Kakavin Rāmavijaya — Rāma’s Conquest

⟨2⟩śrī kāmeśvara niṣkalātmaka manr̥ṣṭi turida səḍəṅiṅ karasikan,

⟨3⟩sək taṅ rāga piniṇḍa muṅgvi hatiniṅ saharas i daləmiṅ pasaṅgaman,

⟨4⟩svīkān rakṣa rəṅihniṅ adyah anahən lara pinuputan antyaniṅ gati,

⟨5⟩līla sthūla śarīra sāka pada śūnya muvah i huvusiṅ madan tapih.

⟨4⟩sāmaṅkāna sireki tapva makamūrtti kakavin araras linaṅvakən,

⟨5⟩muṅgv iṅ ketaka sampratiṣṭha ginəlar sakala pinakamuṣṭiniṅ hiḍəp,

⟨6⟩pujan riṅ sari layvaniṅ gəluṅ acarva təṅah inuparəṅganiṅ tapih,

⟨7⟩hyun kvānugraha siddhakavy asiviniṅ karas arəja parantiniṅ taṅis.

⟨8⟩nāhan kāraṇaniṅ pralāpita giṇeṅ rinacana ri karəṅvaniṅ kathā,

⟨9⟩hyun-hyun deni kalaṅvaniṅ nagara ramya ri kaḍiri viśeṣaniṅ purī,

⟨10⟩təkvan saṅ sinivi pravīra kavi śakti taruṇa subhageṅ purāntara,

⟨11⟩śrī garbheśvara rāja pāduka bhaṭāra jayanagara katvaṅiṅ jagat.

⟨12⟩ndan duran katəkan apan kavi turuṅ mahas-ahas i kalaṅvaniṅ kapat,

⟨13⟩santoṣa ləṅəṅiaṅ paturvan apasir vukir i ajəṅiṅ adyah iṅ tilam,

⟨14⟩nantən teki kasaṅ vuluṅnya tapih arja lukar i səḍəṅiṅ kinolakən,

⟨15⟩tan sah riṅ karas osi sambat hinamərnya pamahuga tanahnya riṅ kapa.

⟨JK: 2r⟩⟨1⟩lavan karananiṅ hulun mikota bhasita kakavin araras palambaṅa,

⟨2⟩ṅunyāṅhyaṅ ṅvaṅ anugrahé krépati rajasa sira ari mūrti tan vaneh,

⟨3⟩siṅganyeki nimittaniṅ kr̥ta varé-aji samaya rahasyaniṅ maṅa,

⟨4⟩marsāṅkva mrih amarṇanāṅracana parva ya haturakənāṅkvi jə̄ṅ aji.

⟨5⟩tambeniṅ cariteki tapva vuvusən magəhakəna manah saṅ aṅrəṅa,

⟨6⟩ndah vantən prabhu siṅha dhairya sakaleśvara tuhu-tuhu bhūmipālaka,

⟨7⟩khyāti śrī kr̥tavīrya nāmanira tan hana siriṅanire parākrama,

⟨8⟩sak riṅ svarga huvus karəṅvan ativīrya subhaga magave jagaddhita. o.

⟨9⟩sréka makaputra saṅ prabhu anéry anupapura minuṣṭiniṅ jagat,

⟨10⟩vidagdha kavi vāni śakti maguṇa nvam arəja lituhavy anindita,

⟨11⟩saṅ arjuna sahasrabāhu kəta nāma rasiki karəṅa prakasita,

⟨12⟩yan iṅ sakalavandhu bhayākulaṅggəhira nati suśīlajanmavan.

⟨13⟩ya hetunikanaṅ sabhuminira tan hana manasar i sila saṅ prabhu,

⟨14⟩asiṅ sapaṅutus narārya ginavenya masira-sira rama riṅ sabhā,

⟨JK: 2v⟩⟨15⟩vulatnyan amulat baréndra paḍa harṣa paḍa kadi tumiṅhaliṅ tulis,

⟨16⟩narép ri ka-jana nuraganira karananika paḍa bhakti tan salah.

⟨17⟩para prabhu kabeh samāṅjuru marək ri aira paḍa tumuṅkul adhara,

⟨18⟩asiṅ sahananiṅ kadhatvan ira vinvatakən ira ri jə̄ṅ nara-svara,

⟨19⟩apéni sani ratna kvstubha suvarṇa rajata ananira maṇḍala,

⟨20⟩gaja-sva ratha garddhabhv-stra saha bhūṣaṇanika maka sémba-sémbahén.

⟨21⟩ya karananikaṅ kadhatvan ati bhisama viśeṣa kadohuta,

⟨22⟩kuṭanya ri yava kinandha tinata ruhur asumu paméru parvata,

⟨23⟩ann pinarivréta riṅ lvah adaləm kumuliliṅi samipaniṅ purī,

⟨24⟩avarṇa kadi sapta sāgara bayunya səmu kuniṅ anéka varṇa ya.

⟨JK: 2v⟩⟨25⟩ri héṅaya ya binapra kancana subhaddha rinacana ginopura ruhur,

⟨26⟩catur muka kinoryan arpat ahaləp kagiri-giri dilahnya bhāsvara,

⟨27⟩sateja kadi parvata gni dumilah kahiḍəpanika denikaṅ mulat,

⟨28⟩dudug téka riṅ anta-riksa kadi kéndran aṅaliha sakeṅ surya laya.

⟨JK: 3r⟩⟨1⟩vetan dvaranya śuddha sphaṭika vatu cinandhya ruhur sopa cara,

⟨2⟩salvirniṅ svata saṅkəp marakata ginave hira bajranya kumram,

⟨3⟩tis-tisniṅ candra kanté-nukir-ukir i harəp dvara phala ṅgakara,

⟨4⟩lvirayan sākṣāt sakeṅ īśvara pada manurun deni géṅniṅ kaśaktin.

⟨5⟩ndah ṅkāneṅ dakṣiṇa dvara mirah ira duma bhra sinaṅ séṅaya muncar,

⟨6⟩muṅgvi gambérnya śuddha paval inasabakən mékalaṅ padma raga,

⟨7⟩kadya ṅémbéh cavinténya mapanasa təkapnyan kasénvan hyaṅ arka,

⟨8⟩pintən ganyeki pavati musuh ira manuṅkul sakiṅ bhahma loka.

⟨9⟩kilyan dvaranya malva haləp ararəm arés vvaṅ mihat deni séṅnya,

⟨10⟩mantén konténya saṅkəp pinahat inadu kanciṅnya sampun pinarnah,

⟨11⟩kakéntha-srya haləp muṅgvi pucak ika sumarnya ruhur syama varṇa,

⟨12⟩saṅkeṅ hyaṅ rudra mavat ri sira marahakən yan huvus labda yogya.

⟨13⟩dvarāgə̄ṅ hbisanéṅ uttara muka kahanan panca dharma pucak mas,

⟨14⟩mndah sarvva-staka bapra lumarap akuniṅ mas téké antaranya,

⟨15⟩abhra séṅnya ulap yan kapanasan akila śuddha sampun sinaṅliṅ,

⟨16⟩sākṣāt svarga nadāṅko ari pada hiḍəpiṅ vvaṅ mihat tyanta puhan.

⟨JK: 3v⟩⟨17⟩bvat antan pūrṇa sasri ri harəp ika minérvah ruhur sampun harpat,

⟨18⟩śobha muṅgviṅ natarniṅ vataṅan aṅililan hinyasan sari-sari,

⟨19⟩himpər megha biréṅ lvirni héduk ika ginambar vuvuṅnya tulis mas,

⟨20⟩sék deniṅ vvaṅ manaṅkil maṅadəg alal aṅanti vijil śrī narendra.

⟨21⟩ri vitniṅ vandhirāgə̄ṅ aya gaja hinapus ranté asvāṅga bhina,

⟨22⟩lagya dədəṅ manéṅka ləbuh aya dudu taṅ astya-né vantéyanya,

⟨23⟩ghantanya sraṅ maṅuṅkuṅ svaninika magéga vvaṅ rusuṅviṅ svaranya,

⟨24⟩paṅhriknya ganti-ganti bagun anapa ya riṅ vag malintaṅ salakvan.

⟨25⟩śobha gimbar patiṅkahnikanaṅ alun-alun syuh pénuh riṅ paṅastryan,

⟨26⟩dé saṅ samanta rajāṅjuru hbékén anaṅkil paḍa riṅkah akram,

⟨27⟩uréṅ tapva ṅucap tan hana vinuvus ira léna saṅkeṅ kabhaktin,

⟨28⟩rəp kumvaṅ śabda tis-tis paḍa kadi siniram yan vijil śrī narendra. o.

⟨29⟩ṅkāneṅ jro pamulañcaran gr̥ha subaddha vaṅunan ulihiṅ huvus tama,

⟨30⟩dantarjeki sakanya sampun hinukir miḍər ajajar atuṅgalan katha,

⟨31⟩tvasniṅ pādapa kr̥ṣṇa kumran i taripnya tinulis hinamər linaṅvakən,

⟨32⟩gītāləṅkara parva ramya maturun carita cinaritanya tūt iriṅ.

⟨33⟩raṅkaṅ mas ri daləm kahadyan akiris sphatika ri patiganya tumpyatak,

⟨JK: 4r⟩⟨1⟩kasraṅ deni sénanikaṅ parama tarja lumarap i pakénya kesisan,

⟨2⟩nvaṅ vastra-rjja surat-surat jamanikanya kumélah i sirirnikaṅ aṅin,

⟨3⟩riṅ sambyan hana campaka glar alunyut səkariṅ asana layvaniṅ gəluṅ.

⟨JK: 4r⟩⟨4⟩tīrtha drəs kumuncir kahulvan alaṅa rinacana ginave pinañcuran,

⟨5⟩tvas-tvasniṅ mani(ma) jahi réṅga makaranya sahaja pinahat rinumpata,

⟨6⟩aṅde harṣa kucūrṇikaṅ dhanu avaṅkava kapapas i téganiṅ ravi,

⟨7⟩tus-tusnyeki tinundha-tundha pinaharjaa pinarigi təpinya tut sisi.

⟨8⟩piṅgirnya-njrah asoka padapa rumémbo araras aṅilo véyiṅ ranu,

⟨9⟩sinvasnya dhyah umiṅgək-iṅgék atapat jaja kumélab i pélahiṅ bañu,

⟨10⟩lvirnya ṅémbéh apan arép lavadén iṅ gərəh ahati kucupnya tan məkar,

⟨11⟩kadya marna laranya tan hana mamuktya muṅarana səkarnya sumpiṅa.

⟨12⟩paḍan vvaṅ ri təpinya kalih adulur para-paraniṅ anuksma-kén ṭikā,

⟨13⟩paṅliṅganya səkar ləvas tinulisan kakavin ulihiṅ aṅdadak-dadak,

⟨14⟩lumra glar i pasir-pasirnya luluriṅ vəḍak akuniṅ avor lavan burat,

⟨15⟩pintən ganya parantiṅniṅ kaka-kaka dyus aṅisis amédhar-médhar tapih.

⟨JK: 4v⟩⟨16⟩taman ramya binapra ləṅləṅ alaṅa linaraṅan apiṅit haneṅ daləm,

⟨17⟩tanjuṅ shé ri natarnya naga kusuma sana surabhi gaḍuṅnya kasturi,

⟨18⟩ér tambaṅnya pinañcuran majala tundha kuncur amaṅan-maṅun hima,

⟨19⟩praya ṅhiṅ pinara-paran aji mahas-mahas adulur i tambvaṅiṅ sasi.

⟨20⟩sore masa surup hyaṅ arka kalaṅə̄nya vau-vau sirém kasaṅhuban,

⟨21⟩kambaṅniṅ satapatra riṅ talṅa miṅkus amupuli lavénya kaṅinan,

⟨22⟩paksya livran amet paturvan aṅépér dadali pati sulambér iṅ tavaṅ,

⟨23⟩nraknya navaṅ aganti muṅgvi lalayaṅa makirig anisik-nisik élar. o.

⟨24⟩ri vijilnikanaṅ vulan aluru mava anyar aṅdhadhari,

⟨25⟩suməkar kuduniṅ kumuda kadi tinaṅhi haneṅ talaga,

⟨26⟩akəcap titisiṅ bañu amarəṅi maṅhvabi kanya ləṅəṅ,

⟨27⟩kadi caṅvli limutnya maniru-niru kén lukar iṅ śayana.

⟨28⟩ lalu masa təṅah kuləm asəpi ruru səkariṅ kamuniṅ,

⟨29⟩hana mandra cucūrṇya muni manaṅis asraṅ aganti ləyəp,

⟨30⟩kalavan taḍah harṣa magahuran minta kasih karəṅa,

⟨31⟩yadiya tilémaṅ vulan amalaku liṅnya tumuta pəjah.

⟨32⟩kalaṅə̄nya riṅ eñjiṅ avuṅu səminiṅ tréna deniṅ əbun,

⟨33⟩paṅuvuhni kuvoṅnya muni masahuran ri daləm nagara,

⟨34⟩akakab pakatonaviṅ tahən ika matra katubniṅ aṅin,

⟨JK: 5r⟩⟨1⟩magəlar siraranya kadi paṅisi rurva sakeṅ gəluṅan.

⟨2⟩ asinaṅ ri vijilniṅ aruṇa səminiṅ kayu vahva séni,

⟨3⟩dumilah gupuranya kanaka ri daləm kadi candra lumə̄ṅ,

⟨4⟩ri samipanika-rjja graha kabini ajyan amarpat agə̄ṅ,

⟨5⟩lumarap ri pucaknya mani maya sahantiga géṅnya murub. o.

⟨6⟩kilyan bvat smara raṅkaṅ arja ginave rinacana kinəñəp rinūpaka,

⟨7⟩tvasniṅ rāga sinr̥ṣṭi sampun apagəh mapatiga lara kuṅ dinadyakən,

⟨8⟩paṅniṅ śoka ginātra kori vaṅunanya turida mavilah karāsikan,

⟨9⟩mosuk harṣa lulut rinaṅtihana kiṅ-kiṅ inadu pat éduk raras hati.

⟨JK: 5r⟩⟨10⟩ṅkana śrī parameśvari pinarékiṅ vvaṅ ahayu pinakesiniṅ purī,

⟨11⟩tus-tus vaṅsa kadaṅ-kadaṅ aji anéka kula-kula marək mapavahan,

⟨12⟩mvaṅ strī vr̥ddha karaṇḍan ahyaṅ ahaləp midər ajajar atuṅgalan caka,

⟨13⟩dénya bhava kadiṅ tulis kahiḍəpanya padha-padha madum-duman raras.

⟨14⟩apan yan vuvusən ajəṅnika savaṅ jaladhi madhu manisnya yan lihat,

⟨15⟩aṅde rés makaraṅ-karaṅ alis alandhép ariṅi-riṅi kesisan pupur,

⟨JK: 5v⟩⟨16⟩maryak malun ahaṅsa-haṅsa gəluṅanya méhirəṅ akusut tibéṅ pipi,

⟨17⟩pantəs tapva rarasnya manjahata rāga təṅah ika kahambéniṅ susu.

⟨18⟩vantən lvir gərəhiṅ kapat pavulatanya huvusiṅ asuji hyasan dadak,

⟨19⟩byakta sinvama raganiṅ vvaṅ umulat-umlata ri təṅahnya kesisan,

⟨20⟩rém kiṅ-kiṅ matəmah riris turidaniṅ vvaṅ amédhari tapihnya riṅ jinəm,

⟨21⟩luṅniṅ harṣa maluṅga-luṅgah avilət-vilət apuhara maṅgagap tavaṅ. o.

⟨22⟩sakvehniṅ marək arja tan hana kuraṅ rumnya gənəp riṅ raras,

⟨23⟩ndan isthanya yayan kagéman i ajəṅ saṅ mas manikniṅ purī,

⟨24⟩éndah tapva rarasniran vinulatan tapvan ləsəh riṅ manis,

⟨25⟩sākṣāt rāga piniṇḍa rūpanira siṅgih saṅgama ṅinḍarat.

⟨26⟩éñjiṅ rakva huvusniṅ ahyas asalin siñjaṅniraṅ asturi,

⟨27⟩luhya liṅgih arajasan dadak amet lisyan tikəlniṅ alis,

⟨28⟩tan sulihniṅ aṅanti sanmataniran bvat lvir vulatniṅ tulis,

⟨29⟩nahan hetunikaṅ marək-marək arés somyāṅucap tan umuṅ.

⟨30⟩sāsiṅ solah ira gavé tarida kiṅkiṅniṅ mulat kasrépan,

⟨31⟩pantəs yan paṅadəg lumimba yararas lvir polahiṅ padapa,

⟨32⟩yapuan éva maha ṅiriṅ liriṅ ira ṅgat-gat maség-séṅ smita,

⟨33⟩cumbva méndah arajasa misani yan pojar téka mlad prana.

⟨JK: 6r⟩⟨1⟩tis-tis masa ri liṅairiṅ ravi maṅa luhya ṅadəg riṅ natar,

⟨2⟩tan śobha maṅuré gəluṅ misisakən susva-rjja deniṅ uyaṅ,

⟨3⟩marma ṅémbani putra-putran iran eñjuh édan patutan aji,

⟨4⟩tan ryamban kiaudaṅ-kudaṅnira pinak-pak cét tuhan liṅ nira.

⟨5⟩yan sore humusiṅ ḍavuh pitu mareṅ taman mahas lalana,

⟨6⟩bhrānta niṅhali cataka naṅis i rém-rémniṅ hima rantayan,

⟨7⟩aṅhiṅ lét dinala-déla tiniṅhalan ləṅləṅ mihat riṅ tavaṅ,

⟨8⟩lvir muksaṅ kətəriṅ patar sumilib améṅ-péṅ kəḍapniṅ vulat, o.

⟨9⟩sinevakan i ramyaniṅ taman ateki hayuniran apéndahan liriṅ,

⟨10⟩ləmas-ləmas i luṅgahiṅ gaḍuṅ aket mara-marak i təṅahnirāṅlurus,

⟨11⟩pucaṅ-pucaṅaniṅ pucaṅ gaḍiṅ aséva miriṅ i gəmuhiṅ payodhara,

⟨12⟩sasañjata puḍaknya teki makəmit ri sétisira parantiniṅ kalé.

⟨13⟩syapéka tan avédya maṅpaṅa ajəṅ-ajəṅira ratuniṅ karasikan,

⟨14⟩raras hati huvus manuṅkul anukula turida lara rāga kuṅ lulut,

⟨JK: 6v⟩⟨15⟩lavan rudhita soka harṣa makiris rəṅih umatur i kiṅkiṅiṅ hati,

⟨16⟩ya téka maharəp-harəp ri səḍəṅiṅ smara bhaya ri daləm pasaṅgaman.

⟨JK: 6v⟩⟨17⟩aras vvaṅ umulat ajəṅniran abhūṣaṇa kadi-kadi muksa riṅ riṅ səkar,

⟨18⟩adandan aṅivis təṅah linuputan tapih aṅelih ikalaniṅ uyaṅ,

⟨19⟩baṅun mupéta rakva luncipi alisnira tahér agəlaṅ-gəlaṅ susu,

⟨20⟩savaṅ madhu piniṇḍa manisa manis-manisira tuhu mūrtiniṅ sari.

⟨21⟩laluṅ masa piraṅ kuləm vahu mayat məkara ṅasana muṅgu riṅ taman,

⟨22⟩gərəh jarumana kapat ḍatəṅa maṅaturakəna ri panjrahiṅ səkar,

⟨23⟩kapiṅrva tumiba riris ana kilatnya kuməḍap i samipaniṅ révéṅ,

⟨24⟩baṅun majara harṣaniṅ patər anivya ri sira kaharəpnya sémbahén.

⟨25⟩ikaṅ kaka-kaka-daləm puri manahnya paḍa vijah atuṅgalan raras,

⟨26⟩badu anaka mopa vasa kadi hira vajanika mahémbanan laṭi,

⟨27⟩anan dadak amahva-mavvani sipatnya karahurana sésa tan ləbur,

⟨28⟩makanya masaput-saput pupur avarṇa śaśadhara tinampvaniṅ riris.

⟨29⟩anan kadi tulis ajəṅnyan akéda-kéda aṅadəg avarṇa suṅkava,

⟨30⟩gəluṅnya rumarab mareṅ mukanika miu-miru təpiniṅ tapih lukar,

⟨JK: 7r⟩⟨1⟩lumampah aṅelih-élih kadi tan intara sukunika kabvatan susu,

⟨2⟩sapolah ika tan vruh aṅrva kaharəp-kaharəp ika tinuṅku-taṅkulan.

⟨3⟩apan yan ucapən ayunya kadi muksa vulatana ri kalaniṅ rəməṅ,

⟨4⟩alisnya kadi cataka ṅlayaṅ avarṇa kilat i pamitanya yan lihat,

⟨5⟩gərəh ləṅəṅ aganti mandra paṅəsah-paṅəsah ira ri pamrihiṅ sipat,

⟨6⟩siris padhani luhnya sarbas i matanya vahu mətu kapəñcəriṅ kakus.

⟨7⟩ikaṅ vvaṅ ri daləm kabeh paḍa huvus vinarah i kaharəp vareśvari,

⟨8⟩méné kuləm ataṅya-taṅya sira rakva maréṅana ri pūrṇaniṅ sasi,

⟨9⟩lavan sahana saṅ mamarvani karasikan iki vinarah ginopitan,

⟨10⟩parəṅ ḍatəṅa ratri kala marək ahyas adulara matuṅga-tuṅgala.

⟨11⟩iaṅ saji huvus sumaṅgraha tiniṅkah arəja ri daləm pasaṅgaman,

⟨12⟩sugandha ana dhupa kasturi səkar jənu ana tigasan aṅutkatha,

⟨13⟩anan muliha riṅ svara laya hiḍəpniṅ umulat i laṅənya kasrépan,

⟨14⟩garantuṅ alaṅa haneṅ yava maganti ṅaraṅin araras rinəṅvakən.

⟨15⟩samantara ri liṅsiriṅ ravi tumuṅgaṅ acala kadi harṣamatuka,

⟨JK: 7v⟩⟨16⟩anan lumaku-lakvan olih asavaṅ héla-héla miyatiṅ vaṅiṅ purī,

⟨17⟩avas pətəṅa pambəkanya kaka havya hiḍəp ira monén katiṅgala,

⟨18⟩nimittanira ṅanti sakṣaṇa ləpas kadi lakuniṅ arés kaciryana.

