulan amuhara sukaniṁ citta, sa
⟨Folio 10v⟩ -
⟨10v1⟩kala kiraṇa hati saṁ prajña:, vuvusira ya maḍugula:mr̥tta ||◯ || yeka maṙganiṅ anmvakən hayu, saṁ vnaṅ makaduluṙ◯ hajə:ṁnira, nīti na:ga ta sira: tameṅ gita, śruti cihnaniṁ manaḥ kabhikṣukan· ||◯ || paṅan hinum· si turū sukaniṁ dadi, viṣa§ -
⟨10v2⟩ya ra:ga tumut· lavan tuva, siṁ tuha yeka tinūt ikanaṁ pati, drutavilambita janma punaḥ-punaḥ ||◯ || nahan ti§◯non saṁ vikū niścayeṁ pati, dumeḥ sira:mriḥ maṅusiṙ gunuṁ, Avak pinūcchapan avas hilaṁ hika:, kadi pva vaṅśa:stha sira:muḍa:ṅiḍaṁ ||
⟨10v3⟩◯ || manaḍaḥ ta gaṅann atava:mirasa, virasa: ndan aveḥ sukacitta rasa, rasaniṁ mahurip· ya katon rinasan·, ra◯samatra ratodḍata tulya kīlat· ||◯ || paṅgaga paṁpuṁ, paṅgaga petən·, paṇḍula tulya:, virasanetra ||◯ || tuhu mata ya su -
⟨10v4⟩kenak bhoganiṁ ra:t·, ri tutuk ika tan a:ṅgəḥ tuṣṭa ri heṁ, viṣaya si tama hūmvat· ra:ga vr̥dḍi, riṅ avaśana ka◯tr̥ṣṇa:n· śrīpuṭa:śa ||◯ || L̥həṅ atika: saṁ parahita budḍi, mayaśa sinambi maṅuluri ḍaṙmma, mati mahurip kastavanira laṅgə:ṁ, sira ta
⟨Folio 11r⟩
⟨11r1⟩pinūjeṅ kusumavicitra ||◯ || pjaḥ pveki saṁ vus lana: punya riṁ rat·, huma:ntuk sireṁ svaṙggaloka hyaṅ indra, yaya:◯n bha:vacakra: ndak oliḥ salambvan·, L̥həṁ saṅka riṁ crol· bhuja:ṅgaprayata ||◯ || Aparan· kunaṁ phalakaṅ kuhaka, Ina§ -
⟨11r2⟩L̥m taha:suka madoḥ mata ya, sata janma sa:paranya cmәr·, bhramita:kṣaranya saparanya tivas· ||◯ || hetu◯nyan prihәn taṅ hulaḥ sa:dubudḍi, A:pan vyaṙtha: tapva: suśīla vruheriṁ, saṅū sa:dv a:tambәha riṁ ra:mareṇa, maṅka: strī yan satya: ya ta vīśva -
⟨11r3⟩devi ||◯ || ndvaniṅ vaṅ ahurip· śaraṇagata, ma:reṅ agati saṙvva kasih aR̥p·, yapvan· vnaṅa sa:ma tapaśa◯ṇa, L̥hәṁ matmahan turagagati ||◯ || syapa sira tan paṅastava suśīla, matuha rare paḍa vruh ika tan sor·, kunəṅ ivәh iṁ vnaṁ prana§ -
⟨11r4⟩ta bhaktī, kadi navamallinī juga ri sojar· ||◯ || mataṅ ika saṁ vruḥ gumagap ikaṁ me, vәh anumaneṁ ra:t· ri ṅuni◯ ṅa:puṁ, ṅguṅ apan ika vruḥ mavara-varaḥ do, bhiya tan asiṅ vaṁ kusumasada:nta: ||◯ || lviṙniṁ vvaṅ avaras agləm· lana: vinasvas·, vruḥ mojaṙ riṅ a
⟨Folio 11v⟩ -
⟨11v1⟩lara tan tahekiṅ evәḥ, vvaṁ prajña: sugih aṅajap· jugul· daridra, mevә:ḥ vvaṁṅ aṅanumata: praha:ṙṣiṇiṅ len◯· ||◯ || ya hetu saṁ vruha kulamitra gәṁ taha, Uṣadḍa tapva hinanakәn pasaṅgraha, Ivә:ḥnikaṁ ginu mahurip sada:suka:, nahan kato -
⟨11v2⟩n· surucira nitya sadḍana: ||◯ || tan mevәḥ lviṙniṁ yaśa: de saṁ karuṇeṁ ra:t·, vat ve sәnda: śa:la vīha:ra:śra§◯ma bodḍī, pә:ḥ mantra: mvaṁ taṅ gulīga ta:yaśa donya, kasya:siḥniṁ mattama:yūra: ta kininkin· ||◯ || sugyeka: saṁ vruh haL̥pakna
⟨11v3⟩kinatvaṅhan·, A:pan· sudḍa:mbәknira kadi variṅin mavan·, pa:ṅhə:bīkaṁ ra:t·, kani sihira tkeṁ satva, puñca§◯kniṁ crol· ṅvaṁ gumavay i sira sə:mva:ḍa: ||◯ || tasik upamani saṁ ḍaneṣṭi tamaṁ pahi, papupulanika ma:s· lana: tka tan pinet·,§
⟨11v4⟩sujana yatika puñcakanya mamәtvakәn·, kaluṣa tәvas aṅel· kḍәḥ mapara:jita ||◯ || narapati kadi ba:hni du◯milah apanas·, Asiṅ umulat aR̥s mavḍi giri-girin·, halas alaya gəsәṁ kalana paravaśa:, kadi ta pinusus iṁ praharaṇakalika: ||◯
⟨Folio 12r⟩
⟨12r1⟩◯ || tulya: prasa:dḍa sira saṁ munima:n pinūja:, tan saḥ tamolaha sama:di śiva:tma:liṅga, sīṅ vaṁ mulat· praṇa§◯ta bhakti manojava:tvaṁ, A:pan· basantatilaka:mbәk ayunya tinvan· ||◯ || syapa tan atakuta mulata munivara, tkap i samahi -
⟨12r2⟩ta ya kadi gunuṅ apuy·, brata japa ginlarira mamnuhi ra:t·, kalana kḍika ya maniguṇanikara: ||◯ || sahana-ha◯nanikeṁ ra:t· rakva tan vya:ṙtha bhakti, ri yativara nihan ta:denya namya:talaṅkup·, sakaR̥pira sidḍa:bhakti ri hyaṁ paḍa:tvaṁ, malakaluṣani -
⟨12r3⟩re jro ma:līnī na:ma kūmlab· ||◯ || sakveḥ ta:mriḥ mataki-taki kasantoṣan lva:mbәk·, hayva pra:jña:n kativa§◯s ika tan a:ṅga:ṅ korūrva:, puṅguṅ gə:ṅen· tivas aki taL̥L̥b maṅkin· kleśa:, yogya:ṅa:mbәk· mr̥ḍukaralalita: gә:gәnta:mriḥ ||
