Dharma Pātañjala

⟨ms: 0v⟩⟨lb⟩siddhir astu

⟨lb⟩saṅ kumāra ikā manaṅkil ri bhaṭāra, kālanira hana ri puñcakniṅ gunuṅ-⟨lb⟩kelāsa, dadi saṅ kumāra mamūjā, maṅhanākәn pañcopacāra, ri huvusnira ⟨lb⟩mamūjā, manambhah ta sira ri bhaṭāra, ri huvusnira manambhah, maluṅ-⟨lb⟩guh ta sira, tumañākәn ikaṅ tattva viśeṣa,

liṅnira,

sājñā bhaṭāra, kasihana rānak bhaṭāra, varahәn ikaṅ samyajñāna, yatān-⟨lb⟩yan hilaṅa sandeha rānak bhaṭāra,

⟨lb⟩sumahur bhaṭāra

⟨lb⟩hayu iku takvantānaku, ikaṅ samyajñāna ṅaranya, evәh kapaṅguhanya, apa ⟨lb⟩dumeh ya mevәha, yan kva liṅanta, tātan vәnaṅ samyajñāna, yatan hana ⟨lb⟩⟨ms: 1r⟩ samādhi, ikaṅ samādhi tan dadi ikā tan kinavruhan saṅ hyaṅ paramār-⟨lb⟩tha, apan kapaṅguhan saṅ hyaṅ paramārtha doniṅ samādhi ginavayakәn⟨,⟩ ⟨lb⟩maṅkana liṅ bhaṭāra,

⟨lb⟩sumahur saṅ kumāra

⟨lb⟩sājñā bhaṭāra kāsihana ṅhulun varahәn ri lakṣaṇa saṅ hyaṅ paramārtha, ⟨lb⟩maṅkana liṅ saṅ kumāra,

⟨lb⟩sumahur bhaṭāra,

⟨lb⟩nihan lakṣaṇa saṅ hyaṅ paramārthānaku kavruhanta ◆

⟨lb⟩apan sira sinaṅguh acintya, apa tar kavәnaṅ inaṅәn-aṅәn, niṣkala sira tar pā-⟨lb⟩vak, tan pavarṇa, ta⟨ms: 1v⟩n baṅ, tan aputih, tar kuniṅ, tan hirәṅ, kapila dvivarṇādi, ⟨lb⟩tan hana ikā kabeh ri saṅ hyaṅ paramārtha,

⟨lb⟩tātan kәna ri tuha pati, tan palvaṅ tan patambhәh, abyaya juga ya, nitya ⟨lb⟩humidә̄ṅ, sira ta suka tar pahuvusan, inak tar pabalik lāra, hurip tar pabalik ⟨lb⟩pati, sira ta lәvih saṅkeṅ rāt kabeh, sira tika lәvih tar kalәvihan, vibhuḥ ta ⟨lb⟩sira, vibhuḥ ṅaranya, humibәkiṅ rat kabeh, ndātan katon, sira kәtah manon, ⟨lb⟩ tan kinavruhan, sira ta maṅavruhi, apan sarvajña sira, sira kumavruhīṅ rat ⟨lb⟩kabeh, sarvakāryakartā sira⟨, sira⟩ gumavay ikaṅ rat kabeh, a⟨ms: 2r⟩pa byaktinya ⟨lb⟩nihan, kita kabeh mahurip, molah⟨,⟩ umambhәk, vruh riṅ abhiprāya, nahan ⟨lb⟩byakti saṅ hyaṅ paramārtha an hana ri kita lāvan iṅ rāt kabeh, ikaṅ hiḍәpta ⟨lb⟩ri saṅ hyaṅ paramārtha, ya ta inaṅәn-aṅәnta ri rahineṅ vәṅi, lәvih pva ṅaran-⟨lb⟩iṅ prajñā, samapada lakṣaṇanya lāvan saṅ hyaṅ paramārtha, ya ta mataṅ-⟨lb⟩nyan samādhi ṅaranikaṅ inabhyāsa saṅ mahyun ri suka viśeṣa, apan yekā ⟨lb⟩sinaṅguh kalәpasәn ṅaranya, hana pvekaṅ samādhi ri saṅ hyaṅ paramārtha, ⟨lb⟩ya ta mamәkasakәn saṅaskāra riṅ citta, ya ta sinaṅguh samyajñāna ṅaranya, ⟨lb⟩dudū saṅke ⟨ms: 2v⟩ mithyājñāna, maṅkana liṅ bhaṭāra,

⟨lb⟩sumahur saṅ kumāra,

⟨lb⟩aparan ikaṅ mithyājñāna ṅaranya sājñā bhaṭāra, kasihana ṅhulun varah-⟨lb⟩әn iṅ lakṣaṇanikaṅ mithyājñāna, maṅkana liṅ saṅ kumāra,

⟨lb⟩sumahur bhaṭāra,

⟨lb⟩nihan lakṣaṇanikaṅ mithyājñānānaku, ikānaṅ humiḍәp humadhikārākәn ⟨lb⟩sahiṅani kavruhnya, makasādhana pratyakṣa juga, liṅnya, tuhu ikā saṅ hyaṅ⟨lb⟩ paramārtha tan pāvak, tan pavarṇa, apan tayā sira, apa byaktanyan tayā sira ⟨lb⟩saṅ hyaṅ paramārtha, apan tayā saṅkanta ṅuni, mithya pva kita hәlәm, tayā-⟨lb⟩tah paranta, ya ta mataṅnya/n tayā paramārtha,

⟨lb⟩tayā pva saṅ hyaṅ paramārtha, ya ta mataṅnyan tan [suv]a[l]a ikaṅ hulah ⟨lb⟩kabeh, apan yātāyāta iki havak, ikaṅ agave hayu ṅaranya, adva ikā, ⟨lb⟩syapa tumon phalaniṅ gave hayu, syapa saṅkeṅ svarga, syapa pratyakṣa vruh iṅ ⟨lb⟩kahyaṅan, maṅkana liṅnya, tapvan pratyakṣa vruhnya riṅ kahyaṅan, mvaṅ ⟨lb⟩saṅke svarga, ya mataṅnyan adva ikā kabeh, maṅkana taṅ magave hala sin-⟨lb⟩aṅguh pāpa, syapa saṅke naraka, sa[ṅ a]byaktā vruhnya riṅ mahāraurava, ⟨lb⟩mataṅnyan pāpaṅ vaṅ magave ha⟨ms: 3v⟩la, tapvan hana pratyakṣa vruhnya ri ya-⟨lb⟩mani, ya mataṅnyan sam[e]naka ri kita hulahanta, apan yāya hulahanta ri ⟨lb⟩saṅ hyaṅ tayā, maṅkana liṅnya, ya ta mataṅnyan tan pavatәs ikā hulahnya, ⟨lb⟩arok majәmur, ikaṅ hala hayu iriyā, lāvan hiḍәpnya, ikaṅ ambhәk maṅkana, ⟨lb⟩ya ta mithyājñāna ṅaranya, maṅkana liṅ bhaṭāra,

⟨lb⟩sumahur saṅ kumāra,

⟨lb⟩takarin tuhu pakṣanikā maṅkana, sājñā bhaṭāra, maṅkana liṅ saṅ ku-⟨lb⟩māra,

⟨lb⟩sumahur bhaṭāra,

⟨lb⟩ya ta mataṅnyan mithyājñāna ṅa[ranya] ambhәk maṅkana, apan adva ikā, ⟨lb⟩byaktānyān adva ikā, tuhun ta⟨ms: 4r⟩n hanā ikaṅ rāt kabeh, yan tayā saṅ hyaṅ ⟨lb⟩paramārtha, mvaṅ tātan ahuripa kita kabeh, yan tayā saṅ hyaṅ paramārtha, ⟨lb⟩katon pvekiṅ huripta, mvaṅ hananikaṅ rāt kabeh, ya ta paṅavruhananta ri ⟨lb⟩tan tayā saṅ hyaṅ paramārtha,

⟨lb⟩nihan sahur samithyājñāna, kadi saṅ hyaṅ paramārthātah pinakahurip-⟨lb⟩niṅ rāt kabeh, apan dudū ikaṅ hurip avaknya, yan kva liṅa saṅ para, apa ma-⟨lb⟩taṅnyan paramārtha panaṅguh i sira ya ta karih, yan lena saṅke cetanā, apan ⟨lb⟩cetanā pva mūlanikaṅ hurip an hana, ikaṅ ceta⟨ms: 4v⟩nā ṅaranya, tan palakṣaṇā ⟨lb⟩ikā, tan pagati, tuhun mabotanā kasornya saṅkeṅ paramārtha, lāvan tan sar-⟨lb⟩vajña,

⟨lb⟩ika taṅ cetanā maṅkana, ya tekā maṅhanākәn hurip, tan lena ikā yan lena ⟨lb⟩saṅke paramārtha, lāvan nihan patakvanaṅkva ri saṅ para, ikaṅ paramārtha ⟨lb⟩liṅta, an pakalakṣaṇa tayā, cetanā tan pacetana kunaṅ, kari sira, sumahur ⟨lb⟩saṅ para, vāhya ṅaranikātah, yan cetanā saṅ hyaṅ paramārtha, tayā pisaniṅu ⟨lb⟩juga sira, alәṅis tan avayavi, ya ta sinaṅguh śūnya ṅaranya, ya ta sinaṅguh ⟨lb⟩niṣkala ṅaranya liṅ saṅ pa⟨ms: 5r⟩ra maṅkana, ndi ta deśanikaṅ tayā maṅkana, ka-⟨lb⟩pan tikiṅ rat kabeh tәka tan hana, sumahur saṅ para, hilaṅ tәkekiṅ rat dlāha, ⟨lb⟩apan tayā saṅkanya ṅūni, apa dumeh ika rat hana vәkasan hana juga tan ⟨lb⟩pakanimitta, hana hana tan pakapūrvakaṅ ginave, maṅkana yan hilaṅ tan ⟨lb⟩hana humilaṅakәn ya, maṅkana liṅ saṅ para, tamatan dadi vastu tan pa-⟨lb⟩cetanā, gumaveyāvaknya hana lāvan tayā, kadyaṅgāniṅ lәmah, tan dadi ⟨lb⟩ikaṅ gumaveyāvaknya, saṅ apa gumave hananya mvaṅ hilaṅnya, yan kva ⟨lb⟩liṅa saṅ para, bhaṭāra saṅ hyaṅ paramārth⟨ms: 5v⟩a ṅaranira liṅ mami,

⟨lb⟩sira vәnaṅ maṅhilaṅakәn maṅhanākәn, apan sira prabhu, vәnaṅ makecchā ⟨lb⟩ikaṅ rat kabeh, sira vicitrān tәmәn, vәnaṅ maṅhilaṅakәn pāpa lāvan ⟨lb⟩lāra, nāhan kadibyan bhaṭāra kinabhaktyan, sumahur saṅ para, hana kapva saṅ ⟨lb⟩hyaṅ paramārtha liṅta, hana sira, ndātan palakṣaṇa, tan pāvak, tan katon, ⟨lb⟩tan kagamәl, tan vәnaṅ inaṅәn-aṅәn, ya sinaṅguh sūkṣma ṅaranya, suma-⟨lb⟩hur saṅ para, avyāhata tañaṅkva vuvusta, {sumahur saṅ paramārtha} sakā-⟨lb⟩makāma, tathāpi lakṣaṇā, yan kva liṅa saṅ para, ⟨tan⟩ katon ta⟨ms: 6r⟩h saṅ hyaṅ ⟨lb⟩paramārtha, ndān kāryanira ya katon, ndya gavenira, nyaṅ tiryak lāvan ikiṅ ⟨lb⟩aṇḍabhuvana, tәlas karuhun janma mānuṣa, yeki gavenira, sumahur saṅ pa-⟨lb⟩ra, apa pramāṇanta sumiddhākәn ikā pakṣanta, apa tan pratyakṣa katon bha-⟨lb⟩ṭāra, gumave ikiṅ aṇḍabhuvana, mvaṅ tiryak lāvan janmamānuṣa,

yan kva liṅa saṅ para, nihan śakti bhaṭārān hane kita, ndya ta ya⟨,⟩ nihan,⟨lb⟩ ya dumeh kita vruh iṅ heyopadeya, ikiṅ saṅ dumeh kita maṅhiḍәp{,} suka⟨lb⟩ duhka ri śarīra, ya tekā jñānaśakti bhaṭāra ṅara⟨ms: 6v⟩nya, cetanāmaya dumeh-⟨lb⟩nikaṅ rat mahuripa kabeh⟨,⟩ rasekā ri hatinta, hana kari sira,⟨lb⟩ tayā kari sira, suṅguh tayā vruh lumakṣaṇe sira, ya tikā dumeh ṅaranya, nihan sahur saṅ⟨lb⟩ para, kadi śakti bhaṭāra cetanā, apan papupulniṅ śarīra ikā magave hiḍәp, ya⟨lb⟩ ta sinaṅguh cetanā ṅaranya, yan maṅkana liṅa saṅ para, mapekaṅ vvaṅ mati⟨lb⟩ maṅipi hana śarīranya tan vikāra, apekā tan pañetanā, māvasānaṅ avuka⟨lb⟩ juga, nahan byaktanikaṅ mithyājñānānaku,

sumahur saṅ kumāra,

kevala salah pveka mi⟨ms: 7r⟩thyājñāna sājñā bhaṭāra, apa dumeh ikā maṅkana,⟨lb⟩ kasihana varahәn rānak bhaṭāra, maṅkana liṅ saṅ kumāra,

sumahur saṅ hyaṅ,

nihan prastāvanikā mataṅnyan maṅkana, jñāna bhaṭāra kāla ikā, saṅ pina-⟨lb⟩kāvak bhaṭāra yan pamralayākәn rat, nahan mūlanikaṅ mithyājñāna,

yapvan hanā viku maṅkana jñānanya dlāha, yekā paṅavruhananta tәka ma-⟨lb⟩hāpralaya, maṅkana liṅ bhaṭāra,

sumahur saṅ kumāra,

apa ta upāyaniṅ janma yan maṅkana, yatanyan tan kavava riṅ mithyājñā-⟨lb⟩na sājñā bhaṭāra, kasihana va⟨ms: 7v⟩rahәn rānak bhaṭāra, maṅkanā liṅ saṅ kumāra,

sumahur bhaṭāra,

nihan deyani janma yan mahyun samyajñāna, tәlu kvehnya, pratyakṣapra-⟨lb⟩māṇa, anumānapramāṇa, āgamapramāṇa, nāhan saṅ pramāṇa tәlu ṅaranya,⟨lb⟩ pratyakṣapramāṇa ṅaranya, ikaṅ vastu tan parakva, yekā pratyakṣapramāṇa⟨lb⟩ ṅaranya, anumānapramāṇa ṅaranya, hana vastu tan katon, ndan siddha hi-⟨lb⟩ḍәpniṅ vvaṅ iriya, apan hana cihna paṅavruh iriya, nihan padanya, kady-⟨lb⟩aṅgāniṅ deśa ri sabraṅ, dadi hiḍәpniṅ vvaṅ riṅ hananya, apan hana⟨lb⟩ katon⟨lb⟩ ikā vvaṅ dudū rū⟨ms: 8r⟩panya kadyaṅgāniṅ brāhmaṇa lāvan pujut⟨,⟩ nambi,

parasi, ya tikā tinonta, athavā hana kәta vastu tan katon, ri deśa ri nūsa ka-⟨lb⟩hananya, kadyaṅgāniṅ maṇik, kasturi, kapur kunaṅ, yekā byaktanyān hana⟨lb⟩ nūsa ri sabraṅ, ikā ta jñāna humiḍәp hananikā, yekānumānapramāṇa, āga-⟨lb⟩mapramāṇa ṅaranya, varah-varahniṅ vvaṅ saṅke deśāntara, ndān yan pa-⟨lb⟩cihna ikā, yāpvan tan pacihna adva ikā, yapvan hana cihna, ya ta sinaṅguh⟨lb⟩ āgamapramāṇa ṅaranya, nāhan yaṅ pramāṇa tәlu ṅaranya, yatānyan tan ⟨ms: 8v⟩⟨lb⟩ kasasar i jñāna, tinut saṅ viku,

saṅ sinaṅguh paṇḍita, tatan vruh ulun ri lakṣaṇanira, {matanyan⟨lb⟩ maṅkana hulun apan bhaṭāra paramārtha rakva pinakahuripniṅ rat kabeh},⟨lb⟩ lāvan saṅ paṇḍita, apa mataṅnyan tan vavaṅ sātmaka ri bhaṭāra, maṅkana⟨lb⟩ liṅ saṅ kumāra, sumahur bhaṭāra,

hana kәtah mala ṅaranya, anuṅ rumakәt ri ātmā, ya tekā tan vavaṅ hilaṅ,⟨lb⟩ apan ivәṅ-ivәṅ ikaṅ citta lāvan ātmā, ya tekātәguh sumaputa ri sarvajñāniṅ ātmā, yapvan hilaṅ ikā, niyata saṅ yogīśvarān sātmaka ri bhaṭāra, maṅkana⟨lb⟩ liṅ bhaṭāra,

sumahur saṅ ⟨ms: 9r⟩ kumāra,

aparan iku sinaṅguh ātmā ṅaranya, ndi ta saṅkanikaṅ mala, kasihana⟨lb⟩ ṅhulun varahәn maṅkana liṅ saṅ kumāra,

nihan pavarahaṅkva ri kita, ikaṅ sinaṅguh ātmā ṅaranya, bhaṭāra saṅ⟨lb⟩ hyaṅ paramārtha, sira sinaṅguh śiva parameśvara, sira ta kaharan āditya,⟨lb⟩ padanira lāvan āditya, ikanaṅ cetanā, ya kaharan tejanira yar āditya, luṅhā⟨lb⟩ pva teja saṅ hyaṅ āditya, lumrā ri daśadeśa, maṅkana tekaṅ cetanā, apan⟨lb⟩ savibhuḥ bhaṭāra humibәkiṅ rāt kabeh,

hana ta māyātattva ṅaranya, sūkṣma padālitnya ⟨ms: 9v⟩ lavan śivatattva, ndān⟨lb⟩ acetanā kasornya saṅkeṅ śivatattva, deśanya i sor saṅkeṅ śivatattva, yeka⟨lb⟩ tambhayni mamuvus tattva maganal, i sornikā, hana ta kalātattva ṅaranya,⟨lb⟩ i sornikaṅ kalātattva, hana ta rāgatattva, i sorni rāgatattva, hana ta vidyā-⟨lb⟩tattva, i sorni vidyātattva, hana ta {i sverniṅ} pradhānatattva, i sorniṅ pra-⟨lb⟩dhānatattva, hana ta triguṇatattva, i sorniṅ triguṇatattva, hana ta buddhi-⟨lb⟩tattva, i sorni buddhitattva, hana tāhaṅkāratattva, i sorniṅ ahaṅkāratattva,⟨lb⟩ ⟨ms: 10r⟩ hana ta manahtattva, i sorni manahtattva, hana ta daśendriyatattva, i sor-⟨lb⟩niṅ daśendriyatattva, hana ta pañcatanmātratattva, i sorniṅ pañcatanmātra-⟨lb⟩tattva, hana ta ākāśatattva, i sorniṅ ākāśātattva, hana ta bāyutattva, i sorni⟨lb⟩ bāyutattva, hana ta tejatattva, i sorniṅ tejatattva, hana ta āpyatattva, i sorniṅ⟨lb⟩ āpyatattva, hana ta pṛthivītattva, yeka vәkasniṅ mamuvus tattva, maganal,⟨lb⟩ ika ta kabeh, ya binyāpakan saṅ hyaṅ ātmā, astam bhaṭāra paramakāraṇa, ya ⟨lb⟩ mataṅnyan ⟨ms: 10v⟩ vibhuḥ śakti bhaṭāra vaneh