⟨19⟩gumanti rumahab limutnya saulésaiṅ akalihan anurun-kén lulut,

⟨20⟩mélés kadi gəluṅ kukar nirada méléh ahirəṅ amarantya-kén riris,

⟨21⟩suméṅ-séṅ i vijilnikaṅ śaśadhara vénés alura kəmul-kəmul hima,

⟨22⟩savaṅ mukanin adyah cruk avədin kaharékana kinubda riṅ saṅu. o.

⟨23⟩sampun yajña manobhaveki ginəlar śrī nātha riṅ lakṣaṇa,

⟨24⟩səṅniṅ rāga sumar haneṅ hati maha ṅgat-gat harəp saṅgama,

⟨25⟩nāhan marmaniran lumampah anilib mañjiṅ mareṅ jro purī,

⟨26⟩tan sah kasihira vaṅ aṅhinya ṅiriṅ mvaṅ paṅavin pavahan.

⟨JK: 7v⟩⟨27⟩ndan rakveki titar kadaṅ aji kulanya nvan vidagdhéṅ naya,

⟨28⟩katiṅ rat kéta rāga hetuka ṅaranyan pavakiṅ rasika,

⟨29⟩vruh-vruh ry ambəkaniṅ sinévaka bisa ṅriṅ-riṅ manahniṅ tuhan,

⟨30⟩sojarnyeki varahniṅ agama tétés siṅgih juga vvaṅ kavi.

⟨31⟩ambək śrī naranātha denya taka harṣa kuṅ lulut kasrépan,

⟨32⟩marma ṅgégvani tan sah aṅrahati sojarnya manah saṅ prabhu,

⟨33⟩kambaṅniṅ satapatra lagi pamavan kuṅ rumnya muṅgviṅ taṅan,

⟨JK: 8r⟩⟨1⟩tan ryamban hinaras-haras tiniliṅan tiṅhal sumambya ṅucap.

⟨2⟩nāhan liṅnira rāga hetuka vuvusniṅ vvaṅ rəṅən teki-hén,

⟨3⟩ndin gayan vənaṅaṅ madhubrata vasāṅadoh o rarasniṅ səkar,

⟨4⟩ndo harṣa taḍah harṣa haran ri səkarniṅ lek mijil riṅ vəṅi,

⟨5⟩ndak tén bhrānta kata kalaṅkyaṅ aharəp riṅ megha kabvan riris.

⟨6⟩nantən teki hatur paṭik aji səkarniṅ cémpaka nvaṅ mənur,

⟨7⟩nir ndon teki rarasnya sampun anəḍəṅ yan tuna ṅantiṅ gəluṅ,

⟨8⟩lavan padapa tan anaéki pakénanya doha saṅkeṅ pipi,

⟨9⟩maṅka rāga ṅaranya yaṅ hrétana kiṅkiṅnya tévas tanpa don.

⟨10⟩nāhan teki saharnya rāga karaṇāṅrəñcəm kasekan smara,

⟨11⟩sampun prāpta sireṅ daləm tucapa tiṅkahniṅ vvaṅ iṅ jro purī,

⟨12⟩kañcit śrī parameśvarī huvus aliṅgih ramya muṅgv iṅ natar,

⟨13⟩sakvehniṅ paricārikākrama marək himpor səkarniṅ gəluṅ. o.

⟨14⟩prāpta liṅgih (nr̥pati) sumaṇḍiṅ nr̥pati vasa-vasa nyambana ṅél amakpak,

⟨15⟩ambətniṅ ken kasiṅkab kadi maṅarahakən rāga kiṅkiṅniṅ onəṅ,

⟨16⟩suṅsut-suṅsut sudevī lagi kinəda-kəda muṅgah iṅ jro paturvan,

⟨17⟩marma nuntun tan imbā narapati madulur muṅgahiṅ jro jinəm mrik.

⟨JK: 8v⟩⟨18⟩ndatan saṅke tan aṅga vuyuṅ ira ta kunəṅ tan sakeṅ lot mapaṅgil,

⟨19⟩aṅhiṅ duké sé héṅniṅ turida kahavaran rumnira murna maṅras,

⟨20⟩marvāṅéo rés tikəlniṅ alis arəṅu ané socaniṅ luh kuməmbəṅ,

⟨21⟩tapvan mantén pinak-pak inari-hari təkap saṅ kéda lot rinəṅvan. o.

⟨22⟩maskv induṅ mapa hetuniṅ miṅo asuṅsut arəṅu-rəṅu éva suṅkava,

⟨23⟩ndak ton tapva manis-manisni pamatanta lumihat ibu tan kadiṅ lagi,

⟨24⟩siṅ solahkv iki saṅharas pipi anan siniku-siku maṅolakən təṅah,

⟨25⟩ndatan kani laraṅku ménva yadiyan ragəta tapaki tuṅtuṅiṅ kuku.

⟨26⟩ah vantən-ku tan élika salaga riṅ patər akətər anantya-kén riris,

⟨27⟩miṅé padapaniṅ jriṅ aṅlih inavosan i paṅalayaniṅ vəlas harəp,

⟨28⟩paṅgil-paṅgilaniṅliraṅ kinayuh iṅ gaḍuṅ aṅelih aṅolakən tavaṅ,

⟨29⟩maṅke tki tuhan vuyuṅta sahaja puputa guyu panarkaniṅ hulun.

⟨30⟩ndah laṅgə̄ṅa muyuṅta rakryan i manéhta pah lalun i pamvitiṅ hulun,

⟨31⟩aṅhiṅ teki tuhanku matya kaharəp-ku malabuhana jéṅta riṅ jinəm,

⟨32⟩déṅan śīrṇa kahandhém éṅ susu yadinya kacucuka ri landhépiṅ alis,

⟨33⟩pinta kénta huvun luhar ya rurubaṅ-kva bibi pénjaha riṅ pasaṅgaman.

⟨JK: 9r⟩⟨1⟩akara pva gənəp tigaṅ vulan ateki katuturana tāku riṅ tilam,

⟨2⟩caṇḍinta kvi raras-rarasta maviluṅ-luṅ lara turidanta riṅ halun,

⟨3⟩ndan yan pūrṇama kala carvana təṅahta saha kusuma layvaniṅ gəluṅ,

⟨4⟩kəmbəṅ-kəmbəṅ luhta majar i lulutta salahasa tiniṅgaliṅ hulun.

⟨5⟩sampun masa ḍavuh rva yan gumuliṅa pva kita təhər anurva-kén taṅis,

⟨6⟩ndan riṅ svapna katéna tāku maṅisapva ṅulu-nyuluha maṅharas pipi,

⟨7⟩cumbva véha səpah sakeṅ vaja masa nuculana ri tapihta tan lukar,

⟨8⟩ṅka tākun sari-sarya méṅ-péṅ ahajəṅta manékanana kaptiniṅ hulun.

⟨9⟩nahan liṅnira naṅlipur-lipurakən turida saṅ akiro katasikan,

⟨10⟩maṅéh kakvan ikaṅ lulut kadi səkarniṅ asana vahu maṅrəṅa gərəh,

⟨11⟩lavan cataka mét riris riṅ apa yan gila-gila ri karəṅvaniṅ patər,

⟨12⟩byakta sinvam arén akəmbaṅa asoka haṅu-haṅun i sampuniṅ hudan.

⟨13⟩akveh buddhi narendra maṅracana kiṅ-kiṅ araras ṅayu priyambada,

⟨14⟩ləṅləṅ yan paṅiduṅ maha ṅudaṅ-udaṅ susu garégétan aṅaras pipi,

⟨15⟩siṅ-siṅ rakva vuvus naraṅ-hulu taṅan saha marəka ri jə̄ṅ nareśvarī,

⟨16⟩cab-ṅér vasnira saṅ minaṅkana manisniṅ ujar aṅani padmaniṅ hati.

⟨JK: 9v⟩⟨17⟩ambək śrī parameśvari kadi tinaṅhi turidanira tan vavaṅ ləbur,

⟨18⟩vahva ṅluṅ-luṅi rāga tan vuruṅ anut tinari-hari lumé pinaṅkvakən,

⟨19⟩vantən aṅganya viraṅ niran vavaṅ asiñjaṅ ira lukara yan kinélakən,

⟨20⟩nahan marma niran lumiṅair akiput-kiputa tiki linuṅsuran tapih.

⟨21⟩sampun mayu saraga riṅ jinəm aṅantyani turida viniddhyaniṅ smara,

⟨22⟩rəp mampəh pavisik-visih mari karəṅvan ujar-ujar aganti tan umuṅ,

⟨23⟩aṅhiṅ teki rəṅih-rəṅihnira lavan paṅəsah ira rinuṅva-ruṅvakən,

⟨24⟩nhiṅ ah vus kaka liṅnira mrih anéhak jaja mahénék apan katiṇḍihan. o.

⟨25⟩tadanantareki tumibaṅ ghaṭita təlu ri sampuniṅ gati,

⟨26⟩irika ndatan vavaṅ aturva maharəja gəluṅ huvus lukar,

⟨27⟩karəṅa ana babaniṅ aṅharéki pipi sumambya-suṅ səpah,

⟨28⟩avarah ri sihnira silih suval ujar araras rinuṅvakən.

⟨29⟩avuvus narendra təhər aṅharih-arih aṅucap nareśvarī,

⟨30⟩aharəp sirāṅləṅəṅ alalana mahas-ahas edran iṅ taman,

⟨31⟩təhər aṅrarah kusuma maṅlipura mara haripnikuṅ mata,

⟨32⟩sakatambey eṅjiṅ irikan laris adulur ahimyan-himyanan.

⟨33⟩ri huvusnira ṅucap aganti paḍa pituruniṅ karasikan,

⟨34⟩aturu ndatan avədi kāla sira huvus amukti saṅgama,

⟨35⟩kisikiṅ huləs mari karəṅva ṅésésan aṅésah silih gupi,

⟨36⟩hana ken lukar kavadal asriṅ aluluman aṅanti riṅ dagan. o.

⟨JK: 10r⟩⟨1⟩sakvehniṅ paricārikā glar amajaṅ vulan atiki gumanti varṇanən,

⟨2⟩akveh bhāvanika anan paṅiduṅ asraṅ amaca-maca maṅgəlar nita,

⟨3⟩len tekaṅ magaməl anan panalukat ləṅgəṅ araras aliṅgih iṅ natar,

⟨4⟩dudva bhava kalen na visik asuṅ-suṅan ujar amirəṅva-rəṅvakən.

⟨JK: 10r⟩⟨5⟩strī-strī vr̥ddha mateki saṅ kili karaṇḍan anuha-nuha riṅ paguṇḍikan,

⟨6⟩aśrī bhāvaniran hanāṅulih-ulih kaka-kaka marək asraṅ aṅrubuṅ,

⟨7⟩mar tvasnyan kəna raga-ragan aṅucap saha guyu-guyu lagi tan umuṅ,

⟨8⟩hetunyan paməkul ri rovaṅ ika marək-arəkana aṅukur-ṅukur gəluṅ.

⟨9⟩ndah vanton rara kanyaka réja savaṅ vulan aluru ri paṅlvaṅiṅ kapat,

⟨10⟩ndan rakveki hələm gatinya tarima-kéna mayugala rāga hetuka,

⟨11⟩nahan hetuniṅ asmu suṅsut aviraṅ-viraṅa tiki yadin kinavruhan,

⟨12⟩marmanya masaṅ ambak abvat avuyuṅ pinaca-pacəhan nambya-kén taṅis.

⟨13⟩luṅhāṅdoh amisanta ri vitiṅ asoka gumuliṅ arurub-rurub səkar,

⟨JK: 10v⟩⟨14⟩tan tévon lukariṅ tapih susus-susupnya kasarakat alum katindhidan,

⟨15⟩tan samvas rarabiṅ raréb-raréb anis rəsəp analasi gatraniṅ huləs,

⟨16⟩ndatan vruh mata yan tinaṅhi təkapiṅ kamula marək akon amuṅgaha.

⟨17⟩len tekaṅ madulur-dulur kalih atuntunan araras arumpukan mənur,

⟨18⟩sə̄ṅ-séṅ rāga vuvusnya nojar akalib tinuna-tuna tinuṅtuṅan guyu,

⟨19⟩lila liṅgih ararya-raryan akéda-kéda kaguliṅan iṅ sila tala,

⟨20⟩ləs mrém teki paḍa harip sumaputaṅ mata sahaja katurvan iṅ natar.

⟨21⟩eñjiṅ māsa huvus ḍavuh valu paréṅ nr̥pati vahu mijil sakeṅ jinəm,

⟨22⟩prāptaṅ kumba padamvandhamvanira sampun arəja sumonaha riṅ batur,

⟨23⟩len tekaṅ kaka sampun arpat akiré marək i sira manampa pahyasan,

⟨24⟩riṅ ambyan sira yan maliṅgih ajajar mapédhé-pəḍək akalihan uləs.

⟨25⟩byatitan ri huvusnira hyas umaréṅ taman adulur atun-tunan taṅan,

⟨26⟩guṇḍik ramya paḍa dulur kaka-kaka nvam arəja kadi panjrahiṅ səkar,

⟨27⟩tan tva-mbaknya maha ṅlipur-lipurakən haripi matanika majaṅ sasi,

⟨28⟩luṅhāṅadéh aṅalap səkar saka harəpnya vija-vijah arumpukan gaḍuṅ. o.

⟨29⟩ri piṅgir-piṅgirniṅ ve akaraṅ apañjaṅ maṅililan,

⟨30⟩maṅaləṅləṅ luhya nr̥pati lumiyat kalih adulur,

⟨JK: 11r⟩⟨1⟩ləṅəṅnyāhimpər sāgara mapasir iṅ groṅnya mahurus,

⟨2⟩mapaṇḍan rambat tūt sisi kadi təṅah sampun aṅisis.

⟨3⟩ri tuṅha-tuṅhaniṅ pasisi pidaṇḍanya njrah asəkar,

⟨4⟩anan miṅgək rupanya hinupuk-upukniṅ ryak alaṅa,

⟨5⟩ru vahnya ṅantiṅ karaṅ aluṅid arja riṅi-riṅi,

⟨6⟩vias-vas tan péndah kadi susu kanin śīrṇa kakuku.

⟨7⟩ri duṅhusnya grət-grət pasi-pasir ika taṇḍəs aratha,

⟨8⟩tinampvan-tampvan deniṅ alun agəṅ adyūs amalapar,

⟨9⟩kasiṅkab-siṅkab venya maṅəmuki paṇḍanya ri təpi,

⟨10⟩lumimbak ryak-ryaknyānikəl asəmu siñjaṅ linuputan. o.

⟨11⟩prāsāda ləṅəṅ i təṅahiṅ taman sphaṭika kumram inukir aruhur,

⟨12⟩śuddhākiris aṅulap-ulap kasə̄ṅan i kəñarniṅ aruṇan umijil,

⟨13⟩aṅhiṅ para-parani limutnya niñjaṅ avəlun-vəlunan alimunan,

⟨14⟩hyaṅ candra mabaṅun aviraṅ tumona ri pucaknya dumilah asinaṅ.

⟨JK: 11v⟩⟨15⟩ṅkanan nr̥pati parəṅ umuṅgah asraṅ aruhun-ruhunana ta sira,

⟨16⟩ṅhiṅ tan sah ira téka rāga hetuka mapavahani sira marək,

⟨17⟩léng-léng lumiyati haləpiṅ lurah sinaput iṅ limut amaya-maya,

⟨18⟩megha hirəṅ aménuhi kéṅkulan hudan ikaṅ traṅa aniraṅ anisih. o.

⟨19⟩ṅkāne sornya kadava gurvan asənət muṅgviṅ luvukniṅ gəgər,

⟨20⟩aṅlistiṅ gupuranya maṅharəpakən lvah gə̄ṅ təlas vinvatan,

⟨21⟩aṅde harṣa tiniṅhalan həduk i raṅkaṅnyāṅjəlag kesisan,

⟨22⟩tan vaspada patumpa-tumpanikanaṅ merv aruhur koṅkulan.

⟨23⟩deśa pveki kunəṅ kasimpar arénés tis-tis hənunya samun,

⟨24⟩rantun-rantunaniṅ hima dulu-dulur sampun madadyan riris,

⟨25⟩kuntalnya sraṅ anambayaṅ ləyəp adoh muksa nusup riṅ rəməṅ,

⟨26⟩aṅhiṅ mraknya jənək manavaṅ alaṅa vvaṅ matra tan vaspada.

⟨27⟩lor vetanya ləbak-ləbak pasavahan ramya tata tut lurah,

⟨28⟩himpər sāgara maṅlurak-lurak arés tvasniṅ miyat kasrépan,

⟨29⟩ləṅləṅ yan dinéla baṅun tan arata piṇḍanya diniṅ limut,

⟨30⟩muksa misra lavan laṅit pətəṅ adoh yāṅkən pətəṅniṅ ravi.

⟨31⟩ramya thani ḍusun-ḍusun kuṭi ləvas caṇḍinya tan kambarah,

⟨32⟩vuṅva-njrah ri aatarnya sampun anəḍəṅ śīrṇa gumantén ləvas,

⟨33⟩pantəs teki parantyaniṅ vvaṅ ahañaṅ kalih kakuṅnya dulur,

⟨34⟩luṅāṅdoha mamét hurip masənə̄tan hetunya muṅsir kadaṅ. o.

⟨35⟩makin alaṅā naranātha miyati ləṅəṅiṅ vanadeśa ləyəp,

⟨36⟩gunuṅ aruhur giri vindhya kaparək i samīpanikiṅ nagara,

⟨37⟩para-paraniṅ mahas aṅləṅəṅ asaṅu tanah ləpihan vinava,

⟨38⟩masənətan ahyun améta kaləṅəṅiṅ anantva kiduṅ kakavin.

⟨JK: 12r⟩⟨1⟩lvah ika saké ruhur agra tuməḍun aṅəné paraṅan gumuruh,

⟨2⟩gumulakan iṅ éra madras amalhar i tusnya katon abiru,

⟨3⟩asana vuṅu jriṅ asoka kahili saha padapa kumram avon,

⟨4⟩hana kadi layvaniṅ adya sari ruhur amet ayu tīrtha gama.

⟨5⟩paraṅan arés i mukanya tumayuṅ i rəṅatnya baṅun rébaha,

⟨6⟩savaṅ hinukir ta rupanika kadi macavintén agatra muṅup,

⟨7⟩hana kadi caṇḍi sila tuvan inavitiṅ cdvad akét avilət,

⟨8⟩vé ika mélés humis adaravéyan aputih tinuduh-tuduhan.

⟨9⟩rari liyatiṅ pataptan kadi siluman iṅ agra katon aṅisis,

⟨10⟩hana kuməḍap mavalantaga baṅun aṅavésa makon umara,

⟨11⟩makin ahaləp maka gopura véléki limutnya suméṅ aruhur,

⟨12⟩ləyəp anamar ari loka pavulatanika kinédhap-kəḍapan.

⟨13⟩hələm ibu yadyapi ta ṅvaṅ atuha ləvaséṅ viṣaya pva huvus,

⟨14⟩arəsəh akétya karaja vibhavan avaneh maṅiva karatun,

⟨15⟩luməkasa tāku lavan kita mahasa atiṅgala rājasabhā,

⟨16⟩umusira pad bhaṭāra kəta manusupeṅ giriśr̥ṅga mavan.

⟨JK: 12r⟩⟨17⟩kaka tan ika kaharəp-ku mahas-ahas adoha sakeṅ nagara,

⟨18⟩masalaha vīrya manambuta kasaṅ i harəp-ku lumakva kavi,

⟨JK: 12v⟩⟨19⟩lévu mara ramyaniṅ anjajaha pasir ataṇḍaha deśa lényap,

⟨20⟩suka yadiyan pojah oṅ karaṅ akalihana təpiniṅ jaladhi.

⟨21⟩nahan ika nojar ira srépati masahuran maṅucap kaharop,

⟨22⟩hana ri hiriṅnira stuka umatur aséṅ gayu-guyva kalib,

⟨23⟩paṭik aji maṅavinakəna karas tanah arja siṅi,

⟨24⟩palarən anirsa kavi svara tumuta pəjah dadahéṅ pasisi.

⟨25⟩vau uménéṅ paṅucap nr̥pati ana ta teja katon asinaṅ,

⟨26⟩kadi-kadi candra sava kalaṅan ajéja bhāsvara konaṅ-unaṅ,

⟨27⟩iniṅət-hiṅətnira kalih umulat ahulap mataviṅ luṅayan,

⟨28⟩hana r̥ṣi nārada muṅvi təṅah atiti vaspada yan kaparək.

⟨29⟩ḍatəṅ aṅadəg ri harəp yaya sira maṅabhivada ri saṅ nrpati,

⟨30⟩tumuluy asanti mupakṣama aira paḍa harṣa mulat magiraṅ,

⟨31⟩padi madulur tumameṅ pura sira sukha yar sinégé-sigéhan,

⟨32⟩hana kéta padya sumaṅgraha saha saréh arja madhupa marum. o.

⟨33⟩nāhan vuvus nr̥pati bhāgya ta saṅ maharṣi,

⟨34⟩maṅkén ḍatəṅ ry anupa deśa taman təmuṅ don,

⟨35⟩tis-tis ndatan hana bhinakti kuraṅ kalaṅvan,

⟨36⟩siṅgih mateki puraniṅ prabhu hīnaśakti.

⟨37⟩nan liṅ narendra sumahur vara paṇḍita kya,

⟨38⟩é vruh ṅhulun ri kita yan prabhu siṅha dhairya,

⟨39⟩aṅhiṅ mateki pinujiṅ rans cakraniṅ rat,

⟨40⟩saṅ laṅgə̄ṅa sivinén iṅ bhuvanandha don-ta

⟨JK: 13r⟩⟨1⟩ sakvahni saṅ prabhu samapta kabeh paḍa tvaṅ,

⟨2⟩ndatan aneki vanya laṅghyana siṅ pakon-ta,

⟨3⟩bhaktya nukula ya umandhém i pādukan-ta,

⟨4⟩masnana sityasa lébuni pada dvayan-ta.