⟨12r4⟩◯ || vvaṁ nīccha mitra sujana sakaR̥ṁ budḍinya:tūt·, tan maṅga yan paḍa sujana paḍa: cro satya:tūt·, sojaṙny atū◯t silih iriṅ iṅ asiḥnya:pa:ṅoṣṭan·, kumbaṁ lavan kuvalayakusuma lvinyan meriṁ ||◯ || munivara sira satyeṁ saḍya:ṅaṙccaṇa
⟨Folio 12v⟩
⟨12v1⟩satata, tan alupa satata:mriḥ-mriḥ nūśūdḍabrata gingə:, maradana sukaniṁ ra: ⟦tṣasiḥ⟧t siḥ saṁ hyaṁ tulusa masiḥ,◯brata tapas i sama:dī pra:ya: śevaṇa girisa ||◯ || ya ta satata:ṅ hayu tinaki-taki, hilaṅanikaṁ daśamala maḍana, ya juga su -
⟨12v2⟩ḍīramata ya linagan·, kadiṁ kusuma:yuḍa maṅani yati ||◯ || nda nihan· vighənaniṁṅ agave tapabrata lana:◯marupuhi ri hati, ya kaḍə:hanira taṅ aṅadəḥ lana: ri vṅi ya:tika kinatuturan·, niyata: manahira magave hala n tulakna japa
⟨12v3⟩samaḍi lana:, Apan a:kara hima masu kīta saṁ munivara: bhujagavilaśita ||◯ || saṁ magave hala: hayu la:van bra◯ta:mriha tapa, mma:ti paranya nora hamṅa:n ikiṁ dadi kabeḥ, nda: naL̥hәniran saṅ agave yaśa: parahita:, ra:t maṅaL̥m uras a -
⟨12v4⟩mbava rikaṁ jagatpramuḍita ||◯ || maṅkana rakva cihnanira saṅ anәmu kavikun·, byaktanira:n ⟦hu⟧· huvus· nipu§◯na tuhu-tuhu virati, ra:ga si moha ma: ⟦na⟧ri ya tinuvagaṇa ya vinatun·, mūṙ vinurug· kadī pva gajavr̥ṣabhavilaśita ||◯ || so
⟨Folio 13r⟩ -
⟨13r1⟩laḥniṅ vaṁ hala hayu ya katon denira: saṁ viḍagḍa, sa:mbəkniṁ vvaṁ juga si katpetan denika saṁ praveśa, ndan soja:ṙniṁ◯ vvaṁ juga karuhun d ⟨⟨e⟩⟩ nika: saṁ huvus· vruḥ, nda: ṅka:n hyaṁ sa:kṣat· hanitira hibәk· citralīke sisinya ||◯ || ya:vat pva vaṁ vruh umuja -
⟨13r2⟩rakәn d ⟨⟨e⟩⟩ nikaṁ bha:vabhaṅgha, Ambәk· moha:ṅayam-ayam inak budḍi śa:ntoṣa yaṇḍoḥ, vruḥ tapva: yan· vruh umujarakәn soja◯r iṁ pūṣṭaka:jī, maṇḍakra:ṇṭa: jvalini tika dumeḥnika:pan mapuṅguṁ ||◯ || yekan lana: vvaṅ an·bhava hika:gləm anaya-naya, śa:straṁ glaṙ bra -
⟨13r3⟩ta: viniji-vījinika paḍa mujit·, yapva: ginə:ṁ rasa:niṅ aji tatva ta ya murukutut·, lviṙ kadḍi va:ṅśapatrapatita:vḍi karu◯hunana ||◯ || viphala tkap ta ma:mrihana kūla sḍә:ṁ ha rare, yan apa ya tan katoliha vuvusnika saṁ matuva, L̥viha tika: ya ke -
⟨13r4⟩syana kabeḥ tikanaṁ sapakon·, Avitana riṁ pisan pva satahu nda L̥hə:ṅa tika: ||◯ || sa:lak la:ṅsәb· po◯ḥ naṅka rasa linәviḥ ṅka:siṅ amanis·, kaśevan kopaḍyan R̥ṣi muti-muṭil· goḍa kuvara, Asiṁ śa:nta: ka:ruṇya sira linәviḥ pa§
⟨Folio 13v⟩ -
⟨13v1⟩ṇḍita tmәn·, mataṁnyeka: saṁ vruḥ makәkәsiṅ avak· riṁ ⟦s⟧ ⟨⟨ś⟩⟩ īkari ⟦n⟧ ⟨⟨ṇ⟩⟩ ī ||◯ || kaḍali tintәl· mūṅgv iṁ dyun pat kuL̥§◯mnya tasak ta ya, surasa pinaṅan maṅka saṁ vruḥ kumәl matapeṁ vukir·, mtaha ya si moha:mbәkroḍa: sak mabalik· br̥siḥ, manahira śubha:
⟨13v2⟩śveccha: menak manohariṇipluta ||◯ || tan a:dva tikana: vuvusniṅ umakuṅ kalokeśvaran·, huvus·kna sa◯la:hala: hayu ṅulaḥ ya ka:ṅkәn· gunuṁ, nahan· susupana:nta hayva huniṅan· ri liṁniṁ sara:t·, mulat· humnәṅ a:mriha brata kumә -
⟨13v3⟩l sapr̥tvītala ||◯ || A:pan· yeka: kleśani śi kananinyan prama:ḍeṅ huripnya:, gəṁ kroḍa:gə:ṁ moha maṅapa ka◯riḥ tan· vnaṁnya:mgə:ṁ hyun·, vus· vruḥ pva: ṅva:ṁ hayva ha paL̥-paL̥ḥ priḥ babad· riṁ praya:pə:s·, veḥ ta:lya:mbәk· kusumitabhaṣa: bhaṣiṭa:rū§ -
⟨13v4⟩m karūṇya ||◯ || yan sa:mpun parituṣṭa niṙmmala suka:ṅambәk· tḍuḥ tañ cala, byaktekaṁ paḍamokṣa nitya mabnәṙ ma:◯lūy· kapaṅguḥ mṅa:, kleśa:kəmpәl asimpən aṁdulurakәn milva:varaḥ riṅ havan·, nora:mpa:mpata tan kava:da tkapiṁ sa:ṙḍulavikrī
⟨Folio 14r⟩ -
⟨14r1⟩ḍita ||◯ || dūra pvan vaṁ vnaṁ maṅkana tumulada saṁ bha:gyakr̥tavara, A:pan makral· matiṅga:ṙ kadi vatu lumutәn bhyakta◯:n kapaL̥yəṁ, nya:taṁ vahya trika:yan kavnaṅa sakaR̥ṁ gambhira dahatәn·, śa:bdolaḥ vehi śomya:lmәs asmu guyu lviṙniṁ suvadanā ||
⟨14r2⟩◯ || sakveḥnikiṁ dadi kabeḥ ta nora katunan· hala: mvaṅ ahayu, ndan saṁ pina:ṇḍita ṅaranya tan kapulutan· vruha:ṅhr̥◯t anaha, henak ta duṙbbhaganika:ṅ ulaḥ mahala yan vimaṙgga ginave, ma:siḥ sireṅ agati saṙvvajanma ṅuniveḥ mr̥gha:ṅśarajani ||◯ || ta§ -