ndan lakṣaṇanikaṅ saṅ hyaṅ ātmā, an byāpaka irikaṅ tattva samaṅkana,⟨lb⟩ ūtaprota, ūta ṅaranya, kadyaṅgāniṅ miñak haneṅ pə̄han, maṅkana lakṣaṇa⟨lb⟩ saṅ hyaṅ ātmā an byāpaka irikaṅ tattva kabeh, prota ṅaranya, kadyaṅgāniṅ ⟨lb⟩ tuntuniṅ maṇik maṅekadeśa, maṅkana lvirnikaṅ ātmā an haneṅ rat kabeh,

ikaṅ ātmā prota ya tekā caritaknānaku, prayatnā ta kita rumәṅә̄varah-⟨lb⟩varahku, ikaṅ ātmatattva, sarvajña sarvakāryakartā pinakaśaktinikā, vibhuḥ⟨lb⟩ pva ya rikā māyātattva, hilaṅ ta śaktinikaṅ ⟨ms: 11r⟩ ātmā vәkasan, mari sarvajña,⟨lb⟩ mari sarvakāryakartā, apan mala svabhāvanikaṅ māyā, rumakәt pvekaṅ ma-⟨lb⟩la riṅ ātmā, ya ta mataṅnyan mapuṅguṅ svabhāvanya, tuhun cetanāmātra⟨lb⟩ juga ya, vibhuḥ pva ya rikaṅ kalātattva, mapalenan ta ya lavan bhāvanya,⟨lb⟩ kadyaṅgāniṅ anakniṅ tavvan an hana riṅ salyaṅ, maṅkana tekāṅ ātmā⟨lb⟩ an papalenan saṅkeṅ bhāvanya, makaśarīra ikaṅ kalātattva, byāpaka pva ya⟨lb⟩ rikaṅ rāgatattva, mahyun ta ya mañetanā, byāpaka pva rikaṅ vidyātattva,⟨lb⟩ manon ta ya viṣaya vәkasan, apan ikaṅ vi⟨ms: 11v⟩dyātattva pinakasuluhnya, ya ma-⟨lb⟩taṅnyan panon viṣaya, ndya viṣaya tinonya, yekā pradhānatattva, lakṣaṇa-⟨lb⟩nikaṅ pradhānatattva, pәtaṅ tan pacetanā lupa pinakajātinya, ⟨cetana lavan⟩⟨lb⟩ ⟨pradhānatattva,⟩ ya tekā pinapaṅguhakәn de bhaṭāra, cetanā ṅaranya, tu-⟨lb⟩tur, pradhāna ṅaranya, lupa, tutur matәmu lāvan lupa, ya tekā maṅhanākәn⟨lb⟩ triguṇa, sattva rajah tamah, lakṣaṇani sattva, prājñā mahaṅan, lakṣaṇaniṅ⟨lb⟩ rajah, adrәs molah, lakṣaṇaniṅ tamah, abyәt apuṅguṅ ikā nāhan lvirni⟨lb⟩ triguṇatattva,

saṅka ri triguṇa mәtu ⟨ms: 12r⟩ taṅ buddhi, lakṣaṇanya, nda bāhyadarśana ṅaranya,⟨lb⟩ tan pacetana ikaṅ buddhi, ndan makacetanā ya, makacetanā ṅaranya, tan⟨lb⟩ vruh ikaṅ buddhi, ndan kadi vruh ya, tan pahiḍәp ikaṅ buddhi, ndan kadi⟨lb⟩ maṅhiḍәp ya, apan mәtu saṅke tattva rva⟨,⟩ tattva rva ṅaranya, ātmā lāvan⟨lb⟩ pradhāna,

saṅke buddhi mәtu tāhaṅkāra, lakṣaṇanya ⟨magave hurip⟩ lāvan maṅ-⟨lb⟩ aku, ndan lakṣaṇaniṅ ahaṅkāra ya, ṅaranya tәlu, si vaikṛta, si taijasa, si bhūtādi,⟨lb⟩ ikaṅ ahaṅkāra si vaikṛta, ya tekā sattva svabhāvanya, ⟨ikaṅ ahaṅ⟩-⟨lb⟩ ⟨kāra si taijasa, ya tekā rajah svabhāvanya,⟩ ikaṅ ahaṅkāra si bhūtādi tamah⟨lb⟩ svabhāvanya⟨ms: 12v⟩, nāhan lakṣaṇaniṅ ahaṅkāra, an mijil saṅkeṅ buddhi, tәlu⟨lb⟩ prakāranya, ikaṅ ahaṅkāra si vaikṛta, yekā saṅkaniṅ manah mәtu lāvan⟨lb⟩ daśendriya, daśendriya ṅaranya, śrota, tvak, cakṣuh, jihvā, ghrāṇa, vāk, pāṇi,⟨lb⟩ pāyu, upastha, pada⟨,⟩ nāhan kvehniṅ indriya sapuluh, savәlas lāvan manah,⟨lb⟩ lakṣaṇaniṅ manah mamikalpa,

sumahur saṅ kumāra,

takarin tuṅgal ikaṅ manah lāvan buddhi lavan ahaṅkāra, sājñā bhaṭāra,

sumahur bhaṭāra,

dudū ikā, apan lakṣaṇanya tan pada, byaktānyan tan pa⟨ms: 13r⟩da, yan kva liṅanta,⟨lb⟩ nihan ikaṅ buddhi adhyavasāya lakṣaṇanya, adhyavasāya ṅaranya, vruhniṅ⟨lb⟩ ahala lāvan ahayu, lāvan niścaya ta ya, ikaṅ ahaṅkāra yekā magave hurip,⟨lb⟩ lāvan prayatna maṅaku jñānanya, kunaṅ ikaṅ manah mamikalpa gavenya,⟨lb⟩ liṅnya, kapan kunaṅ papaṅguha lāvan kahyunku, mvaṅ syapa mapaṅguh-⟨lb⟩aknāku, apa karaṇaṅkvā kunaṅ, ndi deśa kapaṅguhanaṅkvā, nāhan lakṣaṇa-⟨lb⟩nikaṅ manah an pamikalpa, lāvan umahas ta ya riṅ daśadeśa, nāhan papale-⟨lb⟩nan i manah sakeṅ ahaṅkāra ⟨ms: 13v⟩ lāvan buddhi,

ikaṅ ta katәlu, ya tekā cinetanā saṅ hyaṅ ātmā, anәhәr pinakasādhanān⟨lb⟩ paṅgṛhīta viṣaya, ikaṅ śrotendriya ya, haneṅ taliṅa, ikaṅ tvakindriya, ya ha-⟨lb⟩neṅ kulit, ikaṅ cakṣuhindriya, ya haneṅ mata, ikaṅ jihvendriya ya haneṅ⟨lb⟩ ilat, ikaṅ ghrāṇendriya ya haneṅ hiruṅ, nāhan taṅ pañcabuddhīndriya ṅa-⟨lb⟩ranya, ri denyan pakasahāya buddhin paṅgṛhīta vastuviṣaya, pañcakarmen-⟨lb⟩driya ṅaranya, ikaṅ vakindriya ya haneṅ tutuk, ikaṅ paṇīndriya ya haneṅ⟨lb⟩ taṅa⟨ms: 14r⟩n, ikaṅ padendriya ya haneṅ suku, ikaṅ pāyvindriya ya haneṅ lәt, ikaṅ ⟨lb⟩ upāsthendriya ya haneṅ bhaga puruṣa, nāhan taṅ pañcakarmendriya ṅara-⟨lb⟩nya, mataṅnyan karmendriya ṅaranya, apan makapūrva karmekā nimitta-⟨lb⟩niṅ ātmān paṅgṛhīta viṣaya ikā, ikā ta kabeh, ya ta daśendriya ṅaranya,

tumambhәh pvekaṅ buddhi ahaṅkāra lāvan manah, ya ta sinaṅguh trayo-⟨lb⟩daśakaraṇa ṅaranya, ya ta sādhananiṅ ātmān paṅgṛhīta viṣaya ikā, kārya-⟨lb⟩nikaṅ ahaṅkāra si vaikṛta ikā ka⟨ms: 14v⟩beh, huvus ikāta,

nihan ta gavenikā ahaṅkāra si bhūtādi, hana pañcatanmātra ṅaranya, ⟨lb⟩ śabdatanmātra, sparśatanmātra, rūpatanmātra, rasatanmātra, gandhatan-⟨lb⟩mātra, nahan taṅ pañcatanmātra ṅaranya, amijil saṅke ahaṅkāra si bhūtādi,⟨lb⟩ ikaṅ ahaṅkāra si taijasa, yekā tumuluṅ si vaikṛta lāvan si bhūtādi, an pagave⟨lb⟩ kārya,

nihan lakṣaṇanikaṅ śabdatanmātra, tutupi taliṅanta, hanekaṅ śabda ka-⟨lb⟩rәṅə̄, yā tekā śabdatanmātra ṅaranya, sparśatanmātra ṅaranya, hana bāyu⟨lb⟩ madrәs kahiḍә⟨ms: 15r⟩p denta, huvus pvekaṅ bāyūmirira kahiḍәpta tisnya ri kulit,⟨lb⟩ ya tekā sparśatanmātra ṅaranya, nihan taṅ rūpatanmātra ṅaranya, sampun⟨lb⟩ sumurup saṅ hyaṅ āditya, hana tejanira kavәkas atunu, ya tekā rūpatanmā-⟨lb⟩tra ṅaranya, rasatanmātra, ṅa, kadyaṅgāniṅ vvaṅ mamaṅan rasa mamanis⟨lb⟩ mapahit, huvus pva ya hәnti, hana ta rasanya kavәkas riṅ tutuk, ya tekā rasa-⟨lb⟩tanmātra ṅaranya, nihan taṅ gandhatanmātra ṅaranya, kadyaṅgāniṅ hasәp⟨lb⟩ caṇḍana, agaru kunaṅ, huvus luṅhā kukusnya, kavәkas taṅ ⟨ms: 15v⟩ gandha riya, ya⟨lb⟩ tekā gandhatanmātra ṅaranya, nahan taṅ pañcatanmātra ṅaranya,

saṅke pañcatanmātra, mәtu taṅ pañcamahābhūta, nihan kramanya, ikā śab-⟨lb⟩datanmātra pamәtvakәn ākāśa, guṇanya śabda, lakṣaṇanya magave ugvan,⟨lb⟩ sakeṅ sparśatanmātra, mәtu taṅ bāyu, lakṣaṇanya maṅulahakәn, guṇanya⟨lb⟩ sparśa, sakeṅ rūpatanmātra, mәtu taṅ teja, lakṣaṇanya prakāśa panas, guṇa-⟨lb⟩nya rūpa, sakeṅ rasatanmātra, mәtu taṅ āpah, lakṣaṇanya mәlәs, guṇanya⟨lb⟩ rasa, nәm prakāra⟨ms: 16r⟩niṅ rasāmanis, apahit, apәdәs, asәpәt, ahasәm, ahasin, ⟨lb⟩ yekā ṣaḍrasa ṅaranya, saṅke gandhatanmātra, mәtu taṅ pṛthivī, lakṣaṇanya,⟨lb⟩ maganal makakāya, guṇanya ganda, nahan lakṣaṇanikaṅ pañcamahābhūta⟨lb⟩ kavruhana, kunaṅ ikā maraṅkәpana ikaṅ vaneh, apan ikaṅ i sor ya kabya-⟨lb⟩pakan denikaṅ i ruhur, ikaṅ ākāśa muṅgv i ruhur, tumut ta bāyu mataṅ-⟨lb⟩nyan rva guṇanya, śabda, sparśa, ikā bāyu mvaṅ ākāśa byāpaka riṅ teja, ma-⟨lb⟩taṅnyan tәlu guṇaniṅ teja, śabda, sparśa, rū⟨ms: 16v⟩pa, ikaṅ teja lāvan bāyu ākāśa, ⟨lb⟩ byāpaka riṅ āpah, mataṅnyan pat guṇaniṅ āpah, śabda, sparśa, rūpa, rasa,⟨lb⟩ ikaṅ taṅ āpah, teja, bāyu, ākāśa, byāpaka riṅ pṛthivī, mataṅnyan lima guṇa-⟨lb⟩niṅ pṛthivī, śabda, sparśa, rūpa, rasa, gandha, nāhan lakṣaṇanikān pavor⟨lb⟩ guṇa ikaṅ pañcamahābhūta, ya ta ginave bhaṭāra bhuvana,

¿agәṅ ākāśa miṇḍuhur,? ya ta sinaṅguh aṇḍabhuvana ṅaranya, devamā-⟨lb⟩nuṣatiryak, nāhan pinakesiniṅ aṇḍabhuvana, ikaṅ i ruhur satyaloka, ikaṅ⟨lb⟩ i sor, yekā ⟨ms: 17r⟩ mahālokā, i sorniṅ mahāloka, tapoloka, i sorniṅ tapoloka,⟨lb⟩ janaloka, i sorniṅ janaloka, svahloka, i sorniṅ svahloka, bhuvahloka, i sor-⟨lb⟩niṅ bhuvahloka, yeki kahanantānaku, riṅ bhūhloka, ṅaran ikā saptadvīpa,⟨lb⟩ saptārṇava, i sorniṅ bhūhloka, ya tekā saptapātāla ṅaranya, patuṅgaltuṅgal-⟨lb⟩ni ṅaranya nihan paṅavruhana, apatāla, hana i sornikā, vetāla, nitāla, netāla, ⟨lb⟩ gabhastitāla, vāratāla, rāsatāla, nahan pa⟨ms: 17v⟩tiṅkahnikaṅ pātāla, i sornikā, yekā ⟨lb⟩ mahānaraka, kvehnikā yeka tәlu puluh rva⟨,⟩ patapnya{,} mahāraurava, i⟨lb⟩ sorniṅ mahānaraka, yeki tāmragardabha, tan vā pәtaṅ katunan teja, i sor-⟨lb⟩nikaṅ tāmragardabha, ya toṅgvan saṅ hyaṅ kālarudrāgni, āpuy dumilah sa-⟨lb⟩dākāla,

i sornikā kulitniṅ aṇḍabhuvana, kumaluṅ i sor i ruhur iriṅan, i sorniṅ kulit-⟨lb⟩niṅ aṇḍabhuvana, ya toṅgvan saṅ hyaṅ śatarudra kumuliliṅ ikeṅ aṇḍabhu-⟨lb⟩vana, ikeṅ kahananta ya ta patimbunani ⟨ms: 18r⟩ tattva kabeh,

ndan lakṣaṇanikaṅ tattva hana ṅke, kapva umyāpakerikaṅ tattva ma-⟨lb⟩ganal saṅkeṅ riya, nihan kramanya, bhaṭāra mahulun, byāpaka rikaṅ ātmā,⟨lb⟩ ikaṅ ātmā byāpaka ri māyā, ikaṅ māyā byāpaka ri pradhāna, ikaṅ pradhāna⟨lb⟩ byāpaka riṅ buddhitattva, ikaṅ buddhitattva, byāpaka riṅ ahaṅkāra, ikaṅ ah-⟨lb⟩aṅkāra, byāpaka ri manah, ikaṅ manah, byapaka riṅ daśendriya, ikaṅ da-⟨lb⟩śendriya byāpaka riṅ pañcatanmātra, ikaṅ pañcatanmātra, byāpaka ri pañ-⟨lb⟩camahābhūta, na⟨ms: 18v⟩han lvirnya, ya ta mataṅnyan pinakapatimbhunaniṅ tat-⟨lb⟩tva kabeh, ikaṅ bhūhloka kahananta maṅke, huvus maṅkana,

iṅәtiṅәt mūlaniṅ carita, prastāvanikaṅ cetanā saṅ para, dumeh saṅ yo-⟨lb⟩gīśvara tan vaṅvaṅ siddhi, ikaṅ ātmā jәnәk mañetanā, makanimitta mala, ya dumeh ya tan vruha ri jātinya, mahyun pva bhaṭāra vruha ri jātinira, ya ma-⟨lb⟩taṅnyan veh ya māvaka, huvusnyan māvak, mabheda ta ya rva, lakilaki lāvan⟨lb⟩ anakәbi, ya tekā mamukti ṣaḍrasa, ṣaḍrasa ṅaranya, amanis, apahit, ⟨ms: 19r⟩ asәpәt,⟨lb⟩ ahasin, ahasәm, apәdәs, yekā ṣaḍrasa ṅaranya, ya ta pinaṅanya ininumnya,⟨lb⟩ matәmahan śukra riṅ anak laki, śonitāniṅ anakәbi, ikaṅ taṅ śukraśonitā⟨lb⟩ pinapaṅguhakәnira lāvan ikaṅ kāma,

ikaṅ śukraśonitā hana ri garbhāvāsa, ya ta mavīja, yan akveh ikaṅ śukra⟨lb⟩ saṅkeṅ śonitā, yekā dadi lanaṅ, yapvan akveh ikaṅ śonitā saṅkeṅ śukra, yekā⟨lb⟩ dadi vadvan, yapvan pada kvehnya, ya ta dadi kәdi, valavadi, ikaṅ śukra⟨lb⟩ ya dadi tahulan, otva⟨ms: 19v⟩t sumsum, ikaṅ śonitā ya dadi rah dagiṅ puhun vulu, ⟨lb⟩ ya sinaṅguh ṣaṭkośa ṅaranya, salvirniṅ makaśukraśonitā ya, maṅkana lvir-⟨lb⟩ni janma, yan devatā, yan mānuṣa, yan paśu, yan pakṣi, sarīsṛpa, sthāvara,⟨lb⟩ maṅkanātah titahnyān katon mamaṅun śarīra, ikaṅ śabdatanmātra ya dadi⟨lb⟩ taliṅa, ikaṅ sparśatanmātra, ya ta dadi kulit, ikaṅ rūpatanmātra ya ta dadi⟨lb⟩ mata, ikaṅ rasatanmātra, yekā dadi ilat, ikaṅ gandhatanmātra ya dadi iruṅ,⟨lb⟩ ya tekā pinakoṅgvaniṅ indriya,

sumahur saṅ kumā⟨ms: 20r⟩ra,

takarin ikaṅ golaka sinaṅguh indriya sājñā bhaṭāra, maṅkana liṅ saṅ⟨lb⟩ kumāra,

sumahur bhaṭāra,

dudū tekaṅ golaka saṅkeṅ indriya, aganal ikaṅ golaka, ikaṅ indriya sūkṣma⟨lb⟩ ika, nahan lakṣaṇanyān dudū, taha pih tuṅgal ikā indriya lāvan golaka, yan⟨lb⟩ maṅkana liṅanta, mapekaṅ maturu tan paṅgṛhīta viṣaya apan hana matanya⟨lb⟩ tan panon, hana taliṅanya tan paṅrәṅə̄, mataṅan masuku makeruṅ,

ya mataṅnyan saviṣaya riṅ sūkṣma, apan ikaṅ manah ya tinutniṅ indriya,⟨lb⟩ naha⟨ms: 20v⟩n byaktanyān dudū ikaṅ indriya saṅke golaka,

sumahur saṅ kumāra,

apa dumeh ikaṅ maturu matәguh huripnya sājñā bhaṭāra, apan hilaṅ⟨lb⟩ tuturnya, kevala lupa juga svabhāvaniṅ turū, maṅkana liṅ saṅ kumāra,

sumahur bhaṭāra,

ikaṅ pañcabāyu yekānuṅ pinakahurip, apan ya ika mamaṅun śarīra, nihan⟨lb⟩ kramanya, hana nāḍī ṅaranya, otvatni śarīra, hana hagə̄ṅ hana dәmit, buṅ-⟨lb⟩kah luṅguhnya ri hәyәhәyәhan, miṇḍuhur tәka ri pusәr, mapaṅ ta ya mare-⟨lb⟩ṅ suku, hana mareṅ valakaṅ hana mareṅ taṅan, hana ⟨ms: 21r⟩ miṇḍuhur mareṅ⟨lb⟩ guruṅguruṅan⟨,⟩ tәlu prakāraniṅ guruṅguruṅan, iḍā ṅaran ikaṅ i tәṅәn,⟨lb⟩ yekā dalan i sәkul, piṅgalā ikaṅ i kivan⟨,⟩ yeka havanni vvay, suṣumnā ikaṅ⟨lb⟩ i tәṅah, yekā havan i bāyu, nāhan lakṣaṇanikān pinakaguruṅguruṅan, hana⟨lb⟩ ta paṅnya vaneh miṇḍuhur tәka ri mata, lāvan riṅ taliṅa, ikaṅ dudū gāte ruhur miṇḍuhur, yekā tәka ri vunvunan, ya sinaṅguh śivadvāra ṅaranya,⟨lb⟩ yekā tumuluy tәkeṅ gәgәr i valakaṅ, ikaṅ nāḍī malit kabeh, yekā mamәnuhiṅ⟨lb⟩ kulit manuvuhakәn ⟨ms: 21v⟩ vulu, nāhan lvirnikā nāḍī riṅ śarīra,