⟨5⟩śaktinta hetunika yan mapagəh rikiṅ rat,

⟨6⟩saṅ sādhu teki pari dhalana de narārya,

⟨7⟩vaṅ duṣṭa tan hana rinaksa dhinandha sikaya,

⟨8⟩sojarniṅ agama tinut pinako-pa pati.

⟨9⟩samanta riṅ bhuvana tékya pavé praharṣa,

⟨10⟩dhananta yeka magave sukha tanpa hiṅgan,

⟨11⟩bhéddhanta yeka mégavé vara niścayéṅ tvas,

⟨12⟩daṇḍanta yeka magave vədiniṅ tumiṅhal.

⟨13⟩vantən mateki pavəkas-vəkas-ṅkva natha,

⟨14⟩avay rəsəh palé-paléh magave karakṣan,

⟨15⟩rakséka nojarira saṅ prabhu śakty atiga,

⟨16⟩rapvan rinaksa vidhi nātha təkap nikiṅ rat.

⟨JK: 13r⟩⟨16⟩kéliknikaṅ bhuvana havya giṇeṅ hinambah,

⟨17⟩kahyunta yeka gavéyénta maraṅ sukaṅ rat,

⟨18⟩sampun pva yan kakavasé-ka təkap narendra,

⟨19⟩byskta mavéh sukha lavan pagəhiṅ kaśaktin.

⟨20⟩lavan muvah pari varanta pilih təkapta,

⟨21⟩siṅ yogya maṅavina rajya vnéka niti,

⟨22⟩sadhunya sampun apagəh riṅ ulah tan himba,

⟨23⟩ambəknya sampun apagəh magave kabhaktyan.

⟨24⟩silanya yeka magave sukaniṅ tumiṅhal,

⟨25⟩sankép ya riṅ guna ané riya tan anāṅsal,

⟨26⟩sastrājña dharma ginavenya jagaddhitéṅ rat,

⟨JK: 13v⟩27 ndatan vavaṅ maṅaka buddhi maṅaṅkas-aṅkas.

⟨28⟩maṅko svabhavanikanaṅ pilihən narendra,

⟨29⟩siṅ karya yogya sara bhara-kénanta rirya,

⟨30⟩svastaṅ jagad niyata yan kavasé-ka dénya,

⟨31⟩byakta karakṣa kita tan hana dur-asan-ta.

⟨32⟩yapvan ana ṅaku kasadhun iké ryavoknya,

⟨33⟩bhaṅga bhimana juga tan tuha sādhu buddhi,

⟨34⟩lésyana yan harəpa vīrya kuraṅ gunanya,

⟨35⟩nicca svabhavanika yogya tibana daṇḍa.

⟨36⟩yadyan priyanta kétika yadi vandu varga,

⟨37⟩ndah yan kinélikan ulahnya təkapnikaṅ rat,

⟨38⟩ayvé-ka trésna kita duhkha təmahnya tésén,

⟨39⟩yan hat-hatén ṅuni-ṅunin vənaṅ opa patya.

⟨40⟩aṅhiṅ jagat ya juga mitra kadaṅ narendra,

⟨41⟩mataṅya yogya gavéyéṅa sukanya dan-ta,

⟨42⟩yadyan matoha ri huripta magə̄ṅ yasan-ta,

⟨43⟩yapvan rumakṣa jana sādhu rumakṣa dharma.

⟨44⟩ndan yatna-yatna ta kita naku riṅ sva karya,

⟨45⟩mvaṅ sevaké kita déla yateka takap-ta,

⟨46⟩solahnya yeka pilihanta lavan haturnya,

⟨47⟩akveh ulahnya kavuvunnya paḍa padudvan.

⟨48⟩ndah vantən hartha ginəlarnya pasevakannya,

⟨49⟩mvaṅ śabda siṅ rata maadva sadénya mojar,

⟨50⟩len kama yékana giṇeṅaya haturnya tam-tam,

⟨51⟩ta ton mara ika lamun katəkana vīrya.

⟨JK: 14r⟩⟨1⟩ yoko musuhta bapa ayva kita pramada,

⟨2⟩saṅsāra duhkha paparihnya paro-pa vada,

⟨3⟩vavaṅ ika ta juga rovaṅaniṅ magosti,

⟨4⟩rapvan tan éṅguṅ apagəh mara ka-prabhun-ta.

⟨JK: 14r⟩⟨5⟩saṅsipta teki péṅucap-ku rəṅən narendra,

⟨6⟩saṅka-ryasih-ku bapa tan sakari kanintan,

⟨7⟩vétniṅ géma-géména tāku ri pémbakan-ta,

⟨8⟩riṅ svarga déva paḍa harṣa manadhukara.

⟨9⟩na hetuniṅ hulun ateki ḍataṅ kamantyan,

⟨10⟩saṅké rikaṅ bharatha varṣa matāku ṅuni,

⟨11⟩lila ləṅəṅ mahas-ahas téka riṅ samudra,

⟨12⟩vélanya dakṣiṇa paraṅ-ku sipiṅ kalaṅvan.

⟨13⟩akveh karaṅ-karaṅ aṅgul adanta-danta,

⟨14⟩maluntuh adrəs amagut mukaniṅ karaṅ-groṅ,

⟨15⟩lumra gəlar-gəlara tan kya sirat-siratnya,

⟨16⟩ṅkana ṅhulun mahas anuddha uyaṅniṅ ambək.

⟨17⟩paksāṅku matuka mateki ana dbhuta bhra,

⟨18⟩ṅké-ṅké kato ryarah-arahnikanaṅ kadhatvan,

⟨19⟩énda hdilahni gupuranya dudug lumandéṅ,

⟨20⟩lumréṅ bhuvah pada sénonya lumə̄ṅ sateja.

⟨21⟩marmāṅku yan ḍatəṅa padgata kala maṅké,

⟨22⟩mahyun vruhé sabha narāry anupa ti śobha,

⟨23⟩maṅke pva niścaya ri kādbhutaṅiṅ kadhatvan,

⟨24⟩svarga hulap mulat apiṇḍa kavés kagéman.

⟨25⟩āścarya buddhi mami harṣa mulat kapuhan,

⟨26⟩siṅgih prabhūttama viśeṣa sudhiraśakti,

⟨27⟩saṅ tan kapaṅ-paṅa kulanta lavan gunan-ta,

⟨28⟩dirgghya-yu rastu jaya śatru jagad pramana.

⟨JK: 14v⟩⟨29⟩vdan srya-rjuno-ki maṅupa-ksama-rya pasaṅgup.

⟨30⟩antyanta bharani vijilni vuvuv maharṣi,

⟨31⟩ayveki tan tulus asih vara paṇḍité-ṅrat,

⟨32⟩varan mréteki pituturta haneṅ hati-ṅaku.

⟨33⟩aṅhiṅ yaśeki kaharəp mami dadya vr̥ddhi,

⟨34⟩maṅrakṣa sādhu hitaniṅ jagat taṅ kinārya,

⟨35⟩ndan yan hana mapaga vīrya lavan kaśaktin,

⟨36⟩maṅgəh ṅulun pəjaha riṅ raṇa tan dadi jrih. o.

⟨37⟩nāhan teki vuvus narādhipati tan liṅgar pagəhniṅ hati,

⟨38⟩tan sah śrī parameśvarī hana ri saṇḍiṅ śry arjunāṅrəṅvakən,

⟨39⟩harṣāmbək r̥ṣi nāradāṅulih-ulih maṅkilane saṅ prabhu,

⟨40⟩akveh parva kathātiramya sahaneṅ svargenucap tan kara.

⟨41⟩tatkāle paṅucapnireki hana haṅsa sraṅ maśabdeṅ ruhur,

⟨42⟩mér ṅkāneṅ gaganāṅlayaṅ bhramita ya mét bhoga luṅha dulur,

⟨43⟩rimpar megha riniṅhalan malulunan ṅkāneṅ ruhurniṅ purī,

⟨44⟩tan péndah kadi śabdaniṅ gélap aghāṣa ṅrik karuṅviṅ laṅit.

⟨JK: 14v⟩⟨45⟩āścaryeki manah narendra lumihat tan vruh riṅ upadgata,

⟨46⟩apan riṅ danu tan aneki karəṅa kaliṅ niré-jro hati,

⟨47⟩nahan out niran patakvan ri saṅkan avaṅ ri paranyeki hén,

⟨48⟩lavan donya ḍataṅ mapeka ta knaṅ mojar maha paṇḍita.

⟨JK: 15r⟩⟨1⟩e nāthaṅku nihan rəṅən vara-varahniṅvaṅ ri saṅ bhūpati,

⟨2⟩vantén tīrtha ri vindhusara kéta śobhātyanta riṅ nirmala,

⟨3⟩kédran denikanaṅ gunuṅ makaṅaran konja ruhur bhīṣaṇa,

⟨4⟩prayāṅkén paraniṅ hulun mahas atīrtha mrih madévāśraya.

⟨5⟩ndah ṅkāneki sabha-sabhanya jənək akveh bhoga tan pantara,

⟨6⟩njrah taṅ paṅkaja len sugandhika sugandhra srak hrəbuknya vaṅi,

⟨7⟩kumbaṅ lot makaraṅ-karaṅ kumuda modran matta deniṅ sari,

⟨8⟩hréṅnya ganti manoharan masahuran mvaṅ aṅsa muṅgviṅ bañu.

⟨9⟩lavan tan kavənaṅ lumaṅghyanana vérnya aṅsa vétniṅ ruhur,

⟨10⟩himpər parvata méru puncak ikahaṅ konja haləp durgama,

⟨11⟩tovin tan hana teki mérgga avananya luṅa maṅlalana,

⟨12⟩hetunyan bhravita péga kuliliṅan tut lambuṅiṅ parvata.

⟨13⟩maṅke pvan ana askti padndhita dhanur sastrājña visnva-tmaka,

⟨14⟩khyātiṅ rat kota rama bhārgava panéṅgahniṅ jagat kétiama,

⟨15⟩ləṅkap ṅhiṅ pinaka-gra sénanira tan sah paṅhilaṅniṅ musuh,

⟨16⟩trus tekaṅ giri konja deni tapakiṅ hru śakti tan popama.

⟨17⟩malva lyani guhanya kādbhuta maṅaṅ himpər tutukniṅ gunuṅ,

⟨18⟩paravanyeki sayat sayéjana lébanya tyanta riṅ bhīṣaṇa,

⟨JK: 15v⟩⟨19⟩durgé-véh (bhīṣaṇa)ri daləm yatekana tinutnya aṅsa ramya dulur,

⟨20⟩hetunyan katəka ḍatəṅ ry anupa madran riṅ tavaṅ tut rəməṅ.

⟨21⟩saṅksepanya bapāṅku śaktinikanaṅ rama pagəh niścaya,

⟨22⟩sék riṅ svarga huvus prakasa karəṅa riṅ vriya lavan guna,

⟨23⟩yadyastun bhuvaneki dadya kaharəpnya tan vənaṅ laṅghyana,

⟨24⟩apan ṅhiṅ sinahaya saṅ prabhu ri katanyan marép mapraṅa.

⟨25⟩nāhan de r̥ṣi nāradāmuji kaśaktin rama nissaṅśaya,

⟨26⟩yāṅde salyani buddhi saṅ nr̥pati himpər bahni muṅgviṅ hati,

⟨27⟩apan tan kavənaṅ rumuṅvi-ka aśaktya-nani yaṅ savaneh,

⟨28⟩hetunya ṅabhimana tuṣṭa maṅadəg taṅ bajra muṅgviṅ muka.

⟨29⟩é saṅ nārada nyva saṅśaya kita śaktinya tan popama,

⟨30⟩yadyan rama sahasra tan dadi matakut védhya denyeṅ raṇa,

⟨31⟩mvaṅ yan sāgara tulya śaktinika himpər méru riṅ bhīṣaṇa,

⟨32⟩dik tan sy arjuna tāku yanya yadiyan tan matya deṅkv iṅ raṇa.

⟨33⟩saṅksepanya halém-halém ṅhulun amet oṅgvanya réṅva-kéna,

⟨34⟩donén siṅ kahananya deṅkva pususén hopénya héntya-kéna,

⟨35⟩yadyan muṅsira riṅ siva-ndha ṅunivéh brahma-ndha maṅhét taya,

⟨36⟩tutén tan hana teki-hén paritahan soṅgvanya nastha-kéna.

⟨JK: 15v⟩⟨37⟩van liṅ srya-rjuna mojar aaru kumatuṅ taṅ krédha tan pantara,

⟨38⟩harṣāmbək r̥ṣi nārada ciha-ciha mvit mantuk én saṅ prabhu,

⟨JK: 16r⟩⟨1⟩luṅha tékya avan tavaṅ huvus adéh ṅkan śīghra muksé ruhur,

⟨2⟩prāpteṅ svarga tumuntén nvara-varah vratta ana praṅ hələm.

⟨3⟩ndan saṅ śrī nara narha mogha katəkan duhkha niké jro hati,

⟨4⟩aṅhiṅ rama jugeki rakva magave hrakṣalya saṅ bhūpati,

⟨5⟩tan kva-mbéknira teki tan kadiṅ husana bvat vavaṅ suṅkava,

⟨6⟩aṅhiṅ teki viveka yé-niṅət-hiṅət riṅ tvas minuṣṭiṅ hiḍəp. o.

⟨7⟩buddhi śrī parameśvarī sinaput iṅ turida təkapi gə̄ṅnikuṅ lara,

⟨8⟩vruh-vruh rakva (manah) sire manah nr̥pati tan katahənan i dilahnikiṅ hati,

⟨9⟩lāvan deni varah maharṣi ri kaśaktinira paraśurāma kādbhuta,

⟨10⟩yāṅde duhkha kinubda tan kəna linālana mavətu taṅin tinurvakən.

⟨11⟩onék buddhinireki tan hana hiḍəp aira manémana sésthiniṅ manah,

⟨12⟩aṅhiṅ lot viniveka yeka ṅén-aṅan sakarana aji marya duhkita,

⟨13⟩antuk riṅ vəkasan mateki ana rakva kira-kira niéṅ dalam hati,

⟨14⟩ndan rakveki mané ḍatəṅ nr̥pati riṅ śayana sira manambya taṅgéha.

⟨15⟩nahan hetuniṅ éhyas amrih asénaha sa-maṅinaki riṅ nareśvara,

⟨16⟩siñjaṅ caṅvli huvus kinasturi sugandha kadi hima kasénvaniṅ sasi,

⟨17⟩mvaṅ raṅkaṅ paḍa hinyasan jamanika-nu kinuliliṅakən təkeṅ dagan,

⟨JK: 16v⟩⟨18⟩siṅ solahnira māṅlada gavéya marna aji matatur éṅ smara tura.

⟨19⟩sotan kalanireki muṅgah i paturvanira kadi maha gavé lutut,

⟨20⟩kiṅ-kiṅ rāga manis-manisnira luṅidiṅ mata vaja umadhaṅ sinajyakən,

⟨21⟩len tekaṅ lurusiṅ təṅah saha payodhara təmunén i saṅ maraṅ jinəm,

⟨22⟩ndah sampun suménaha taṅ pupur umuṅgvi pipi pinék amaṅya-maṅyani.

⟨23⟩tég kumvaṅ gatīta rva vahu tumiba marvṅi kətəri nalaniṅ hati,

⟨24⟩nyér kvi tvas kumaras-raras kadi katona nr̥pati ḍatəṅ aṅ pasaṅgaman,

⟨25⟩marma ṅolakəna ṅisapva néhér aṅarékana pipi sambya suṅ səpah,

⟨26⟩ṅkana śrī parameśvarī majar i kiṅ-kiṅ ira tohér anamba-nambaha.

⟨27⟩maṅke pvan lalu masa tan taka narendra yatiki vinavéta riṅ hati,

⟨28⟩suṅsut-suṅsut iran təmah luh aṅsapta ri pipi vélés aniram pupur,

⟨29⟩tan ryamban gumuliṅ sumuṅkém akaraṅ hulu ləṅən asaput-saput sabuk,

⟨30⟩amrém karva karasnira ṅisék-isék néhér aṅucap arantanan taṅis. o.

⟨31⟩rakryan ndi karika paṅucapta ṅūni ri səḍəṅku vahu kakavaśa,

⟨32⟩marmāṅari-ari mavarah ri sihta sahaja mətu-mətu kalaṅə̄n,

⟨33⟩mojar saha śapatha sinākṣyaniṅ ratih i kālaniṅ akarasikan,

⟨34⟩vantənku kaka aja kita ndatan vənaṅa teku luhika riṅ ujar.

⟨35⟩maṅke pva vəkasani lutut ta ṅūni kadi tan papuput atilara,

⟨36⟩vruh-ku pva gisi-gisiniṅ harəṅ-harəṅ i sihta kadi kaluputan,

⟨37⟩marya-kéni paṅəsahaniṅ kinévala kiteku tan avih iṅ asih,

⟨38⟩ambəkta kaka kadi gaḍuṅ məkar paḍa tatan panébasi kalaran.

⟨JK: 17r⟩⟨1⟩mvaṅ donku harəp i ḍatəṅanta riṅ śayana tan hana kinira-kira,

⟨2⟩siṅgih mata ana kaharəp-ku majara taṅis-ku yata kaṅ ucapən,

⟨3⟩mvat-vata kayali-yalin-ku vatni vana-sih tiki tan alaṅ-alaṅ,

⟨4⟩tapvan marəsəhi paṅamérta tan varəg anam-tami vəkasiṅ ulah.

⟨5⟩nahan péṅuap ira mavéh raras hati təhər tuna-tuna séségén,

⟨6⟩ndan śrī narapati ana riṅ taman sira lumalana-kénāṅən-aṅən,

⟨7⟩ri vitniṅ asana gumuliṅ sira mrém sharp tarika kavalésan,

⟨8⟩ṅhiṅ tan sah i sira rāga hetuka marək-marək aṅisapu jéṅ. o.

⟨9⟩atīta rahineki vāhu suməna hyaṅ aruṇa nijil aṅrarah limut,

⟨10⟩narendra tumuluy mareṅ pura ḍatəṅ ta sira ri kahanan nareśvarī,

⟨11⟩hañar təka sakeṅ padhamvan hiniriṅniṅ uva kaka anéka māṅdulur,

⟨12⟩aliṅgih i harəp narendra majar-jajar asəmu paliṅgih iṅ tulis.

⟨13⟩vavaṅ nr̥pati mojar induṅ apa hetuniṅ avénés anambva-kén raras,

⟨14⟩baṅun hana laranta masku masépég-sépéṅ i jaja təkeṅ payédhara,

⟨15⟩vuvusnira təhər vasa ṅusap-suap muka saṅ ahayu kémbéhan manis,

⟨JK: 17v⟩⟨16⟩kataṅgama masuṅ səpah sira sumbya ṅucap analimur puték hati.

⟨17⟩anambəki kakanta masku laris aṅləṅəṅ amahas-ahas lavan kita,

⟨18⟩para prabhu kabeh ya māṅdulura ramya saha bala samuha véhana,

⟨19⟩asiṅ sakaharəpta masku parananta kuṭi-kuṭi sudharma paryaṅan,

⟨20⟩yadin ləpasa tan hiṅana ḍatəṅ éṅ pasir alaléh umuṅgah éṅ vukir.

⟨21⟩ikaṅ vvaṅ i daləm paḍa ṅiṅət-hiṅət ry ulahanika daləm numaṅkata,

⟨22⟩anan dadak amadhya-madhyani dukula vija-vijah amet karajasan,

⟨23⟩dudu taṅ ahurup dhardharnya kahurup sakaharəp ika lésyaniṅ hiḍəp,

⟨24⟩hana misiki révaṅanya madulur makalihana manuṅgaṅ éṅ ratha.

⟨25⟩riṅ eñjiṅ hinataṅ tikaṅ bala samuha maṅiriṅiṅ anaṅkil éṅ ləbuh,

⟨26⟩apañjir akatap-katap anasasañjatanika umandhaṅ paḍa pupul.

⟨27⟩lavan sahananiṅ pra vīra kavi bhadtha nipuṇa ri kalaṅvaniṅ vukir,

⟨28⟩paḍa lala sénaha sénjata kasaṅ karas arəja tanahnya dag siṅi.

⟨29⟩mijil nr̥pati sampun arpat atihaṅ ratha mani maya ratna bhāsvara,

⟨JK: 18r⟩⟨1⟩umuṅgah adulur-dulur nr̥pati maṅgaməl iri luṅayan nareśvarī,

⟨2⟩praśasta kavi rāga hetuka ané hiriṅan ira mamaṅku pavahan,

⟨3⟩ikaṅ kuda padati śakti śara sarathinira tuhu céstya nindita.

⟨4⟩lumampah adədəṅ matut ləbuh agə̄ṅ vija-vijah asusun taruṅ pəgat,

⟨5⟩ikaṅ vvaṅ aṅiriṅ parək ri sira teki lituhayu paḍa nvam iṅ vayah,

⟨6⟩titik ry anupa kavvaṅanya vəka sevaka tumuluy asevake haji.

⟨7⟩ya kāraṇanika vruhiṅ naya vidagdha maṅinaki ri jə̄ṅ nareśvarī. o.

⟨8⟩lāvan sakvehnikaṅ strī ry anupa haṅu-haṅun yan rumuṅgviṅ narendra,

⟨9⟩hetunyāṅaṅkas-aṅkas lumaku-laku vijil kapva tan vriṅ manahnya,

⟨10⟩lampahnyāgyaṅ vədin sepa lumihati narendrādulur mvaṅ sudevī,

⟨11⟩ndātan kéva lukarniṅ gəluṅ amiru-miru kenya sampun kaluṅsur.

⟨JK: 18r⟩⟨12⟩ndah vantən teki sākṣāt pinuhutaṅan ira rasiko jro paturvan,

⟨13⟩sampun kékét vuvusayéṅ karas arəja pinatra-kén ojar palambaṅ,

⟨14⟩maṅke prāpta ṅadəg riṅ lavaṅa anaviṅakən vaṅnya maṅgviṅ harəpnya,

⟨15⟩ambəknya-raṅ vədinyan tagihan i manisiṅ tiṅhal aṅde prapañca.