⟨14r3⟩mba: roṇḍon lata: ne kakayu-kayu vaneḥ riṁ gunuṁ vitnika:doḥ, siṁ vvit pinrīḥ pinet saṁ vruh i paknanika◯: paṅgilaṁ roga donya, maṅka saṁ vruḥ vnaṁ paṇḍita śaraṇanikiṁ saṙvvajanma:sih iṁ ra:t·, tya:gī yogī sahisnu mara manusu-nusup· riṁ gu -
⟨14r4⟩nuṁ ma:nḍara:dri ||◯ || yapvan ma:pәs manata:cala-cala vnaṅa: nora bhaṅga:ṅgaka:ra, taṁ bhya:ṣa:tan masiḥ me◯h ika ḍiḍik avkas· hva:t pisa:n a:śraya:śan·, svecanteṁ ra:t sakahyun· tka niyatanika: ndan mataṅgva:n kaḍīran·, tan rakva n tan· dla:ha:
⟨Folio 14v⟩ -
⟨14v1⟩n parama kaL̥sə:n· śra:gḍara: riṁ vatәk hyaṁ ||◯ || bva:t alkas huvus kagavaya:n ikaṁ parahiteṁ parampara R̥gәp·, A◯:śrama śetra tulyaṅ havak· skaṙ kumuliliṁ vuvusta rahayu, ve humidә:ṁ pisaṁ tbu vnaṁ taṅanta matalaṅkupa:ṅalap asor·, tiṙtha pavi -
⟨14v2⟩tra tulyani manaḥta niṙmmala kadī ta ma:ḍraka hniṁ ||◯ || saparananiṁ vnaṁ tuhagaṇa: brata: tapa susatya riṁ kavirati§◯n·, L̥hәṅa tika: sakeṁ guragaḍa:ṅaku vruh iṅ acintya riṁ kaL̥pasə:n·, saṅ apa kunaṁ vruhiṁ paranikaṁ pjaḥ siran atīta vaṙṇna maṅaku, ḍu§ -
⟨14v3⟩vәg uliha:nta riṁ sakalaloka mamrih agave brata:śvalalita: ||◯ || hayva:ta: śakteṁ bhoga bvat paL̥-paL̥ ga§◯ ri pavkasira saṅ atuha:, ṅa:nidra: rūṣya: ṅvaṁ ḍaṙppa:ṅ anamaya kuraṅana sinkuṅ arini hayu, lobhantomva: tr̥ṣṇa: tambəḥ nyat aṅusira§
⟨14v4⟩suka piduvəgana taṅ avak·, ra:ganta:gə:ṅ mattakrīḍi ṅvaṅ aṅuluy anakəbini ya ta kita L̥L̥b· ||◯ ||ye§◯ka: ta saṁ vruḥ mәṅgәp apuṅguṁ ri takutira tatan alana tinaha:kveḥ, A:pa:n ikaṁ melik pinakabvat· viparita sa klis iṅ amuhara
⟨Folio 15r⟩
⟨15r1⟩va:da, sojaṙnikaṁ ra:t· yen anumoḍa:nana pihaL̥p aL̥pә hiṅ ujar apañjaṁ, jña:nanira:n lot· citra paḍa◯ trus asiṅ ala hulah inabhima:ta ya kendran· ||◯ || saṙspa bhiṣa: nda:tan ka:ma:ka:ra:blәkər asih anudūki ri ya ta kaviṣan maṅkә -
⟨15r2⟩:p·, maṅkana saṁ vruḥ-vruḥ mamriḥ hūmiṅkus· miṣ avakira ya ma:vdi kasaha ya ta:ṁdoḥ-doḥ, siṅ vaṅ asampe ko§◯līha:n atvaṁ tkap i guṇaniran· yaśanira samana: riṁ ra:t·, pa:ḍavisa:la: lviṙnīran saṁ vruḥ hanaL̥pakna sīra ta tumaha ya ve§ -
⟨15r3⟩vəḥhya ||◯ || ka:lih ikaṁ vvaṁ mos· bvat anuṁtuṁ guragaḍa mahas iṅ kva:n tan inupaya:, maṅka tinuṇḍa:gәṅ iki§◯ṅ ambәk pinuji-puji para: bhiṣa maca tulaṁ, tatva sahәn tuttan· tka saṁcīha maṅayam-ayama:na: va ya mavәR̥, kroñcapataṁra:t· ⌈
⟨15r4⟩denya paḍa:hyun· luməvihakna ma:vtva tka ya L̥ñok· ||◯ || tan maṅka:mbәkira saṅ ahisi kavikun anәmū◯ rasanikaṁ kaviratin rakva, saṁ yogīśvara saṅ anusup aṅilagi viṣayanira sira: tuhu licin tya:ga, vaṅke tulyanira vuta tuli bhi
⟨Folio 15v⟩ -
⟨15v1⟩su havak alupa ri hala: hayunikaṅ loka:, śudḍa:mbәknira varaṇa humidәṅ alilaṅ ava suluhira: navama va:hiṁ◯ ra:t ||◯ || na:han lviṙnya:mbәk saṁ yogī saṅ anәmu suka ya ta viśeṣa ma:s maṇikiṁ viku, laṅgә:ṁ tuṅgә:ṁ tan molaḥ pva: samahitanira§
⟨15v2⟩kadi tasik· tḍuḥ maL̥ba: hiR̥:ṁ, vastunya:vak saṁ hyaṁ śūnya:tmakanira ya sakala yaya bhaṭa:ra jagatgurū, śve◯cca:n danya:more ba:yva:mpacala riṅ ulaha havana: bhujagavijr̥mbita ||◯ || hayva:mbək taṅ aR̥p licin· turuṅ atiṅgal iṁ viṣaya -
⟨15v3⟩niṁ, janma: mevəḥ rikaṁ vruh iṁ bvat a:mgat daśendriya madəg·, A:pan maṅgəḥ puriḥnikaṁ dadi jnək· rikaṁ silih asiḥ, lviṙ◯niṁ devīlaśīṇi kīta ya: taha:paR̥k ata:ḥ ||◯ || tan tuməmuṁ kapa:panika saṁ kneṁ varavanita, saṁ viku rajya śa:stra nipuna:ja⌈ -
⟨15v4⟩reṅa hala hayu, donira yan· vnaṁ mar abhivr̥dḍyaniṁ viku nagara, maṅkana rakva budḍinira saṁ bhuja:ṅgavilaśita◯ ||◯ || nora vaneḥ musuhira saṅ ataki-taki hayu viku nagara, dveśi ta ra:ta ya ta pinakapamuruṅ ika hulahana tiki,
⟨Folio 16r⟩
⟨16r1⟩ma:s maṇi len anakəbi viṣa paḍanika yaḍi maliṅ anataḥ, śakti bhaṭa:ra manaśija makakaraṇa kusumavilaśi§◯ta ||◯ || Ulaḥ mamana si para katəmu halanika piR̥ṅən·, kinelikaniṅ umulat avdi ri ya satata kuməl·, ndi sa:ḍvaṁ paR̥k asama-sa§ -