ikaṅ taṅ nāḍī kabeh, yekā pinakoṅgvan i pañcabāyu ṅaranya, ri dadinyan⟨lb⟩ lima gavenya, mataṅnyan lima kvehniṅ bāyu, nihan ṅaranya, prāṇa, apāna,⟨lb⟩ samāna, udāna, byāna,

ikaṅ bāyu si prāṇa, ya ta> mataṅnyan umadәgi ikaṅ pañcabāyu kabeh pra-⟨lb⟩yatna rumәgәp gavenya, mvaṅ pinakośvāsa gavenya vaneh, uṅgvan ika ri⟨lb⟩ dada, ri hiruṅ hiṅanya i ruhur, ikaṅ bāyu sy apāna, yeka muṅgu ri silit,⟨lb⟩ ri pusәr hiṅanya vaneh, i ruhur, umiṅsor tәkeṅ suku⟨ms: 22r⟩, gavenya asorakәn⟨lb⟩ pinaṅan, matәmahan tahi, ikaṅ ininum matәmahan әyәh, nāhan gave ni-⟨lb⟩kaṅ bāyu sy apāna, nihan gavenikaṅ bāyu si samāna, yeka hana ri hati, ga-⟨lb⟩venya umava sārinikaṅ pinaṅan ininum, ri sarvasandhi kabeh, sārinikaṅ⟨lb⟩ pinaṅan vinehnya matәmahana hampru, sārinikaṅ ininum, ya vinehnya⟨lb⟩ matәmahana rah, sārinikaṅ inambuṅ vinehnya matәmahana rәhak, nāhan⟨lb⟩ gavenikaṅ bāyu si samāna, nihan gavenikaṅ bāyu si udāna, sakvehni byā-⟨lb⟩pāra miṇḍu⟨ms: 22v⟩hur, maṅәdapakәn mata lāvan aṅәlapinya nahan gavenya, ikaṅ⟨lb⟩ bāyu si byāna, yeka muṅgv iṅ sarvasandhi kabeh, gavenya yekāmava ma-⟨lb⟩tuha, lāvan maṅhilaṅakәn inak ambhәk, nahan bhedani gaveni bāyu, ya⟨lb⟩ mataṅnyan pañcabāyu panaṅguh saṅ paṇḍita,

hana ta pratyekanya vaneh ṅaranya, nāga, kūrmāra, kṛkara, devadatta, dhanañjaya,

ikaṅ bāyu si nāga yeka matvab, si kūrmāra, yeka maṅgave kәtәgkәtәg ri avak⟨lb⟩ kabeh, si kṛkara yeka maṅgave vahin, si devada⟨ms: 23r⟩tta yeka maṅvab, si dhanañ-⟨lb⟩jaya yeka maśabda, lāvan tan hilaṅ ika saṅkeṅ śarīra, yan tәkaṅ pāti, yeka⟨lb⟩ maṅher i vaṅkay, nahan lakṣaṇanikaṅ bāyu an pinakahurip, ya dumeh ikaṅ⟨lb⟩ maturū tan māti, apan ikaṅ bāyu tamolah cinetanāniṅ ātmā, yapvan māri⟨lb⟩ ikaṅ ātmā cumetaneṅ ya, ikaṅ bāyu yan maṅkana, ya sinaṅguh māti ṅa-⟨lb⟩ranya, len saṅkeṅ rikā, ikaṅ nāḍī kahanan ikaṅ bāyu kunaṅ vikāra, mati⟨lb⟩ atah ṅaranya, kadyaṅgāniṅ pinәraṅ rinacun, athavā tībraniṅ lara ⟨ms: 23v⟩ kunaṅ,⟨lb⟩ nimittani nāḍī vikāra, ya nimittaniṅ pāti vaneh,

sumahur saṅ kumāra,

apa dumehniṅ ātmā māri cumetanerikaṅ bāyu sājñā bhaṭāra, lāvan apa⟨lb⟩ dumehniṅ kalara tәka,

sumahur bhaṭāra,

nihan prastāvanikaṅ ātmā an māri cumetanekaṅ bāyu, hana dharmādharma⟨lb⟩ ṅaranya, dharma ṅaranikaṅ gave hayu, adharma ṅaranikaṅ gave hala⟨,⟩ ikaṅ taṅ dharmādharma, ya tekaṅ ginaveniṅ janma, ya tekā maphala, yan⟨lb⟩ agə̄ṅ gavenya hala saṅkeṅ gave hayu, ya nimittanyān paṅhiḍәp lara, yapvan ⟨lb⟩ agə̄ṅ ikaṅ gave hayu saṅke gave hala, ya ⟨ms: 24r⟩ nimittanyān paṅhiḍәp suka, yap-⟨lb⟩van pada gavenya hala mvaṅ hayu, ya hetunikaṅ sukadukān kapaṅgih de-⟨lb⟩niṅ janma, sәḍәṅ pva ya mamukti karmaphala, sumambi ta ya mamaṅun⟨lb⟩ karmaphala muvah apan gave halahayu satatā lvirnikaṅ karmaphala, hana⟨lb⟩ ta karma mәne ginave sādhananya, mәne kabhukti phalanya, hana ta karma-⟨lb⟩phala maṅke ginave sādhananya, hәlәm ri janma sovah yan kabhukti pha-⟨lb⟩lanya, apa byaktinya nihan, kadyaṅgāniṅ masavah, vadvā, masambevara,

pāri phalaniṅ masavah, dәmak phalani vadvā, tәvas phalani sambevara,⟨lb⟩ na⟨ms: 24v⟩han byaktinikaṅ karmaphala mәne, ndya karmaphala hәlәm phalanya,⟨lb⟩ hana karma ginave maṅke ndatan vәnaṅ maveh phala maṅke, apa dumeh⟨lb⟩ yan maṅkana, tan vәnaṅ maveh phala maṅke, apan akveh inapekṣanya, ya⟨lb⟩ teka mapan i janma sovah, ikaṅ kabhukti maṅke, yeka phalanikaṅ karma⟨lb⟩ ṅūni, ri janmāntara, ikaṅ phala bhinukti maṅke, ya tekā hәnti bhinukti maṅ-⟨lb⟩ke, yan mahala, yan mahayu, padeka hәnti phalanya kabeh, ya ta hetuniṅ⟨lb⟩ ātmā māri cumetanekaṅ kaṅ bāyu ri śarīra, padanya ⟨ms: 25v⟩ kadyaṅgāniṅ apuy manunvi kayu, yapvan hәnti ikaṅ kayu, pәjah ta pratyayanikaṅ apuy, maṅ-⟨lb⟩kana tekā ātmā, an phalaniṅ dharmādharma ya mamaṅun śarīra, lavan urip,⟨lb⟩ hәnti pva ikaṅ karmaphala, ya ta hetuniṅ pāti apan tan hanaṅ bhinuktiniṅ⟨lb⟩ ātmā,

nihan sahur saṅ para, kadi karmaphala kәtah mamaṅun hurip, mvaṅ tan⟨lb⟩ ikā hetuniṅ sukaduka bhinukti deniṅ janma, mataṅnyan maṅkana, apan⟨lb⟩ tan katon ikaṅ karmaphala riṅ janma, ya mataṅnyan tan hana karmaphala⟨lb⟩ ṅaranya, apan tan byakta ya, yan kva liṅa saṅ p⟨ms: 25v⟩āra, ya donikaṅ pramāṇa⟨lb⟩ tәlu pinintonakәn ṅūni pūrvaka pratyakṣapramāṇa, anumānapramāṇa, āga-⟨lb⟩mapramāṇa,

ikaṅ aganal, ya kavәnaṅ denikaṅ pratyakṣapramāṇa, ikaṅ sūkṣma ya ka-⟨lb⟩vәnaṅ deniṅ anumānapramāṇa, kadyaṅgāniṅ kavuvus saṅ para, anumā-⟨lb⟩na prasiddhā irikaṅ karmaphalān bhinukti deniṅ janma, sumahur saṅ para,⟨lb⟩ tan byakta ṅaranikātah, apan tan vartamāna ri rāt kabeh, apan pratyakṣapra-⟨lb⟩māṇa juga ri kami, yan kva liṅa saṅ para, nihan saṅ hyaṅ āditya⟨ms: 26r⟩, vartamāna⟨lb⟩ katon deniṅ rat kabeh, saṅ mәtu vәṅi kari sira mәtu maṅke, athavā dudū ku-⟨lb⟩naṅ, yāpvan dudū saṅ mәtu vәṅi lāvan saṅ mәtu maṅke, apa pva yan maṅke maṅke, tan papalenan pva rūpanira, apan ivәṅ-ivәṅ rūpanira jvalitanira tuvi⟨lb⟩ pada, lāvan pada panasnira, tejanira, sumahur saṅ para, tuṅgal kәta saṅ hyaṅ⟨lb⟩ āditya, saṅ mәtu vәṅi, sira mәtu maṅke, yan maṅkana liṅa saṅ para, ndi ta⟨lb⟩ havannira maṅavetan, apan sumurup kulvan sira vәṅi, sumahur saṅ para,⟨lb⟩ sumurup i sor i lәmah, havanira yan maluy maṅavetan, yan maṅ⟨ms: 26v⟩kana liṅa⟨lb⟩ saṅ para, ndi ta kitān ton sira maluy aṅavetan, lumaku i sor iṅ lәmah, ya⟨lb⟩ kitāṅajarakәn tan tinonya ṅaranya, adva kitān yat amramāṇapratyakṣa juga,⟨lb⟩ apan tan katon saṅ hyaṅ āditya, maluy aṅavetan,

maṅkana pva ya, ya mataṅnyan hana pramāṇa ṅaranya, anuṅ prasiddhā⟨lb⟩ ri kahiḍәpannikaṅ vastu tuhutuhu, huvus rumuhun ikaṅ sūkṣma, ikeṅ pva⟨lb⟩ ikaṅ karmaphala, atyanta sūkṣmanya, ya ta mataṅnyan anumānapramāṇa paniddhānta ri hananya, apan byaktanyan hana, ni⟨ms: 27r⟩han kaṅ sukaduka ka-⟨lb⟩paṅguh deni janma, lāvan rūpanya tan pada,

hana ratu, hana vadvā uma, hana sugi hana duka hana varas, hana lara, nihan⟨lb⟩ taṅ tiryak, magə̄ṅ madәmit, kaniṣṭhamadhyamottama, karmaphala nimitta-⟨lb⟩nikaṅ kabeh, sumahur saṅ para, nohan vvāgan ikātah, lāvan i janma tan⟨lb⟩ pāda, kahadaṅadaṅ juga ikātah, yan kva liṅa saṅ para, dadyanku pvaṅ ma-⟨lb⟩maṅan tan kәneṅ varәg, ikaṅ tan pamaṅan ya varәg, yan si kahadaṅadaṅ⟨lb⟩ ya pakṣakna, lavan taṅ vīja tinanәm, kadyaṅgāniṅ pari pinaka⟨ms: 27v⟩vinih, ka-⟨lb⟩hadaṅadaṅ pvekan pavvaha jahli, jahli tinanәma kahadaṅadaṅ pvekān pa-⟨lb⟩vvaha pari, maṅkana hamәṅan ikaṅ rat kabeh, yan si kahadaṅadaṅ pakṣakna,⟨lb⟩ yāpvan si nohan si vvāgan pakṣakna, dadyaṅ vәtu tan pakanimitta yan maṅ-⟨lb⟩kana, kadyaṅgāniṅ kәdi amәtәṅānakanaka, kadyaṅgāniṅ mamәh susu vәtu⟨lb⟩ i tahi, maṅkana hamәṅan ikaṅ rat kabeh, yan si nohan si vvāgan pakṣakna,⟨lb⟩ tapvan dadi vastu maṅkana, ya mataṅnyan tan yogya pakṣakna saṅ para,

apa dumeh ikaṅ janma gumave ikā dharmādharma sājñā bhaṭā⟨ms: 28r⟩ra, kasi-⟨lb⟩hana varahәn rānak bhaṭāra,

sumahur bhaṭāra,

nihan kavruhanantānaku, prastāvanikaṅ dharmādharma, kadadi deniṅ jan-⟨lb⟩ma, enak kva pahiḍәpnikaṅ ātmā ri viṣaya, atәguh pasambaddhānya lāvan ikaṅ śarīra, ya tekā suka liṅnya, ya mataṅnyan pamet suka,

ikaṅ sukasādhana, ya ta ginṛhītaniṅ buddhi, ikaṅ buddhi ya ta mānaka⟨lb⟩ jñāna, ikaṅ jñāna, ya ta mavṛtti limaṅ puluh kvehnya, ikaṅ vṛtti limaṅ pu-⟨lb⟩luh⟨lb⟩ ya tekā mānak akveh tan kavәnaṅ vinilaṅ, ya mataṅnyan akveh prabheda-⟨lb⟩niṅ janma, akveh ta kahyunya, akveh ta lāranya, akveh ta sukanya,

vṛttinikaṅ buddhi limaṅ puluh, ya tekā ujarakna, nihan prakāranya⟨,⟩ hana caturaiśva⟨ms: 28v⟩rya, vvalu kvehnikā lāvan baliknya, hana pañcaviparyaya⟨lb⟩ ṅaranya hana aśakti vvalu likur kvehnya, hana ta tuṣṭi saṅa kvehnya, hana ta⟨lb⟩ aṣṭasiddhi ṅaranya,

ndya ta lakṣaṇanikaṅ caturaiśvarya, anuṅ pinakavījaniṅ buddhi, yan⟨lb⟩ sattva magə̄ṅ iriya, dharma ṅaranya nihan, hana jñāna mahyun rahayu, ikaṅ⟨lb⟩ dharma maṅdadyakәn hayu, yekā inabhyāsanya, śīla rahayu⟨,⟩ agәlәm ta ya⟨lb⟩ mayajña, manah rahayu, agәlәm ta ya mabrata, manah puṇya kavәnaṅnya,⟨lb⟩ utsāha ta ri samyajñānādhikṛtā ta ya, agәlәm ta ya mayoga, nāhan inabhyā-⟨lb⟩sanya, ikaṅ ta gave ka⟨ms: 29r⟩beh, athavā salah tuṅgal rva tәlu kunaṅ gaveyakna,⟨lb⟩ dharma ta, ṅaranya, nihan taṅ jñāna ṅaranya, ikaṅ jñāna maṅabhyāsa ka-⟨lb⟩paṅguha saṅ hyaṅ paramārtha, ndan pramāṇa tәlu pinakasuluhnya, ikaṅ⟨lb⟩ samādhi pinakasādhananya, ya sinaṅguh samyajñāna ṅaranya, vairāgya ṅa-⟨lb⟩ranya, ikaṅ jñāna tan aharәp ri suka, tan tṛṣṇa ri hurip, ndya suka ṅaranya,⟨lb⟩ nyaṅ bhoga⟨,⟩ upabhoga, paribhoga, bhoga ṅaranya, ikaṅ pinaṅan, upabhoga⟨lb⟩ ikaṅ sinaṇḍaṅ, paribhoga ikaṅ kavula vәnaṅvәnaṅ, ikā ta kabeh,ikaṅ ta kabeh Ed. and cod. tan aharәp ⟨lb⟩ irika,

hana ta bho⟨ms: 29v⟩ga karәṅə̄, kadyaṅgāniṅ svarga kahyaṅan, tan ahyunātah irikā⟨lb⟩ kabeh, parimāṇa drabyanya, drabyanya ṅaranya, huripnya, tan aharәpātah⟨lb⟩ irika kabeh, ya ta sinaṅguh vairāgya ṅaranya, nihan taṅ aiśvarya ṅaranya,⟨lb⟩ ikaṅ kinahanan deni bhoga upabhoga paribhoga, kinatvaṅan deni padanya⟨lb⟩ janma, ya aiśvarya ṅaranya, ikaṅ ta kapat, ikaṅ dharma, jñāna, vairāgya, aiś-⟨lb⟩varya, vījani buddhīka kabeh, ndan yan agә̄ṅ sattvaniṅ buddhi ika, yan⟨lb⟩ pakavīja caturaiśvarya, yapvan tamah agə̄ṅ balikni caturaiśva⟨ms: 30r⟩rya, pinakavī-⟨lb⟩janya,

ndya baliknya nihan, adharma, ajñāna, avairāgya, anaiśvarya, adharma⟨lb⟩ ṅaranya, ikaṅ ambhәk manayākәn gave hayu, liṅnya, pradānanikaṅ vvaṅ⟨lb⟩ mapuṇya, mabhojana maveh sәkul tәvas hәnti drabyanya, tan iya ta maphala⟨lb⟩ svarga, maṅkana mamaṅun prāsāda, maṅulur liṅga, mahoma, maṅkana liṅ-⟨lb⟩nya ri buddhinya, manayākәn dharmān āgәṅ tamahnya, nihan taṅ ajñāna,⟨lb⟩ ikaṅ ātmāpuguṅ apan tan hana tinutnya, luput saṅkeṅ pratyakṣapramāṇa,⟨lb⟩ anumānapramāṇa, […]a⟨ms: 30v⟩naiśvarya ṅaranya, duhka sadākāla, nahan kaba-⟨lb⟩liknikaṅ caturaiśvarya, ya tekā pinakavījani buddhi, yan tāmasa ◆

apa byaktiniṅ phalanya, ndya, phalanya nihan, ikaṅ janma yan paṅabhyā-⟨lb⟩sa dharma, yekā nimittanyān kavaveṅ svarga, salvirni bhoga bhinuktinya,⟨lb⟩ hәnti pva phalanikaṅ gave hayu, maṅjanma ta ya riṅ devatā, alavas ya dadi⟨lb⟩ devatā, maṅjanma ta ye mānuṣa, ya tekā dadi ratu, athavā vvaṅ sugih kṛta-⟨lb⟩puṇya kunaṅ dadinya, apan vәkasnikaṅ bhoga ri svarga ya tu⟨ms: 31r⟩mut ri mānu-⟨lb⟩ṣa, nihan ta phalaniṅ samyajñāna, yan dadi samādhinya ri bhaṭāra, maka-⟨lb⟩sādhana pramāṇa tәlu, sira ta paṅasthūlan bhaṭāra, kadi kasiddhyan bhaṭāra⟨lb⟩ kasiddhyanira, lavan kāṣṭaiśvaryan bhaṭāra, yatanyan valuya janma, apan⟨lb⟩ sakāmakāma sira, asiṅ sakahyunira dadi, sakaharәpnira tәka, nahan kadib-⟨lb⟩yanni samyajñāna yan pinakavījaniṅ buddhi, nihan ta phalani vairāgya,⟨lb⟩ yeki līna riṅ prakṛtiloka, kadi sukaniṅ maturū lvirnikaṅ suka bhinuktinya⟨lb⟩ ṅkāna, salavasnya hana ri prakṛti⟨ms: 31v⟩loka, maṅjanma ta ya devatā, nahan phala-⟨lb⟩niṅ vairāgya yan pinakavījaniṅ buddhi, nihan ta phalaniṅ aiśvarya, sira⟨lb⟩ ta prabhu riṅ svarga, ṅke ikaṅ bhoga binuktinya, ri vәkas maṅjanma ta ya⟨lb⟩ devatā, nahan ta phalaniṅ aiśvarya yan pinakavījaniṅ buddhi,