⟨JK: 18v⟩⟨16⟩len takaṅ vahva gat-gat lara turindanika binvatan kuṅniṅ onəṅ,

⟨17⟩lagya syaṅ rovaṅanyan mijil apakadhaṅan-nyéṅ raras tan vənaṅ sah,

⟨18⟩prāpta gya-gyan moninjo ri sira masahuran mojar aṅds raras tvas,

⟨19⟩buddhnya bvat paḍa bvat sahaja maru-marun yan tumiṅhal sadévi.

⟨20⟩lavan sakvehnya muṅgu ṅ paṅuṅaṅan ararəm vvaṅ makadyan vihiṅ rum,

⟨21⟩təkvan buddhinya tan karkasa bhisa makakés rāga tapvan kavastvan,

⟨22⟩lagya-mém basa muṅgviṅ hati kéta-kétégén sébnya muṅgviṅ jaja agras,

⟨23⟩haṅko mamba manisyéṅ mata pata matasak hyuṅnya métvéṅ halisnya.

⟨24⟩akveh pélahnya tan tuṅgal araras agave harṣaniṅ vvaṅ tumiṅhal,

⟨25⟩miṅgək-miṅgək alisnya rəṅu-rəṅu kadi tan harṣa tiṅhalnya sva,

⟨26⟩sampur-sampurnya keṅis dumadak inuvahan tan lukar mogha keṅkab,

⟨27⟩kadya mintonakən hritni susunika kuniṅ len təṅahnyaṅgaluṅgaṅ. o.

⟨28⟩dudū taṅ adulur-dulur pili-pilih vvaṅ arəja ta kunaṅ tuhan-tuhan,

⟨29⟩karaṇḍan aṅiriṅ yathākrama paḍātuhan ana ri harəp mapavvahan,

⟨30⟩vagəd rasiki saṅ hinəmbanakən iṅ kaka-kaka kadi tambaṅiṅ vulan,

⟨31⟩ḍataṅ pva ri harəp narendra sahajaṅ gumuyu-guyu tinagva-tagvakən.

⟨32⟩atuṅgalan ulahnikaṅ vvaṅ umulat ri sira paḍa kəna priya ṅalam,

⟨33⟩ya kāraṇani luhanya marbas i matanya bavu-bavu manis nareśvara,

⟨JK: 19r⟩⟨1⟩anan dadak alisya-lisya ri haripnya-ripi matanika majaṅ sasi,

⟨2⟩təka sih apəpət-pəpət muka rarasnyan api kalilipən sadék hrəbuk.

⟨3⟩anéki maṅənés kalih kavula tan duga-duga yan aliṇḍuṅan taviṅ,

⟨4⟩asiṅ sakaharəpnya yenucapakənya matanya-tanya liṅgi tan umuṅ,

⟨5⟩ndi toṅgvaniki rāga hetuka vulat-vulati mara vuvusnika kalib,

⟨6⟩vaya pva si tuhanku tan sah i hiriṅ nr̥pati marək amaṅku pavahan.

⟨7⟩kunaṅ gatinika turuṅ katəkana ṅraga-kéni rarasiṅ pralapita,

⟨8⟩anyar vahu silih-silih kirim ujarnya katəka suménaha riṅ ṭikā,

⟨9⟩méné kuləm ateki rakva samayanya ḍatəṅa ri vijilnikaṅ sasi,

⟨10⟩ya outnika yan suméṅ-séṅ avuyuṅ-vuyuṅan néséli mithyaniṅ smara.

⟨11⟩samaṅkana tikaṅ vuṅ iṅ ləbuh atambak aṅadəg atata silih javil,

⟨12⟩tékéṅ nijaja moṇḍuh-oṇḍuh apupul-pupul ararəm i piṅgiriṅ hənu,

⟨13⟩ḍataṅ pva sira rép maliṅgih akatap-katapi paḍa tan anāṅucap,

⟨14⟩vijah-vijah anémba-nəmbah umulat ri sira majari tr̥ptiṅ hiḍəp.

⟨15⟩taṅhéh yan ucapən pratiṅkah ikanaṅ vvaṅ atiki caritan nareśvarī,

⟨16⟩təlas kahalivat sire ləbuh agə̄ṅ tutug i vəkasi kanthəniṅ purī,

⟨17⟩təgal arah-arah arata adukuti hébun ika turuṅ tibéṅ limah,

⟨18⟩baṅun sinipatan təkapni tapakiṅ ratha kadi cinarit dinudvakən.

⟨JK: 19r⟩⟨19⟩anantara ləpas laku nr̥pati ləṅləṅ umulat i kalanvaniṅ hənu,

⟨20⟩gagany malaria-laris panəpiniṅ lvéh aṅisisi mukanya konkulan,

⟨21⟩siriṅnya ya gunuṅ-gunuṅ kélimutan kadi susu masaput-saput sabuk,

⟨22⟩nanuknya késédhap-kəḍap samar alivran asəmu-səmu vuryaniṅ kuku.

⟨23⟩pradeśa kasənət kapaṅgih alaṅa kuṭi-kuṭi riṅ husana kalasan,

⟨24⟩rəṅat-rəṅati gopuranya kari ruksa maṅililan arés tuasiṅ mulat,

⟨25⟩tahənya ana dharma buddhi maṅilaṅ-gilag alaléh i piṅgiriṅ hənu,

⟨26⟩bukur pathani simbaran tulis ika-rjja katuruhan avor lamuk-kamuk.

⟨27⟩təgalnya magiraṅ-giraṅ vinulatan səmini tahən ika suhun səkar,

⟨28⟩paḍa ṅlih aṅuṅan vəlas harəp ika ṅave-ave amalar-malar javuh,

⟨29⟩valik adép ika malik ayap i sor kuməḍap amarəki prihiṅ gəgər,

⟨30⟩kuvoṅ muni laki strya vada karəṅa masili-silih ujarnya tan tuhu. o.

⟨31⟩lalu lampahira nr̥pati alivatiṅ vanadeśa ləṅəṅ,

⟨32⟩vəlaran hiriṅiṅ rava-rava kadi sāgara konaṅ-unaṅ,

⟨33⟩makaraṅ liman adyus inisuh-isuh təkapiṅ ryak agə̄ṅ,

⟨34⟩baṅun aṅgala ghūrṇita hana tuban adrəs i roṅnya sumoṅ.

⟨JK: 20r⟩⟨1⟩ri təpinya rənək-rənək adadu pakisnya mavor asinaṅ,

⟨2⟩kumicir hana tīrtha raca-racahi valka ikaṅ paraṅan,

⟨3⟩kasarah-sarah iṅ vata hana kari gaṅgeṅ adhimpat akét,

⟨4⟩suməlap harəmisnya manusu-nusup arja haneṅ gəluṅan.

⟨5⟩turahiṅ manas aṅləṅəṅ adulura teki anyar katəmu,

⟨6⟩hana ramvananika kalakah ika srét muṅgvi təpi,

⟨7⟩makaraṅ-karaṅan kumuda avaniṅ adyusa teki kunaṅ,

⟨8⟩anəṅah musiré karaṅ aharəp anabraṅ aməntas adoh.

⟨9⟩hana nusa kadiṅ tulis arəja baṅun minaha ṅililan,

⟨10⟩ndi kunaṅ avaniṅ ḍatəṅ iriya pa-tan ana mārga tinut,

⟨11⟩panəḍəṅni səkarnya maṅiṅin-hiṅin iṅ vau-vau ḍataṅ,

⟨12⟩paṅuvuhni kuvoṅnya maṅalik-alik asriṅ aganti ləyəp.

⟨13⟩yaśa śūnya mahantən anəpi-nəpi rincuṅ atīta ləvas,

⟨14⟩umiriṅ pakatonanika kadi katumpəka deniṅ aṅin,

⟨15⟩naranātha kalih sira madulur aliṅgih araryan aṅel,

⟨16⟩miyat iṅ kakavin ri vilah ika anyar cinarik-carikan.

⟨17⟩tucapeki karaṇḍanira kaka-kaka-yva paḍaməṅ-aməṅ,

⟨18⟩mapatih-patihan mahas-ahas akalih-kalihan madulur,

⟨19⟩anusup-nusup i pakis aréséb amupva susuh kinéré,

⟨JK: 20v⟩⟨20⟩avavan ri taṅanya ana kula lata-rijja sinumpiṅakən.

⟨21⟩ri trəbis-trəbisiṅ paras arupit arés ri avanya situ,

⟨22⟩tirisan gaḍiṅ anjəlag i sélévaṅiṅ paraṅan tumuvuh,

⟨23⟩vah ika kuniṅ arja paja-paja salah manahi lumiyat,

⟨24⟩kinayuh-kayuhiṅ kaka-kaka tinulis-tulisan kakavin.

⟨JK: 20v⟩⟨25⟩ri hiriṅnya gaga para-paranika ramya katon adalur,

⟨26⟩katirahnya lumuṅ-luṅ amituturi rāga təkapniṅ akuṅ,

⟨27⟩lumalé suluriṅ gaḍuṅ aharəp aṅola pupus maputih,

⟨28⟩masila vulakanya kadi harəp amaṅkava puḍak maṅisia.

⟨29⟩sadavan ikanaṅ avan asiluk hinambah adoh pinaran,

⟨30⟩paḍa harṣa narendra lumiyati laṅanya mavéh turida,

⟨31⟩hana thani ḍusun-ḍusun atiki kapaṅgih asiapar alit,

⟨32⟩paḍa ta hinalintaṅan ira jinajah sinépa-sépéran.

⟨33⟩rasa tan ləpas éki lakunira pijér jənək iṅ kalaṅə̄n,

⟨34⟩séka-véṅnya nira-ki juga pinakapaṅrərəban dinadak,

⟨35⟩təpiniṅ lvah agə̄ṅ pinarvasa təgalnya kinuvan atap,

⟨36⟩katitih təkapiṅ bala gaja ratha mévi-vu laksa tumut.

⟨37⟩amuraṅ-muraṅ iṅ gəgər aməgat təgal palapat-palapat,

⟨38⟩agənət sayabiṅ ratha madulur adədəṅ amuṅgvi sinaṅ,

⟨39⟩tumurun aṅusir havan alavas ahət marupit-rupitan,

⟨JK: 21r⟩⟨1⟩hana boddhi tinandur ajajar i təpinya rumambey atə̄b. 0.

⟨2⟩deśāgə̄ṅ ramya matiki katəmu,

śobha tiṅkahnya thani janapada,

⟨3⟩kubvan alva pəkən agə̄ṅ arənəb,

buddhyāgə̄ṅ kayvanika pinariṅi.

⟨4⟩katyāgān maṅarəpakən ahaləp,

bvat-bvat hanténya marək amarépét,

⟨5⟩merv atumpaṅ pitu ləyəp aruhur,

akveh raṅkaṅnya ya paḍa hinəduk.

⟨6⟩vaṅnya kveh ri ləbuh aṅadəg-adəg,

ramyānonton ri laku narapati,

⟨7⟩harṣātiṅhal ri sira paḍa sukha,

śabdanya ṅhiṅ juga vijan aṅalém.

⟨8⟩kagyat deniṅ gaja adulu-dulur,

péka yodha krama parəṅ apupul,

⟨9⟩len taṅ muṅgvi kuda vijah asusun,

krura mundhuṅ paḍa tau riṅ ayun.

⟨10⟩harṣeka mbak nr̥patin umulat,

béniṅ kvehnin bala tumut aṅiriṅ,

⟨11⟩lagya néṅka avan agə̄ṅ agənət,

len tṅ lunha narabhasa malalar.

⟨12⟩ramy-lon lampah ira tan asarag,

tuṅhaniṅ deśa ya kahalivatan,

⟨13⟩kubvanya-rnéb ana pudhaṅ ajajar,

nyuh vahnya-téb ana ta pinahatan.

⟨14⟩karyan-kalyan katəmu təkap ira,

sumbérnya həniṅ gumulak amulakan,

⟨15⟩tusnya-drés sampun hinuruṅ-uruṅan,

śobha kéndhél paḍa ta hinasaban.

⟨16⟩saṇḍiṅ-saṇḍiṅnya ya ana pathani,

sajya-génnya saracana malavas,

⟨17⟩vénya ṅémbaṅ hurusanika padhét,

asrét hisniṅ makara katutupa.

⟨JK: 21v⟩⟨18⟩ṅkana lor maṇḍala kniaṅlalisan,

runtuh śīrṇa gupura katuvuhan,

⟨19⟩aṅhiṅ karya payasan aṅililan,

gandhyāgə̄ṅ ndan ulu kuda maruhur.

⟨20⟩ramya srép taṅ panataran aradin,

kambaṅniṅ jambu sumavur agəlar,

⟨21⟩tanjuṅ len campaka surabhi ruru,

kumbaṅnya ṅréṅ kadi manaṅisakən.

⟨22⟩lalya-la śrī nr̥pati ləpas adoh,

tovin séb-séb panas asəpi maméṅ,

⟨23⟩lvah-lvah géṅ-géṅ katəmu tara-tara,

kayvanya ṅhiṅ rvi kadiravadara. o.

⟨JK: 21v⟩⟨24⟩mārgāgə̄ṅ ya tinutnirāmənər agaryaṅ asəpi kadi tan hana vaṅa,

⟨25⟩vanvādoh pitovin təgal-təgal ayun taruṅ atiki panuṅga-nuṅgalan,

⟨26⟩raṅra kayvanikāsinaṅ səḍəṅ akəmbaṅ ajahala vayāvahiṅ hənu, (?)

⟨27⟩lvāgə̄ṅ puṅgul aket kapuh saraṅ aghāṣa ana karameyanya simbarən.

⟨28⟩ṅake sornya buyut-buyut vatu tinumpuk apa katika ṅūni riṅ daṅu,

⟨29⟩tuṅkub-tuṅkub ika haləp vinavaran saha tuvu-tuvuhan turuṅ ləvas,

⟨30⟩aryanya gəlar iṅ natar kadalakar saha səma-səmatan haneṅ ləmah,

⟨31⟩pintən ganya pasaṅya-saṅyan iki maṇḍi hana vatu gumantuṅ iṅ vilah.

⟨32⟩kṣetrāgə̄ṅ kiduliṅ vatəs rumakət ahyaṅ ararəm aparək juraṅ-juraṅ,

⟨33⟩śobhātiṅkah ikaṅ pahoman aruhur agupura kadi meruparvata,

⟨34⟩tambaknyeki kapala saṅgya matitip midər ahaləp i héṅnya kādbhuta,

⟨JK: 22r⟩⟨1⟩ṅkāneṅ jro bharali pratiṣṭha pasabhan rasiki paramasādhakottama.

⟨2⟩nyagrodha ruhuriṅ natar mapatiga-sthi kavayaka apurva bhīṣaṇa,

⟨3⟩muṅgviṅ dakṣiṇa taṅ śamī druma siluṅluṅ atiki riṅ husana tan vaneh,

⟨4⟩parnah lor hana vr̥kṣa siṅ ksapa rumambe avilətan ikaṅ latā salit,

⟨5⟩muṅgviṅ sornya nilih vvaṅ aṅanyut anaknya makasa-kasaran taruṅ pəjah.

⟨6⟩vetanyeki təgal-təgal pagəlaran ghada r̥ṣika samipaniṅ avan,

⟨7⟩aglar taṅ sirara ləvas pagalaṅan kalasa sébit avér védhiṅ-védhiṅ,

⟨8⟩len tekaṅ tavulan anyar karakahan ana turuṅ apacaṇḍi taṅ vətis,

⟨9⟩rambutnya lulunan kapala kahariṅ humis adaravéyan sakeṅ mata.

⟨10⟩saṇḍiṅnyeki dukut-dukut paḍa pajéh kapanasan akuniṅ vaneh avuk,

⟨11⟩dupa snaha pahiṅ gigal ana payuṅ daluvaṅ ika kasaṅsaṅiṅ sukət,

⟨12⟩aṅréṅ śabdanikaṅ arégala marébut pupu katəka patihnya tan ləbur,

⟨13⟩kagyat maṅalulu ana mrih anéhér-néhérakəna malayva-kén vitis.

⟨14⟩ṅkāne sornya ləbak-ləbaknya hana vaṅke apupul akanin rujit-rujit,

⟨15⟩strī-strī mati anyar kalih jalu-jalunya siniluk ahaméṅ ruruṅ ləvas,

⟨16⟩amvas rahnya maṅəmbəṅ adaravayan hana maképél i saṇḍiṅiṅ avan,

⟨17⟩hetu śrī parameśvari maṅutus adrəs alayata ri lampahiṅ ratha. o.

⟨JK: 22v⟩⟨18⟩huvus kahalivat sirerika tan aglis alaléh amuraṅ-muraṅ avan,

⟨19⟩gagā pasavahan daminya paḍa bhasma vahu mətu dukutnika ijo,

⟨20⟩binañvan aracéh-racéh vinulatan hana turahi harəṅnya tan ləbur,

⟨21⟩anan kadi sipat lutur ya təkapiṅ luh amalapar arantunan pipi.

⟨22⟩kidulnya hana deśa muṅgvi təṅahiṅ savah aḍusun anambvakən laṅa,

⟨23⟩sapinya madulur-dulur paḍa makanjuṅ asahuran aganti riṅ gəgər,

⟨24⟩hana vvaṅ akéthéṅ-kéthéṅ rva paḍa maṅhani-hani macapiṅ-capiṅ janur,

⟨25⟩dudū taṅ aṅuvuh sakeṅ gubug aməñcar aṅagəmi mamavva-mavvakən.

⟨26⟩pitovi lalu masa lampahira teki vau-vau sirém séṅiṅ ravi,

⟨27⟩ḍatəṅ sahananiṅ vvaṅ aṅiriṅ anut vuri manututi lampahiṅ ratha

⟨28⟩animpaṅ aṅusir damārga kadi tan ləpasa təkapi lon ikaṅ laku,

⟨29⟩miyat ri rusitiṅ avan ana suməṅka tumurun apasiṅga-siṅgahan.

⟨JK: 22v⟩⟨30⟩i sornya valahar trəbis-trəbis arəs lumu-lumutən i réṅnya koṅkulan,

⟨31⟩rəṅat-rəṅat ika təmah rubuh hinambah arupék apəḍək-pəḍək avan,

⟨32⟩mələs umis atut paras titisiṅ ertali manəḍuni tiṅhasiṅ karaṅ,

⟨33⟩siratnya kadi hira cūrṇa sumarambahan anələs ananar-namar javuh.

⟨34⟩lumampah aməgat gəgər sira matut siku-siku hiriṅiṅ gunuṅ-guṅuṅ,

⟨35⟩katon arah-rahnikaṅ parana teki vau-vau dinuṅkapiṅ vula,

⟨36⟩tahənya kadi parvata rarəm avandhira tuhu-tuhu an paḍa ruhur,

⟨JK: 23r⟩⟨1⟩pətəṅ kinasutiṅ limut ana javuhnya tuməḍun anisih samar-samar. o.

⟨2⟩makin aparək sayabiṅ ratha gamya,

təpiniṅ ayun ri vatəsnya kalalvan,

⟨3⟩hana kuṭi dharma kaśevan atīndu,

mahada-hada gupuranya sateja.

⟨4⟩masəmu bahitra rumuṅkəb aṅuṅgul,

vuvuṅani raṅkaṅ ika réréh aśrī,

⟨5⟩hana kadi megha kuniṅ mapucak mas,

irika haneśvararūpa vinimba.

⟨6⟩kidul aparək kadi hemakuṭādri,

didhiti lumə̄ṅ ri pucaknya maṇīndra,

⟨7⟩i kavari cetya tathāgatabajra

kadi śatasūrya mijil ya sakeṅ doh.

⟨8⟩kapadu ri héṅnya paṅambvan apantha,

miḍər i hiriṅ-hiriṅi dvija sédha,

⟨9⟩ahaləp apūrva binapra kuməṇḍəṅ,

aputih alepana bhadra ginātra.

⟨10⟩ləṅəṅ alaṅa naranātha tumiṅhal,

avan ika ramya gunuṅ-gunuṅ arnéb,

⟨11⟩hara-haranam pagagan ri hiriṅnya,

savah ika tut lépitiṅ juraṅ ajro.

⟨12⟩kaka-kaka ləñjəp ateki tumiṅhal,

sahana-hane pagaṅan paḍa tan vruh,

⟨13⟩java tumuvuh dinalih jaguṅ akveh,

jahli sinəṅgah ika vah amutnya.

⟨14⟩katirah aket lumuṅ iṅ pagər akveh,

vihikana teki kadaṅni laṭinya,

⟨15⟩gaḍuṅ avilət lumalay-lalay aśrī,

vruh apan aghāṣa ləməsni təṅahnya.

⟨16⟩sakahənu ramya siriṅni gaganya,

lvah alaṅa gə̄ṅ atés laraṅan ravunya,

⟨JK: 23v⟩⟨17⟩madrəs tusnya manampikakən jə̄ṅ,

ikaṅ aṅéb iṅ ahaṅét sukət akveh.

⟨18⟩təgal arata raro aṅvan adhém-dhém,

paka buréṅaṅ sapi hiṅvan akumpul,

⟨19⟩védi miyatiṅ gaja réṅga manédéṅ,

vijah alayu maṅusi təgal alam.

⟨20⟩satəkaniran təpiniṅ kuṭa vetan,

hana kəta maṅgala saṅka ya tinyup,

⟨21⟩baṅun avarah ri ḍatəṅnira maṅke,

karaṇanikaṅ vvaṅ atun-tun anonton. o.

⟨22⟩sampun prata narendra tapva mandulur sira vahu tumurun sakeṅ ratha,

⟨23⟩ṅkāneṅ bvat alu kilyan arpat ahaləp kahananira lavan nareśvarī,

⟨24⟩sampun teki ginandhapattra kinənan jinəm arəja siniṅsətiṅ jənu,

⟨25⟩mvaṅ sakvehnikanaṅ karaṇḍan ararəm kaka-kaka marək asraṅ aṅaḍəp.

⟨26⟩mantri satya vicakṣaṇa ṅiṅət-hiṅət ry ulahanira rumakṣa saṅ prabhu,

⟨27⟩sakvehniṅ bala yodha kapva tinitahnya sana-sini yathākrama haləp,

⟨28⟩himpər bapra patapni sañjatanika kr̥tala curiga tomara luṅid,

⟨29⟩matéṅga-sva ratha ruhar pinakagopura sahaja tinumpa-tumpa ya.