⟨16r2⟩maṅ upatana kunə:ṁ, bhuja:gaśiśukr̥ta juga paḍanika kagiri-girī ||◯ || śrī narendralalita suka lumiyat iṁ mu§◯suh atata səḥ, lviṙ kavindralalita mulatiṅ acala:ṅulati laṅə:n·, nisparigrahalalita suka parama:ṙtha manəmu hniṁ, ja:tiniṁ taru -
⟨16r3⟩ṇalalīta vulat ika: mulat iṅ atanu ||◯ || para kavi sira viveka mahas iṁ vuki tpiniṁ jalaḍi, sahana-hanani§◯ka:naṁ ṅkaL̥ṅəṅan pinet mapupul· ri hati, skar arum upama vaṙṇna saha bha:ṣa canda haneṁ L̥pihan·, jayakusuma ṅaraniṁ laghu ya tiṅkahən pa -
⟨16r4⟩ra vīrakavi ||◯ || saphalakna tkap saṅ aṅdan i ra:myaniṅ amuhara kuṁ yateka satirun·, ya ta guru laghu ca§◯nda na:manika:na vinuvus iṅ aR̥p tumūta kalaṅə:n·, Apan atisaya mevəh iṁ vvaṅ akiṙtti kakavin iki yan kuruvah irika:, Ana ta la
⟨Folio 16v⟩ -
⟨16v1⟩ghu ri canda yeka R̥ṅə:n kusumasari ṅaranya teka vulatī ||◯ || vulat amanis pinakapayuṅa saṁ yativara sa◯kala bhava tan kalubana, vacana marūm pinakatkəna saṁ viku sapara-paraniṅ amet hayu lana:, tlas apagəḥ tutur avas-avasən saḍunuṅan a -
⟨16v2⟩bnər iki yan tuhu tpət·, manah alba: pinakahavahani saṁ munivara satata sira na:gakusuma ||◯ || saphala pinuja riṁ◯ bhuvana gatinira: munivara makakaraṇa virati, sahananiṅ amara:vaja-vaja ta kama:ṣṭara vari sira tuməmu samahita, hniṅira kaḍi§
⟨16v3⟩candra manuk aḍiśiva:mr̥ta viji-vijiliṁ vujar inaL̥m·, pracalita sumavuṙ surakusuma lavan· jnu mavaṅi ṅaviḍara◯ gumuluṁ ||◯ || kumtəṙ ta saṁ sajana mulat īṅ ahala jana kala kuhaka, matakut· ri budḍinya sahaṣa saka:dya viṣaḍara bhiṣa miṣanī
⟨16v4⟩, ya dinamr̥m iṣya:mjah i gatīnika gumsəṅ iṅ aśaraṇa, kadi siṅha rūpanya ya kagiri-giri vacananika: gumuruḥ ||◯◯ || tripura: paḍanika: suraśara ri muka vdi-vdi surapati yatna maṅiṅet-iṅət iṅ ulahira:mriha kira-kira ka:raṇanira luputa, saha R̥ṣī va
⟨Folio 17r⟩ -
⟨17r1⟩ra sa suraguru pinakahulu vinagəd inucap iṁ bhaya vibhaya sira tuhu viveka saphala pituhun· śaraṇa gata tmən·,◯ vkas i vkasika:ṅ hala hayu sira vihikaniki niyata namitta surapati sumuyug umaR̥k· ri pada paramaka:raṇa maṅanumata, kadi huda -
⟨17r2⟩nikanaṅ kusumasadara ruru sinirir iṁṅ aṅin aḍr̥s mamaja R̥ṣigaṇa ri bhaṭa:ra paśupati nahan lalu ṅaranikihәn ||◯ ||◯ sa:mpun ikaṁ rasa canda sareḥnya tlas ginla:ṙ ṅaraniṁ guru laghu vtunya ya ḍaṇḍa kana:pa tiṅhali, A:ṣṭa kasanmata nitya tkapnika rat· muji§
⟨17r3⟩yuktinikaṁ rasaniṁ praṭa:tinaṭiki ve kaviśvara, divya
⟨17r4⟩
⟨Folio 17v⟩
⟨17v1⟩
⟨17v2⟩ || ~ || ◯ || Ai~ ||◯ ||Ai~ || sabhuṣaṇa nūghraha deva viśeṣa masiha ||◯ ||
⟨17v3⟩kṣamakna matike vuvusniṅ hulun daḥ kamūṁ hyaṁ yva sakveḥ ta sūkṣma:ganal· muṅguv i deśa:ntareṁ sor iṅ uṙddaḥ lavan· ma:◯ḍya deśa:maka:dī jaga:t· lyab saka:lanta deva:ṣṭamūṙtti pratiṣṭa:nta sa:kṣat· R̥ṅə:n ta: tiki kṣara:maniṅ vaṁ pva ri śvaṣṭa: diṙggha: -
⟨17v4⟩yuṣa:maṅguh enak sadayovaṇa:, ṅuni-ṅuni ta maha:munī saṁ vnaṁ niśraya:senucap· saṁ kavī paṇḍita: mvaṁ ta saṁ◯ va:gmi rī tatvavīt iṁ vatәk bha:la vidya lavan saṁ maha:sajana:R̥mbha riṁ ḍaṙmmakaṙyyenaka:mbәk· yaśa siḥ va:llava: da:napūṇya praṇamya:ṅku
⟨Folio 18r⟩
⟨18r1⟩tonәn· R̥ṅə:n taṁ stutiṅkun subhaktyeṁ ḍaL̥m·, tka ri pusu-pusuḥku sumsūm utәk tvas ḍagiṁ raḥ sakeḥny a:vak iṅvaṁ dr̥◯da: bhakti ri hyaṁ vaya: gohya da:L̥mta sa:rī-sarī pra:ṇata: tvaṁ sanitya praḍiptojvala:mbәkku tan pantara:ṅūsapī L̥ḥ mañanta:laha: -
⟨18r2⟩tya: magәṁ pra:ptava:ṇḍyan· vnaṁ maṙṇnana: jña:na saṁ paṇḍita:mūśvakәn sotava:vak· tapa:sidḍa yogīśvara:nuṁ tutuṙ◯ yeka tūtən kavuṅva: maṅū śa:tapatra tuñjuṅ ijo ḍūpa ḍīpa:paba:ñcana lan śa:ṅka ghaṇṭa: sata:ta:skaṙ hr̥:b· rinok riṁ jnu vr̥:§ -
⟨18r3⟩tti sarojja na:han ta liśyannikin ka:vi ka:bhyaṣa saṁ hyaṁ kacaṇda:n· lavan vaṙtta:skaṙ tan· kneṁ lum pamūja:ṅku muṅgv iṁ§◯ rika:n da na:han kvivr̥ta canda: kahan ta vr̥:ṣṭi prayatna: stutīniṅ hulun riṁ vatәk devata ||◯ || Aṭa sa:mpun ikaṁ guru laghu lava -