nihan ta phalani baliknya, ikaṅ ambhәk manayākәn gave hayu, māti pva⟨lb⟩ ya dlāha, yekā dadi triyak, paśu, mṛga⟨,⟩ pakṣi, sarīsṛpa, sthāvara, paśu ṅa-⟨lb⟩ranya, kadyaṅgāniṅ sattva tamolah riṅ ārya, kәbho, sapi, asu, vәk, prakāra,⟨lb⟩ mṛga ṅaranya, ikaṅ sattva tamo⟨ms: 32r⟩lah riṅ alas, kadyaṅgāniṅ kidaṅ, mañjaṅan, ⟨lb⟩ ityevamādi, pakṣi ṅaranya saprakāraniṅ mәr, kadyaṅgāniṅ manuk⟨,⟩

sarīsṛpa ṅaranya, ikaṅ pvāṅlāh makapaṅlaku dadanya, kadyaṅgāniṅ ulā,⟨lb⟩ lintah, vәdit, irispoh tәktәk lәtuh, sthāvara ṅaranya, kayukayu, odvad, dukut,⟨lb⟩ nahan pratyekaniṅ triyak, ya tikā tәmahaniṅ janma yan pinakavīja adhar-⟨lb⟩ma, nihan phalaniṅ ajñāna, ya teki maputәran ri devamānuṣatriyak,⟨lb⟩ lāvan⟨lb⟩ svarganaraka, apan akveh ikaṅ gave halahayu kavaṅun de⟨ms: 32v⟩nya{,} ṅūni⟨,⟩ pu-⟨lb⟩nah vvaṅ janmanya, phalaniṅ gavenya hala mvaṅ hayu tan dadi tan ka-⟨lb⟩bhukti, ya mataṅnyan kapaṅguh ikaṅ cakrabhāva denya, nahan phalaniṅ⟨lb⟩ ajñāna, yan pinakavījaniṅ buddhi, nihan phalaniṅ avairāgya, yekā mәnәr⟨lb⟩ mare naraka, salvirniṅ lāra bhinuktinya, yan akveh pāpanya, alavas ya haneṅ⟨lb⟩ yamani, yāpvan akәdik gavenya hala, ya ta vineh madadya janma mānuṣa⟨lb⟩ muvah, yekā dadi vvaṅ vikāra, tan ya pada lāvan saṅsārajanma, vudug, vuta,⟨lb⟩ vuṅkuk, tuli, rudan, ayan, vikәt⟨,⟩ siṅkәl, bisu, nāhan tәma⟨ms: 33r⟩hanya, nihan ta ⟨lb⟩ phalani anaiśvarya, yekā kinasampayan, lāvan tan ya maṅguh sakaharәp-⟨lb⟩nya, mataṅnyan kapanasan sadākāla, momo pvekā manahnya, kadadi taṅ⟨lb⟩ śīla mahala denya, dadi ya mahabәt, maliṅ manumpu, phalaniṅ gavenya⟨lb⟩ maṅkana, ya mataṅnyan tibā ri naraka,

hәnti pva phalani gavenya hala, sinavurakәn ta ya ri madhyapada de saṅ ⟨lb⟩ yamabala, ya ta dadi pipīlika, nahan phalani anaiśvarya, yan pinakavījani ⟨lb⟩ buddhi, ikaṅ ta kabeh ya tekāpusniṅ janma, anuṅ dumeh yāhiḍәp ⟨ms: 33v⟩ duhka⟨lb⟩ satatā, ya sinaṅguh saptabandhana ṅaranya, pitu apus apus pitu ṅaranya, ni-⟨lb⟩han ikaṅ inajarakәn kabeh, ndya inajarakәn, yan kva liṅanta, yeki ⟨dharma,⟨lb⟩ vairāgya, aiśvarya,⟩ adharma, ajñāna, avairāgya, anaiśvarya, nāhan yaṅ sap-⟨lb⟩tabandhana ṅaranya, yan apa yan hәnti sasaṅkeṅ cakrabhāva, ya ta karih,⟨lb⟩ yan maṅkana liṅanta, yan paṅguh ikaṅ samyajñāna juga, apan dumeh ikaṅ⟨lb⟩ ātmā maluya ri bhaṭāra paramakāraṇa, maṅkana liṅ bhaṭāra,

sumahur saṅ kumāra,

kāsihana rānak bhaṭāra, varahәn ri sādhananiṅ magave samādhi, maṅ-⟨lb⟩kana ⟨ms: 34r⟩ liṅ saṅ kumāra,

sumahur bhaṭāra,

mәne ikājarakna kaliṅniṅ yogapāda, kunaṅ vījanikaṅ buddhi vuvus hәnti⟨lb⟩ muvah ◆

hana pañcaviparyaya ṅaranya, lvirnya, tamah, moha, mahāmoha, tāmisra, andhatāmisra

tamah ṅaranya, ikaṅ ambhәk mahyun mamukti{,} ikaṅ bhogaviṣaya, ap-⟨lb⟩an iki ya pamuktyananta viṣayasuka, ya mataṅnyan prihtaṅ kasugihan, ma-⟨lb⟩hәmāsa, manaṇḍaṅa, mahulun mastrī rahayu, apan tan hana lәviha sakeṅ⟨lb⟩ sukaniṅ dadi vvaṅ, maṅkana liṅnya, ya ta mataṅnyan parәmәni amet bhoga⟨lb⟩ saka⟨ms: 34v⟩la, yekā tamah ṅaranya ◆ nihan taṅ moha ṅaranya, hana rakva lәvih⟨lb⟩ saṅkeṅ māvak, siddhi rakva ṅaranya, dadi māvak dadi tan pāvak, yekā ka-⟨lb⟩harәpku tәmunәṅku, marapvan vәnaṅ humalap sakaharәpku, ya moha ṅa-⟨lb⟩ranya ◆ mahāmoha ṅaranya, ikaṅ ambhәk mahyun maṅgihakәna kasiddhy-⟨lb⟩an, donanya kapaṅgihaniṅ aṣṭaiśvarya deku, muktya tāku riṅ svarga mvaṅ⟨lb⟩ mānuṣaloka, yekā mahāmoha ṅaranya ◆ tāmisra ṅaranya, ikaṅ ambhәk ma-⟨lb⟩harәp rumaṅkәpanaṅ dveṣa viṣaya, lavan aṣṭaiśvarya ya tā⟨ms: 35r⟩misra ṅaranya ◆ andhatāmisra ṅaranya, ikaṅ ambhәk humalaṅakәn ikaṅ sukānāgata, lavan⟨lb⟩ humālaṅ ya huvus hilaṅ, ikā ta kalih, ya tekā pinakavījaniṅ buddhi yan agə̄ṅ⟨lb⟩ tamahnya, mamuhāra saṅsāra ika kabeh ◆

hana ta navatuṣṭi ṅaranya, ikaṅ ambhәk matis, pradhānaka, upādānaka, akāla, abhāgya, nahan taṅ ādhyātmikatuṣṭi ṅaranya,

pradhānakatuṣṭi ṅaranya, hana vvaṅ tumon halani śarīranya, ndātan⟨lb⟩ paṅlareri manahnya, paran kunaṅ mahala śarīraṅku, mahala kunaṅ gaveṅku⟨lb⟩ ṅūni, ya ⟨ms: 35v⟩ ta maphala śarīraṅku maṅke, kunaṅ yatanyan lituhayu ike jan-⟨lb⟩maṅku sovah, ndāk amrih magave hayu maṅke,

salvirniṅ makaphala lituhayu ri janmaṅku sovah, ya gavayaknaṅkva maṅke,⟨lb⟩ maṅkana liṅnya, lumәkas ta ya magave hayu, brata, yan yajña, yan jñāna ku-⟨lb⟩naṅ, yeka pradhānakatuṣṭi ṅaranya, hana ta upādānakatuṣṭi ṅaranya, ikaṅ⟨lb⟩ ambhәk tan malara kavәkasan hutaṅ deni kavvatanya, athavā svabhāvani⟨lb⟩ kavvatanya, kunaṅ ikaṅ gumave kaluputaknani kavvatanya ri saṅsāra, ya ⟨ms: 36r⟩ ta⟨lb⟩ ginavayakәn ya tan arusuh, yekā upādānakatuṣṭi ṅaranya, hana ta akālatuṣṭi⟨lb⟩ ṅaranya, hana vvaṅ manomahnomah, ndan inaṅgәh ta ya deni raranya,⟨lb⟩ ikaṅ ambhәk mabhaya pinadәmnya riṅ ambhәk matis, yeka akālatuṣṭi ṅa-⟨lb⟩ranya, abhāgyatuṣṭi ṅaranya, ikaṅ vvaṅ mandabhāgya, tan pamaṅguh inak⟨lb⟩ ambhәk salavasni dadinya, saṅka ri larany ambhәknya, umәgil ta ya ri saṅ⟨lb⟩ vruh maṅaji saṅ paṇḍita guruni rat kabeh, sira ta panambhahanya, patatak-⟨lb⟩vananya ri prāya, vinarah ta ya de saṅ paṇḍita, kino⟨ms: 36v⟩n ta ya maṅabhyāsa vidhi, enak tāmbhәknyān paṅabhyāsa, ya tekā abhāgyatuṣṭi ṅaranya,

nihan taṅ vāhyatuṣṭi ṅaranya, hana vvaṅ luput saṅke viṣaya, kadyaṅgāni⟨lb⟩ vvaṅ maharәp maraby ahayu, mamaṅana enak, manaṇḍaṅa dodot rahayu⟨lb⟩ kunaṅ, huvus pva kapaṅguh denya, tuṣṭi hatah ṅaranya, hana ta vvaṅ ma-⟨lb⟩tәmu lāvan kasihnya, tuṣṭi hatah ṅaranya, hana vvaṅ mamet drabya, athavā⟨lb⟩ mamet guṇa kunaṅ huvus kapaṅguh ikaṅ pinetnya, tuṣṭi hatah ṅaranya, hana⟨lb⟩ ta vvaṅ huvus siddhikāryanya ikaṅ sapinetnya, tuṣṭi ⟨ms: 37r⟩ hatah ṅaranya, hana ta⟨lb⟩ vvaṅ malāra sakit, halvaṅ pva lāranya, tuṣṭi hatah ṅaranya, hana ta vvaṅ⟨lb⟩ mamunuh kәbho sapi paṅanәnya, tuṣṭi hatah ṅaranya, nahan taṅ navatuṣṭi⟨lb⟩ ṅaranya⟨,⟩ pinakavījaniṅ buddhi ika kabeh ◆

nihan taṅ aṣṭasiddhi ṅaranya, dāna, adhyayana, śabda, tarka, sauhṛdaya,⟨lb⟩ trayo duhkavighāta, nahan taṅ aṣṭasiddhi ṅaranya,

dāna, ṅaranya, saṅ vәnaṅ umehakәn kāyanira riṅ saṅ paṇḍita, lavan ri saṅ-⟨lb⟩sārajanma kunaṅ, lvirni vinehakәn, tәlu prakāranya, kāya, śabda, ambhәk⟨lb⟩ rahayu, nihan ta kapirvan i kasiddhya⟨ms: 37v⟩n, saṅ vәnaṅ maṅāji śāstra purāṇa,⟨lb⟩ tattvajñāna kunaṅ, siddhi hatah ṅaranika, ⟨śabda ṅaranya,⟩ hanātah hu-⟨lb⟩vus maṅabhyāsājinira, dadi sira siddhavākya savuvusnira siddhi, athavā sira⟨lb⟩ dadi maṅrәṅə̄ śabda sakeṅ sūkṣma, saṅka ri tibrani paṅrәṅə̄nira, siddhi⟨lb⟩ hatah ṅaranikā, hana tarkasiddhi ṅaranya, ikaṅ jñāna ton ikaṅ atītānāga-⟨lb⟩tavartamāna, siddhi hatah ṅaranikā⟨,⟩ hana ta huvus manәmu guru viśeṣa,⟨lb⟩ siddhi hatah ṅaranikā,

hana ta vәkasnikaṅ kasiddhyan saṅ viku, saṅ yogīśvara juga, apan sira⟨lb⟩ vәnaṅ humilaṅakәn ikaṅ duhka tәlu ṅaranya, hanādhyātmi⟨ms: 38r⟩kaduka ṅaran-⟨lb⟩ ikā, hanādhidaivikaduhka ṅaranya, hanādhibhautikaduka ṅaranya, rva pra-⟨lb⟩kāranikādhyātmikaduka ṅaranya, mānasa, lāvan śārīra, mānasa ṅaranya,⟨lb⟩ kāma, krodha, lobha, bhaya, asūyā, kāma ṅaranya hyun, krodha ṅaranya,⟨lb⟩ galak, lobha ṅaranya, tan pahuvusan maṅarjana dravya, bhaya ṅaranya, ta-⟨lb⟩kut, asūyā ṅaranya, ikaṅ gәlәm tan vәnaṅ malәs, nahan taṅ duhka saṅkeṅ⟨lb⟩ manah,

nihan taṅ duka saṅkeṅ śarīra, orәm, gigil, śūlān⟨,⟩ lārahatin, puyәṅ, kuris,⟨lb⟩ saprakāraniṅ lārān pasaṅkan, yekādhyātmikaduhka, ya tikā hinilaṅakәn saṅ⟨lb⟩ yogīśvara, ⟨ms: 38v⟩ ādhidaivikaduka ṅaranya, sinambhәr i gәlap, edan, kapasuk⟨lb⟩ iṅ gaṇa bhūta, lāvan piśāca, yeki ādhidaivikaduka ṅaranya, kunaṅ ikaṅ pinәraṅ,⟨lb⟩ pinalu, rinacun, tinәluh⟨,⟩ pinatuk iṅ ulā, pinaṅan iṅ vuhaya, saprakāraniṅ⟨lb⟩ lāra saṅkeṅ havak, yekādibhautikaduka ṅaranya, ikā ta kabeh, ya ta hilaṅ de⟨lb⟩ saṅ yogīśvara,

sumahur saṅ kumāra,

kunaṅ apa ta denira saṅ yogīśvārān humilaṅakәn kalāra samaṅkana⟨lb⟩ sājñā bhaṭāra, maṅkana liṅ saṅ kumāra,

sumahur bhaṭāra,

hәlәm ikā hujarakna riṅ yogapāda, apan tan hәnti vṛttinikaṅ buddhi vaneh,⟨lb⟩ ndya vṛtti⟨ms: 39r⟩ni buddhi vaneh, yan kva liṅanta, hana aśakti ṅaranya, vvalu-⟨lb⟩likur kvehnya, lakṣaṇanya yekā kavruhananta,

ndya ya, yekiṅ daśendriya, tan vәnaṅ humiḍәp riṅ viṣayanya, taliṅa tuli, kulit⟨lb⟩ vudug, mata tan panon, ilat bisu, iruṅ apalәh, tutuk vulaṅun, tan aharәp⟨lb⟩ maṅkana kunaṅ, taṅan kiṅkiṅ, suku lumpuh, silit mrәdu, tan vәnaṅ aṅisiṅ⟨lb⟩ kunaṅ, pәlāt kәdi, nahan lakṣaṇanikaṅ daśendriya, an tan vәnaṅ ri viṣaya-⟨lb⟩nya, aśakti hatah ṅaranya,

hana ta baliknikaṅ navatu⟨ms: 39v⟩ṣṭi lāvan aṣṭasiddhi, nihan lakṣaṇanya, ⟨apra-⟨lb⟩dhānaka ṅaranya⟩ halani śarīranya, prastāvanyān paṅimpuluniṅ magave⟨lb⟩ hala, anupādānaka ṅaranya, hutaṅnya hiḍәpnya hutaṅni kavvatanya, dadi⟨lb⟩ ya miṅgat, akāla ṅaranya, tan vәnaṅ sumorakәn taṅgәhni raranya, dadi⟨lb⟩ ya muṅpaṅ, tan vәnaṅ tumambhāni sakahinani avaknya, moha ta ya, tan⟨lb⟩ apilih salviranya, viṣayānurasa, hana vvaṅ tumәmu kaharәpnya, ndan⟨lb⟩ lobha⟨lb⟩ ta ya, tan patambhān ikaṅ huvus kapaṅguh denya, hana mabhojanāsukha,⟨lb⟩ alәmәh magave ya, hana tan vәnaṅ rumakṣa ha⟨ms: 40r⟩yunya, mvaṅ kalituhayunya,⟨lb⟩ arabi laraṅan, mahәmas tinotohakәnya ri savuṅ judi nita, mahurip an pamuk⟨lb⟩ pva, hana kṣayarāga, hana vvaṅ malāra ndātan tambhān, avәdi maṅinuma⟨lb⟩ mapyak mapahit, matakut mabhaya ri saṅ manambhā,

hana vvaṅ tan patәmu lāvan kasihnya, anaṅis tan vәnaṅ mukti drabyanya,⟨lb⟩ nahan baliknikaṅ navatuṣṭi, aśakti hatah ṅaranikā,

hana ta balikni aṣṭasiddhi, adāna, tar dadi maveveh, astham agaveya⟨lb⟩ dharma, anadhyayana, tan paṅaji, tvas āji svataḥniṅ ṅvaṅ, tan byakta vruha⟨lb⟩ ri viśe⟨ms: 40v⟩ṣa, anaśabda, tan paṅabhyāsa kasādhakan, an aku hyaṅ, apa ta gaveya-⟨lb⟩niṅ mamrih, tvas prihatin ṅvaṅ denya⟨,⟩ anatarka, tan katon ikaṅ atītānā-⟨lb⟩gatavartamāna, asauhṛdayaḥ, tan paguru viśeṣa, maguru matәka, ndān kadi⟨lb⟩ parahu vatu, vvādәs maṅәntasakna ri saṅsārasamudra, ya mataṅyan paṅәlә-⟨lb⟩makәn riṅ mahānaraka,

ndya guru maṅkana marәki riṅ mahānaraka, nihan paṅavruhana, liṅnya,⟨lb⟩ kitātah kahanan bhaṭāra sakala, apan yeki magave liṅga mamaṅun prāsāda,⟨lb⟩ maṅanākәn poya, maṅhanākә⟨ms: 41r⟩n pinaṅan ininum, yeki kahanan saṅ hyaṅ⟨lb⟩ paramārtha, mamaṅan maturū saṅ hyaṅ ikā, lumaku, maluṅguh, asiṅ atah,⟨lb⟩ tulah saṅ hyaṅ ikā kabeh, nora salah ikā kabeh maṅkana liṅnya, ya mataṅ-⟨lb⟩nyan dadi humulahakәn apacāra, apan tan hanāpa liṅnya, dadi ya muṅpaṅ,⟨lb⟩ dadin paṅahala dravyaniṅ vaneh, tan apa ikā yan tuhutu kita, apan tuhutu⟨lb⟩ ṅaranya, hayva vәdi pati, apan yekā mahañutan ṅaranya, asiṅ mārganiṅ pati⟨lb⟩ ta pva, apan si pati ikaṅ sinaṅguh kamokṣan ṅa⟨ms: 41v⟩ranya,

maṅkana liṅni gurunya, yekā guru manәbakәn i naraka ṅaranya, aśakti ṅa-⟨lb⟩ranya, ṅke ri vṛttiniṅ buddhi ◆

nihan taṅ dukatrayavighatah ikā tan vәnaṅ humilaṅakәn dukatraya, apan⟨lb⟩ tan paṅabhyāsa samādhi, mataṅnyan tan paṅabhyāsa samādhi, apan tan⟨lb⟩ maṅkana rakva paramārtha liṅnya, tuhu mata saṅ hyaṅ paramārtha luput⟨lb⟩ saṅkeṅ yoga lāvan samādhi, apan buddhi sira, huvus karuhun ikaṅ rāga⟨lb⟩ dveṣa moha lāvan śarīra tan hana ikā ri bhaṭāra, apa deniṅ samādhi ri sira,⟨lb⟩ apan sira pva deni samā⟨ms: 42r⟩dhinira saṅ viku mvaṅ saṅ yogīśvara, yatanyan⟨lb⟩ pada lāvan bhaṭāra, inakunya pvāvaknya pada lāvan bhaṭāra, tan vәnaṅ hu-⟨lb⟩milaṅakәn dukanya tәlu, ya ta mataṅnyan aśakti ṅaraniṅ buddhi yan maṅ-⟨lb⟩kana,