⟨30⟩mvaṅ sakvehnikanaṅ vvaṅ uttama manaṅkil apupul atata salaṅsaṅan,

⟨31⟩lavan saṅ prabhu sevake nr̥pati teki sira huvus atiṅkah akrama,

⟨32⟩len tekaṅ makəmit haneṅ yava tiniṅkah atiki paḍa tan hanāṅucap,

⟨JK: 24r⟩⟨1⟩ndah rājyiry anupa ṅalih kahiḍəpanya təkapiṅ umulat paḍa ṅaləm.

⟨JK: 24r⟩⟨2⟩alva teki natarnika pəkən atip ḍəḍət apaligaran təkeṅ ləbuh,

⟨3⟩deniṅ kvehnikanaṅ balāṅiriṅakən kathamapi paḍa tan hana jaruh,

⟨4⟩hə̄bniṅ vandhira tan hanāṅinak-hinak patiganika paḍeki kavaṅan,

⟨5⟩aṅhiṅ teki narendra muṅgvi təṅah arja sira kadi haneṅ daləm purī.

⟨6⟩sore prāpta ikaṅ taḍah saha garantuṅ aṅaraṅin i héṅ paḍa ṅayap,

⟨7⟩aṅhiṅ teki garit narendra viniveka rasanika rinəṅva-rəṅvakən,

⟨8⟩lāvan saṅ kavi rāga hetuka hane kananira sumahur silih sahur,

⟨9⟩apan ṅhiṅ marək aṅarəp-harəpakən manaḍah i sira teki tar vaneh.

⟨10⟩sampun teki sirānaḍah sahananiṅ carikan umətu vinvat adulur,

⟨11⟩vantən prāpta muvah sakeṅ asuhuran paṅiriṅ atha təlas sumaṅgraha,

⟨12⟩sakveh-kvehnika saṅ manaṅkil anumas parəṅ a…….

⟨13⟩…………… hinan ipun mula sapuniki .o.

⟨14⟩səḍəṅ asəpəta tekiṅ bhandharya kutak-atikan,

⟨15⟩vijah adadah adum-dum bhakta pāna paḍa sukha,

⟨16⟩bala sahananikākveh norāṅsal vijah aṅaləm,

⟨17⟩ikaṅ akuda jugāṅhiṅ matāṅhruk jəmur ajaruh.

⟨18⟩tucapa ta para taṇḍa dhém tapva maṅan aṅinum,

⟨JK: 24v⟩⟨19⟩aṅacap i kavaninya praṅ sahya sahuran avu,

⟨20⟩tuvi hana tiki mājar vantən satra lurugana,

⟨21⟩hələm atiki madonən petəṅ siṅ kahananika.

⟨22⟩paḍa macakép ahosan avanya ṅrégut aṅhéṅ,

⟨23⟩paḍa pəjaha mamuk amrih liṅnyaṅ raṇa dadaha,

⟨24⟩paḍa masamaya tan svaṅ mundur liṅnya yan alaga,

⟨25⟩təvasa aji maṅiṅva véh vīrya puhaka hurip.

⟨26⟩tan ucapən ika sampunya muktja rasa saphala,

⟨27⟩para juru paḍa mamvit mantuk riṅ gr̥ha madulur,

⟨28⟩huvus atiki ya mavat cantén brasnya paḍa médan,

⟨29⟩sahana-hanani deśanya kveh tvaknya paḍa pinik.

⟨30⟩lalu divasa paḍa mrém tekaṅ vvaṅ təlas aṅinum,

⟨31⟩apituvi rapuh aṅlih deniṅ mārga tan arata,

⟨32⟩tabé-tabéhan umampəh marya araṅ matalu-talu,

⟨33⟩saragi muni tan agya kadya ṅriṅ-riṅ aṅaraṅin. o.

⟨34⟩hvāṅduduti taṅan ireki tapva ta…..

⟨35⟩ndan śrī narapati təlas aṅlilir kadi tinaṅhi sira varurutén,

⟨36⟩va….. hinan ipun mula sapuniki,

kalih pada néntén bacik….

⟨37⟩ndatan vavaṅ anəkani buddhiniṅ maharəp aṅdadak aparihara,

⟨38⟩hanan i paṅucap-ucapiṅ maminta sih aṅola təlas inubhayan,

⟨39⟩harṣa səmu-səmu guyu yan pamak-pak aṅagəm susu hinənəṅakən,

⟨40⟩ṅhiṅ śabda nr̥pati karəṅa hanan sinahuran paṅəsah aṅəsəsan.

⟨JK: 25r⟩⟨1⟩ndah sampuniṅ ulah amiveka ramyaniṅ asaṅgama rəsəp i hati,

⟨2⟩sāsiṅ paraniṅ ujar anutakən sakaharəp-harəp ira maṅucap,

⟨3⟩cumbva tanya lavasiṅ atiṅgalaṅ nagara maṅhinép i para-paran,

⟨4⟩lagya ṅiṅət-hiṅəti galar taṅan sinélaṅan guyu mavada-vadan. o.

⟨5⟩byatitan tis-tis masa paḍa vahu mamrəm sira kalih,

⟨6⟩lumiṅsir-liṅsir taṅ śaśadhara lumə̄ṅ vahu luməyəp,

⟨7⟩tinūtiṅ mogha-raṅ anan asuma vintaṅnya kuməḍap,

⟨8⟩vinas-vas luṅhāṅdoh baṅun aləpəha karana hurip.

⟨9⟩laluṅ māsa srép méh rahina tumibā hisnikaṅ əbun,

⟨10⟩patər mandra gréh ika gupyan avisik …..

⟨11⟩limutnya …… ṅililan kadrəsan aṅin,

⟨12⟩riris mampəh lvir luhniṅ anaṅis arés sampuniṅ ulah.

⟨13⟩ḍavuh vantən séb-béb paḍa karahinan taṅ vvaṅ aturu,

⟨14⟩garantaṅ munya-sraṅ baṅun amuṅu riṅ śrī narapati,

⟨15⟩lavan sakvehniṅ vvaṅ kaka-kaka paḍa tiṅkah atata,

⟨16⟩huvus kapva dan riṅ rahina sahana maṅkil apupul. o.

⟨17⟩mijil nr̥pati sampun ahyas adulur sira lumaku lavan nareśvarī,

⟨18⟩karaṇḍan aṅiriṅ lavan sahananiṅ vvaṅ arəja pinakesiniṅ purī,

⟨19⟩parəṅ tumama muṅgah iṅ gupura ramya paḍa vahu huvus təkeṅ natar,

⟨20⟩miyat ri haləpiṅ sudharma racananya kahiḍəp anamar surālaya.

⟨21⟩mahantənya rəjāhaləp ri harəpanya lagi hana parantiniṅ tulis,

⟨22⟩aśoka hana nāga puṣpa hana campaka surabhi tinandur iṅ natar,

⟨JK: 25v⟩⟨23⟩səkarnya kadi payvan anjrah anodhéṅ masaji-saji vaṅinya tan ləvas,

⟨24⟩madhubratanikāṅréṅ adran amagantakən asana marāṅjajah sari.

⟨25⟩paḍa ṅalap ahur-huran səkar ika kaka-kaka paḍa meñjuhiṅ laṅa,

⟨26⟩anəmpal asana mépét-népéti padapa ri mukanika pupur hrəbuk,

⟨27⟩anāṅdadak amék puḍak tinulisan kakavin hinuparəṅga riṅ ṭikā,

⟨28⟩ri hémbanan asusva-susvan hinamər lagi timuru-turunya riṅ kiduṅ.

⟨29⟩ikaṅ kaka-kaka nvam adyus asibu paḍa vijah atukup-tukup taṅan,

⟨30⟩lumut-lumut ikaṅ payodhara tumus kavaséhan asila haneṅ bañu,

⟨31⟩sipatnya ana sandéṅ-andéṅ i matanya karahupan anambva-kén mirah,

⟨32⟩ikaṅ bhramara medran iṅ kumuda malihi mukanika maṅrəṅ-aṅrubuṅ.

⟨33⟩hana ṅadəg i salvaṅiṅ talaga sampun amabar akəmul-kəmul putih,

⟨34⟩maha ṅureyakən gəluṅ sinuruyanya kulu mélés arantunan pipi,

⟨35⟩tumus amariṅət haneṅ jajanika avas amuri-muri gatraniṅ susu,

⟨36⟩anan karakət iṅ dukula turahiṅ vəḍak avaṅi kapəñcəriṅ burat.

⟨37⟩vaneh tiki mara dyus iṅ makara bojya racana kumucur pinañcuran,

⟨38⟩tumuṅkul aṅure gəluṅ aika kinumbah amadha hirəṅiṅ lumut-lumut,

⟨39⟩tapihnika banantən eñjuh anipis tinélési karakət haneṅ vətis,

⟨40⟩katon buṅah ikaṅ təṅah kadi pupus putih asəmu parantiniṅ limut. o.

⟨JK: 26r⟩⟨1⟩caṇḍy aruhur i təṅahniṅ talaga ləṅəṅ rumyani racananya,

⟨2⟩piṅgirnyamidər adédhéṅ minakaran akveh paḍa ya lumanda,

⟨3⟩maryak-ryak anikəl asriṅ maṅipék-ipék lvir viru-aviruniṅ kén,

⟨4⟩kambiṅniṅ asana lumrā gəlar alabuh kumbaṅ anaṅis aṅhréṅ.

⟨5⟩paṇḍan vvaṅ asidéha muṅgvi təpinika liṅgih aṅisis arja,

⟨6⟩śobha ṅisapu puḍaknya putih asila lvir vətis aṅudéda,

⟨7⟩lumraṅ hrəbuk amupur tat sisi sumavur muṅgvi pasi-pasirnya,

⟨8⟩kombak ana kasarah riṅ karaṅ aluṅid lvirnya alis alaṅhép.

⟨9⟩ṅkāna nr̥pati muja sira magave dyana sakala śuddha,

⟨10⟩ndan śrī krama ginəlar saṅ prabhu təlas enak təpat ikaṅ ambək,

⟨11⟩mvaṅ nyasa paḍa husus tarpaṇa vinaṅun cakra umiḍəp ahəniṅ.

⟨12⟩nisvasa kakavaśaṅ prana vimala hiṅanya sakala śūnya.

⟨13⟩énak pva kavasaniṅ jñāna gumaveyāṅrakṣana saha japya,

⟨14⟩svasta pagəhanikeṅ rat ahilaṅaniṅ śatru paraniṅ ambək,

⟨15⟩riṅkah prabhu tan avarsih satata rumakséṅ bhuvana tan himba,

⟨16⟩taan svaṅ balé-paléhiṅ dharma gumaveyaṅ yukti hitanikaṅ rat.

⟨17⟩munya paḍahi ri héṅ lvir gərəh alaṅa riṅ masa kapat aṅras,

⟨18⟩ghaṇṭa sraṅ asahuran saṅka kumisik aṅrik kana kala rinyup,

⟨19⟩len taṅ dhvaja majajar kuməlab arəja kady aṅave-ave asriṅ,

⟨20⟩dhūpa srik avaṅi gandhanya kumutug aṅdhūma hana lum anəḍəṅ.

⟨JK: 26v⟩⟨21⟩mantry aṅayap ahaləp riṅ natar atata tiṅkah ararəm atvaṅ,

⟨22⟩sampun praṇata manəmbah ri sira sadaṇḍa krama paḍa bhakti,

⟨23⟩ndātan ana kakuraṅ śrī narapati riṅ vīrya paḍa kavastvan,

⟨24⟩siṅgih prabhu lituhavy anvam aguṇa sureṅ raṇa kavi śakti. o.

⟨25⟩sampun taṅ yajñakārya lilaṅ ahəniṅ ikaṅ jñāna himpər śaśāṅka,

⟨26⟩ṅkāneṅ prāsāda hambalnya sira maṅadəg aṅhér i lampah sudevī,

⟨27⟩lagya gagvan taṅan śrī narapati tumurun tan kara ṅantun-antun,

⟨28⟩śīghra prāpteṅ natar teki hana payuṅira svata śuddha pucak mas.

⟨29⟩tan varṇa teki tiṅkahnira manaḍah asiṅ patya tekaṅ bhinukti,

⟨30⟩sakvehniṅ sevake jə̄ṅ nr̥pati paḍa marək sura samanta raja,

⟨31⟩sampun kapvānunas tan hana kakuraṅika lyab təkeṅ peka yodha,

⟨32⟩ndan saṅ śrī nātha kalih mahas aṅahasi laṅla laṅə̄niṅ kalaṅvan.

⟨33⟩parnah lor larya-laryan paṅuṅaṅan aruhur ləṅləṅ aṅde kalaṅvan,

⟨34⟩kandhaṅ-kandhaṅ phlémbvan siriṅ ika maparək saṇḍiṅiṅ brahma sala,

⟨35⟩vannya liṅgih manon-ton ri sira paḍa kapuhan mulat sopa cara,

⟨36⟩prāptaṅ gophaa mavvat minyak asira-siran len péhan vahva-vahvan. o.

⟨JK: 27r⟩⟨1⟩asiṅ ramya ndah yeka pinaraniran ləṅləṅ alaṅa,

⟨2⟩lavan sakvehniṅ vvaṅ ri daləm aṅiriṅ tan sah adulur,

⟨3⟩gagā garyaṅ-garyaṅ ana tapak kasumbanya linarik,

⟨4⟩ikaṅ vvaṅ ləñjəp-ləñjəp apupur i pipya sahu-sahur.

⟨JK: 27r⟩⟨5⟩aneki lvah géṅ-géṅ linaraṅan ikannya ṅacar-acar,

⟨6⟩pinatyan-patyan véṅa sinilukakən riṅ pasavahan,

⟨7⟩tinambak-tambak riṅ vatu ana tisampyak pinarigi,

⟨8⟩ri rumpvanya-kveh yeka tinava-tava vénya ya sinat.

⟨9⟩makin harṣeka mbék nr̥pati lumihat kalih apupul,

⟨10⟩pinupvan-pupvan lagya-pi pati uraṅnya ṅicir-icir,

⟨11⟩rumambat-rambat riṅ vatu susuh ikatumpaṅ atitp,

⟨12⟩hana ṅala muṅgviṅ lumut-lumut ikanya ṅumik-umik.

⟨13⟩karaṇḍan mvaṅ guṇḍik para kaka-kaka nvam vija-vijah,

⟨14⟩vətisnya kém-kém riṅ bañu rəsəp atis kumram aputih,

⟨15⟩mélés kén-kényāṅraṅdi kécécép apan tan hinuniṅa,

⟨16⟩pijér ləṅləṅ denya pupu-pupuki rah ya lumu-lumut.

⟨17⟩huvus kédran sakvehni kaéṅéṅaniṅ dharma jinajah,

⟨18⟩také katyagan maṇḍala kuṭi huvus teki pinaran,

⟨19⟩kuləm saṅ hyaṅ mantuk ri végilanira tiṅkah ararəm,

⟨20⟩riṅ eñjaṅ rakvan maṅkata lumaris aṅuṅsira pasir. o.

⟨JK: 27v⟩⟨21⟩tadanantara krama lumampah anəbu-nəbu tut hiriṅ-hiriṅ,

⟨22⟩larini ratha dulur asantun asaləsək i piṅgiriṅ hənu,

⟨23⟩təkapiṅ bala ṅiriṅ i vuntat(ira) i harəp asusun silih pəḍək,

⟨24⟩rumuhun vaneh lumaku-lakv aməṅ-aməṅ i anāṅrərəb-rərəb.

⟨25⟩alaṅa katuṅkulan i sor pasavahanika tut juraṅ-juraṅ,

⟨26⟩valahar sakeṅ gəgər adurga tuməḍun aməgat-məgat havan,

⟨27⟩hana vinvatan pətuṅ agantuṅ alaléh hinahambah aṅguṅan,

⟨28⟩adulur-dulur vvaṅ ika yan lumaku-laku matun-tunan taṅan.

⟨29⟩asamun hənunya pamuraṅ-muraṅan atuha śūnya durgama,

⟨30⟩titir aṅhaḍaṅ-haḍaṅ ikaṅ pathani ləvas avuk pararyanan,

⟨31⟩sirara gəlar hañar ararva asana sumahur haneṅ natar,

⟨32⟩katirahnika səmi gaḍuṅ ṅabét aṅivat i saṇḍiṅiṅ havan.

⟨33⟩alivat narendra viyatiṅ aras-aras sukuniṅ gunuṅ-gunuṅ,

⟨34⟩amijah dukut mrak ataraṅ gigi adal-adal iṅ gəgər-gəgər,

⟨35⟩kulurak rumambat akataṅ-kataṅ agəlar atut hiriṅ-hiriṅ,

⟨36⟩hana limva-limvan apupul pulutan i təpiniṅ təgal-təgal. o.

⟨37⟩marya tut hiriṅiṅ ………

⟨38⟩koṅaṅ matra hana tulap-tulap akaryak asurak amaṅun-maṅun hima,

⟨39⟩lumraṅ varṣa kuvuṅ-kuvuṅnya sumarambah asinaṅ anaruh traṅiṅ ravi,

⟨40⟩ghor gér śabdanikaṅ gərəh masahuran tuna-tuna kadi muksa riṅ rəməṅ.

⟨41⟩gnyaṅ nusa ləyəp samar-samar i dohnya namu-namu kinusaniṅ riris,

⟨42⟩muksa miṇḍa lavan laṅit vinulatan pətəṅ asəmu parantiniṅ vəṅi,

⟨43⟩tapvan vaspada sə̄k katon ri kəñariṅ ravi kadi minaha lamad-lamad,

⟨44⟩pintən ganya parantiniṅ kavi mahas layat alarasan aṅhañut laṅa.

⟨JK: 28r⟩⟨1⟩ləṅləṅ ramya tiniṅhalan ri tələṅiṅ jaladhi ləyəp avor lavan tavaṅ,

⟨2⟩saṅhubnya-raṅ arantéyan məlek aṅanti patər akətər aṅdadak riris,

⟨3⟩ləs muksan didəla-dəla matəmahan rəməṅ ahirəṅ akandəl iṅ laṅit,

⟨4⟩aṅhiṅ sodha maṇīndra capa kuməḍap-kəḍap i vəlasi hiṅhaṅiṅ mulat.

⟨5⟩duṅhus-duṅhus ika kahundul aməgat bañu maṅacar-acar tiniṅhalan,

⟨6⟩karvanya jajar aṅjəlaṅ kadi vaya tinudu-tuduhaṅiṅ hañar ḍatəṅ,

⟨7⟩maṅkin mukas samar-samar sinaputiṅ limut aməgat arantunan tahən,

⟨8⟩nimpér anusa karaṅ ləṅəṅ pavulatanya tuṅa-tuṅa katon sakeṅ adoh.

⟨9⟩tis-tis masa huvus tibaṅ javuh aṅantya ri ləṅəṅi kalaṅvani pasir,

⟨10⟩hetu śrī naranātha kalih adulur-dulur aḍarat i duṅhusiṅ karaṅ,

⟨11⟩sakveh strī aji saṅ haneṅ ratha huvus paḍa tumurun akabvatan raras,

⟨12⟩mvaṅ guṇḍik paricārikā kaka karaṇḍan hinya puyaṅ uva sraṅ aṅhulur.

⟨13⟩luṅha tut sisi maṅrarah sahananiṅ sarasah ana gəlar vijah-vijah,

⟨14⟩namya sraṅ makaraṅ-karaṅ harama len haraṅ inagəm ika vavan taṅan,

⟨15⟩solahnya gigu tapva tan tau macaṅkrama mahas asabha-sabha pasir,

⟨JK: 28v⟩⟨16⟩pantəs yan tarim-kénéṅ kavi kayogyanika varahan aṅjajah laṅa.

⟨17⟩len taṅ luṅa mahas-mahas dhara-dharan lumiyat i pasurakniṅ hampuhan,

⟨18⟩lagya … lavan harus i palajəṅnya kaṅelihan araryan iṅ karaṅ,

⟨19⟩lagya maṅku sukunya késisi tapihnya duga-duga sumundhé aṅliga,

⟨20⟩akrap aṅganya vətisnya dani tapakiṅ bañu asin aputih savaṅ hrəbuk.

⟨21⟩akveh bhavanikaṅ haneṅ karaṅ aliṅgih umulat i kalaṅvaniṅ pasir,

⟨22⟩ləṅləṅ yan paṅuré gəluṅ susu-susupnika maratih haneṅ salaṅ-salaṅ,

⟨23⟩vahva gatra samar-samar pavulatanya sinaputan i saṅhubiṅ bañu,

⟨24⟩muksa piṇḍa lavan limut kahiḍəpanya sahaja ḍatəṅ ahavan riris.

⟨25⟩vantən ləṅləṅ anuṅga-nuṅgal iṅ upala sumayana mamaṅkvakən ṭikā,

⟨26⟩ndan parnahniki lagi rakva paririm aji katəka sinūkṣma tan umuṅ,

⟨27⟩mvaṅ siñjaṅnya hañar kinasturi sugandha saha kusuma layvaniṅ kapa,

⟨28⟩hetunya kékés ambək eñjuh i vədinya kavihikana de nareśvarī.

⟨29⟩siṅ solahnyan i panamun turida tan hana kavətu kinubdaniṅ hiḍəp,

⟨30⟩aṅhiṅ teki pinivruhan pakadaṅan rasiki rəsəp akalihan lulut,

⟨31⟩kiṅ-kiṅ rāga hinémnya tan sah akivéka riva-rivani lésyaniṅ hati,

⟨32⟩rovaṅnyan paṅapus vilapa suvalanya rinupati méné pajaṅ sasi.

⟨JK: 29r⟩⟨1⟩ambək śrī naranātha denya tuhu rañca sinaputan i śaktiniṅ smara,

⟨2⟩ndan riṅ masa kuləm siran ḍatəṅa rakva sumuliba tatan hana vruha,

⟨3⟩vantən teki vəkas-vəkasnira haneṅ puḍak arəja ginātra riṅ kuku,

⟨4⟩marmanya səmu rāga karana vulatnya suméṅ i mata tan hané tutuk. o.

⟨5⟩nr̥pati haneṅ karaṅ lumihatiṅ pasir pasi lavan narendra mahiṣī,

⟨6⟩hana kuməḍap-kəḍap manuk ika navat-navat anambayaṅ ləpas adoh,

⟨7⟩patər akətər haneṅ rəməṅ aganti mandra lumarap kilatnya tan avas,

⟨8⟩masəmu rəṅihniṅ adyah hinamər yva cancala tikəl alisnya-ti nira.