⟨18r4⟩n· gaṇa ma:tra yatinya sacanda: mavaṙtta matūt· maṅaran pinara:kruta denika saṅ kavi sa:śaṇama:mañuma:ṇa◯ ri saṁ mahaR̥p· vruha riṁ paribha:ṣa yatiśvara kavya vuvus· kinara: ya ta donanika:n han atiṅgvana yan paṅne matika: pihara
⟨Folio 18v⟩ -
⟨18v1⟩ḥ tṅәna:nta mareṁ kavi vīhikana:nya vaneḥ kunәṅ uttamaniṅ hulun akṣama:kә:na tmә:n· matike mataye saha§◯na:nta maha:jana: riṁ sira mahyuna ta:sisina:hv aṅusi tikana: rasa gīta kakavyarasa riṅ atī para pet rupiṭiṁ paribha:ṣa mara:n sa -
⟨18v2⟩phala:tiśayanta katon satirun sigəgә:nta R̥ṅə:n sapujin ta tikī priyan iṁ magave yatha devatayoni ṅa§◯ra:nya vnaṁ kaviman· vihikan· tuhu budḍi maha:n tadi ḍaṇḍaka na:ma mala:hati yojvala ninya maḍәg· ||◯ || pәṁ-pәṁ teki hu -
⟨18v3⟩rip ta ma:mriha tapa:śaratana kavikun sala bhiṣa, Ayva:ṅgə:ṁ yaśa viṙyya saśastra kavinnu:t· ṅvaṅ ika śaśamayan pu◯naṙbbha:va:, tonton duḥkanikiṁ dadi vvaṅ adulūṙ priyati kasakitan mapet suka:, Aṅraṅkal· viṣayanya pan pinakapa:śanika vulata -
⟨18v4⟩na:nta tan tirūn· || mosiknya:mrih anūtakәn· brata sama:di karaṇani vataṁnikaṁ suka:, tan saṅkeṁ kaluṣa:L̥mә◯ḥ paL̥-paL̥h karu-karu kuhakaptiniṁ turu, yadya:n papraṅ avīkva tovi maḍagaṁ tar upir-upir ika vyake tka:n·, pūja: mvaṁ bhyavasa:§
⟨Folio 19r⟩ -
⟨19r1⟩ya ta:ṅhi pinaka:śrayanira ri katәmvaniṅ hayu ||◯ || syapa sira mahyun· vihikana mojar·, tamakna taṁ ca◯:nda jinava denya, huvus apagәḥ denta tumamakәnya, niyata bhiṣanta:ṅucap-ucap ena:k· ||◯ || Iti va:ṙtta, sama:pta ||◯ ||
⟨19r2⟩bhaṣapraṇa pagətiñ ca, pralambaṁ maḍur abhavit·, pasiṙr ukiṙ śivarañ ca, padoviramanaḍyañ ca || kaliṅanya:, ya◯n saṅ abhyaṣa kalaṅə:n·, hayva ta kaḍa:la: jña:nanta, yan aṁlambaṁ gita kunaṁ, mriḥ ka rasa menaka, yan pasiṙ kahyunta, vukiṙ vulu -
⟨19r3⟩san kunaṁ, kahyunta L̥ṅka:ra, mathapa śr̥ṅga:ra kamīra ⟦ja⟧sa, Iriṅə:n ta navana:thya, pañcaviraṣa, ṅa, || śr̥ṅga§◯ra:vīravībha:va, rodrayaṇṭaba:ya:nekaḥ, karuṇadrutaśanta:ś ca:, nava nathyarasa hime || śr̥ṅgara:, ṅa, mujarakna ka§ -
⟨19r4⟩rasikan·, ya danaśa, ka:śra, keṅin·, kona: guṇa, śabda: rarass a:rūm ka:mirasa || ḍīra, ṅa, hapraṁ, U◯mujara:kən kavanin· || viraṭa, ṅa, Umujarakən karamaḥ-ramah apacaḥ || rodra, ṅa, Umujarakna: moha, mvaṁ katatakut·§
⟨Folio 19v⟩
⟨19v1⟩ || A:ṣya, ṅa, Umujarakna: gumuyu-guyu, lviṙnya, paḍa karaṇa, papa:cəhan·, dulī, godog·, pəñcul·◯ || bha:yanaka, ṅa, Umujara:kna: kavdi-vdi, kar̥s-r̥s· ba:ya-kabhayan· || karuṇa, ṅa, Umujara:kna:marṇna sakaton sakaR̥ṅə -
⟨19v2⟩:, mandadyakən śa:ntacīttaniṁ kavlas a:siḥ || kadrūta, ṅa, humujara:kna kagiri-girī, A:ṣṭeśvaṙyya || śanta:, ṅa, §◯ Upa:kṣama somya || Iti na:vana:tya, ṅa, || krura, ṅa, Umujara:kna karoha-rohan· ||◯ || kunaṁ phalaniṁ kavi lambaṁ, yan i§ -
⟨19v3⟩nabhyaṣa:kən·, tan vya:ṙtha sura paḍakatū, kunaṁ yan gītabhyaṣa:nta, byakta mantuk mareṁ makaraḍvaja, mvaṁ mareṁ kavagī◯śvaran ta kunaṁ, kadaṁ mitra ma:siḥ, mvaṁ saṁ prabhū ra:ma R̥ṣi ma:siḥ phalanya, vnaṁ maṅindita:kən kadaṁ mitra vaṙgga, na:han phalanya || ndan me§ -
⟨19v4⟩ṅə:ta kita rasa piniṅit·, kunaṁ lviriṁ pinali-pali, tan dadi ka:ntaka ka:tha riṁ kakavin·, na:han lviṙnya nihan◯·, Aranya, Ajñana, nyudḍa, maprabha:ṅśa, paḍavikara, dūrasambadḍa, virudḍalaṅka:ra, virudḍaveśa, kahalaṅan śava, A:pra§
⟨Folio 20r⟩ -
⟨20r1⟩canda, A:praganda:, yatibhraṣṭa, Apra:kṣara, cedḍa:kṣara, śaṅgataprabha: ⟦śa⟧ṅśa, śrutikaṣṭa, dusprakr̥tī, Ubha:yabhra:ṣṭa || jña◯:na, ṅa, kuraṁ Aka:ra, Auka:ra || nyudḍa, ṅa, Ujar a:nmu ro, tan sidḍa vvaṅ ujara:kna kavakanya, I samaṅkana pantəsnya || maprabhaṅśa, ṅa,§
⟨20r2⟩Atvəṅ a:tmahan a:bacin· || paḍa:vika:ra, ṅa, Ikaṁṅ ujaṙ katṅə:nan deniṁ paḍa,, dūrasa:mbadḍa, ṅa, Umujarakən bha◯:ṣa:doh apaR̥k·, tan anūt virasanya rikaṁ pasiṙ vukir·,, virūdḍabha:ṣa, ṅa, tan henak caritanya kaR̥ṅə: || virūdḍaL̥ṅka:ra, ṅa