sumahur saṅ kumāra,

kuraṅ tuṅgal ta vәkas ikaṅ aśakti yan tәka vvalulikur, ndya gәnәpanya,

nihan yaṅ manah mabalik, apan lakṣaṇaniṅ manah mamikalpa, tap-⟨lb⟩van vәnaṅ mamikalpa, ya ta sinaṅguh medan ṅaranya, nāhan gәnәpnikaṅ⟨lb⟩ aśakti vvalulikur, ikā ta kabeh, nimittaniṅ ātmasaṅsāra apan mamaṅguh⟨lb⟩ vāsanā ikā kabeh riṅ citta⟨ms: 42v⟩, vruh pva saṅ paṇḍita, an makveh vāsanānikaṅ⟨lb⟩ pāpa rumakәt{,} riṅ citta, ya ta mataṅnyan saṅ viku, matakut ri saṅsāra lā-⟨lb⟩van duka, hayva jәnәk ri byāpāra riṅ śarīra, huvus karuhun ikaṅ śīla hala⟨lb⟩ hayva ta ginavayakәn, apan yeka mamuhāra lara lāvan saṅsāra, aparan yo-⟨lb⟩gya gaveyakna takarih, nyaṅ trikāya paramārtha, ulah rahayu, śabda rahayu,⟨lb⟩ ambhәk rahayu, don ikā sādhananiṅ maṅabhyāsāṅambhәki bhaṭāra,

nihan varah-varah bhaṭāra yeki dәlәn iṅәt-iṅәtәn tәmәn-tәmәn, rāsāna ri ha⟨ms: 43r⟩ti,⟨lb⟩ apan iki mārga bәnәr, yapvan hana marah ri kita riṅ hayu, ndān apasalahan⟨lb⟩ lavan loka maṅruddha lāvan vvaṅ kabeh tālap hayva vinahil, ndan hayva⟨lb⟩ ta ginavayakәn, yan paropaghāta gumavayakәn dukaniṅ vaneh apan jāti-⟨lb⟩niṅ magave hala, hala tәkeṅ śarīra, yapvan pagave hayu, hayu tәkeṅ śarīra⟨lb⟩ hayu pva kahyuniṅ rat, ya mataṅnyan hayvātah gaveyaknanta hala hәlәm,⟨lb⟩ ikaṅ luput saṅkeṅ guṇadoṣa, maryada parilobha mvaṅ doṣa, yāvat kita luput⟨lb⟩ saṅkeṅ ⟨ms: 43v⟩ lokabyāpāra, tāmrih ta gave bhakti riṅ bhaṭāra, apan sira śaraṇani vәnaṅ maṅhilaṅakәn pāpa, sira dumeh ṅ vvaṅ amaṅguha suka viśeṣa, ikaṅ⟨lb⟩ inak tan pabalik lara, hurip tan pabalik pati, milv agave tan ilu ginave, vruh⟨lb⟩ tan kinavruhan, ya phalani bhakti ri bhaṭāra,

kunaṅ tәkapniṅ magave bhakti, ya takvānaknanta riṅ saṅ guru, kāṅә-⟨lb⟩naṅәnātah saṅsāraniṅ dadi janma, si hurip makāvasānaṅ pati, iki pati ṅa-⟨lb⟩ranya, viparīta tan hana tuturnya, apan kapasuk ri tamah, vәṅi tan paka-⟨lb⟩nimitta{,} tayā riṅ āditya⟨ms: 44r⟩,

ya ta kalavasan ṅaranya, balikni hurip lalu tan hinaknya, maṅkana tәhәr⟨lb⟩ hayvāṅhiḍәp sukaduka, kunaṅ tāpan pavārte janma, kadi kvehniṅ hilaṅ⟨lb⟩ kvehni mәtu, ya ta panәṅәranta an pajanma muvah ikaṅ ātmā, huvus ru-⟨lb⟩muhun ta yan hana vvaṅ jātismara, meṅәt ri dadinya ṅūni, tan salah⟨lb⟩ denya tumuduh kavitanya ṅūni pūrvakah lāvan ṅaranya dravyanya, nahan hana-⟨lb⟩nyān atutur apa tan hanaṅ tuduhnya ikā kabeh, lәhәṅ marekān rahayu jan-⟨lb⟩manya muvah, maluya dadi vvaṅ gumavaya⟨ms: 44v⟩kәna bhakti ri bhaṭāra, mārgani⟨lb⟩ janma kahvata ri hayu, yan {yaṅ} dadi kita ri saṅsārātah niyata kadyaṅgāniṅ⟨lb⟩ vikāra, tan pada lāvan saṅsārajanma, athavā yan paṅdadyana kәbho sapi asu⟨lb⟩ vәk, yeka kapәtәk tәmәn, apa tan hana gamanani kavruha riṅ heyopadeya,⟨lb⟩ vәnaṅa ta rakva ya mareṅ saṅ paṇḍita, tumakvanakәna kaliṅani janmanya,⟨lb⟩ mvaṅ kalәpasәnni janmanya, yan apa tekān vruha, apan huvus ikaṅ jan-⟨lb⟩manya, tan pasikәban, lәkas ta mәne ṅgәlәk, apa tan kinavruhan tәkaniṅ⟨lb⟩ pati,

sumahur saṅ kumāra,

aparan ikaṅ vāsanā ṅaranya, sājñā bhaṭāra, varahәn ta rānak bhaṭāra,

sumahur bhaṭāra,

ikaṅ karma tan dadi tan kabhukti phalanya, akveh pva kaṅ karma, ya ta⟨lb⟩ mataṅnyan makveh lvirniṅ janma, apan phalanikaṅ karma ya mamaṅun⟨lb⟩ śarīra, yan ⟨mahalā karma,⟩ mahalā śarīra, yan mahayva karma, mahayva⟨lb⟩ śarīra, mahala māyu pvekaṅ karma, vinaṅun i janma tuṅgal, ya mataṅnyan⟨lb⟩ asilisilih ikaṅ janma riya, huvus dadi devatā phalani gavenya hayu, tәka⟨lb⟩ pva phalaniṅ gavenya hala, matәmahan ta ya tiryak, hәnti pva phalanikaṅ⟨lb⟩ tiryak, tәka ta phala ni⟨ms: 45v⟩kaṅ mānuṣa, muvah ta phalanikaṅ karma ṅūni, ya ta⟨lb⟩ bhinuktinyān pamaṅun karma muvah, maṅkana ta jātini janma kabeh, ikaṅ karma huvus bhinukti yekā mamәkasakәn saṅaskāra ri citta sovaṅsovaṅ, ya⟨lb⟩ ta mataṅnyan kadi sinurat ikaṅ karma rumakәt iriya, kadyaṅgāniṅ siṅsәt i⟨lb⟩ havak, ya ta magave tuturni citta⟨,⟩ ikaṅ huvus bhinuktinya ṅūni, yan de-⟨lb⟩vatā, yan mānuṣa, yan tiryak, ikaṅ karmaphala tinutnya, ya ta bhinuktinya,⟨lb⟩ kapva tekā mamәkasakәn saṅaskāra ri citta, nihan pada⟨ms: 46r⟩nya, kadyaṅgān i⟨lb⟩ dyun an pinakavavan vaṅivaṅi, iṅgu kunaṅ, huvus hәnti hisinikaṅ dyun,⟨lb⟩ vinasәhan ta ya pinahalilaṅ ndān hanātah ambhə̄nya, turuṅ ⟨hәnti⟩ rum-⟨lb⟩akәt rikā dyun, maṅkana tekaṅ vāsanā, an pamәkasakәn saṅaskāra ri citta,⟨lb⟩ asiṅ agə̄ṅ vāsanā ri citta, ya pinakarūpaniṅ janma, apan asiṅ kinalpananiṅ⟨lb⟩ manah ya tinutniṅ karmanya maṅun janma muvah,

saṅ apa sira kumavruhi janma maṅkana sājñā bhaṭāra,

sumahur bhaṭāra,

aku huvus maṅhiḍәp saṅsāra, aneka ikaṅ janma bhinuktiku⟨,⟩ vәkasan{,}⟨lb⟩ tәkani ga⟨ms: 46v⟩veṅku hayu, kavava tāku ri saṅ paṇḍita, vinarah tāku riṅ dhar-⟨lb⟩maśāstra, ya ta inabhyāsaṅku, alavas pvāku gumavayakәn ikaṅ dharmaśās-⟨lb⟩tra, mati tāku, {muvah taku,} muvah tāku maṅjanma mānuṣa, atutur tāku ri⟨lb⟩ janmaṅku, muvah tāku humulunakәn śarīraṅku ri saṅ paṇḍita, vinarah tāku⟨lb⟩ ri yogadharma, ya ta inabhyāsaṅku ri rahineṅ vәṅi, ya ta ginavayakәnku,⟨lb⟩ alavas aku yogīśvara, sevu tahun lavasku yogīśvara, vinava tāku riṅ svarga,⟨lb⟩ inaranan tāku saṅ nīlalohita, tinariman tāku hanak dara, ⟨ms: 47r⟩ anak bhagavān⟨lb⟩ dakṣa, saṅ satī ṅaranira, māti pva saṅ satī, kavәkas tāku, maluya tāku yogī-⟨lb⟩śvara, tīkṣṇa pva deṅkv agave samādhi, māti tāku maṅjanma tāku ri bhaṭāra,⟨lb⟩ ndatan vәtu saṅke śuklaśonita, mәtu saṅke yoga bhaṭāra kami, apan lima⟨lb⟩ kveh mami sānak, patuṅgalani ṅaran mami, kuśika saṅ matuha, tumut ta⟨lb⟩ garga, lāvan maitri, saṅ kuruṣya, aku saṅ pātañjala ṅaranku, anak pamuṅsu,⟨lb⟩ ri saṅ pañcarṣi, atutur tāku ri kayogīśvaran, ya mataṅnyan manambhah ri⟨lb⟩ bhaṭāra, sakavvatan ma⟨ms: 47v⟩mi dadi sira gave saṅkramaṇa,

anaku saṅ kuśika, mabyakta takvanakna, kunaṅ deyanmu pәṇḍәm tāku, ma-⟨lb⟩ṅkana liṅnira ri saṅ kuśika pinet saṅ garga sira kinon maṅhañuta, luṅhā ra-⟨lb⟩sikā, pinet saṅ maitri, sira kinon manunva, luṅhā rasikā, pinet ta saṅ ku-⟨lb⟩ruṣya, sira kinon mamaṅguṅa, luṅhā rasikā, pinet tāku, mavәkas ta bha-⟨lb⟩ṭāra, mabhakti anaku, kunaṅ deyanmūsapa tāku, maṅkana liṅ bhaṭāra, tan⟨lb⟩ asove māti ta sira⟨,⟩ tәka ta saṅ kuśika, matutur pavәkas bhaṭāra, inalap-⟨lb⟩nira tekaṅ śava, pinәṇḍәmnira, ndāta⟨ms: 48r⟩n paveh iṅ kami kabeh, apan⟨lb⟩ kami pinakapamәkasan ri deya mami⟨,⟩ tәka ta saṅ hyaṅ brahmā⟨,⟩ viṣṇu, in-⟨lb⟩dra, yama, baruṇa, kuvera, āgneya, nairiti, bāyabya, aiśānya, sira sumambh-⟨lb⟩әsambhә ri kami kalima, dadi saṅ kuśika kinon mamәṇḍәma śava bha-⟨lb⟩ṭāra, sampun pinәṇḍәmnira, dinuduk sira de saṅ garga, hinañut ta sira⟨,⟩ hinalap sira de saṅ kuruṣya, sira umaṅguṅ śava bhaṭāra, tan asove hinalap ta⟨lb⟩ sira de saṅ maitri, sira tānunu śava bhaṭāra, sampun gәni matәmahan avu,⟨lb⟩ luṅhā ta sira kabeh, aku juga kavәkas kumukup havu bhaṭāra, inalapku tāvu-⟨lb⟩nira, saṅka ri bhaktiku maguru, ya ta mataṅnyan husapakәn ikaṅ ⟨ms: 48v⟩ ⟨lb⟩ havu ry avaku, vaneh pinaṅkuku, tan sove hilaṅ ta rūpaṅku pātañjala, sarūpa⟨lb⟩ bhaṭāra ṅūni kālanira hurip, trinayana caturbhuja, sphaṭika pakajanmasthā-⟨lb⟩na, samaṅkana ikaṅ rūpa pinaṅguhku, tәka kaṅ devatā kabeh mamūja ri⟨lb⟩ gandhākṣatadīpādi, lāvan kәmbhaṅ saṅkīrṇa, tәka ta saṅ hyaṅ ananta hu-⟨lb⟩mundaṅ aku, muliha riṅ abhavapāda,

tā vihaṅ hinәnah tāku ri kahyaṅan i kavvatanku, yeki ri śrīkaṇṭhabhuvana⟨lb⟩ ṅaranya, i ruhurni saṅ hyaṅ śrīkaṇṭha, alavas aku riṅ abhavapāda, kinon⟨lb⟩ tāku muṅgva rike brahmāṇḍa, ya tәmahankva guru ri rat kabeh, ya mataṅ-⟨lb⟩nyan paṅaji ikaṅ devatā kabeh ṅke riṅ brahmāṇḍa,

hana pva ⟨ms: 49r⟩ daitya si nīlarudraka ṅaranya, ya ta kumavāśākәn ikeṅ brah-⟨lb⟩māṇḍa, gәlәṅ tekaṅ devatā kabeh, deni bhaṭārī sarasvatī maṇḍәm ri lidah-⟨lb⟩nya, ya ta mataṅnyan salah ujar, tan matya deni devatā daitya dānava, an⟨lb⟩ umatyanāku, yan hanānak bhaṭāra mәtu saṅke śuklaśonita ya umatyana, ma-⟨lb⟩ṅkana liṅnya, dadi ikaṅ devatā kabeh, mintakāsih ri saṅ hyaṅ kāma,⟨lb⟩ uma-⟨lb⟩nah aku ri rāgivaśa, yatanyan atәmaheṅ hyun, tā vihaṅ ta saṅ hyaṅ kāma, pinanahnira tāku riṅ rāga, dinәlәṅku ta saṅ hyaṅ kāma, ri katiga⟨ms: 49v⟩ni mata-⟨lb⟩ṅku, ya mataṅnyan gәsәṅ avak saṅ hyaṅ kāma matәmahan āvu, huvus maṅ-⟨lb⟩kana, tumut ta devatā kabeh, kapva ta ya humaṇḍәm anambhah, apan giri-⟨lb⟩girin an tumon i saṅ hyaṅ kāmān patәmahan āvu, ya ta mataṅnyan panam-⟨lb⟩bhah umajarakәn vuvusnikaṅ daitya si nīlarudraka, pәjaha deni tanayanku⟨lb⟩ mәtu saṅkeṅ śuklaśonita, tan vihaṅ pinintakasihan kabeh, kinon ta ya sum-⟨lb⟩omaha ibunta bhaṭārī umā, ya mataṅnyan pakānak saṅ hyaṅ{,} gaṇapati, lā-⟨lb⟩van saṅ bhṛṅgiriṭi, katigānaku saṅ kumāra, nāha⟨ms: 50r⟩n kramani dadiṅku ṅūni,⟨lb⟩ mataṅnyan avas deṅkv aṅavruha ikaṅ karmaphalān pamәkasakәn saṅaskāra⟨lb⟩ ri citta, maṅkana liṅ bhaṭāra,

sumahur saṅ kumāra,

ndya ta menaka irikiṅ dadi janma kabeh sājñā bhaṭāra, maṅkana liṅ saṅ⟨lb⟩ kumāra,

sumahur bhaṭāra,

nora kәtah menak irikiṅ janma kabeh anaku, apa pvānuṅ suka ṅaranya, nya-⟨lb⟩pan tahan kva liṅanta, aṅhiṅ ikaṅ kamokṣan juga, yeki suka viśeṣa ṅaranya,⟨lb⟩ apan huvus sātmaka lāvan bhaṭāra paramakāraṇa, maṅkana liṅ bhaṭāra,

sumahur saṅ kumāra,

saṅ apa ta sira sinaṅguh ⟨ms: 50v⟩ bhaṭāra paramakāraṇa ṅaranira,

sumahur bhaṭāra,

saṅ laṅgәṅ kasūkṣmanira, sira sadāśauca, alilaṅ ta kәneṅ mala, sadāsuka⟨lb⟩ tar pakapūrvakaṅ janma pisaniṅu, tan kadi kami kabeh, sakveh saṅ hyaṅ⟨lb⟩ aṣṭavidyeśāna, huvus karuhun saṅ hyaṅ brahmā viṣṇu lāvan vatәk lokapāla,⟨lb⟩ makapūrvakaṅ saṅsāra rasikā kabeh, kunaṅ saṅka ri gə̄ṅnikaṅ bhaktinira ri⟨lb⟩ bhaṭāra, lāvan tīkṣṇani samādhinira, nahan mataṅyan inalap muliha mareṅ⟨lb⟩ kahyaṅan, tatan maṅkana bhaṭāra paramakāraṇa, sadāsuka juga sira, ndān⟨lb⟩ makāvasāna saṅ⟨ms: 51r⟩sāra sira, maṅjanma mānuṣa sira hәlәm, nyapan tahan kva⟨lb⟩ liṅantānaku, tamatan hana gamananira janmānaku, apan sarvajña sira, sira⟨lb⟩ kumavruhi rat kabeh vruh sira ri maṅde saṅsāra, lāvan lāra, ndātan vәnaṅ⟨lb⟩ milagi ya, tan vruh ri deyanya, deni maṅhilaṅakәn lāra,

lāvan hana ta caduśakti ri sira, ndya caduśakti ṅaranya, ⟨vibhuśakti, jñā-⟨lb⟩naśakti, kriyāśakti, prabhuśakti,⟩

⟨vibhuśakti ṅaranya, aṅavaśyaḥ,⟩ anāveśyaḥ, aṅavaśyaḥ ṅaranya, tā kәneṅ⟨lb⟩ rāga, dveṣa, moha, aṅavaśyaḥ ṅaran ikā, anāveśyaḥ ṅaranya, tar kataman, tar⟨lb⟩ dadi pinakāvak sirātah makāvak sarvabhāva, ⟨ms: 51v⟩ yeka anāveśyaḥ ṅaranya, ika⟨lb⟩ ta kabeh, yekā vibhuśakti ṅaranya,