⟨JK: 29r⟩⟨9⟩ri təpi-təpinya paṇḍan akusa guliṅ-guliṅan iṅ karaṅ saha ṭikā,

⟨10⟩hana kakavin palambaṅ i lavénya majar i taṅisnya tan tinurida,

⟨11⟩ləṅəṅ asaput hima raras añaṅvəli paglari səkarnya tan hinuṅiṅa,

⟨12⟩asəpi dinohaniṅ kavi ajəṅnya lāgi masamun tinambuṅ alavas.

⟨13⟩ri pasi-pasirnya cindhaga parantiniṅ mahas-ahas ləṅəṅ masusupan,

⟨14⟩mavəlas hrép nyar-anyar apatutan kakavin arja maṅdadi ṭikā,

⟨15⟩anan avéndhak-vəḍak hrəbuk anuṅka-nuṅkali səkarnya vahu maṅisis,

⟨16⟩tinaṅisaniṅ riris gérah asamba-sambat apépé kilatnya kuməḍap.

⟨17⟩tucapa samāṅdulur-dulur atiṅkah akrama padhāṅrərəb sira kabeh,

⟨18⟩asana vuṅu kataṅga vinaṅun mahantən arəja atép jriṅ asinaṅ,

⟨JK: 29v⟩⟨19⟩sahana prara prabhūttama sirāṅləṅəṅ mahas amet səkar siṅ avaṅi,

⟨20⟩masira-siran kalaṅvan avədin kasérana paḍa hyun aṅrahatana.

⟨21⟩ləṅəṅ akatap-katap ri təpiniṅ samudra kadi puṣpa parvata tinon,

⟨22⟩katirah avor gaḍuṅ jamanikanya kumram i téténya maṅkin alaṅa,

⟨23⟩satəkani gandhaniṅ kusuma sumrak arja sinirirnikaṅ aṅin alon,

⟨24⟩bhramara mariṅ mara ṅréṅ amaganta-kén səkar harum jənək tan avéliṅ.

⟨25⟩vau luməyəp pa …. katélihén i ramyaniṅ jalanidhi,

⟨26⟩hana sumaput limutnya satəpihniṅ adyah akiput vədin kaharasa,

⟨27⟩gərəh adédé patərnya sarəṅih-rəṅihsiṅ anahén lara smu séségén,

⟨28⟩vulan avénés mijil samukaniṅ kinévala kavés …..

⟨29⟩makin alaṅa narendra miyatiṅ kalaṅvan i vijilnikaṅ śaśadhara,

⟨30⟩saṅ araras arja ləṅləṅ aniliṅ-niliṅ vulat iréṅ ravaṅ ləyəp adoh,

⟨31⟩réṅa-réṅaniṅ satha muni rinəṅva-réṅva-kén iran séma tuna téka,

⟨32⟩sahaja paḍa nuduh-nuduhi vintaṅ olém asuma kucém vahu mijil.

⟨33⟩apuhara rāga polah ira tapva sisa… libiṅ manah ya tinékan,

⟨34⟩anan amibik-mibik tapih asuṅ səpah sira təhər sumambya ṅaréki,

⟨35⟩ragət ikanaṅ payodhara ginātraniṅ kuku anyar yva tauan aləsəh,

⟨36⟩nr̥pati sira mépér sinaharan alis tikəl acumbu maṅkin araras.

⟨37⟩patəmu niran silih sih i daləm kalaṅvan aṅajəṅ karasikan apém,

⟨JK: 30r⟩⟨1⟩gaḍuṅ vilət liraṅ paḍa nira-ki yan sama-sama raras silih asih,

⟨2⟩vəlas harəp iṅ tahən puriṅ akét lulut-lulut ireki tapva mamati,

⟨3⟩aséna lavan riris haras irekihénpadha turuṅ mavarsih iṅ ulah.

⟨4⟩lalu sampuniṅ gati siré-ka vahu gumuliṅ nda tapvan aturu,

⟨5⟩maṅucap-ucap silih suval i ramyaniṅ ujar gatra mandra karəṅa,

⟨6⟩sari-sari rāga ntuka maké-siniṅ vuvus i géṅni sih narapati,

⟨7⟩ri harəp ira-ki yan pasuṅa karma ya-nulih-ulih lavan saṅ araras.

⟨8⟩ibu ana teki-hén kaharəpiṅ hulun ri kita masku havya tan asih,

⟨9⟩pihanana sih-ku ratna kusmāṅga yrki palakun-ku tan hana vaneh,

⟨10⟩pakénanikan tumaṇḍiṅa ri rāga hetuka kita grahé riya hələm,

⟨11⟩sama-sama pan paḍa vvaṅ aéaéas vicakṣaṇa paké-siniṅ vvaṅ i daləm.

⟨JK: 30r⟩⟨12⟩yadi ana sanmatanta tumuta-ryadih-kvi riya teki yan pitulusa,

⟨13⟩hələm i kapiṅrvaniṅ vulan i taṅgaliṅ katiga yan kasapta karika,

⟨14⟩larisanikan patémva pilihənta siṅ sakaharəpta masa rahayu,

⟨15⟩sahana pasajya-sajyani kakanta sajya-kéna rapva tanpa dadakan.

⟨16⟩kaka aji tan salah vacana rakryan aṅras agave larāṅku ri hati,

⟨JK: 30v⟩⟨17⟩riṅ apa ta naku yan vənaṅa drévya buddhi vihaṅé manah narapati,

⟨18⟩sakaharəpanya teki tumut aku pan-ya pagəhāṅkvé denta huluna,

⟨19⟩ya karika mulya yadyapi harip-ku tan asaktāku kasrah i kita.

⟨20⟩apituvi taki tan hana hiḍəpku len ya parananya téka-ti-hati,

⟨21⟩sahananikaṅ karaṇḍan i daləm paḍa vruh iriyan matəmu ri hələm,

⟨22⟩kunəṅ iki karanāṅku kaka tan vavaṅ marahakən harəp-ku ri aji,

⟨23⟩miyati vayahnya ṅūni səḍəṅ anvam matiki turuṅ vənaṅ karabhasa.

⟨24⟩tuhun iki deyani ṅvaṅ iriyan ndatan vavaṅ avéha tāṅvaṅ i kita,

⟨25⟩ndah avaraṅeki tapva kaharəp-ku tiṅkaha lavan kita matutana,

⟨26⟩ndvasi kaka tumbasanya sakaréṅ yata srahakənanta teki tumuhun,

⟨27⟩sasaji-sajinta lan laris amantva maṅlamara sambya suvala gara.

⟨28⟩yayi mapa dayani-ṅva apa tan hana srahakənanta masku ri kita,

⟨29⟩ṅhiṅ iki karasikana ya patukva-tukva tarimanta hantusakəna,

⟨30⟩vacananira prahasana maha ṅgaməl susu bisa mrayé saṅ araras,

⟨31⟩dalian irāṅdudut talih apan huvus kasah i pundhutan tinitihan. o.

⟨32⟩paḍamu maharip ri sampuniṅ ulah tucapa sahan saṅ mamarvani lulut,

⟨33⟩prapañca humarəp-harəp ri ḍatəṅa nr̥pati lumavadé raras-rarasira,

⟨34⟩ya kāraṇaniran paḍa hyas amaharja gəluṅ asalin dukula pinilih,

⟨JK: 31r⟩⟨1⟩atuṅgalan unéṅnira-lah asénaha turida kinékés hane kati pinə̄m.

⟨2⟩hana guliṅan iṅ karaṅ liman anurvakən i pamanisiṅ smara marəpəhi,

⟨3⟩lana ṅiṅət-iṅət ri buddhya aji yeka tinaha-taha lot vinarṇa ri hati,

⟨4⟩vavaṅ réṅa-rəṅən rumuṅvi pasurak-siraki panikəliṅ yak adran i təpi,

⟨5⟩ya kāraṇanira ṅlilir mujar i kasihira kaka marək vasa ṅisapu jə̄ṅ.

⟨6⟩kakāṅku mapa deyaniṅvaṅ i manah nr̥pati tan avəlas riṅ onəṅ alulut,

⟨7⟩ndatan tulus ujarnya ṅūni ri səḍəṅku turuṅ anuti polahiṅ silih asih,

⟨8⟩ri kālanika ṅūni duk vau sumomah aku bapa aji ndatan vavaṅ asuṅ,

⟨9⟩ujarnya pinasatyakənya yadi tan tulasa si pujin vənaṅ ya luhika.

⟨10⟩sahurnya saṅ inojaran masəmu rāga karana tuməṅgəp éndah araras,

⟨11⟩tuhanku riṅ apaṅ madhubrata madoha riṅ asana sugandha sampun anəḍəṅ,

⟨12⟩apan bhramita riṅ səkar kumuda jaṅga kanigara mavuṅv aśoka surabhi,

⟨13⟩ndi yan paḍa lavan manahnya miyatiṅ sumanasa palarənta masku muvaha.

⟨14⟩ujarnya rəsəp aṅlipur-lipur i buddhinira təhər alésyan aṅarih-arih,

⟨15⟩titir vinava riṅ kalaṅvanika denya maṅucap agave raras hatinira,

⟨16⟩anan sinélaṅan kiduṅnya tau rakva maṅusira pi yan tikəl alisira,

⟨17⟩vidagdha bisa maṅdadak-dadak amarṇana kakavin anindha-nindha turida.

⟨JK: 31v⟩⟨18⟩laluṅ masa pilih ḍavuh ném aturu sahana-hananika ndatan hana ṅumik,

⟨19⟩śaśāṅka gumavaṅ mava kalaṅan arja mamuṅu-muṅu rāga tan duga-duga,

⟨20⟩gərek muni haneṅ dukilyan alaṅa sinahuran i payérnya mandra kumətər,

⟨21⟩anan kadi visik-visikniṅ amaṅun sara mamalihi rāga kuṅ tuna téka. o.

⟨22⟩mvaṅ sakvehnira saṅ prabhūttama paḍa ṅgéṅ rāga rambaṅ laṅa,

⟨23⟩āpan deni lavas nireki mapasah mvaṅ saṅ minuṣṭiṅ hiḍəp,

⟨24⟩yāṅde rañca vinarṇaneṅ puḍak hinaptya pan giṇeṅ lambaṅa.

⟨25⟩yan pamrəm sakəjəp hanan kadi sumaṇḍiṅ vetniṅ gə̄ṅniṅ lulut.

⟨26⟩akveh bhāvaniran prapañca təkapiṅ kiṅ-kiṅ paḍa pet raras,

⟨27⟩amrəm karva ṭikā sinuṅkəmanirenasparśa marmé-namér,

⟨28⟩bhrānta pan hiniḍəpnira ṅəsah amiṅkus-iṅkus aṅlad hati,

⟨29⟩tan ryamban hinaris-harisnira pinak-pak lagya karvan huləs. o.

⟨30⟩len tekaṅ mahas aṅlipur-lipurakən huyaṅi manahiran kinūṣaniṅ unəṅ,

⟨31⟩ndan rakveki turuṅ smara tura tuhun hana riva-riva saṅ cinitta ri hati,

⟨32⟩kiṅ-kiṅ rāga silih kirim-kirim ujar ya pirəsəpakəneṅ ṭikānak-anakan,

⟨33⟩nāhan hetunirāṅapus kakavin arja vinaca masuluh śaśāṅkakiraṇa. o.

⟨34⟩dyah saṅ lvir kətəriṅ patər mara rarasta hinavara ri tikananiṅ ravi,

⟨35⟩tvaskva riṅ-raṅ akuṅ ri dohni kahananta riniṅa-riṅakənku riṅ tavaṅ,

⟨36⟩aṅhiṅ teki tuhan svaranta karəṅa mamisiki titir aṅlare hati,

⟨JK: 32r⟩⟨1⟩himpər cataka tāku ləṅləṅ amalar ḍavuhakən i rirista riṅ hulun.

⟨2⟩nantən masku suvalkv i raśminiṅ ujar vaca-vacaneni maskva riṅ tilam,

⟨3⟩sampun kekət amiṇḍa riṅ karas amūrti kakavin araras linaṅvakən.

⟨4⟩tan pāṅdeya rəṅunta maṅlaraṅa cihnaniṅ aharəp aminta sanmatan,

⟨5⟩aṅhiṅ teki tuhan təḍaṅkv i kita tan vuruṅa hələm akalihan huləs. o.

⟨6⟩nāhan denira maṅlipur-lipurakən lara turida nira-pa tan patahənan,

⟨7⟩ndan riṅ sakṣaṇa śīghra yar təka tikaṅ rahina hana limutnya kumram asinaṅ,

⟨8⟩ləs luṅhaṅ əbun avri vahva sinirirniṅ anila kadi ken huvus linukaran,

⟨9⟩candra lek mavənəs baṅun təkapi tejaniṅ aruṇa suməṅ hanan vahu mijil.

⟨10⟩ndan saṅ śrī naranātha sampun arahap sira padulu-dulur maliṅgih ajajar,

⟨11⟩kāṅən rakva haləpnikaṅ nagara ramya təkapi lavasiṅ haneṅ para-paran,

⟨12⟩nāhan hetunira harəp muliha sarvi mahavana ḍusun-ḍusun kuluvutan,

⟨13⟩śīghra dandan ikaṅ gajāśva ratha maṅkata para ratu sampun arpat atihaṅ.

⟨14⟩maṅkat śrī naranātha ləṅləṅ alaṅa matut i ujuṅ ikaṅ pasir ləyəp adoh,

⟨15⟩lalya-lén lariniṅ ratha ṅusir i himbaṅiṅ acala hiriṅ-hiriṅnya təpi lor,

⟨16⟩koṅaṅ matra lurah-lurahnikaṅ aṅarya lamu-lamuk aṅəṇḍəp-əṇḍəp alaṅa,

⟨17⟩akveh deśa huvus kalalvan apa tan caritakəna ləpas narendra tumuluy.

⟨JK: 32v⟩⟨18⟩ṅkāneṅ ləmbah ika rənəb raca-racah lumu-lumuti vatunya kambah aléyé,

⟨19⟩caṅkriṅ kayunika paruṅ-puṅ i təpinya kamumu makajar-kajar pacar alas,

⟨20⟩sumbér-sumbér ika jajar kalamukan pakis i təpinika ṅurambat aséva,

⟨21⟩paṅ-puṅ paṅgaga len kuvur-kuvur atip kata-katakan apuntya-las maka médhur.

⟨JK: 32v⟩⟨22⟩saṇḍiṅ-saṇḍiṅ ika daləm rava-ravan malun-alun anamar-namar tasik anak,

⟨23⟩jrah sogandhika puṣpa maṅibəki lagi pinara-paraniṅ matīrtha gamana,

⟨24⟩tuñjuṅ baṅ hana nīla paṅkaja sumaṅgraha kadi minahā tinandur ahaləp,

⟨25⟩piṅgirnya kamarək-rəkən kayu pu gaṅgəṅ alalé alumut-lumut sumarasah.

⟨26⟩muṅgviṅ madhyanikaṅ uyambaṅ alaṅa manuk umibər apantha-panthan adalur,

⟨27⟩ləs luṅhānusup iṅ vé yahniṅ anucuk sulur amilihi bhoga tan hana vaneh,

⟨28⟩mvaṅ haṅsa jajar iṅ karaṅ tumurun adyus anəṅah asisik-sisik paḍa sukha,

⟨29⟩len tekaṅ manusup-nusup ri səkariṅ sara sija karəṅa svaranya tan avas. o.

⟨30⟩buddhi śrī naranātha denya masəkəl yan ton riyātyadbhuta,

⟨31⟩kāṅən deni varah mpu nārada yatāṅde duhkha tan pāntara,

⟨32⟩mādəg krodhanirāpa tanpa tahənan muntab dilahnyaṅ hati,

⟨33⟩ṅhiṅ saṅ rāma jugeki patyana maran maṇḍəg kutugniṅ rajah.

⟨JK: 33r⟩⟨1⟩nāhan hetunira ṅucap gəlisakən lampahku koṅ sārathi,

⟨2⟩ndah havya gigu riṅ avan juraṅ alas durgama yeka vələg,

⟨3⟩agyaṅ rampasa matyanaṅkva kétikaṅ mleccha ṅaran bhārgava,

⟨4⟩sambi teki huripnya ya prasakəneṅkv i tuṅtuṅiṅ sayaka.

⟨5⟩sampun teki ləpas narendra alivat riṅ deśa tan varṇanən,

⟨6⟩mvaṅ tiṅkah ira maṅhisép tan ucapən lvaniṅ təgal koratan,

⟨7⟩konjaṅ teki lurahnikaṅ ry anupa deśātyanta riṅ kādbhuta,

⟨8⟩rimpér parvata pavaka gupura deni dityan sumunviṅ laṅit.

⟨9⟩vr̥ttta śrī naranātha teki rumahun sampun karəṅvan ḍataṅ,

⟨10⟩mantri mvaṅ para taṇḍa rakryan ikanaṅ karya kəmit riṅ purī,

⟨11⟩yeka rampak énuṅsuṅ iṅ avan agə̄ṅ dədəṅ pəgat tut hənu,

⟨12⟩rəp yékan paḍa bhaktya luṅguh ararəm yapvan alintaṅ aji.

⟨13⟩ndah yékan alivat siro ləbuh agə̄ṅ sampun ḍataṅ riṅ purī,

⟨14⟩tvasniṅ strī ry anupa giraṅ raga-ragan maṅkén ḍatəṅ saṅ prabhu,

⟨15⟩apan ṅūni rikén laput pasamayanya-gya sinuksméṅ karas,

⟨16⟩maṅke rakva hiḍəpnya maṅratakəné hyuṅa lavan kéṅgatan.

⟨17⟩lavan saṅ prabhu māṅhulur sira kabeh samanta sampun téka,

⟨18⟩akveh bhavanira vara-varah i saṅ kalih nira=ṅras hati,

⟨19⟩maṅgəh rakva siran pasatya tinanyan yan tan salah riṅ varah,

⟨20⟩mavat cihnanireki konəṅ alavas gya-gya mareṅ pamréman. o.

⟨JK: 33v⟩⟨21⟩vvaṅ ri jro pura sakaraṇḍan atuha nvam arəja sira teki varananén,

⟨22⟩akveh kāri mamitra-mitran ika tan tumut aṅiriṅi jə̄ṅ nareśvarī,

⟨23⟩ndan yeka kinirim-kirimnira ri santuk ira téka sakeṅ paran-paran,

⟨24⟩tan samvas ya linava-lava kinéreki pahali-hali rékva liṅ nira.

⟨25⟩len tekaṅ kaka majar onəṅ i təvəknyan alasah alavas ndatan vulat,

⟨26⟩maṅke rakva ḍatəṅ taṅ anyaya silih pəkuli gulu makalihan huləs,

⟨27⟩mojar liṅnya tayāntuk-antuki kakanta rari pahalavan tikuṅ manah,

⟨28⟩heman masku kiteki tan tumut asəpy aku bibi taya rovaṅiṅ hulun.

⟨JK: 33v⟩⟨29⟩nahan denya amet prahasana ri rovaṅ ika vijah akəmbulan lulut,

⟨30⟩tan tuṅgal rva mateki solahan ikaṅ vvaṅ arəja-rəja tan ya varṇanən,

⟨31⟩ləs luṅheṅ rahina paganti vəṅi vahva pətəṅ iki pilih ḍavuh pisan,

⟨32⟩sə̄ṅniṅ candra mijil mava kalaṅan arja kadi harəp anuṅsu-nuṅsuṅa.

⟨33⟩ṅkāne morniṅ aśoka padapa narendra paḍa maliṅgih iṅ natar,

⟨34⟩sampun teki sirānaḍah sahananiṅ kaka-kaka manunas paḍa rarəm,

⟨35⟩mamba kasturi riṅ paturvan araras mamituturi kaśaktiniṅ smara,

⟨36⟩sə̄ṅniṅ rāga hane alis kuməḍal asriṅ anamayani muṅgah iṅ jinəm.

⟨37⟩maṅke muṅgah apə̄m ndatan hana vikalpa ruməgəp isiniṅ karasikan,

⟨JK: 34r⟩⟨1⟩tiṅkahniṅ smara tantra yeki ginəlarnira sari-sari tan kəneṅ vaneh,

⟨2⟩mudrāliṅgana cumbanādi saha japya kakavaśa mateki tan salah,

⟨3⟩nityābhyāsa samādhi saṅgama minuṣṭi ri taruṇa bhaṭāra manmatha.

⟨4⟩nda sampun kavaśeki yoganira tapva humiḍəp i katuṅgaliṅ hiḍəp,

⟨5⟩tan rvekaṅ rva mateki tan tiga maraṅ tiga sakaya sinimpən iṅ hati,

⟨6⟩mūrchāniṅ viṣayāṅrahasyani rahasyanira tuməmu sandhiniṅ smr̥ti,

⟨7⟩mokṣa rāga mamiṇḍa niṣkala ri sampuniṅ aṅavaki mūrtiniṅ smara. o.

⟨8⟩anantara ri sampuniṅ gati mateki sira tan ucapən paḍāturu,

⟨9⟩muvah sahana saṅ sumevaka ri raganira tiki gumanti varṇanən,

⟨10⟩huvus paḍa huvus sinūkṣma kinirimnira turida tiniṅgaliṅ lulut,

⟨11⟩yan iṅ masa silib-silib vvaṅ irika nr̥pati mahas adum karasikan.

⟨12⟩aneki gumuliṅ-guliṅ sira riṅ ambyanira kadi mahaṅlipur lulut,

⟨13⟩maṅa lumiyat iṅ vulan kalamukan baṅun aviraṅ i vimbaniṅ mukha,

⟨14⟩ndatan kahuniṅa lukar-lukar ikaṅ gəluṅ akusut anambvakən raras,

⟨15⟩ḍatəṅ nr̥pati maṅgyat asəmu pacəh sahaja sukha jinaṅgi-jaṅgitan.