⟨20r3⟩, Ujariṁ vvahiṁ caritanya, virūdḍaveśa, ṅa, tan yukti gantuṅən· mvaṁ tṅənan, candaṅan ya kunaṁ,, Apraga:nda, ṅa,◯ tan parasa lakunya || yatibhra:ṣṭa, ṅa, A:ha:la hujaṙ huvus dadi, Ujar ahayu mapuputan ahala || Apra:kṣara, ṅa, maṅgurva:kən la: -
⟨20r4⟩ghu, Ikaṁ guru linagva:kən· || cedḍa:kṣara, ṅa, Ambənəra:kən vimaprabha:ṅśa, paḍavikara, ḍura:śambadḍa, A◯ṅivaṅakən taṁ mahapraṇa || virudḍa:la:ṅkara, virūdḍa:veśa, kahalaṅan sava, Apraganda:, yatibhraṣṭa, Aprakṣara:canda:
⟨Folio 20v⟩ -
⟨20v1⟩kṣara, śaṅgha:ṭa:prabha:ṣa, grutika:ṣṭa, ḍusprakr̥tti, Ubha:yabhraṣṭa || ◯ || jñana, ṅa, kura, Aka:ra, Ukara || nyudḍa:◯ ṅa, Ujar a:nmū ro, tan sidḍa: vvaṅ ūjara:kna ka:vakanya, I sa:maṅkana, pantə:snya || maprabhaṅśa, ṅa, Atvəṅ a:tmahana bhacin·,, pa -
⟨20v2⟩ḍa:vika:ra, ṅa, Ikaṅ uja:ṙ katṅə:nan deniṁ paḍa || ḍura:śa:mba:dḍa:, ṅa, Umujara:kən bha:ṣa:doh apaR̥k·, ta:◯n anūt viraṣanya, rikaṁ pa:siṙ rukir· || virūdḍabha:tha, ṅa, tan enak carittanya kaR̥ṅə:,, virūdḍaL̥ṅka:ra, ṅa, Ujariṁ vvahi caritanya ||
⟨20v3⟩virūdḍavaiśa, ṅa, tan yukti gantuṅə:n·, mvaṁ tṅənanya , sanda:ṅanya kunaṁ || Apraganda:, ṅa, Amahala hujar ūvu§◯s dadī, Ujar ahayu mapuputan ahala. Apra:kṣara, ṅa, maṅgurva:kən laghu, Ikaṁ guru lina:gva:kən·,, cedḍa:kṣara, ṅa, Aṅivaṅa:§ -
⟨20v4⟩kən ta maha:praṇa, Ambənəra:kən valūt·, Aṅivaṅakn apantə:s·, Amantəsakn ahivaṁ kunaṁ,, śaṅga:tapralapa, §◯ṅa, tan patut caritanya, riṅ uri kalavan riṅ aR̥p·, mabhedḍa: mujar iṅ aR̥p· mvaṁ riṅ uri, śrutika:ṣṭa, ṅa, tan henak aR̥ṅə: mvaṁ tuna
⟨Folio 21r⟩
⟨21r1⟩rasanya, kadyaṅganiṁ haL̥ṅkaraniṅ ity ava:madi, ya kavaḥ, ṅa,, duskr̥ti, ṅa, Ika:ṅ ujar a:hayu mavoṙ gləḥ,, A◯pracanda, ṅa, tan parasa candanya, Ubhayabhraṣṭa, Ujaṙ tuna tinulusa:kn iṁ vurī,, kahalaṅan śava, ṅa, Ujar ahayu masmu hala, tan si -
⟨21r2⟩dḍa rasanya, Ikaṁ cinarita ka:ri, katmu yan cinarita cumaritanya hantya:niṁ vakyanya || kunaṁ śvara kamaḍya, ṅa, śva◯ra katṅənan deniṁ vyañjana, ndan lviṙnya, A: I U E O:, hila-hila hika: bhara ka:sthanan· ||◯ || na:han ta lviṙnika: kasiṅgahana,
⟨21r3⟩de saṁ vruha ri paribha:ṣa, Ujaṙ parakr̥ta, mvaṁ saṅakr̥ta, hayva ta: havor·, den paḍa parakr̥ta, hayva maṅu◯ripa:kna, Akṣara sa:mpun mati, Ayva ta:ṅ deya tan paśvara ||◯ || nihan·, Akṣara mahapraṇa, ṅa, Akṣara pantə:s·, niha⌈§ -
⟨21r4⟩n ketu ṅanya ||◯ || bhaṭāra śīvabudḍa ⟦:⟧ ta:n hana vaneḥ, nimittaniṁ huripnika sabhuvana:, nahan pva kita bhaktī◯ ma:tvaṅ i sira, sukanta: ṅuniveḥ huripta maḍava: || nahan phalanikaṁ manaḥ śūci sada:, ya saḍa:na vnaṁ hana vvaṅ agatī, siṁ budḍi ma:§
⟨Folio 21v⟩ -
⟨21v1⟩L̥tuḥ pva ya:n ulahakən·, si duḥkabhaya tan vaneḥ halanika: || Ikaṁ vacana bha:ṅga yeka salahī, sabha:gya ki◯ta yan· tkeṁ manah ulaḥ, yaḍin raraya tan pabha:nḍa ya tuvī, yatīka viku sa:du paṇḍita tman· || sama:di gavayan lavan brata tapa:,
⟨21v2⟩samīdḍanika bhodḍi ḍūpa gugula:, Asəpnira yatīka sumrik umiṅiṁ, ya toṅgvananire bhuja:ṅga sakaR̥ṁ || Ika: ka◯la ya mogha tan vava R̥ṅə:n·, lina:ṅgyananikaṁ vuvus vaṅ atuva, lanan gatinika: gəṅ iṁ sumaguṇa, vuvusnya kaḍi siṅha:na:ḍa gumuruḥ ||
⟨21v3⟩vibhūḥ manahika:n hanan kadi bhava:n·, mabhoga taki mūdḍa tan papa tulaḥ, ka:bha:ra dina vitni duḥkani kaḍaṁ, prabhu§◯ tkan aruhu mabhaṁmi maṅajo || vibhīṣaṇa kirūn da bhara viratī, Uva:ni riṅ ulaḥ śucisada gatī, Ikaṁ kaka si kumbakaṙṇna viphatha, teṁ vka -
⟨21v4⟩nika:ni kumba magləḥ ||◯ || bhoṅgan bha:ṅgan pya kojar· lavan avava R̥ṅə:n· vūh ala:mbəknya mūṙkka, tan sidḍa:◯lobha menak· manahika mulat iṁ duḥka ginva:lpa bhoga, kroḍa:səṅhit manon vaṁ manəmu suka kḍə gə:ṁ haR̥p ga:takeg lan·, tan si
⟨Folio 22r⟩ -
⟨22r1⟩dḍekaṅ kabhaktin· viphala hananika: bhūta pūjeṁ bhava:nyan· || tatan svaṣṭaṁ duṙtta la:bda:ra bharakava ri saṁ bhū§◯patiṁ bhuṙ bhuvaḥ svaḥ, duṣṭa bhraṣṭa:n dina:ṅde ya yuḍani śiva ka:dgha: prabha: bhīṣaṇa:ndra:, nibhiḥ ga:dḍa ṅavīdḍa: ḍaraṇa parigə bə:nduḥ§ -