⟨: 284⟩ nihan taṅ jñānaśakti ṅaranya, dūradarśana, dūraśravaṇa, dūrāt manana, dūr-⟨lb⟩āt masarvajñatā, śravaṇa ṅaranya, rumәṅə̄ hadoh aparәk, dūradarśana ṅa-⟨lb⟩ranya, tumon adoh aparәk, athavā tā tutupan kunaṅ ikaṅ vastu, katonātah⟨lb⟩ denira, dūrāt manana ṅaranya, vruh ri jñānaniṅ adoh aparәk, dūrāt ma-⟨lb⟩sarvajñatā ṅaranya, vruh ri kriyā kabeh, lāvan sarvavastu, nahan taṅ jñāna-⟨lb⟩śakti ṅaranya,

kriyāśakti ṅaranya, manojavitvaṁ, vikaradharmitvaṁ, ⟨ms: 52r⟩ kāmarūpitvaṁ,⟨lb⟩ manojavitvaṁ ṅaranya, adrәs ira saṅkeṅ manah, apan hana sira ri rat kabeh,⟨lb⟩ ndātan katon, vikaradharmitvaṁ ṅaranya, tar ginave, sirātah magave, kāma-⟨lb⟩rūpitvaṁ ṅaranya, sakaharәpnira tәmahananira, ya pinakarūpanira, nahan⟨lb⟩ ya kriyāśakti ṅaranya,

prabhuśakti ṅaranya, abhītaḥ, akṣayaḥ, ajaraḥ, amaraḥ, ⟨apratihataga-⟨lb⟩tiḥ,⟩ abhītaḥ ṅaranya, tar matakut, akṣayaḥ ṅaranya, tar pakalvaṅan, ajaraḥ⟨lb⟩ ṅaranya, tā kәneṅ tuha, amaraḥ ṅaranya, tar kәneṅ pāti, apratihatagatiḥ, tan⟨lb⟩ katahәnan, nāhan yaṅ prabhuśakti ṅaranya, ika{,} ta ⟨ms: 52v⟩ śakti bhaṭāra ika, ya⟨lb⟩ kabeh, ya ta pinakapaniddha ri śakti bhaṭāra,

sumahur saṅ kumāra,

liṅ bhaṭāra, ṅūni, tar pāvak saṅ hyaṅ paramārtha, tathāpi vinuvus śak-⟨lb⟩tinira, ndya ta rakәtani śakti bhaṭāra paramārtha, sājñā bhaṭāra, saṅ⟨lb⟩ apa katonani kaiśvaryanira sājñā bhaṭāra, maṅkana liṅ saṅ kumāra,

sumahur bhaṭāra,

saṅ yogīśvara sampun siddhātah, sira katonan i śakti bhaṭāra, apan sira hum-⟨lb⟩yāpāra ikeṅ rāt kabeh,

sumahur saṅ kumāra,

tan hana pva bhaṭāra, yan ṛṣi siddha juga katonan i śakti bhaṭāra, ma-⟨lb⟩taṅnyan tan hana sira, aṅhiṅ śa⟨ms: 53r⟩ktinira panәṅәranni hananira, muṅgva ri saṅ paṇḍita pva śakti bhaṭāra, ya mataṅnyan tayā saṅ hyaṅ paramārtha yan⟨lb⟩ maṅkana,

sumahur bhaṭāra,

taha pih tan tayā saṅ hyaṅ paramārtha, apan tan śaktinira vinehakәnira saṅ⟨lb⟩ paṇḍita, ndya saṅkani śakti saṅ paṇḍita karih, yan maṅkana liṅanta, śakti⟨lb⟩ ṅkā ri havaknira juga śakti saṅ siddha,

sumahur saṅ kumāra,

apa dumehnya kābhibyaktā vәkasan sājñā bhaṭāra,

hasih sira bhaṭāra ri saṅ yogi kaliṅanya, apa dumeh sirāsiha ri saṅ yogi, saṅka⟨lb⟩ ri pamrihnira gave samādhi, satatā riṅ rahine vәṅi, ya mataṅnyan asih ⟨ms: 53v⟩ bha-⟨lb⟩ṭāra ri saṅ yogi, hinilaṅakәnira ta kleśa ri śarīra lāvan lāranira, kābhibyaktā⟨lb⟩ kalāra saṅ yogi vәkasan, apan ikaṅ mala tumutupi śaktiniṅ ātmā ṅūni, hi-⟨lb⟩laṅ marekā mala, yan kva liṅa saṅ para, tan vәnaṅa taṅ ātmā humilaṅakәn⟨lb⟩ malanya juga, apan tan avruh lakṣaṇaniṅ mala, mataṅnyan tan vruh ikaṅ⟨lb⟩ ātmā ri lakṣaṇani mala, apan ivәṅ-ivәṅ avaknya lāvan ikaṅ mala,

ndyāvakaniṅ ātmā yan kva liṅanta, yekā sinaṅguh ātmā liṅ saṅ vruh ri saṅ⟨lb⟩ hyaṅ śāstra, ikā taṅ citta ivәṅ-ivәṅ lāvan mala, taha pih vәnaṅa taṅ ātmā hu-⟨lb⟩mila⟨ms: 54r⟩ṅakәn malanya, yan kva liṅanta saṅ para, tanora mataṅ dadyana devatā⟨lb⟩ tiryak yan maṅkana, mokṣa ikaṅ janma kabeh yan maṅkana, tinonta pvekaṅ⟨lb⟩ janmasaṅsāra, ya ta paṅavruhananta an tan vәnaṅ ikaṅ ātmā humilaṅakәn⟨lb⟩ malanya, yapvan vәnaṅ humilaṅakәn malanya, ya mataṅnyan sih bhaṭāra ri⟨lb⟩ yogi, apan sira vәnaṅ humilaṅakәn malanira, kadi śakti bhaṭāra, maṅkana⟨lb⟩ śakti saṅ siddha, ya mataṅnyan pada śaktinira lāvan bhaṭāra vәkasan,

sumahur saṅ kumāra,

hana ta kāri bhaṭāra, ri janmasaṅsāra,

mataṅnyan maṅkana, apan siddha samādhi saṅ yogi, apan yekā kābhibya-⟨lb⟩ktan bhaṭāra ri janma, kapaṅguhanira de saṅ yogi, yan vruh riṅ prayoga-⟨lb⟩sandhi padanira, kadyaṅgān i apv⟨ms: 54v⟩y aneṅ kayu, apan hamәtvakәn āvaknya, ikaṅ apvy aneṅ kayu, ulihniṅ aṅәsə̄ atah prastāvanyān mәtu, maṅkana tekaṅ⟨lb⟩ miñak, tan vәtu ikā yan tan pinutәran, ika pva vastu maganal tathāpi tan vәtu ikā yan tan inupāya ri sandhi, bhaṭāra paramakāraṇa kari tan kapaṅguha, yatan hanā prayogasandhi, yadyapin vruha ri prayogasandhi, yatan gavayakna, tan kapaṅguh atah bhaṭāra denya, ◉

kaṅ katutur i cittavṛtti, ya sinaṅguh yoga ṅara⟨ms: 55r⟩nya, ndān atyanta ivәhnyān⟨lb⟩ inabhyāsa, apan tan harәp jātiniṅ vaṅ riṅ gave makas, kunaṅ saṅ vairāgya,⟨lb⟩ saṅ huvus varәg ri lārani janma, sira mahyun ri yoga, apan maharәp ri suka viśeṣa⟨lb⟩ ṅaranya⟨,⟩ ikaṅ paṅguhan i jāti saṅ hyaṅ ātmā ya sinaṅguh suka viśeṣa⟨lb⟩ ṅaranya, yan apa yan kapaṅguh jāti saṅ hyaṅ ātmā, yan ginavayakәn ikaṅ⟨lb⟩ yogātah,

sumahur saṅ kumāra,

tan kagavaya ikaṅ yoga kahiḍәp tah saṅ hyaṅ ātmā de mami,⟨lb⟩ tamatan ātmā ikā liṅta, yekiṅ citta ṅaranya, mataṅnyan sinaṅguh citta, apan⟨lb⟩ ekaviṣayanya, ya mataṅnya⟨ms: 55v⟩n citta juga kahiḍәp denya, sumahur saṅ pāra,⟨lb⟩ ndya vṛttinya, mataṅnyan citta ṅaranya, nihan grahaṇa, viparyaya, vikalpa,⟨lb⟩ nidrā, smṛti,

grahaṇa ṅaranya, ikaṅ citta manut pramāṇa tәlu, pramāṇa tәlu ṅaranya,⟨lb⟩ pratyakṣa, anumāna, āgama, yekā grahaṇa ṅaranya, hayva ta vineh maṅkana⟨lb⟩ kālani yoga, […] nihan taṅ vikalpa ṅaranya, ikaṅ jñāna maṅaliṅa varahni⟨lb⟩ sūtra, niṣkriyaḥ puruṣaḥ kumva liṅniṅ aji, nihan arthanya, tar polah saṅ⟨lb⟩ hyaṅ ātmā, maṅkana liṅnikaṅ varah, ya tekāna liṅ ṅaranya, liṅnya nihan,

kaliṅaniṅ tan polah, ⟨ms: 56r⟩ kadyaṅgāniṅ hru hana ri taṅkulaknya, humәnaṅa ta⟨lb⟩ ya, inalap pva ya saṅke taṅkulaknya, kinәnākәn i talini laras, tumañcәbәka⟨lb⟩ ya ri kinәnanya, humәnaṅa ta ya, maṅkana ta hәnaṅnikaṅ ātmā, nāhan liṅ-⟨lb⟩ni vikalpa ṅaliṅa varah, hayva ta vineh maṅkana ri kālani yoga, nihan taṅ⟨lb⟩ nidrā ṅaranya, ikaṅ jñāna kadi hilaṅ lvirnyān kahiḍәp, ndān tәhәr ya malupa⟨lb⟩ viparīta tan hana tuturnya, hayva ta maṅkana ri kālaniṅ yoga, vehәn tikaṅ⟨lb⟩ jñāna dumәliṅa ri hati, sthitya hayva cañcala, hayva maṅaṅәnaṅәn, apan⟨lb⟩ hana svapnajñāna ṅa⟨ms: 56v⟩ranya, paran inaṅәn-aṅәn vaneh, ikaṅ jñāna matutur i⟨lb⟩ kahiḍәpanya, yekā svapnajñāna ṅaranya, hayva ta vineh maṅkana ri kālani⟨lb⟩ yoga, nihan taṅ sūtra smṛti ṅaranya, ikaṅ jñānātutur ikaṅ vastu bhinuktinya⟨lb⟩ ṅūni, hayva ta vineh maṅkana ri kālaniṅ yoga, nahan vṛttinikaṅ citta lima⟨lb⟩ kvehnya,

yapvan katutupan ikaṅ kabeh, ya tekā sinaṅguh samādhi ṅaranya⟨,⟩ ya⟨lb⟩ sinaṅguh samprajñāta, lāvan asamprajñāta, samprajñātātah ṅaranya, ikaṅ⟨lb⟩ samādhi tinahәnan deni pāt⟨,⟩ lvirnyān pāt nihan, hana savitarkasamā⟨ms: 57r⟩dhi, hana ta vicārasamādhi ⟨, hana asmitāsamādhi, hana ānandasamādhi,⟩

[…] ikaṅ jñāna maṅekagraha ri sūkṣma, ya vicārasamādhi ṅaranya, as-⟨lb⟩mitāsamādhi ṅaranya, i ṅkana saṅ puruṣa kaivalya, vinotan viṣaya deniṅ⟨lb⟩ citta, ndātan cetane ya, apa vruh sirān lāra, yāvat cumetane pavotniṅ citta, ya⟨lb⟩ mataṅnyan hәnaṅ juga humiḍәp svacetanānira ikā saṅ hyaṅ ātmā, ānanda-⟨lb⟩samādhi ṅaranya, ikaṅ ātmā tīkṣṇa denya humiḍәp avaknya juga, ya ta ma-⟨lb⟩taṅnyan kapaṅguh ikaṅ suka viśeṣa,

ikaṅ pāt ya sinaṅguh samprajñāta ṅaranya, ya⟨ms: 57v⟩n tuṅgal yan rva, yan tәlu, yan⟨lb⟩ pāt, samprajñātātah ṅaranya, yapvan tan maṅkana ika kabeh, ya sinaṅguh⟨lb⟩ asamprajñātasamādhi ṅaranya, ikā taṅ asamprajñātasamādhi pūrvaka, ikā⟨lb⟩ ta samprajñātasamādhi,

ya tekā dharmani citta, hana kṣipta ṅaranya, ⟨hana vikṣipta ṅaranya,⟩ ⟨lb⟩hana vimūḍha ṅaranya, hana nirodha ṅaranya, hana ekagraha ṅaranya,

kṣipta ṅaranya, ikaṅ ambhәk abvaṅ umәsat mareṅ kadohan, vikṣipta ṅa-⟨lb⟩ranya, ikaṅ ambhәk ṅunikunik⟨,⟩ vimūḍha ṅaranya, ikaṅ ambhәk lәṅә-lәṅә,⟨lb⟩ nirodha ṅaranya, ika⟨ms: 58r⟩ṅ ambhәk aṅhәrәt, ekagraha ṅaranya, inambhәkakna⟨lb⟩ ri tuṅgal, nāhan kvehni dharmaniṅ citta, ikaṅ kṣipta, vikṣipta, vimūḍḥa,⟨lb⟩ {vimudā,} tan pinakabhūmi ikā deniṅ samādhi, apa pinakabhūminiṅ sam-⟨lb⟩ādhi takārih, pilih ekagraha lāvan nirodha, salah tuṅgal kunaṅ ya mahīṅan-⟨lb⟩iṅ samādhi, athavā karva kunaṅ,

sumahur saṅ para, vruh ta kami ikaṅ sinaṅguh yoga ṅaranya, apan saba-⟨lb⟩rinyān hәnaṅ ikaṅ citta, ya ta samādhi ṅaranya, yan kva liṅa saṅ para, tan⟨lb⟩ yogya ikaṅ hәnaṅni citta, saṅguhәn yoga, a⟨ms: 58v⟩pan hana sira yogīśvara videha⟨lb⟩ lāvan{,} prakṛtilīna, videha ṅaranya, ikā saṅ yogīśvara hanaṅ luput saṅkeṅ⟨lb⟩ śarīra, māri makāvak ikaṅ aganal, kevala ikā sūkṣmaśarīra pinakāvaknira,⟨lb⟩ prakṛtilīna ṅaranya, māri makāvak ikaṅ śarīra sūkṣma, aparan pinakāvak-⟨lb⟩nira, yekiṅ pradhānatattva juga, rasikā ta saṅ videha lāvan prakṛtilīna, sira ta⟨lb⟩ maharәp kapaṅguhakәnnya kamokṣan, apan huvus tan hana ikaṅ citta ri⟨lb⟩ hiḍәpnya, tan vruh yar paṅher kāla,

ikaṅ karmā⟨ms: 59r⟩śaya, lāvan ikaṅ cittasaṅaskāra, maṅkana pva ya, mataṅnyan tan⟨lb⟩ pramāṇa hәnaṅnikaṅ citta juga, apan tan hәnti ikaṅ anekaviṣaya bhinuk-⟨lb⟩tinya, tuturuṅ, apa paṅavruhananta, an tan hәnti, nihan si maṅher ri pradhā-⟨lb⟩na, ṅuniveh ikaṅ videha, yapvan jәnәk amukti kasiddhyan, dadi sira saṅsāra⟨lb⟩ maṅhiḍәp muvah, yāgave cakra ṅaranya, apan tan hana śraddhādi ri sira, apa⟨lb⟩ sinaṅguh śraddhādi ṅaranya, nihan lilaṅni citta, mataṅnyan paṅguh ikaṅ⟨lb⟩ citta malilaṅ, saṅke pamrihnira maṅabhyāsā yoga satatā ri rahineṅ vәṅi, ⟨ms: 59v⟩

ndya paṅavruha ri lilaṅni citta, nihan ya maitrī, karuṇā, muditā, upekṣā,⟨lb⟩ ya paṅavruha ri lilaṅni citta,

apa sinaṅguh maitrī ṅaranya, nihan paṅavruhanya, ikaṅ ambhәk prayo-⟨lb⟩janākәn davāniṅ suka saṅ manәmu suka, ya maitrī ṅaranya, karuṇā ṅaranya, ikaṅ ambhәk mrayojanākәn ikaṅ malara mamaṅguha suka, lāvan luputa ri saṅsāra, ya karuṇā ṅaranya,⟨lb⟩ muditā ṅaranya, ikaṅ ambhәk anumoda i saṅ⟨lb⟩ gumave hayu, ya muditā ṅaranya, upekṣā ṅaranya ikaṅ ambhәk humәnәṅ⟨lb⟩ irikaṅ maṅgave hala, nāhan ⟨ms: 60r⟩ byaktanya ikaṅ lilaṅ ri saṅ yogi, ⟨ms: 60r⟩

ikaṅ ta citta malilaṅ ri yogi, ya maṅdadyakәn vīrya⟨, ikaṅ vīrya ya⟩ maṅ-⟨lb⟩dadyakәn tutur, ikaṅ tutur ya maṅdadyakәn prajñā, ikaṅ prajñā ya maṅdady-⟨lb⟩akәn samādhi, apa sinaṅguh vīrya ṅaranya, gәlәmniṅ maṅabhyāsā yoga lā-⟨lb⟩van sādhananya, tutur ṅaranya, vruhnira ri kayogīśvaran, tambhāniṅ saṅ-⟨lb⟩sāra, apan ya mārganiṅ maṅguhakәna bhaṭāra, enak pva tuturnira ri bha-⟨lb⟩ṭāra, ya maṅdadyakәna prajñā, apa ta sinaṅguh prajñā, tәpәtnira ri kasamya-⟨lb⟩jñānan tumuduhakәn bhaṭāra, ya mataṅnyan sira tambhāra ṅara⟨ms: 60v⟩ni prajñā saṅ yogi, mataṅnyan sira tambhāra ṅaranya, apan abәnәr tәkānya ri bhaṭāra,⟨lb⟩ kadyaṅgāniṅ hru abәnәr lakunya deni hәlār, maṅkana ta prajñā saṅ yogī-⟨lb⟩śvara i bhaṭāra,

apa ta lvirni samādhi saṅ yogi, an sātmaka ri bhaṭāra, nihan, ◉

hiliṅ ikaṅ citta, kavәkas tekaṅ citta ri saṅ hyaṅ⟨lb⟩ ātmā, ya tekā rumakәt ri bhaṭāra, lana pvekaṅ samādhi maṅkana kapaṅguh-⟨lb⟩anya de saṅ yogi, ya mataṅnyan kapaṅguh ikaṅ kasiddhyan denira,