⟨16⟩umuṅgah adulur-dulur sira mareṅ jinəm anəkani senakiṅ manah,

⟨17⟩anan sinəlaṅan priyambada rəṅih-rəṅihiran anukər pinaṅkvakən,

⟨18⟩suməṅ-səṅ avuyuṅ-vuyuṅ pinari kala mapari ala tan təke hati,

⟨19⟩nimittani vuvusnira kətər apiṇḍa riris alit anənvakən hiḍəp.

⟨JK: 34v⟩⟨20⟩kakaṅku vinaliṅku teki tulus asiha kita ri tuvuhku kasihan,

⟨21⟩ujarta kita ṅūni kési ri hatiṅku kadi madhu huvus vinəṅyakən,

⟨22⟩yateka mabalik laré-tvasi arinta sinalahasa denta tan tuhu,

⟨23⟩bətahta riṅ hiraṅ pujin prabhu vənaṅ luhika ri samyanta riṅ hulun.

⟨24⟩tuhanku mapa ṅojarāṅkva ri sahutva ri kita bibi tan anenaka,

⟨25⟩katuhvan iki māṅsa deśa mapa deniṅ aṅasa ri vuyuṅta riṅ hulun,

⟨26⟩yadin pva kita naku daṇḍa rari mon tilana təṅahi masku lampunən,

⟨27⟩tathāpi marək aku nityasa matuṅgva kidhépa i daganta tan saha.

⟨28⟩nahan vuvusnira ṅiris hati mapeka tan adhédhésa saṅ kinolakən,

⟨29⟩huvus katəmu muṣṭiniṅ tapih i madhyanira vas lukar tiniṇḍihan,

⟨30⟩chinidra kiniré-yva kamrén i manis-manisiṅ ujar améṅakən lulut,

⟨31⟩nimittaniki hənti sihnira tan olya pakaparani kiṅkiṅiṅ hati.

⟨JK: 34v⟩⟨32⟩taṅéh yan ucapén raras-raras ireki saharas i daləm pasaṅgaman,

⟨33⟩atīta rahina buṅah ri vijiliṅ ravikiraṇa sudīpta riṅ laṅit,

⟨34⟩paḍa hyas aradin-radin sahana saṅ vvaṅ i dalam apupul paḍa raras,

⟨35⟩maraməṅ-aməṅ iṅ taman mahas-ahas ri huvusira mamukti saṅgama.

⟨36⟩katuhvan ika vah kalaṅvan ikanaṅ racana ləyəp amiṇḍa riṅ tulis,

⟨37⟩mapaṇḍan akaraṅ liman ləṅəṅ apañcuran aranu bukurnya tut sisi,

⟨38⟩paranti pinaran-paran saṅ adulur-dulur araras arumpukan gaḍuṅ,

⟨JK: 39r⟩⟨1⟩ya kāraṇanireñjaṅ-eñjaṅ alaṅa hənəṅakəna narendra varṇanən. o.

⟨2⟩ambək śrī naranātha mepu apəga maṅaṅən-aṅən i dagdhaniṅ hati,

⟨3⟩ndan saṅ rāma jugeki tan hana vaneh kinira-kira pakesiniṅ hiḍəp,

⟨4⟩nāhan hetunirāharəp mijil ahə̄makəna sahana saṅ vatək ratu,

⟨5⟩mvaṅ mantrī para taṇḍa yudha marək apupula ya sakatambayeñjiṅa.

⟨6⟩sampuh rakva ghinoṣitan sahananiṅ bala marəka kabeh manaṅkila,

⟨8⟩śobha listiṅ i madhyaniṅ vataṅan énjah arəja tinulis bhinūṣaṇan,

⟨9⟩mvaṅ luṅsir kanaka dravāraṅ i hiriṅnya kumuliliṅ arambatan tətə̄.

⟨10⟩gambar mas vuvuṅanya kumram akuvuṅ-kavuṅ asəmu sinaṅliṅiṅ ravi,

⟨11⟩abhrāṅəṇḍəp atiṇḍu-tiṇḍu palisirnya maparada suvarṇa komala,

⟨12⟩malyābaṅ pinakopaśobha midəriṅ tarətəpan arəcəp rinūpaka,

⟨13⟩ṅkāne duryani kontal-ontal ika camara minirah atuṅgalan padu.

⟨14⟩ndah sampun sumənəha taṅ śayana kr̥ṣṇa guməlar i harəp mapadapa,

⟨15⟩mvaṅ ratna sina siṅha rūpa sapatarana valunika ratna kambala,

⟨JK: 35v⟩⟨16⟩rva taṅ catra haneṅ harəpnya suməkar maṅadəg-adəg adaṇḍa mas tatur,

⟨17⟩kīrṇa kəmbaṅ ura sugandha ri natarnya təlas iki siniṅsətiṅ jənu.

⟨18⟩sampun prāpta para prabhūttama manaṅkil apapul araran paḍa haləp,

⟨19⟩mvaṅ mantrī karuhun purohita vidagdha sira pinakamaṅgaleṅ sabhā,

⟨20⟩sakvehniṅ paməgət ri kirva niti paṅhulu nipuṇa ri tiṅkahiṅ naya,

⟨21⟩kapva liṅgih atiṅkah akrama paḍa ṅiṅət-iṅət i sinādhya saṅ prabhu.

⟨22⟩munya saṅka mr̥ḍaṅga munda ri vijil nr̥pati sira huvus mabhūṣaṇa,

⟨23⟩somya dandan aliṅgih iṅ kanakasiṅha maṇimaya suteja bhāsvara,

⟨24⟩śīghra pan tumuluy purohita maśānti təhər aṅabhivāda śāsvata,

⟨25⟩len mantrī paḍa bhakty anəmbah i narendra matiki karuhun para prabhu.

⟨26⟩tan sah saṅ kavi rāga hetuka mamaṅku pasərəhan aliṅgih iṅ batur,

⟨27⟩mvaṅ sakvehnya anaṅ vahin larasa teki ana marək amaṅku taṅkulak,

⟨28⟩rəp ndatan ana śabda matra karəṅa ri harəp i vuri tan hanāṅucap,

⟨29⟩mojar śrī naranātha riṅ bala samūha sama-sama manaṅkil iṅ sabhā. o.

⟨30⟩he sakvehniṅ para prabhūttama sama ṅgéṅ sevaka riṅ hulun,

⟨31⟩mvaṅ mantrī pata bāhudaṇḍa pinatih riṅ rājaśāstrādhika,

⟨32⟩saṅ hyaṅ pinakādiniṅ kuśala riṅ dharmāpagəhniṅ naya,

⟨33⟩yatnāyatna rahadya saṅhulun atakya rəṅvajarniṅ hulun.

⟨JK: 36r⟩⟨1⟩sampun vruh ṅvaṅ ikeki bhaktini bapāṅkun tonku yan riṅ jagat,

⟨4⟩sāsiṅ śatru huvus viśīrṇa paḍa bhakti ṅke ri jə̄ṅniṅ hulun,

⟨5⟩ndātan len kita hasta pāda kəta saraṅrakṣake tan vaneh,

⟨6⟩śaktinteki ya kāraṇanya mapagəh riṅ vvaṅ sinaṅgah prabhu.

⟨7⟩maṅke pvan hana bhāra donku laki havyaṅde ragətniṅ hati,

⟨8⟩mvaṅ tan duryaśa səṅgahə̄n mimul-imul ry asihta deniṅ vuvus,

⟨9⟩vruh ṅvaṅ yan riṅ apeki névéha kitery āptiṅku tan laṅghyana,

⟨10⟩yadyan teki huripta kahyuna huvus saṅka ry asihteṅ hulun.

⟨11⟩prastāvanya nihan haneki kasusuk ri tvasku maṅde səkəl,

⟨12⟩nojar saṅ r̥ṣi nāradāvara-varah ṅunin ḍataṅ riṅ purī,

⟨13⟩vantən paṇḍita śakti saṅ paraśurāma khyāti siṅ rat kabeh,

⟨14⟩donyābhyāsa dhanurdhara mapasa vīryāṅkvi jagat kottama.

⟨15⟩saṅkṣepanya vuvusku yeka amukən donən təkap saṅhulun,

⟨16⟩denyan matya riṅ āśramanya rəvəkén hayvenapés hop gəlis,

⟨17⟩tovin saṅ katuduh marāṅjəjəpa tiṅkahnyeki samun ḍatəṅ,

⟨18⟩nda yeka sakatambeyeñjiṅ irikan kun lampah opadgata.

⟨19⟩maṅke pveki viveka yekana dələ̄nta siṅ samāṅyogyana,

⟨20⟩prih-prih denta pakojariṅ kira-kira pəh-pəh vijilniṅ hati,

⟨21⟩mvaṅ sastreki gamana vadhi ginəlar petən pagantākəna,

⟨22⟩siṅ solihta maṅadvakən vinaya yeka dlāha yata dələ̄n. o.

⟨JK: 36v⟩⟨23⟩nāhan liṅ śrī narendran mujar i sahananiṅ vīra yodha prihiṅ praṅ,

⟨24⟩rəp kapvānəmbah iṅ śrī narapati tumaḍah ry ājña saṅ nātha tan len,

⟨25⟩sampun śīghra paliṅgih krama dadi sumahur saṅ mahāyodha mantrī,

⟨26⟩khyātiṅ rat saṅ makon iṅ kira-kira mapatih vīrasiṅheṅgitajña.

⟨27⟩sojar śrī nātha sampun hana ri hati minuṣṭy ājña saṅ śrī narendra,

⟨28⟩ndātan saṅke manah vr̥ddhi karaṇanikaturniṅ apiṅgiṅ təkasvi,

⟨29⟩tiṅkahniṅ sevake pan rasa-rasana hatur pva ṅhulun mo pituhvan,

⟨30⟩jati muparpasa svaṅ katugətakəna sojarnya ta hop karəṅva.

⟨31⟩ndah sampun ṅvaṅ ruməṅva ya bhimatanika saṅ pakṣa donən tékana,

⟨32⟩tan saṅke vīrya tan saṅka riṅ aharəp hinak madéhaṅ rājamānya,

⟨33⟩yan vantən mana duṣṭa ṅapak aṅapa karih dhyāna lavan samādhi,

⟨34⟩ndah yakan śaktiniṅ laṅkap himadu pinéniṅ paṅhilaṅ vāhya śatru.

⟨35⟩maṅke donən mapāṅdon aṅusirən aharəp kīrti tan dady avr̥ddhi,

⟨36⟩apan kadéh təkapniṅ maṅavata ya səḍəṅ saṅ maṅelala dharma,

⟨37⟩saṅkṣepanyeki rakṣan aji kuməmita saṅ sādhu tan lamba-lamba,

⟨38⟩sama mvaṅ dhana yar vehākəna maləsa riṅ jana su-ddharpa śakti.

⟨39⟩yadyastun śuddha karya mənaṅa mara ajəṅ yuddha yāṅde prapañca,

⟨40⟩āpan byaktekanaṅ ya tumuvuh aseva riṅ vəltikiṅ mana karma,

⟨JK: 37r⟩⟨1⟩lavan yan sora maṅkin rahayu makaphalaṅ vadhaniṅ rat kapaṅgih,

⟨2⟩rug taṅ dharma pagəh kadi hiṅaraman i vadniṅ kaduryaśa magə̄ṅ.

⟨JK: 37r⟩⟨3⟩nāhan doniṅ mahém buddhi milihana kaṅ opaya yagya petən,

⟨4⟩yapvan sampun taya doṣa yatika hamésan lakva saṅ niti manta,

⟨5⟩ndah yan tapvan tayāṅdon maya tika vulikén met-metən tan tahən tvas,

⟨6⟩hayvenaṅgəh vavan adah rasana ya ləvədən havya tan yatna-yatna. o.

⟨7⟩nda kantənanya aji havya bharaṅ lumampah,

⟨8⟩yapvan turuṅ katəmu sendikaniṅ ginoṣṭhi,

⟨9⟩tan vruh yatevəh ana tevəh ikan kinārya,

⟨10⟩prajñā ṅaraṅyaṅ avikeka təbəṅ lumakva.

⟨11⟩maṅke pva yuddha gəlarən aji havyva mana,

⟨12⟩tuṅtuṅniṅ evəh ati tiṅgitaniṅ nayeka,

⟨13⟩ton tiṅkahiṅ musuh apet iṅ upāya sandhi,

⟨14⟩kośanya vāhana balanya déla təkapta.

⟨15⟩sampunya maṅkana ataṇḍiṅ akasniṅ ambək,

⟨16⟩yan sor titihnya ciri vədya kunəṅ kuraṅ tvas,

⟨17⟩kośanya tan hana balanya kuraṅ viveka,

⟨18⟩sép glis rəvək təkani havya vineh adhana.

⟨19⟩ndan yan paḍeki hana śakti hanan vivaka,

⟨20⟩taṇḍiṅ masalyan apa tan hana soriṅ ambək,

⟨21⟩kālanya deśanika hér juga havya magya,

⟨22⟩prih taṅ upāya karananya maran virodha.

⟨23⟩sampun pvaya-mbala virodha kəneṅ upāya,

⟨24⟩durbala paṅrəṅə̄-rəṅə̄n ika vākparuṣya,

⟨25⟩siṅ śakti yeka hiniḍəpnya sadhara mojar,

⟨26⟩dr̥ṣṭa vasananika mati hələm təkapta.

⟨27⟩yapvan musuh ləvih anəki balanya makveh,

⟨28⟩kośanya sāgara paḍanya hanan atamba,

⟨29⟩hayva rəsəh gumaveya kuṭa durga mevəh,

⟨30⟩mvaṅ paṇḍitāśraya sira bvat haneṅ svakārya.

⟨31⟩sāsiṅ prayoga gaveyən ya saendikanya,

⟨32⟩vidveṣa lan taṅ abhicāruka japya siddhi,

⟨33⟩sampun pva yeka kavaśe ta samaṅka donən,

⟨34⟩dravyanya sadhana ajin malape huripnya.

⟨35⟩saṅsipta yan musuh ateki hanaṅ viveka,

⟨36⟩maṅke pva rāma juga saṅ rəvəkən təkana,

⟨37⟩antyanta sādhu tuvi paṇḍita mr̥ddhu rūpa,

⟨38⟩tan vruh paṭik haji ri deyaniṅ aṅlagana.

⟨39⟩nojarniraṅ mapatih akṣama yar pataṅguh,

⟨40⟩vetniṅ kabhaktin ati satya viśeṣa mantrī,

⟨41⟩ḍaṅ hyaṅ purohita sirojar aṅakṣama rum,

⟨42⟩yogyan rase haturi saṅ mapatih sumantrī.

⟨43⟩ndah yan viveka haji riṅ guṇadoṣa petən,

⟨44⟩kyopadeya pilihən kakaniścayanya,

⟨45⟩mvaṅ sādhananya tan abhasa lava alanya,

⟨JK: 37v⟩⟨46⟩yan vruh narendra juga siṅ gaveyənta siddha.

⟨47⟩mevəh kətaṅ vruha i doṣanike harəpnya,

⟨48⟩mevəh kətaṅ vvaṅ ahiḍəp vinarah sayogya

⟨49⟩mevəh kətaṅ vvaṅ avarah-varah eṅ sudharma,

⟨50⟩mevəh jugaṅ vruha ri miniṅas iry avaknya.

⟨JK: 38r⟩⟨1⟩hetunya maṅkana anakiṅ acintya sūkṣma,

⟨2⟩kāmādi nityasa hane hati lot matuṅgu,

⟨3⟩yeka miruddha magave pətəṅiṅ svacitta,

⟨4⟩manna bhimana ginavenya lavan katr̥ṣṇān.

⟨5⟩ṣaḍvarga sampun apagah kavaśeka denya,

⟨6⟩śuddhaṅ manah taya tamomaya māri śoka,

⟨7⟩prajñā kasāttvikan ateki ya śānta buddhi,

⟨8⟩ṅkan vruh taye hala lavan hayu vr̥ddhi jāti.

⟨9⟩maṅka hiḍəpku lahi tiṅkaha saṅ narendra,

⟨10⟩prih-prih mateki bala yatna kitan lumakva,

⟨11⟩mvaṅ duryaśeki lagi siṅgahananta riṅ rat,

⟨12⟩si dveki vada təmahanya hinambah-ambah.

⟨13⟩āpan hurip kṣaṇika teki ananya tar hop,

⟨14⟩nindāstutinya juga nitya ananya riṅ rat,

⟨15⟩saṅsipta dharma juga mukhya phalanya makveh,

⟨16⟩saṅkeṅ adharma ginave magave kanindan.

⟨17⟩yar bvat kṣinatriya ṅaranya sudhīra buddhi,

⟨18⟩suma dhireka kavanin juga paṅhadanya,

⟨19⟩ndi tan lamun-lamun ateki mataṅnya siddha,

⟨20⟩yan sadhananira mateki rumakṣa sādhu.

⟨21⟩maṅke pva kahyuni bapāṅku vəkasniṅ evəh,

⟨22⟩yan dona saṅ paraśurāma təkap narendra,

⟨23⟩byaktaṅ jagat maṅapavada hilaṅ yasanta,

⟨24⟩pan tan sadoṣanira kevala paṇḍitātma.

⟨25⟩lāvan muvah riṅ apa yan kavaśeka donən,

⟨26⟩āpan vidagdha tuvi paṇḍita viṣṇumūrti,

⟨27⟩śiṣya hyaṅ īśvara dhanurdharaśāstra vijhya,

⟨28⟩laṅkap yateki paṅanugraha divya śakti.

⟨29⟩mvaṅ donireki hana riṅ bhuvanāndha tan len,

⟨30⟩lumrakənaṅ aji dhanurdhara liṅ bhaṭāra,

⟨JK: 38v⟩⟨31⟩mvaṅ kṣatriyeki ya maṅajya varāstra divya,

⟨32⟩papvan rumakṣa ri sasr̥ṣṭi bhaṭāra riṅ rat.

⟨33⟩saṅsipta teki vususiṅ hulun ar pataṅguh,

⟨34⟩ndi tan salah rasa-rasanya təkapniṅ ojar,

⟨35⟩don brāhmaṇa nr̥pati ya marəkeki tan len,

⟨36⟩jāti varah-varaha riṅ kita yogya petən.

⟨JK: 38v⟩⟨37⟩nojar dvijāti saha santi saopapati,

⟨38⟩ndan śrī narendra juga mogha téka bhimana,

⟨39⟩mojar sira sru maṅusap ləṅən arddha kémpén,

⟨40⟩ambək sudhīra sumaput vijiliṅ kasiṅhan.

⟨41⟩é vruh ṅhulun bapa ri doni vuvusta yukti,

⟨42⟩ndan dara ta ṅhulun anutakəne harəpta,

⟨43⟩menak juga pəjaha riṅ raṇamadhya mamrih,

⟨44⟩yan kṣatriya-ksa supadhin kapaḍana vīrya.

⟨45⟩yan viṣṇumūrti kétika maṅaran si rāma,

⟨46⟩ndātan mavədy aku rikana mapatra yuddha,

⟨47⟩mon matya mon pəjahaneriya siṅ katəmva,

⟨48⟩svargāku matya magulaṅ-gulaṅ eṅ raṇāṅga.

⟨49⟩saṅsipta teki laris aku hələm riṅ eñjiṅ,

⟨50⟩prih taṅ gajāśvaratha daṇḍani havya mokér,

⟨51⟩siṅ bhakti tayéki tumuté-rya-ku vīra yodha,

⟨52⟩yan tan ana-ku juga maṅkata śīghra-śīghra.

⟨53⟩he he para prabhu mapeku manahta maṅko,

⟨54⟩yar bhakti pajarana bhakti sapolahanta,

⟨55⟩ndah lah pilih-piliha satya kunəṅ hinur-ta,

⟨56⟩mén hapti matya masiluṅluṅa pādukāṅku. o.

⟨57⟩na vuvusiraṅ narendra sumahur magadhendra rəsəp,

⟨58⟩prabhu riṅ apeki rakva vihaṅe paṅutus nr̥pati,

⟨JK: 39r⟩⟨1⟩sakaharəpanta yadyapi huripku ya tan təṅətan,

⟨2⟩pakənanikiṅ masevaka suməmbah i pādukadi.

⟨3⟩iki mara bhāra donani paṭik haji de nr̥pati,

⟨4⟩si maṅiriṅe narendra mayase praṅa toha hurip,

⟨5⟩vnaṅ apa ṅaranya tan maharəpeṅ daśa vīrya ləvih,

⟨6⟩tinuduhakən ananya musireṅ hyaṅ ananta śiva.

⟨7⟩athava yadin mareṅ niraya loka ya tar vihaṅa,

⟨8⟩itipan ikiṅ kavah rumuhune sukhaduhkha haji,

⟨9⟩niyata paṭik narendra musireṅ hariloka hələm,

⟨10⟩yan agaməlan kabhaktin atisatya ri ājña haji.

⟨11⟩nr̥pati ri aṅga rājya sira mārdava yar umatur,

⟨12⟩riṅ apa paṭik haji vənaṅ alaṅghyana tan tumuta,

⟨13⟩tuhun iki hīna śakti masa tambəha tapya guṇa,

⟨14⟩sada ta jugāṅrivəg-rivəgane suku saṅ nr̥pati.

⟨15⟩niyama tivas matékya pan apiṅgiṅ apəs riṅ ulah,

⟨16⟩aji juga hantusa muruk atiṅkahaniṅ malaga,

⟨17⟩mapakəna paṅhavin-havina cāpa təkap nr̥pati,

⟨18⟩pravala girahyasén mihata riṅ ripu vahu ḍatəṅ.

⟨JK: 39r⟩⟨19⟩narapati siṅhalojar aganas kadi siṅha murub,

⟨20⟩aji rasaneki səmbahi paṭik haji mon pituhun,

⟨21⟩sahana para prabhūttama kabeh yata donakəna,

⟨22⟩narapati kārya riṅ nagara hayva vavaṅ lumurug.

⟨23⟩kapan iki yan katona mara bhaktinikeri haji,

⟨24⟩si madadahéṅ huripnya sarabhārakəneṅ palagan,

⟨25⟩yadi hana laṅghyane nr̥pati yeki musuhta hələm,

⟨JK: 39v⟩⟨26⟩papasakəneṅ təvəkta sigidhirya huripnya huvus. o.