⟨22r2⟩nyan a:ḍa: kasanda:, dūṙmmewa: cedḍa ra:ṙyya:ṅ hala dadika vibhitsa dūṙgganda: bhoga: ||◯ || tan vyaṙtha ṅvaṅ a⌈◯ṅa:tī tiṙtha ri bhaṭa:ra maphala sukabhoga ka:kryanan·, ḍaṙmma:bha:gy an aceddya ḍana vanava:n subhaga sulabha bhoga tan tama:
⟨22r3⟩svaṣṭa: niṙbbhaya ta:m pavighna mada moha mahəli kamahaṙdḍika:n vəruḥ, svaṙgga:stham pjaha pva divya mabhavet◯· prabhu dadinika yan puna:ṙbbhava: || va: ya taṙnpaṇa daṙmmabudḍi ⟦ja⟧ ḍanavaṙṇna bhimatadika sidḍa sadya ya, śighra śoḍana vīṙyya la: -
⟨22r4⟩bha dumadak· ⟦va⟧ ḍr̥man abhinava bha:ṣa laghava:, bha:gya:n ya:sabhayan paśevaka sina:du tinaḍah apavidḍa◯ bhaṣita, saṁrabda:sih ikaṁ sabhumi mari ḍuṙtta maniru-niru bha:va budḍima:n· || nya:ṁ vidḍya:ḍara sidḍa sidḍi masama:dḍi§
⟨Folio 22v⟩
⟨22v1⟩saha viḍi ḍiviḍa: puna:ṙbbhava:, dya:yī da:ra ⟦ṇa⟧ka nidaṇaṅkanika mogha liṇa katkap iṁ ravi prabha:, bhaṅgī bha◯vana budḍi sa:dḍaka maḍīka skarika kabhiṇa ka:dbhuta, Abhra: bhūmi kabhūṣaṇan· tkap i kūmrapika ghata maṇīk maya:r -
⟨22v2⟩gghaṇa || tan maṅka:laya gora gha:ṇṭa vimukeṁ dr̥ma sabhuvana ninda keriya, muṙccha: bhra:ga gama:na śa:pva tuvi ga§◯bya kadī ta kuṭila:bda tan bhiṣa:, tan· ḍaṙmmeṣṭa virūdḍa nitya kari va:davanika paṇidra niṙghr̥na, saṙvvecchan· migaghəne pa -
⟨22v3⟩ra:ṙtha hana va:daka viḍiva ya riṁ nira:ṙṭaka: ||◯ || saṅa: sobhagya:ḍa:rura diḍara ḍaraṇa ḍaraṇī, śuda:◯śodḍa saṙvva:viḍi vara va:ndya: vaḍi vaḍa:, ḍr̥man ḍaṙmma: ḍaṙmmi laka likita lekī kala-kala, si bhogī bhaṅgī bha:gya: naḍa ma -
⟨22v4⟩maḍa:ṣṭa: nidi maḍu || ḍanuḥ bhoṅgan· ḍūlī vr̥ṣabha śubhagha br̥ṅga ma ⟦na⟧ ⟨⟨ma⟩⟩ na, bhuvaḥ bhagvat· satya:ḍana daga§◯phala: kya:tī gabhavan·, mr̥bhūk a:rūm bhuḥloka vigajam atītya:gama ⟦na,⟧ṇa bhū, subhikṣa: sidḍa: sidḍi si bhagavatī ḍr̥mana gu§
⟨Folio 23r⟩ -
⟨23r1⟩ṇa: || sata:ṇḍa bhranta:la: garuḍa gulabha: hvan phala-phalī, virūdḍa: rūdḍa:hyun· ghr̥ta dadi kaviśva:sa ca◯rava, sava:nya: bvat pajya:n· śurabhi mavu sidḍa:nta vipatha:, bhaṭa:ri dūṙggha:m bheravi sapr̥tivī bha:ghna bhiṣatī || kabhodḍan
⟨23r2⟩· kopha:dyan· ragaca maṇubhikṣa kabharaṇa:, kalobhan· bha:dḍa: keriḍa valaka va:ṙ bbhiratī muka:◯, gina:nte ga:nḍola: bhramitha gita pīpīta vavaḍū, catuṙvī ṣa:ndya: ⟦ra:⟧ ra:ndrakavadi yaka: yogya: bharata || ṅkaḍeya
⟨23r3⟩yan gambīra: bhrukuṭi gavita: dva:śa śarabha:n· ṅkasa:ḍyan· bha:ṣmi suṣṭira pabharatan dumra jalaḍi, sava:mbe◯ṅ a:ṙyya:dya:yi jalaniḍi yo ⟦ḍa⟧dḍa:ṅkara bhaṣa, ṅkaduṙmoda:n duṙbha:bbhaga miḍa: ||◯ || o:m̐kara tumitaḥ samaṅka:na ||◯ ||
⟨23r4⟩śaka:ś atisa:du vadijña bha:ra, vibhūti bhūti pr̥thu cūma meya, Uṣadḍa gopa bhragu ṇa:bhi miṇḍa:, si kunḍi§◯ vr̥dḍi bhrasuma:nta || prabha:ṣa bhiṣa prabhū ḍira ra:ghu, saḍīra ḍeṙyya:ḍika ḍaṭṭu ba:nḍa:, sikī jaṭa ya:pakr̥ghuḥ prabhodḍī,§
⟨Folio 23v⟩
⟨23v1⟩ḍani duli pra makahina ḍaṙmma || sina:ḍya sa:dya: ḍana sidḍa mūṙccha, Aḍaḥ riṁ uṙdḍa: mavaḍu maha:ṅghya:, praga:◯lba śīghra:bhimata pra ⟦bhu⟧ ⟨⟨bu⟩⟩ dḍi, svana:va tha:na graṇa gha:ṇṭa-gha:ṇṭi || Uḍani vidya: niḍi tīṙtha sīdḍi, paḍa:ṣṭa śanḍya: kṣithi saṅgha§
⟨23v2⟩ya na:tha, kura:nta saṅkya: tava ṅūṇḍa bhima, ṅkabhina:ḍipa:tī vidūṙ viḍagḍa || prabhodḍa: ja:tya:nta suyoḍa◯na:ṙṣa:, cinidra gandaṙvva ḍaneṣṭa: bhaṣma:, saka:mbhara: bha:ṅga vibha:ṅga denu, ⟦va⟧ gr̥ha:ṣṭa śobha: ḍipa ca:nda mithya || nara:
⟨23v3⟩ḍipa: gra:ṇṭi supathya vaṙṣa:, svaḍaṙmma gharī laghu bhina tuccha:, padobhaya: vya:dḍi si cəmbya ma ⟦ḍa⟧dḍya, pa⌈◯robhaya:n vyadra vinindya:-vidyan· || saka:ṇḍa va:ṇḍya: miṭuna:nda ghoṣa, prabha:ṅśa vidḍya:ḍipa canda miṭya, kaśu§
⟨23v4⟩mba śaṅkya: laṭi sa:bhisa:nḍi, Aśodḍa sa:sva:ṇḍila vr̥dḍa śūdḍa || yava:-yatha: śobhita pinḍa rodra, bi◯nanḍa-banḍa: vinira:jya: siṇḍu, ginoṣitan· ghoṣa giṇa:na viṇḍya:, sabha:ra dīṙgghya:yuṣa labda lahru || pagholiyan va