5 lvirnya kasiddhyan kaniṣṭha, madhya, mottama, mataṅnyan ⟨ms: 61r⟩ tәlu ikaṅ kasiddhyan, apan tәlu lakṣaṇa saṅ yogi, hana mṛdusambega, hana madhya-⟨lb⟩sambega, hana tībrasambega, mṛdusambega ṅaranya, akәdik denyāṅabhyāsa yoga, lāvan sādhananya, amaṅguh ta sira kasiddhyan ndān malavas ya ka-⟨lb⟩paṅguh, maṅkana ta saṅ madhyasambega, amaṅguh sira kasiddhyan, ndān⟨lb⟩ ri janmanira sovah ikān pamaṅguh, kunaṅ saṅ tībrasambega, tībra tәkap-⟨lb⟩nira gave yoga, lāvan pramāṇanya, ya mataṅnyan paṅguh, ikaṅ yogasiddhi i janmanira maṅke,

sumahur saṅ kumāra, ⟨ms: 61v⟩

apa ta kalәvihnikā saṅ tībra, mataṅnyan maṅguh ikaṅ yogasiddhi ri ⟨lb⟩ janmanira maṅke sājñā bhaṭāra,

sumahur bhaṭāra,

hananikaṅ īśvarapraṇidhāna ri sira yekā hetunirān vavaṅ paṅguh ikaṅ yo-⟨lb⟩gasiddhi, īśvarapraṇidhāna ṅaranya, kapaṅguhan avak bhaṭāra de saṅ yogi,

sumahur saṅ kumāra,

apa lakṣaṇanya paṅguh ikāvak bhaṭāra sājñā hyaṅ mami,

sumahur bhaṭāra,

nihan lakṣaṇani havak bhaṭāra an kapaṅguh de saṅ yogi,

ikaṅ mañetanā saṅ ⟨ms: 62r⟩ yogi, tan karakәtan deni kleśakarmavipākāśaya, maṅ-⟨lb⟩kana lakṣaṇa bhaṭāra, ar paṅguh de saṅ yogi,

kleśa ṅaranya, avidyā, asmitā, rāga, dveṣa, abhiniveśa, karma ṅaranya,⟨lb⟩ gave hala, gave hayu, vipāka ṅaranya, tāśakti phalanya bhinuktiniṅ śarīra,⟨lb⟩ apan ikeṅ śarīra, yeki phalaniṅ karma lāvan sukaduhka, yekā tan kahiḍәp⟨lb⟩ kālaniṅ yoga, ya kaliṅaniṅ tan karakәtan deniṅ kleśakarmavipākā{śaya},⟨lb⟩ hana ta śeṣanikaṅ karmaphalān huvus kabhukti, ya ta sinaṅguh āśaya ṅa-⟨lb⟩ ranya, ya tik⟨ms: 62v⟩ā magave tuturniṅ citta, yan mahala, yan mahayu, ya tekā tan⟨lb⟩ hana ri saṅ yogi, ya kaliṅani tan karakәtan deni āśaya, lāvan sarvajña ta sira,⟨lb⟩ kumavruhi rāt kabeh, sarvakāryakartā sira gumavay ikaṅ rāt kabeh, tātan⟨lb⟩ kalәvihan kaiśvaryanira, maṅkana lakṣaṇa bhaṭāra, {sumahur saṅ kumāra,}⟨lb⟩ maṅkana taṅ ātmā tan karakәtan deni kleśakarmavipākāśaya, mvaṅ sarva-⟨lb⟩jña ta ya lāvan sarvakāryakartā, tatan kalәvihan kaiśvaryanya, yan kva liṅa⟨lb⟩ saṅ para, karakәtan maraṅ ātmā deniṅ kleśakarmavipākāśaya, a⟨ms: 63r⟩pa byakta-⟨lb⟩nya, hananyaṅ mañetanā, kadi mañetanā maraṅ ātmā, yan kva liṅa⟨lb⟩ saṅ para, tan hana ikaṅ rāt kabeh, yatan hanaṅ ⟨cetanāniṅ⟩ ātmā, ndān sarvajña ya,⟨lb⟩ nyapan tahana kva liṅa saṅ para, tan dadi ya gumaveya dukani⟨lb⟩ avaknya,⟨lb⟩ yan sarvajña ya, kaliṅanya, dudū juga ikaṅ cetanāniṅ ātmā

sājñā bhaṭāra, mevәh takari kapaṅguhan y avaknya bhaṭāra, tan paveh⟨lb⟩ juga kapaṅguha deniṅ janma yan sinәlaṅ lāvan pramāda, kunaṅ pavaraha⟨lb⟩ bhaṭāra ri ṅhulun, anuṅ meman kagaveyanya, ikaṅ inabhyāsanya maṅkana⟨ms: 63v⟩,⟨lb⟩ tumuntun ajñāna saṅ yogi, maṅkana liṅ saṅ kumāra,

sumahur bhaṭāra,

hananyaṅ oṁkāra, ya teki nāmadheya bhaṭāra, inajarakәn{,} ri sarvaśāstra⟨lb⟩ kabeh, sira japakneṅ rahina vәṅi, apa ta phalaniṅ oṁkāra, yan lana jinapāk-⟨lb⟩әn, hilaṅ sarvavighna denira, lāvan kapaṅguh tāvak bhaṭāra,

sumahur saṅ kumāra,

apa lvirni vighna sājñā bhaṭāra,

sumahur bhaṭāra, nihan lakṣaṇani vighna, ◉

byādhi ṅara⟨ms: 64r⟩nya, kadyaṅgāniṅ lārādhyātmika, vighna atekā, pramāda ṅa-⟨lb⟩ranya, tan gumavay ikaṅ yoga lāvan sādhananya, alәmәh magave yoga,

sandeha ṅaranya, salah denya maṅhiḍәp, kunaṅ tan lәpas ṅ vvaṅ maṅabh-⟨lb⟩yāsa yoga, lāvan dadin hana mārga vaneh, anuṅ meman kagavayanya, sa-⟨lb⟩keṅ rikaṅ yoga, maṅkana liṅni sandehanya, vighna atah ṅaranikā, styāna ṅaranya, tan vәnaṅ magave yoga, makanimittaṅ lәhnya mvaṅ luhyan am-⟨lb⟩ bhәknya, bhrāntijñāna ṅaranya, vulaṅun aviratijñā⟨ms: 64v⟩na ṅaranya, vuruṅ ma-⟨lb⟩ gaveya yoga, bhūmyalābha ṅaranya, tan hanaṅ kaharәpnya, tan pagave yoga, cañcala ṅaranya, iki sadākāla, tan hana kālanyān pagaveya yoga, nāhan taṅ⟨lb⟩ vighna ṅaranya, ya tikā hilaṅ deniṅ japa, huvusnyān hilaṅ ikaṅ vighna, ala-⟨lb⟩vanlavan jñānanta, mahyun ta kita magaveya yoga, ya d[u]meh saṅ yogi⟨lb⟩ maṅabhyāsa, apan phalaniṅ japa ya vәnaṅ maṅabhyāsa yoga, lanā pvekā⟨lb⟩ yoga ginavayakәn, ya mataṅnya[n pa]mәkasakәn saṅaskāra, ikaṅ saṅaskāra-⟨lb⟩niṅ yoga, ya ta magave ⟨ms: 65r⟩ tutur ri saṅ yogi, ikaṅ tutur ya mamaṅun yoga, mu-⟨lb⟩vah, ikaṅ yoga ya mamәkasakәn saṅaskāra muvah ri citta saṅ yogi, lvirnyān⟨lb⟩ tәka hana gə̄ṅ hana rәtrәt lvirnya, hana lima tәkanya, ndātan vuruṅ magavai⟨lb⟩ duhkah ri saṅ yogi,

pira ta kvehnikaṅ kleśa, lavan apa ta lakṣaṇanya,

sumahur bhaṭāra,

nihan lakṣaṇanya ikaṅ kleśa, ⟨avidyā,⟩ asmitā, rāga, dveṣa, abhiniveśa, sa-⟨lb⟩maṅkana lvirni kleśa,

avidyā ṅaranya, ikaṅ jñāna mabalik, liṅnya, ikaṅ ātmā yeki tan lanā, ta⟨ms: 65v⟩n⟨lb⟩ hānāpa ta hilaṅ svabhāvanya, kunaṅ ikaṅ pṛthivī āpah teja bāyu ākāśa, yekā⟨lb⟩ laṅgə̄, maṅkana tekaṅ sinaṅguh pavitra, saṅ viku mabrata yogīśvara, yekā⟨lb⟩ sinaṅguh pavitra, adva ateka, apan campur rasikā,

apa nimittanyān campur, apan kasakitan manahnira deni brata, tan pano-⟨lb⟩lih ri vāhyasuka, nāhan mataṅnyan campur rasikā, anuṅ pavitra, anakәbi⟨lb⟩ rahayu, yekā pavitra, nahan lvirni kleśa{,} avidyā mabalik hiḍәpnya, nihan⟨lb⟩ ta asmitā, ikaṅ ⟨ms: 66r⟩ jñāna tan vruh i papalenan i citta lāvan ātmā, apan ivәṅ-ivәṅ ⟨lb⟩ hiḍәpnya ri karva, rāgakleśa ṅaranya, hyun, dveṣakleśa ṅaranya, melik, abhi-⟨lb⟩niveśa ṅaranya, ikaṅ rāga lāvan dveṣa, sarәṅ maṅadәg, yekābhiniveśa ṅara-⟨lb⟩nya, saṅ paṇḍita pva, kahanan tantu abhiniveśa, byaktanya nihan, melika⟨lb⟩ sira riṅ gave mamuhāra lāra lavan saṅsāra, mahyun ta sira ri kalәpasәn ma-⟨lb⟩harәp ri hinak tan pabalik lāra, nahan kābhiniveśan saṅ paṇḍita, ikā ta kabeh,⟨lb⟩ a⟨ms: 66v⟩vidyā anuṅ bhūminikā, apan yekāpupulan i mithyājñāna,

sumahur saṅ kumāra,

apa ta tambhāni kleśa samaṅkana sājñā bhaṭāra,

sumahur bhaṭāra,

ya kәtah prastāvaniṅ brata ginavayakәn de saṅ yogi, apan ikaṅ kleśa ma-⟨lb⟩kәndil akveh ta ya, ikaṅ kleśa magə̄ṅ aganal tәkanya, yeki hilaṅ deniṅ brata,⟨lb⟩ lāvan prāṇāyāmayoga, ikaṅ halit tәkanya, yekā hilaṅ deniṅ asamprajñāta-⟨lb⟩samādhi, ikaṅ asamprajñātasamādhi, ya phalaniṅ samprajñātasamādhi, ya phalaniṅ pratyāhārādi, yekā phalaniṅ brata, ikaṅ brata ya⟨lb⟩ phalaniṅ vairā-⟨lb⟩⟨ms: 67r⟩gya, ya phalaniṅ varәg lāra, ikaṅ lāra ṅaranya, yekā tan {ya} huvusan, apan⟨lb⟩ jātiniṅ māvak juga hanaṅ lāra, ikaṅ māvak yekā mavaluyvaluya ri svarga⟨lb⟩ naraka lāvan mānuṣa, maputәran atah tan pәgat, vruh pva saṅ yogīśvarān⟨lb⟩ maṅkana jātiniṅ māvak⟨,⟩ ya mataṅnyan pamrih magave samādhi, yatan-⟨lb⟩yan luputa saṅke cakrabhāva, maṅguhakәna kalәpasәn ṅaranya,

luput saṅke bhāvacakra, umaṅguhakәn pāvak bhaṭāra, nāhan mataṅnyan⟨lb⟩ tan palәhpalә⟨ms: 67v⟩h, apan tәṅitәṅin riṅ lāra jāti saṅ yogi, ikaṅ vaṅ apuṅguṅ bә-⟨lb⟩tah riṅ lāra, padanya, kadyaṅgāniṅ vvaṅ kәna riṅ savaṅni garagatī, tan ⟨lb⟩ alāra yan avakniṅ vvaṅ kunaṅ yan mataṅ vaṅ kәnā denya, alāra ikā, saṅ⟨lb⟩ yogi kalaran mata, apan tan enak panon iṅ vaṅ yan kәnā riṅ savaṅni gara-⟨lb⟩gatī, matakut pva riṅ lāra jāti saṅ yogi, ya mataṅnyan pagaveṅ samādhi, saha ⟨lb⟩ sādhananya, yekā pinrihnira, lāvan brata, apan ikaṅ brata yekā magәsәṅi ⟨lb⟩ mala, nyaṅ vvaṅ maṅәsə̄ apuy riṅ kayu, tan polih ikā apuy⟨ms: 68r⟩, yan mәlәs ikaṅ kayu, yapvan akiṅ ikaṅ inәsə̄, irikā mәtu taṅ apuy, maṅkana tekaṅ śarīra⟨lb⟩ lāvan indriya, ṅuniveh ikaṅ citta, brata ya pamahakәṅ iriya, inәsə̄ ta ya [de]ni prāṇāyāmādi, ya mataṅnyan hiḍәp avak bhaṭāra, yāvat kapaṅguh pāvak bha-⟨lb⟩ṭāra, tāvat sakāma yogi,

sumahur saṅ kumāra,

ndya ta lakṣaṇanikaṅ yogasādhana lāvan brata sājñā bhaṭāra,

nihan lakṣaṇanikaṅ yogasādhana, anuṅ paṅavruhantānaku, hana aṣṭāṅ-⟨lb⟩ga ṅaranya, yama⟨,⟩ ⟨ms: 68v⟩ niyama, āsana⟨,⟩ pratyāhāra, prāṇāyāma, dhāraṇā, dhyāna, samādhi, samaṅkana kvehniṅ yogasādhana,⟨lb⟩ yama ṅaranya, ahiṅsā, satya, astainya, brahmacāri, aparigraha,⟨lb⟩ ahiṅsā ṅaranya, tan pamatimati, sahanani prāṇi tan pātyana ikā kabeh, lāvan pātyana takutni māvak pati, mataṅnyan mahābrata ṅaran saṅ viku⟨lb⟩ tan pamātimāti,

hana ta vuvusniṅ vaneh, tan apa rakvaṅ vaṅ mātimāti sattva, yan carva ri⟨lb⟩ saṅ hyaṅ, athavā bhojana kunaṅ, maṅkana pakәnanya, tātan maṅkana saṅ⟨lb⟩ yogi, nihan vaneh tan pa⟨ms: 69r⟩matyana sattva yan parvaṇi kāla, tatān maṅkana⟨lb⟩ saṅ yogi, pisaniṅu sirān pamatyana sarvasattva, ya ta sinaṅguh ahiṅsā ṅara-⟨lb⟩nya, satya ṅaranya, tan madva ri bratanya, tan madva movus, ⟨yekā satya⟨lb⟩ ṅaranya, astainya ṅaranya⟩ tan paṅahala ṅuniveh maliṅa mas, {yekā satya ṅaranya,} ya sinaṅguh astainya ṅaranya, brahmacāri ṅaranya, yatanyan tan⟨lb⟩ kalalarana samādhi, ya doniṅ tan parabi, yekā brahmacāri ṅaranya, apari-⟨lb⟩graha ṅaranya, tar paṅaku sarvadravya, nāhan lakṣaṇaniṅ yamabrata,

⟨niyama ṅaranya,⟩ śauca, santoṣa, tapa, svādhyāya, īśva⟨ms: 69v⟩rapraṇidhāna,

śauca ṅaranya, maradināvak, lāvan ambhәk hayva ta kavaśa deniṅ rāga⟨lb⟩ dveṣa moha, maradina movus, hayva muvusakәn maṅlareri vaneh, mara-⟨lb⟩dina molah, hayva makolah durbhyāsana, maradin amaṅan, hayva pinaṅ-⟨lb⟩an ikaṅ senuhutakәn paṅanәn saṅ viku, lāvan inumәnirājñāna, yekā sinaṅ-⟨lb⟩guh śauca ṅaranya, ⟨santoṣa ṅaranya,⟩ solihanira nasi atah santoṣaknanira,⟨lb⟩ athavā solihnira tinanәm i patapanira, ya santoṣaknanira, ⟨tapa ṅaranya,⟩ ikaṅ indriya kabeh prihәn sakitana, ri brata lāvan sa⟨ms: 70r⟩mādhi, yatanyan tan ⟨lb⟩ padadyakәn arāga yan panon viṣaya kaliṅanya, tan garjita yan paṅrәṅə̄ kiduṅ⟨lb⟩ menak, athavā paṅgәla kunaṅ, ilatnya muhārāmet pinaṅan, yan pamaṅan⟨lb⟩ rasa menak, nahan lacalacaniṅ tapa ṅaranya, svādhyāya ṅaranya agәlәm aṅunyakәn mantra, astāva ri bhaṭāra,

īśvarapraṇidhāna ṅaranya, umaṅәnaṅәn kasūkṣman bhaṭāra ri rat kabeh, ⟨lb⟩ ṅuniveh ry avaknira asthityana bhaṭāra, yatanyan siddhi samādhi, yekā īś-⟨lb⟩varapraṇidhāna ṅaranya,

sumahur saṅ kumāra,

apa don ikaṅ ⟨ms: 70v⟩ niyamabratān hinanākәn, apan huvus ikaṅ yamabrata ⟨lb⟩ mapagәh pinakabrata saṅ yogi,

sumahur bhaṭāra

mekasthekaṅ yamabrata, kunaṅ yatanyan ta dadya de saṅ yogi, ya ta ma-⟨lb⟩taṅnyan gavayakna, ikaṅ niyamabrata, nihan phalanikā tinonta, an kadadi ⟨lb⟩ ikaṅ ahiṅsā de saṅ yogi, tātan hana tukar phalanya, vvaṅ adyan tan papraṅ{,}⟨lb⟩ vvaṅ vanva i tan pataṇḍiṅan, lāvan asih tekaṅ sarvasattva kabeh ri sira, nā-⟨lb⟩han phalanikaṅ ahiṅsābrata, nihan ta phalaniṅ satya, jātismara vruh ri ja⟨ms: 71r⟩nmanira ṅūni, nāhan phalani satya yan ginaveyakәn, nihan phalaniṅ⟨lb⟩ astainya, tәka juga ikaṅ dravya ri sira, tan ulihniṅ aṅela, nāhan phalani⟨lb⟩ tan paṅahalāhala, nihan ta phalaniṅ tan parabi, utsāha ri yoga sira, apan⟨lb⟩ tan kalalaran samādhinira, nāhan ta phalaniṅ brahmacāri yan ginaveyakәn,⟨lb⟩ nihan ta phalani jñāna tan paṅaku, siddha asiṅ kāryanya,

nihan ta phalaniṅ niyamabrata ginave, phalani śauca, tan sinasar mārga⟨lb⟩ de sāmānyajanma, mvaṅ kahiḍәp ta saṅ hyaṅ viśeṣa denya, nahan phalani⟨lb⟩ śauca yan gi⟨ms: 71v⟩naveyakәn, nihan ta phalaniṅ santoṣa, agə̄ṅ sukanya tan pavor⟨lb⟩ lāra, nihan ta phalaniṅ tapa, ilaṅ ikaṅ rāga dveṣa moha, mvaṅ ikaṅ kleśa⟨lb⟩ kabeh, nāhan phalaniṅ tapa ginaveyakәn, nihan ta phalaniṅ svādhyāya,⟨lb⟩ papaṅguh sira lāvan saṅ hyaṅ, saṅ inastāvanira pratidīna, nāhan phalaniṅ⟨lb⟩ svādhyāya yan inabhyāsa,

nihan phalaniṅ īśvarapraṇidhāna, siddhi yogi sira, nāhan ta phalaniṅ niya-⟨lb⟩mabrata yan inabhyāsa,

lumәkasa pvāṅabhyāsa yoga mvaṅ sādhananya, ameta ta sira deśa rahayu⟨lb⟩ uṅgvananira, anuṅ salahni vurahan⟨ms: 72r⟩, tātan avalana ri durjana, pavitra ta ⟨lb⟩ maradin, yatanyan siddhya jñānanira, yan guhā yan gunuṅ, yan alas yan⟨lb⟩ sapiṅgir i lvah, yan ri nūsa kunaṅ, asiṅ kahyunira huṅgvananira ikā kabeh,⟨lb⟩ yapvan huvusirān moṅgvan, madyusa ta sira, maśocā ta sira rumuhun mā-⟨lb⟩camanā sira, mantranira, aghora, tatpuruṢa kunaṅ⟨,⟩ huvus maṅkana,⟨lb⟩ tumama ta sira ri pagavayanira yoga, yan paṅheran, yan guhā, yan umah ku-⟨lb⟩naṅ, mavasuha suku, muṅgva kulvan bhaṭāra athavā kidul bhaṭāra ta kunaṅ, manambhaha ta sira ru⟨ms: 72v⟩muhun, liṅanira bhāva siddha saṅ yogi, maṅkana⟨lb⟩ liṅanira yar panambhah ri bhaṭāra, huvus maṅkana, maluṅguha ta sira, riṅ⟨lb⟩ uṅgvan uṅgvananira, yan pәtaṅ, yan sandhi, yatanyan tan agaliṅa paluṅguh-⟨lb⟩nira, makaphala sovenirāluṅguh, yan pagave yoga, nihan lakṣaṇanira āsana,⟨lb⟩ hana padmāsana, ⟨hana bhadrāsana,⟩ hana svastikāsana,

nihan lakṣaṇaniṅ padmāsana, ikā talapakan kalih tinumpaṅakәn ri pupu⟨lb⟩ kalih, ya padmāsana ṅaranya, ikaṅ talapakan kalih, umuṅgva i sor iṅ pupu kalih, ya⟨lb⟩ bhadrāsana ṅaranya, svastikāsana ṅaranya, ikā tala⟨ms: 73r⟩pakan kalih, ⟨lb⟩ umuṅgva ri sәla pupu kalih, ikā lәpalәpaniṅ taṅan kiva tumumpaṅ ri kisap-⟨lb⟩van, tumumpaṅ tekaṅ atәṅәn lumahātah, ikaṅ valakaṅ mabәnәra paṅadәg-⟨lb⟩nya, tumәṅgə̄ tekā gulū, hayva tumәṅa, hayva tumuṅkul, mabәnәra juga,

ikaṅ mata dәlәṅ tuṅtuṅniṅ iruṅ, athavā mәrama juga kunaṅ, ikaṅ ilat ya⟨lb⟩ humәlәtana ikaṅ huntu i sor i ruhur moga lambe midәma, nāhan lakṣaṇanira⟨lb⟩ āsana,