⟨27⟩mojar śry avantinātha ṅgréguta bapa kunəṅ buddhi saṅ śrī narendra,

⟨28⟩an saṅ rameku donən paja kétaṅ aṅucap yan huvus dhīra riṅ praṅ,

⟨29⟩ton-ton de saṅhulun mapraṅa hələm i harəp śrī mahābhūminātha,

⟨30⟩téh ndyanuṅ taṅ kavədya gada-gadana kunaṅ mon silih daṇḍa-daṇḍan.

⟨31⟩apan tahv ika saṅ bhūpati miyati paṭik nātha riṅ yuddha ṅuni,

⟨32⟩tapvan kondur təkapniṅ ripukula rinəbut riṅ musuh bhīṣaṇākveh,

⟨33⟩madya-dyas thana lagyesuh-isuh i luṅidiṅ kandha kéntaṅ pulaṅ rah,

⟨34⟩dhvastekaṅ cāpa cakra kr̥tala ya pinusus kasya himpərnya cūrṇa.

⟨35⟩maṅke pvan jamadhagni vinuvus ika kaśaktinya tasyaṅ kavədya,

⟨36⟩yadyan gandharva vidyādhara mapuliha ya ṅké ri saṅ rama tosén,

⟨37⟩vilniṅ vil yakṣaniṅ yakṣa tan ika katakutniṅ hulun dadyavr̥ddhi,

⟨38⟩aṅhiṅ dharma pagəh mon pəjaha kadi rajan cūrṇaniṅ bhindhi vala.

⟨39⟩dhīrāmbək śrī kaliṅgādhipa dadi sumahur yukti liṅ śrī narendra,

⟨40⟩toh ndya-nuṅ teki maṅgəh ṅhulun iki sapasaṅ saṅhulun hayva mundur,

⟨41⟩kralniṅ dhīra napan mārga maṅusira yaśa ṅir-akén dharmakārya,

⟨42⟩ndan saṅ śrī nātha muṅgvi vuri umabéta sarathya riṅ dharmayuddha.

⟨43⟩taṅhéh ki kāryasiddheki yaṅ inucap-ucap tan kavastvan vəkasnya,

⟨44⟩yadyan siṅ kārya mevəh ləkasana ta huvus hayva maṅgén vikalpa,

⟨45⟩kevəhniṅ dharma mevəh juga luməkasa ta bvat vuvus tan viveka,

⟨46⟩apan doniṅ hurip meman iki kava təkeṅ kr̥ṣṇa makveh tinolih.

⟨47⟩lavan sakveh vatək bhayakula madhakép kapva magyanékana,

⟨48⟩matus taṅ raja samanta paḍa vija-jivah ténya tuṅgal ginoṣṭhi,

⟨49⟩maṅke kupvan dadak védhya paran ika kavédhyāṅkva liṅnyeṅ sabha ṅras,

⟨50⟩ṅuni yuddheki tapvan ana manaha-naha naṅsayé śatruśakti.

⟨JK: 40r⟩⟨1⟩yeko śatrunta vanya mapagakəna pamuk taṅ mahāyuddhamadhya,

⟨2⟩apan tuṅgal yaniṅ śakti sama-sama yadin mr̥tyu matvaṅ tumuṅkul,

⟨3⟩yadyan brahmādi tar vanya ya lumiyat apan deni géṅniṅ prabhāva,

⟨4⟩vīryanteka haləpniṅ raṇa bhavana sumusvi jagat sūryaniṅ rat.

⟨5⟩ṅuni ta ravana-lah taya maṅadu ri géṅniṅ kaśaktin prabhita,

⟨6⟩marmanya aruk anəmbah ri aji makapanuṅkulnya rajyanya ləṅka,

⟨7⟩raṅkaṅ mas mulya saṅke hyaṅ amarapati ṅunin səḍəṅ digjayeṅ praṅ,

⟨8⟩strīratnādinya len taṅ rajata kanaka vastrārja pavatnya mulya.

⟨JK: 40r⟩⟨9⟩harṣāmbək śry arjunāṅrəṅvakən i pamuji saṅ rāja samanta mahya,

⟨10⟩hetunya bajra muṅgviṅ muka kadi sinaṅa hrét kutuṅiṅ kadhīran,

⟨11⟩himpər siṅhāṅréṅa géntér avurahan avu kapva tan vriṅ manahnya,

⟨12⟩mojar saṅ hyaṅ kas-aṅkas nr̥pati ménéb-énéb dagdhaniṅ tvas tumaṅgəh.

⟨JK: 40v⟩⟨13⟩ayéy sakvehta vīrottama hana kariké śatru tan bhraṣṭa denta,

⟨14⟩sakvehniṅ rājadhāni ndi kari taya duruṅ dagdha tapvan maṅuṅkél,

⟨15⟩kīrtinté-kya pagəh riṅ tribhuvana vəki sék deni géṅniṅ kaśaktin,

⟨16⟩tuṅgal tapvan kavastvan pati juga ta vəkas misyanaṅ kṣatriyāṅśa. o.

⟨17⟩nojar śrī naranātha teki sumahur ta rakryan apatih,

⟨18⟩bisniṅ lah səkəliṅ tvas arddha pinégéṅnira srét i gulu,

⟨19⟩mojar mandra pəgat-pəgat vuvus ira taréh tan asarag,

⟨20⟩bhakttya mrih-mrih anémba-nəmbah umusap ri jéṅ(nua) narapati.

⟨21⟩é nathāṅka aihan rəṅən hatar ikiṅ kapapa kalusa,

⟨22⟩tan saṅkeṅ avalépa dénani paṭik narsandra umatur,

⟨23⟩géṅ trésna ati sihniṅ aprabhu ya hetuni ṅvaṅ amuvus,

⟨24⟩yadyan siṅ sarasanya de nr̥pati mon mareṅ salah ika.

⟨25⟩tiṅkah sevaka tar vənaṅ palé-paléh rumakṣa ri aji,

⟨26⟩apan papa jugeki rakva numulat yadin uménéṅa,

⟨27⟩nda yan tan amatur hita-rtha i siraṅ sinévaka nira,

⟨28⟩bhaktyaṅ duryaśaniṅ jagat ṅani-ṅunin kadi ṅhulun iké.

⟨29⟩nahan don mami sarjaseki amatur tatan dva ri aji,

⟨30⟩msaṅ mantri kaya parnahiṅ hulun apeki tar paṅucapa,

⟨31⟩marmāṅkva mrih ataṅgé-éṅgéh i harəpta tan pati tumut,

⟨JK: 41r⟩⟨1⟩apan byakta mateki yar kita mamaṅguhaṅ lara hələm.

⟨2⟩maṅke pvan savuyuṅ narendra taḍahan paṭik narapati,

⟨3⟩yadyastun pajaheki paṅraha təvək saréndra karika,

⟨4⟩mvaṅ téṅgék mami tiṅhasénta ya manarjanéṅ ripu kala,

⟨5⟩tan satyeki ṅaran paṭik aji humintareki sakilan.

⟨6⟩lavan yan tinsheki tan tumut asiṅ saduhkha nr̥pati,

⟨7⟩yāṅde salya ané tvas atiki jémah narendra mulata,

⟨8⟩yan tan matya riko-harəpta masiluṅ-luṅa pada aji,

⟨9⟩yapvan yaddha hələm syapeki mulaté daləm pabharatan.

⟨10⟩dira-mboknira sojar asru tvi tan aneki tinaha,

⟨11⟩luṅhaṅ buddhi kasatvika sumaputaṅ kasiṅhan i sira,

⟨12⟩édran tiṅhal iréṅ sabha sahana saṅ tiniṅhalan arés,

⟨13⟩apan tan hana vanya maṅpaṅa mulat juga-muka nira.

⟨14⟩nojar saṅ mapatih ndatan ana mumik para prabhu kabeh,

⟨15⟩bhyam sakveh para taṇḍa yodha ṅuniveh balapratihata,

⟨16⟩deniṅ buddhi kasādhun atvaṅ apagəh kasatyan i sira,

⟨17⟩tovin tanpa paruṅvaniṅ naya sabha sudhīra nipuṇa. o.

⟨JK: 41r⟩⟨17⟩sampun mayu ṅalapkəneki tadanantara mari maṅucap nayodhara,

⟨18⟩śīghra prāpta tikaṅ taḍah paḍahi maṅdulur i vuri yathākrama haləp,

⟨19⟩sakveh-kveh para taṇḍa riki maṅiriṅ saha vəḑihan anambah iṅ sabhā,

⟨20⟩ramya sraṅ saṅ aniṅkāṅiṅkah itisiṅ sapaṅaləpaṅ iniṣṭiniṅ hati.

⟨JK: 41v⟩⟨21⟩nda yeka ri huvus narendra manaḍah sahana-hananikaṅ rasādhika,

⟨22⟩sakvehniṅ carikan yateka ḍinavuh-ḍavuhakən i siraṅ para prabhu,

⟨23⟩mvaṅ mantri para taṇḍa tan hana kuraṅ paḍa vəki-vəki sə̄k təke vuri,

⟨24⟩norāṅsalnya huvus tikaṅ akuda sārathi paḍa ya makambulan cacar.

⟨25⟩atyadbhūta haləpnikaṅ taḍah aneka surasa hana māṅsa matayaka,

⟨26⟩saṅkəp sahaneṅ pasir vukir ateki paḍa hana bhinuktya véh sukha,

⟨27⟩vah milya tvak avarṇa sāgara səḍəṅ pasaṅ atiki sakeṅ daləm purī,

⟨28⟩somya liṅgih acum tikaṅ vvaṅ alarih-larih ajajar atuṅgalan sajəṅ.

⟨29⟩sakveh saṅ anunas paḍa sraṅ aṅinum sahana saṅ larih paḍa larih,

⟨30⟩brəm tampvānadu lobha riṅ rasa-rasanya ya rinasa-rasanya patya ya,

⟨31⟩tambul-tambul akendah-endah adulur-dulur ahulur alivran aṅhaləp,

⟨32⟩makraṅ makrama maṅhañaṅ-hañaṅ aminta hara mataritip lavan tirəm.

⟨33⟩varsih saṅ maṅinum kabeh paḍa huvus varəg atiki samaṅhañut cacar,

⟨34⟩prāpta candana cūrṇa kapura dinum-dumakən iki huvus kinasturi,

⟨35⟩sumrak gandhanika haneṅ jaja haneṅ muka saha səkar arja riṅ kapa,

⟨36⟩kapva gīta hana nr̥teki vinidhi nr̥pati vijah adumpi-dumpilan.

⟨37⟩ndah yeka paḍa garjjiteki para yodha maṅucap asélur sadha cakép,

⟨38⟩agyāṅrampak smatyanaṅ ripa kula-ki vuvus ika manambyayaṅ hurip,

⟨JK: 42r⟩⟨1⟩krodhāmbəknya ana ṅrégut micépi lambé yika kadi véra-véra dava,

⟨2⟩aṅga kara musus tananya saha bhavaka kadi ana maṅgaməl curik. o.

⟨3⟩huvus maluvaran katéki saṅ ahém sahana-anani taṇḍa rakryan umulih,

⟨4⟩narendra tumuluy mareṅ paṅuṅaṅan prasana-sama para prabhūttama marək,

⟨5⟩kathañcana gubar ḍinəṇḍa saha goṅnya kumətug aparəṅvan iṅ kṣititala,

⟨6⟩ratag sahananiṅ balādhika sudhīra mijila ya maśabda réṅ ləbuh agə̄ṅ.

⟨7⟩ḍataṅ sahananiṅ pravīra saha bhūṣaṇanika pinasaṅnya kumram asinaṅ,

⟨8⟩piraṅ ivu pireki lakṣaṇika tar kavənaṅ iki tiṅhalan vinulatan,

⟨9⟩tumandaṅ i harəp narendra paḍa pantəs arəja tuhu vīrasiṅha nipuṇa,

⟨10⟩vidagdha ṅakarah masiṅhəl akalan paḍa lituhayu anvam uttamakula.

⟨11⟩praya nr̥pati saṅ tumandaṅ araṅin saha karah i jajarja vīrataruṇa,

⟨12⟩vatək madanarūpa saṅ van aṅiriṅ mapati-patihan ujvala vinulatan,

⟨13⟩ravisni palaganya kumram iki camara putih hinaṅit rinūpaka tinap,

⟨14⟩curiknya kadi mr̥tyu danta lumarap maṅayam-ayam i jīvaniṅ ripukula.

⟨15⟩haneki madulur tumandaṅ asinaṅ kadi kusuma sumamburat vija-vijah,

⟨16⟩vaṅ uttama pakəmba-kəmbaṅan ateki makarah asusun vidagdha riṅ ayun,

⟨17⟩ulihnya paḍa vīra riṅ raṇa sabhūṣaṇanika paḍa lurva pitana kuniṅ,

⟨18⟩titir kalilipiṅ musuh praṅ ika tan hana maṅucap amundur eṅ pabharatan.

⟨JK: 42v⟩⟨19⟩anugraha narendra teki tumurun bala sahananika pravīra pinilih,

⟨20⟩inundaṅ i harəp manəmbah umarək nr̥pati paḍa bhaktya liṅgih ararəm,

⟨21⟩masiṅhəl akitir-kitir hana karah kaluṅ arəja sabhūṣaṇanya rinasuk,

⟨22⟩samāpta paḍa mamvit arpat asikəp vataṅ apagaga len maṅuṇḍa suligi. o.

⟨23⟩avicaritan laluṅ masa narendra vāhu tumurun sakeṅ paṅuṅaṅan,

⟨24⟩sahananikaṅ makañjar umulih kasovaṅaniran huvus maluvaran,

⟨25⟩narapati mañjiṅ iṅ pura sire daləm ri kahanan narendra mahiṣī,

⟨26⟩vahu sumurup hyaṅ arka tumibaṅ ḍavuh valu təkaṅ śaśāṅka sumilih.

⟨27⟩jalada haneṅ laṅit kadi sinaṅliṅ iṅ śaśadhara sinaṅ makalaṅan,

⟨28⟩vahu suməkar haneṅ talaga kəmbaṅiṅ kumuda gandha mari kumudu,

⟨29⟩rumarab ikaṅ rərəb-rərəb umampva amvas aniram kucup kagərəhan,

⟨30⟩paḍa matihaṅ mayat məkar akəmbaṅiṅ mənur hinimbu muṅgvi gəluṅan.

⟨31⟩nr̥pati haneṅ natar sira maliṅgih iṅ śayana sampun ahyas adulur,

⟨32⟩sahananikaṅ karaṇḍan ahaləp lavan kaka-kakarja sampun arəpat,

⟨33⟩irika narendra manvit avarah sire saṅ araras ri yaṅkatanira,

⟨34⟩vacananirāṅharis-haris asuṅ səpah ri vaja cumbu tan hinuniṅa. o.

⟨35⟩ibu pamvitani ṅvaṅ i kita bibi maṅkata tāku tuhan,

⟨36⟩sakatambayeñjiṅ irika larisaṅkv iki maṅluruga,

⟨37⟩kalavan bala saṅghya maṅiriṅa huvus kinudur-kuduran,

⟨38⟩para taṇḍa para prabhu panəpi kabeh paḍa vāhu ḍatəṅ.

⟨35⟩hana teki si rāma ṅaran ika musuhku yathā amukən,

⟨JK: 43r⟩⟨1⟩rarahən patapanya pəjahana ri madhyanikaṅ palagan,

⟨2⟩yadiyan hariloka parananiki muṅsira pāda hari,

⟨3⟩valaténkv i tikan vitakəna ri bhaṭāra huripnya huvus.

⟨4⟩pavəkas-vəkasaṅkva ri kita bibi karya ta riṅ nagari,

⟨5⟩kəkəsənta ajəṅ kakahatakəna teki rarasta tuhan,

⟨6⟩sakalaṅvaniṅ adri pasisi tuduhənkv iki karya muvah,

⟨7⟩pakənanya rumakṣa lumipa-lipura-ki manahta nakuṅ.

⟨8⟩panikəl-nikəliṅ ryak apata-patahan mələs arja siṅi,

⟨9⟩mamaharja gəluṅta makusut hinure katitih-titihan,

⟨10⟩səminiṅ kayu teja makiris akila kariris-ririsan,

⟨11⟩sari-sarya tika mitaturana laṭinta yadin kasaraṅ.

⟨12⟩jaladhāraṅ añavəli vijili kukusiṅ bañu kumram alit,

⟨13⟩kadi kenta lukar suruhananika masku ya tan huniṅa,

⟨14⟩pupusiṅ liraṅ arja pumati aṅisis vahu-vahu məkar,

⟨15⟩ya matuṅgva təṅahta nahayaṅ aṅelih pinépét-pəpətan.

⟨16⟩katəriṅ patər aṅusa suhunan aṅanti ririsnya sumar,

⟨17⟩ləṅəṅ aṅarih arya mupih-upiha teki rəṅihta nakuṅ,

⟨18⟩panəḍəṅni səkarniṅ asana karuhun kagərəh-gərəhan,

⟨19⟩mapavana suyaṅta pakənanika matya sinəmpal alum.

⟨JK: 43v⟩⟨20⟩na vuvus naranātha maméṅé-méṅén ojar asuṅ turida,

⟨21⟩gərəhiṅ katiga raras asəmu riris pinakāmbəkira,

⟨22⟩riṅ apeki ya tan rəṅə-rəṅən asəmu lata vəlas harəp,

⟨23⟩niyatanya aluṅ asəmi turida rāga masarya lulut. o .

⟨24⟩kaka haji vihikan ṅvaṅ ry ambəkta larisa hələm,

⟨25⟩kunəṅ amuhara kiṅ-kiṅ riṅ tvasku mətu-mətu luh,

⟨26⟩sipi ali-alini-ṅvaṅ yan rakryan laris anuku,

⟨27⟩hana kavədi mataṅyan rəñcəm tvasku kadi linud.

⟨28⟩rəṅən atəki pataṅguh-taṅguhiṅ hulun i haji,

⟨29⟩maṅimur-imur apet sih saṅke sihkv i kita kaka,

⟨30⟩sahana-hanani vadvanta siṅ śakti lumarisa,

⟨31⟩kita kavəkasa riṅke rajyevəhnya pari tahan.

⟨32⟩sarasa pəjaha tāṅvaṅ yadyan kantuna lumurug,

⟨33⟩sinaputan i gəṅiṅ sih deniṅ tan vənaṅ apasah,

⟨34⟩taha karika katolih ṅvaṅ denta kari pəjaha,

⟨35⟩ndi kari manisiṅ ojar tan kesyan śapatha haji.

⟨36⟩yadi larisa riṅ eñjiṅ rakryan havya ali-alin,

⟨37⟩niyata tumuta ta ṅvaṅ sakvan selvan adulura,

⟨40⟩yadi pəjaha sukha ṅvaṅ yadyan sora kita hələm,

⟨41⟩kadi vahu-vahu kāṅvaṅ kuṇḍaṅ-kuṇḍaṅa riṅ ayun.

⟨42⟩nahan ujarira marma mlas harṣa ṅətəri hati,

⟨43⟩saha luh i mata milya drəs hisnya avan i pipi,

⟨44⟩nr̥pati sira mamak-pak mojar lvir madhu tinakis,

⟨45⟩vacananira kadi pyah tamba-tambaniṅ ataləh. o.

⟨JK: 44r⟩⟨1⟩ariṅkv induṅ vruh ṅvaṅ ri ali-aliniṅte ṅhulun ibu,

⟨2⟩tuhun marmaṅkva taṅgəhi kita yadin milva lumurug,

⟨3⟩ivə̄hiṅ praṅ yadyan ṅvaṅ arivega tar top ṅvaṅ agigu,

⟨4⟩rusithiṅ mārga séṅkan ajuraṅ alas durga paraṅan.

⟨5⟩kunəṅ yan rakryan monəṅa lavasa takviṅ para-paran,

⟨6⟩vacan sambat-sambatku kavəkas umuṅgviṅ karas alit,

⟨7⟩paraṅkv iṅ lambaṅ yeka rasa-rasananteki yan akuṅ,

⟨8⟩tan olya ṅvaṅ yadyan puri-purik haneṅ jro pakasutan.

⟨9⟩lavan pintaṅkva iṅ bibi saṅu təṅah sampun aṅisis,

⟨10⟩səpah saṅke caṅkəm paséré-séréhankv ikin anuku,

⟨11⟩dhadarkva siñjaṅ sah ri panəpi sumar yeki palakun,

⟨12⟩rəṅihtatma rakṣāṅkv aṅən-aṅənaniṅ tvaskun alaga.

⟨13⟩tuhun pavat-vatniṅ hulun i kita maskv iki tariman,

⟨14⟩vruhante gə̄ṅ riṅ sih pakiri-kiriyaṅkv i kita tuhan,

⟨15⟩laṅəniṅ kiṅ-kiṅ cumbana vəkasi rumniṅ karasikan,

⟨16⟩puputniṅ rāga misyani samaya śr̥ṅgāra racana. o.

⟨JK: 44r⟩⟨17⟩huvus nr̥pati muṅgahiṅ jinəm aṅalihi turida miniddhyaniṅ smara,

⟨18⟩rarasniṅ ujar asrah aṅrahati sojar ira kadi juruh lavan madhu,

⟨19⟩baṅun salaga maṅrəṅa gərəh ateki turida niran aṅdadak məkar,

⟨20⟩savaṅ bhramara matta muṅgvi səkariṅ kumuda turuṅ avarsih iṅ gati.

⟨21⟩sapolah ira teki yén paḍa vicakṣaṇa manəkani senakiṅ hati,

⟨22⟩anan kavatək aṅgaməl-gaməl anan pamalaku vhiliṅ tapih suji,

⟨23⟩ané gulu silih vilət-vilət ateki luṅayanira tan salah dunuṅ,

⟨JK: 44v⟩⟨24⟩kirinciṅ ikanaṅ kalé susu numuṅgvi vətis ira baṅun kinaṅsyakən.

⟨25⟩anantara tiba tikaṅ ghaṭita piṅ lima huvusiṅ amukti saṅgama,

⟨26⟩paḍa mrém iki séṅ haneṅ jinəm aṅgarvani huləs apupul silih pédhak,

⟨27⟩ndatan ana vikalpa solahiṅ aṅéka tana paḍa madum-duman lulut,

⟨28⟩təṅahnira turuṅ kasah ri luṅayan nr̥pati tuhu makəmbulan hurip.

⟨29⟩gumanti tucapən para prabhu kabeh balasah apəga tan kəneṅ turu,