⟨Folio 24r⟩ -
⟨24r1⟩ndira bhiṇḍivala, bhujaṅga maṅher aniko parūṅgvi, salaḥ muka: ḍīksapr̥bha: subhadra, viroda bhaṅghya:śabhiśoka◯ bha:dra || kacidra saninḍya: paḍa:bhira:ma, payoḍara: graṇḍa mahodadī hvaḥ, mukotgata: sarathi nisr̥ todḍa:, prabhūta śalya: -
⟨24r2⟩na mr̥gha:na ma:bhra: || jaga:dḍiṭa:dya:tmika ḍola saṅlya, bhinoga-bhoga ṣpatiko bhamana:, suḍaṙmmi⌈§◯ko kabhyuḍaya:n· viṣa:ta, sama:di maṣṭa: pratamo maṅīccha || sumandya pr̥tvītala ḍūmakethu, bhina:vana:kruda ya sidḍi ma:ndī
⟨24r3⟩Abhedḍa-bhedḍa: prabha:va:nya śūcchi, bhaṭa:ra śambhv a:manī tan kavighnan· ||◯ || Iti, parūṅgva:niṅ a:kṣara ma◯ha:praṇa· ||◯ || hana: sira ratu pinakacundama:ṇī, deniṁ sa:mantajagat·phalaka:, śloka:kna Iki || sura:gane hiṣṭaḥ·§
⟨24r4⟩prajarakṣaneḥ, InaR̥mbhan deniṁ vatək devata, rumakṣa prajama:ṇḍala, Iṅayapan deniṁ yogadya:na◯sama:dī, kammen· kuśala: sira,, vida:gḍa sira riṁ kagavayaniṁ yogadya:nasama:dī, vidḍya:tevanḍatopamaḥ || sira ta vi
⟨Folio 24v⟩ -
⟨24v1⟩śeṣaniṁ maha:puruṣeṁ śa:strajña:, samaṅka:na: kottamanira, ndan ta:ṅ upa:kṣama ta ri sira, te sa:dujña:napriyaḥ, ta◯ Anura:ga ta sira, ri sakveḥ saṁ sa:dujña:na, śatrya:nəmbaḥ sakula:śya:ntana:, maṅka:na sakveh ikaṁ śatru niga riṁ ya va:bhya:ntara, yatika:
⟨24v2⟩sampun ina:riṣṭa:kən denira, soleya:ndra:ḍvayapūṅgava:nira, pañjiṅ malayu, yeka: rva:bhinedḍa sira, sira ta pina◯katuṅgalnī selaindravaṅśa, jaya:tī mnaṁ pva sira, śrī maharaja samaṅka:na:tiśayanira, sira ta śrī maha:ra:ja jītendriya sajña:nira, ka -
⟨24v3⟩di jitendra:, jit·, ṅa, paptəṁ, Indra, ṅa, saṁ hyaṁṅ indra, ḍuk a:lah apraṁ de saṁ megagha:na:ḍḍa, Anak saṁ ravaṇa, saṁ me§◯gha:naḍḍa sira:masaṁ paptəṁ, ya ta ka:pusan saṅ indra, ka:laḥ sira, maṅke, sapkaḥniṅ hulun·, maṅgalaniṁ ma:jara:kna, Amaramala prakr̥ti, pa§ -
⟨24v4⟩rakr̥ta:kna || nihan lviṙniṁ parakr̥tinira kayatna:kna: ||◯ || śiva:ṁ saṙvva:gataṁ śa:ntaṁ, saṙvva:jña saṙvva:byo gu◯rūm·, paṇa:mya:maramaleyam̆̇, na:maliṅga nigadḍya:te || bhaṭa:reśvara, sambahiṅ hulun·, lviṙnira, saṙvva:gati, bya:paka: riṁ saṙvva
⟨Folio 25r⟩
⟨25r1⟩bhava:śanti, jītaindriya: ta sira, riṁ saṙvva:jñana, Amratyakṣa:kən ta sira, Atīta:na:gatava:ṙttama:na, mvaṁ sūk◯ṣmeṁṅ hatīsūkṣma:, saṙvva:di, A:veh anugraha riṁ vvaṁ bhakti hane sira, sira ta guruniṁ saṙvvadevata, huvus pva:ṅ hulun· sumambah i
⟨25r2⟩sira, hamajara:knaniṅ hulun· yekīṅ a:mara:ma:la, pinintonakna:ṅ abhiva:va:dana mvaṁ liṅga: || rodḍaśo ṣ◯ya:vikūṙ ḍiptiḥ, patale ra:tnabhaḍitiḥ, A:ṙthapraka:śanam̆̇ yaś ca:, mesa: vaṙvvata vamalye || nihan taṅ upamaniṅ amarama:la, kady a:§ -
⟨25r3⟩ṅganiṁ tejanira saṁ hyaṁ śiva raditya:, sumuluh iṁ buvana:ntara, A:pan· vnaṅ amintona:kna taṁ śabda, ya ta maṅka:na ṅ a:◯marama:la, hana ta suluhiṁ śabda, keṅetakna hayo lalī, śloka Ikī || pūṅnyarikliva:sa:manyaṁ, kaṇḍanaṁ yatrama:tramaṁ, tatvaṁ pa: -
⟨25r4⟩yya:ya:tatuktaḥ, vīsīṣṭaliṅgam aḍyante || lavan ta muvaḥ, tiṅkaḥnikīṅ a:marama:la, Ikaṁ śabda, pūm̆̇liṅga, strīli§◯ṅga:, napūm̆̇śakaliṅga, sa:manya:liṅga kunaṁ, strīrveka: rika: || yata:krama: taḥ deniṅ amajara:kna rinye, maṅkana: pva ya sumaliṅga§
⟨Folio 25v⟩
⟨25v1⟩strivīśaiṣa || Aṅajara:kna ta ya riṁ śabda, va:ṙccha:ne paṙyya:ya, mvaṁ jatinya: || ślokapaventamadya:taḥ, śamba:dḍya:◯ pūṙvvaṅke paṇḍoḥ, paḍa:disthaḥ pareḥ vya:ktīḥ, narastrikliva:vacanaḥ || kūnaṁ kramanya:, denira:mbanḍana:kən·, Ikaṁ śabda, muṅguh iṅ anta§ -
⟨25v2⟩ḍasi madyaniṁ śloka, sa:mba:da:kna ya lavan ikaṁ paḍa pūṙvvaka:, maṅka:na, Ikaṁ muṅguḥ yry a:diniṁ paḍa:, lvirnya:, pūm̆̇liṅga:,◯ striliṅga, napum̆̇ṅśaka:liṅga, ya ta samba:da:kna, lavan ikaṁ paḍa riṅ huntat·, den anūt virasanya || na:han ta sa:manya, sa:jña:naṁ pa:ṇḍava:,
⟨25v3⟩mata:mbeyaniṅ a:mintonakən·, Iṅətakən denira || ⟦ṅa⟧ Iti, phalu-phaluniṁ ca:nda:, Ayva vera poma ||◯ ||
⟨25v4⟩