huvusnyan menak paluṅguhnira, gavayanira tekaṅ pratyāhārayoga, ikaṅ⟨lb⟩ indriya vatәkәn saṅkeṅ viṣayanya, mata hayva vineh ⟨ms: 73v⟩ manona, taliṅa hayva ⟨lb⟩ vineh marәṅə̄, iruṅ hayva vineh maṅambuṅa, kulit hayva vineh mahiḍәpa⟨lb⟩ panas tis, tutuk hayva vineh maṅśabda, taṅan hayva vineh maṅgamәla⟨,⟩ ⟨lb⟩ suku hayva vineh lumakva, nāhan deniṅ amatәk indriya, manah hayva vineh⟨lb⟩ mamikalpa, buddhi hayva vineh maṅaṅәnaṅәn, ahaṅkāra hayva vineh ṅakva,⟨lb⟩ nāhan deniṅ amatәk tryantahkaraṇa, huvusnyān asimpәn ikā kabeh, ya ta⟨lb⟩ mataṅnyan hәnaṅ ikaṅ citta humidәṅ, tan kva tan kva, ekatva citta{,} saṅ⟨lb⟩ hyaṅ ātmā ya ta sinaṅguh yoga ṅaranya,

hu⟨ms: 74r⟩vusnyān ekatva, gavayәnira ta prāṇāyāmayoga, nihan⟨lb⟩ lakṣaṇanikaṅ prāṇāyāmayoga, recaka, kumbhaka, pūraka, vinәtvaknekaṅ bāyu saṅke rī-⟨lb⟩ruṅ, sanehsaneh hayva drәs sahiṅan iṅ maṅisәp bāyu riṅ iruṅ, kuñci ta mu-⟨lb⟩vah, ekatva jñānanira, salavasni makuñci, sabhāgyān masove ya, apan anya⟨lb⟩ svajātinira yatan inabhyāsa, ◉

ikaṅ kuñci uttama, tan pamәtvakәn bāyu humәnaṅ juga tan pāmbhәkan,⟨lb⟩ apan cetanā saṅ hyaṅ ātmā, yekā hiniḍәpnira, tan pāntara, ya ta mataṅnyan⟨lb⟩ hilaṅ ikā bāyu ri sa⟨ms: 74v⟩ṅkanya, apan cinitta cetanā de saṅ hyaṅ ātmā, padanya,⟨lb⟩ kadyaṅgān i vve tumitisi vatu tinunvan mapaṇḍe sәdәṅ mabaṅ hilaṅ juga⟨lb⟩ inisәpni vatu mapanas, maṅkana taṅ bāyu hilaṅ deni cittaniṅ ātmā, ya⟨lb⟩ mataṅnyan viśeṣa ikā ekatvakuñci,

ndan yan huvus ikaṅ recaka, kumbhaka, pūraka, apa ta phalanikaṅ prāṇāyā-⟨lb⟩mayoga, yan kva liṅanta, hilaṅ tamahniṅ ati lavan ikaṅ citta denya, ya ma-⟨lb⟩taṅnyan hilaṅ citta saṅ yogi denya, apan ikaṅ manah lavan aṅәnaṅәn aneka-⟨lb⟩paranya, umәsat makalis ⟨ms: 75r⟩ tan kavәnaṅ tinimpal, yāvat makveh inaṅәn-aṅәn⟨lb⟩ ri kālani yoga, tāvat vuruṅ samādhi saṅ yogi, matakut pva saṅ yogi vuruṅa⟨lb⟩ samādhinira, ya mataṅnyan pinrih ginaveyakәn ikā prāṇāyāma, apan ikaṅ⟨lb⟩ umuṅkus ikaṅ citta humәnaṅ, apan ikaṅ prāṇāyāma atah dumehnya humә-⟨lb⟩naṅa ikaṅ aṅәnaṅәn makveh, lāvan әsə̄ tekā dhāraṇayoga deni prāṇāyāma,

apa sinaṅguh dhāraṇayoga ṅaranya, ikaṅ citta ekatva atәguh ri svadeśa-⟨lb⟩nya, yan ri hati, yan riṅ yavaniṅ śarīra kunaṅ, yan i cittaniṅ ātmā ku⟨ms: 75v⟩naṅ, ⟨lb⟩ yan asthitya ekatva bhaṭāra kunaṅ, ikaṅ ta paṅekagrahanikaṅ citta salah⟨lb⟩ tuṅgal ya sinaṅguh dhāraṇā⟨,⟩

dhyānayoga ṅaranya, […] ◉

nihan ta samādhiyoga ṅaranya † hayva citta hilaṅ prayatnanya ri vvah-⟨lb⟩niṅ hatәmāhan apa, tәhәr cittanya senā ri bhaṭāra sira katәkәn ika dhyāna⟨lb⟩ saṅ yogi ṅkāna, ya ta sinaṅguh samādhi⟨,⟩ tahan pihni aṣṭāṅga ya pinaka-⟨lb⟩sādhana saṅ yogi an paṅguh ikaṅ kamokṣan, ikā taṅ aṣṭāṅga, ya pinakaba-⟨lb⟩hiraṅga deniṅ asamprajñāta,

nāhan de saṅ yogi maṅabhyāsa prastāvanyān kapaṅguh i⟨ms: 76r⟩kaṅ kasiddhyan, ya⟨lb⟩ pinakasādhananirān pagave yoga muvah, prastāvanyan vәnaṅ sakāmakāma,⟨lb⟩ yapvan hilaṅ ikaṅ sahajamala, irikeṅ ta sirān pada lāvan bhaṭāra, sumahur⟨lb⟩ saṅ para, aṅel dahat ta ṅaran ikātah, apan tan paṅdadyakәna kamokṣan ikaṅ⟨lb⟩ yoga inabhyāsa, yan kva liṅta, aparan ya pva madadyakәnaṅ kamokṣan, {yan⟨lb⟩ kva liṅtana,} sumahur saṅ śaivaka, dīkṣā juga madadyakәn kamokṣan saṅ⟨lb⟩ tamatan sarvajña ta kaṅ ātmā, yan dīkṣā juga paṅhiḍәpa saṅ para, ikaṅ taṅ⟨lb⟩ ātmā yan tan sarvajña tan sinaṅgu⟨ms: 76v⟩h ikā kamokṣan, tapvan kadadi ikā ka-⟨lb⟩sarvajñaniṅ ātmā deni dīkṣā juga, ya mataṅnyan bhyāsanātah, ikaṅ yoga⟨lb⟩ samādhi mәne gәlәk,

sumahur saṅ kumāra,

ndya ta lakṣaṇanikaṅ kasiddhyan, kapaṅguh de saṅ yogi,

nihan iṅәtaknanta, ikaṅ madadyakәna kasiddhyani saṅ yogi, ikaṅ dhāraṇā,⟨lb⟩ dhyāna, samādhi, rumakәt ta ri ṅkāna, yatanyan ilu saṅ yogi matәmahan pṛ-⟨lb⟩thivī, apan ikaṅ dhāraṇā, dhyāna, samādhi rumakәt ri tattva tuṅgal, ya sinaṅ-⟨lb⟩guh saṅyama ṅaranya, anuṅ pinakasādhana saṅ yogi magave ⟨ms: 77r⟩ kasiddhyan, ⟨lb⟩ ndān denirānaṅyama, saṅke sor denirānaṅyama, apan tan dadi ikaṅ tattva i⟨lb⟩ ruhur sinaṅyama, hanyātapa ikaṅ tattva i ruhur⟨,⟩ ya ta mataṅnyan saṅke⟨lb⟩ sora atah denirānaṅyama rumuhun, yapvan mahyun sira tumirva śaktini⟨lb⟩ siṅha, ikaṅ siṅha sinaṅyama śaktinya, yāpvan mahyun sira tumirva śaktini⟨lb⟩ garuḍa, sinaṅyamanira śaktinya, yapvan mahyun sira vruha ri tәkani pā-⟨lb⟩tinira, ikaṅ dharmādharma sinaṅyamanira, aparan ikaṅ dharmādharma ṅa-⟨lb⟩ranya, ikaṅ gave hala mvaṅ gave hayu, a⟨ms: 77v⟩pan phalani dharmā⟨dharma⟩ ya⟨lb⟩ magave hurip mvaṅ śarīra, yapvan hәnti phalanikaṅ dharmādharma sinaṅ-⟨lb⟩yamanira, tәka pātinira yan maṅkana, yapvan mahyun sira tan kәne lapa⟨lb⟩ vәlәkaṅ, hanāmṛta i sorniṅ guruṅguruṅan, yekā saṅyamanira, yapvan ma-⟨lb⟩hyun sira tumona saṅ siddha lāvan devatā, ikaṅ bāyu si udāna saṅyamanira,⟨lb⟩ hana ta jyotih mәtu saṅkeṅ vunvunan ya pinakasuluhnira an ton saṅ sid-⟨lb⟩dha lāvan devatā, yapvan mahyun sira katona dumilah avaknira, ikaṅ bāyu⟨lb⟩ si samāna ya saṅyamanira, yapvan mahyun sira ⟨ms: 78r⟩ gumәsәṅanāvaknira, kady-⟨lb⟩aṅgāniṅ bhasmaśeṣa, mamәkasaknāvva jugāvaknira, ikaṅ bāyu si samāna⟨lb⟩ ya saṅyamanira,

yapvan mahyun sira tan kapәtәka riṅ […] lāvan vvai, ikaṅ bāyu si udāna⟨lb⟩ ya saṅyamanira, yapvan mahyun sira tan katona, saṅyamanira panon i vvaṅ⟨lb⟩ vaneh, mvaṅ saṅyamanirāvaknira tan katona, yapvan mahyun sira maṅlaya-⟨lb⟩ṅa riṅ ākāśa, saṅyamanirāvaknira mahaṅana kadi kapuk, huvusira mahaṅan⟨lb⟩ vәnaṅ ta sira mamapah i punti, athavā muṅgvaṅ savaṅniṅ garagati kunaṅ,⟨lb⟩ ya ta paṅavruhanira haṅan havaknira, huvu⟨ms: 78v⟩s maṅkana, saṅyamanira ta pa-⟨lb⟩sāmānyan havaknira lāvan ākāśa, yan aharәp sira sadāyauvana, ikaṅ pañ-⟨lb⟩camahābhūta saṅyamanira sakatuṅgal, ikaṅ pṛthivī saṅyamanira rumuhun,⟨lb⟩ yapvan huvus ikaṅ pṛthivī sinaṅyama denira, byakta sirālvat tan kanin de-⟨lb⟩niṅ khaḍga, tan rәmәk avaknira yan tibeṅ vataṅ, athavā tibeṅ karaṅ juga⟨lb⟩ sira, {ikāṅ karuṅ juga sira} ikaṅ karaṅ juga rәmәk, avaknira dṛḍha, nahan⟨lb⟩ paṅ-⟨lb⟩avruhan riṅ halahniṅ pṛthivī denira, saṅyamanira tekaṅ vve, tan kapәtәk⟨lb⟩ sira yan kalәbu riṅ bañu, ⟨ms: 79r⟩ sinaṅyamanira teja, paṅavruhani sira yan alah⟨lb⟩ ikaṅ teja denira, tan gәsәṅ sira yan katunu riṅ apuy, sinaṅyamanira ikaṅ⟨lb⟩ bāyu, paṅavruhanirān alah ikaṅ bāyu denira, […] halah ikaṅ bāyu yan⟨lb⟩ maṅkana, lāvan tan katub sira deniṅ aṅin, ṅuniveh huripnira tan vikāra,⟨lb⟩ ya mataṅnyan dīrghāyuṣa saṅ yogi,

pira ta lavasnira hurip, salavasni pṛthivī tәkāniṅ mahāpralaya dlāha, irikān⟨lb⟩ hilaṅ śarīra saṅ yogi, ndātan vikāra jñānanira, apan tan kәne pāti saṅ hyaṅ⟨lb⟩ ātmā, lāvan prajñā sira tan ⟨ms: 79v⟩ kәne lupa, saṅyamanira tekaṅ ākāśa, yapvan⟨lb⟩ alah deniraṅ ākāśa, tan tibā juga sira deniṅ avaṅavaṅ, mvaṅ lituhayu tekā-⟨lb⟩vaknira, kahyunhyun vinulat an tar kәne tuha, nāhan byaktanyān alah ikaṅ⟨lb⟩ pañcamahābhūta de saṅ yogi, manta lvirnikaṅ kasiddhyan kapaṅgih de saṅ⟨lb⟩ yogi,

prastāvani prayatnanira, apan hana upasarga ṅaranya, anuṅ kapaṅguh⟨lb⟩ de saṅ yogi, apa sinaṅguh upasarga ṅaranya, ikaṅ pinakadәgi deniṅ pradhā-⟨lb⟩ natattva, ya ta maṅguh ri citta, kari pvekaṅ citta de saṅ yo⟨ms: 80r⟩gi, hana ta vāsanā-⟨lb⟩ nikaṅ sattva rajah tamah, turuṅ tapvan {i} hilaṅ, ya sinaṅguh upasarga ṅara-⟨lb⟩nya, lvirnya, prajñā, madrәs, mabyәt, upasarganikaṅ sattva ikaṅ prajñā, ya⟨lb⟩ ta māvak ri saṅ yogi, ya ta mataṅnyan panurun prajñā saṅ yogi, apa byaktani⟨lb⟩ prajñā saṅ yogi, ikaṅ aji tapvan denira, vruh sirerya taña, mvaṅ upapāttinya,⟨lb⟩ nahan ta upasarganiṅ sattva, lāvan gavenira ṅambhuṅ gandha vaṅi, athavā⟨lb⟩ gavaynira manon devatārūpa maṅanugrahana lvirnya, upasargani sattva⟨lb⟩ ikā, niha⟨ms: 80v⟩n taṅ upasargani rajah, śakti hiḍәpnira ry avaknira, apan ikaṅ⟨lb⟩ vastu tan kavәnaṅ ri daṅu denira, yekā upasarga rājah, nihan upasarganiṅ⟨lb⟩ tamah, moga pәtaṅ panonira, mvaṅ jñānanira, vulaṅun tan atutur i jñāna-⟨lb⟩nira, maṅkana tāvaknira malupa kabeh, abyәt tan vәnaṅ molah upasargani⟨lb⟩ tamah ikā, yapvan maṅkana ikaṅ upasarga kapaṅguh denira, magaveya ta⟨lb⟩ sira prayogasandhi, apuyapuya,

yan pamaṅana sarvāpyak, yapvan agə̄ṅ salah panon lāranira, edan kunaṅ,⟨lb⟩ sikәpәn aṇḍihәn, tambhana⟨ms: 81r⟩na limo lāvan bavaṅ matanira, yapvan atutur⟨lb⟩ kәdikәdik, konәn ta sira tutura ri jñānanira,

sumahur saṅ kumāra,

enak ikā yan parovaṅa sira, yapvan tuṅgaltuṅgal sire patapanira, apa ta⟨lb⟩ upāyanira,

sumahur bhaṭāra,

hana kәta paṅhilaṅ lāra, prastāvanyān dīrghāyuṣa saṅ yogi,

sumahur saṅ kumāra,

kasihana ṅhulun varahәn ikā paṅhilaṅ lāra,

sabarinyān papasah ikaṅ pradhānatattva juga lāvan ātmā, ṅuniveh yan papa-⟨lb⟩ saha saṅ hyaṅ ātmā lāvan citta, ya ta hetu saṅ yogi ⟨ms: 81v⟩ tā kәneṅ lāra,

sumahur saṅ kumāra,

umapa deniṅ amasahakәna saṅ hyaṅ ātmā lāvan pradhānādi,

sumahur bhaṭāra,

ya donikaṅ prayogasandhi tinakonakәn i saṅ guru yapvan an mahyun sira⟨lb⟩ saṅ yogi umasuka irikaṅ vvaṅ vaneh, ikaṅ dharmādharma ya ta pәgat i sira,⟨lb⟩ hana ta śeṣanya kәdikәdik, mataṅnyan tan māti, yapvan huvus pәgat siddhā⟨lb⟩ sira pasukaneṅ vvaṅ vaneh, yapvan mahyun sira maṅguha aṣṭaiśvarya, ikaṅ⟨lb⟩ ekādaśendriya ya saṅyamanira, yapvan alah ikā, kapaṅguh ikaṅ aṣṭaiśvarya⟨lb⟩ deni⟨ms: 82r⟩ra, apa ta lvirnya nihan, aṇiman⟨,⟩ laghiman⟨,⟩ mahiman, prāpti, prākāmya,⟨lb⟩ īśitva, vaśitva, yatrakāmāvasāyitva, nāhan yaṅ aṣṭaiśvarya ṅaranya,

aṇiman ṅaranya, maganal avaknira tambhayan vәkasan malit ta ya, apa sin-⟨lb⟩aṅguh alit, vәnaṅ sira masuk mәtu ri pṛthivī, kadyaṅgāniṅ vvaṅ masilu-⟨lb⟩rup ri vvai, maṅkana ta saṅ yogi, vәnaṅ masuk mәtu riṅ pṛthivī, maṅkana⟨lb⟩ yan paṅlakulaku, tan kavādha deniṅ gunuṅ karәs {iśe} pinurugnira, ikā⟨lb⟩ vatu trus ikā denira, ndātan vikāra ikāvaknira, ya ta kali⟨ms: 82v⟩ṅaniṅ alit, laghi-⟨lb⟩man ṅaranya, abyə̄t avaknira tambhayan vәkasan mahaṅan kadi kapuk, ya⟨lb⟩ ta mataṅnyan paṅlayaṅ ri ākāśa, mvaṅ madrәs ta lakunira saṅke manah⟨lb⟩ yekā laghiman ṅaranya, ⟨mahiman ṅaranya,⟩ tar kalәvihan gə̄ṅnira yar sa-⟨lb⟩harәp gə̄ṅa, athavā pinūjā ta sira saparanira, prāptiḥ ṅaranya, sakaharәpira⟨lb⟩ tәka, sakahyunnira hana, nihan arthaniṅ prāpti vaneh, dadi sira gumamәl⟨lb⟩ saṅ hyaṅ vulan saṅkeṅ paliṅgihanira, prākāmya ṅaranya, sakaharәpnira rū-⟨lb⟩panira, īśitva ṅaranya, maṅadәh tar kādәh⟨,⟩ vaśitva ṅaranya, ⟨ms: 83r⟩ maṅutus, ⟨lb⟩ yatrakāmavāsāyitva ṅaranya, sakāmakāma ikā saṅ hyaṅ icchā, yatrakāma⟨lb⟩ ta halitan denira, ṅkānāvasāyitva pramāṇa sira, vәnaṅ ta sira madaṇḍa yan⟨lb⟩ tan kapintuhu ikaṅ inutusnira, nāhan sinaṅguh aṣṭaiśvarya ṅaranya,

an maṅkana kasiddhyan saṅ paṇḍita, tәka ika vighna ri sira, lvirnya, ikaṅ de-⟨lb⟩vatā mamava upabhoga mvaṅ anakәbi rahayu, mahalәp sinaṇḍaṅnya, kapva⟨lb⟩ malәvihlәvih hyun, ya ta manuṅsuṅ yogi, syaṅ muliha riṅ svarga, ndān hayva⟨lb⟩ sira maṅguh, apan bañcana ikā, guma⟨ms: 83v⟩veh vuruṅan i yoga saṅ yogīśvara don- ikā, ya ta mataṅnyan paṅhulihuliha ri hati, aku ahāta tutakneṅkva pasyaṅ-⟨lb⟩nikaṅ devatā byaktāku mahiḍәp saṅsāra muvah, apan jātiniṅ śaktiniṅ vi-⟨lb⟩ṣaya, luput ikaṅ suka viśeṣa denya, ikaṅ lāra tan vuruṅ kabhukti deku, ikaṅ⟨lb⟩ kasiddhyan huvus kabhukti deku, tan ulihkv aṅinakinak, hulihkv agave brata⟨lb⟩ lāvan samādhi, sajīvaniṅ rāt ikā, hilaṅa pva ya deniṅ viṣaya sakarәṅ, lalu kaś-⟨lb⟩malaṅku, pakṣani kahanan ikā, indrajālasādṛ⟨ms: 84r⟩śya, kadi kilat kabhuktinya,⟨lb⟩ yadyan malavas i bhinukti, ndātan vuruṅ maveh lāra, ikaṅ lāra, aneka lvir-⟨lb⟩nya, yāvat pvekaṅ janma katibān lāra, tāvat ¿kadasyatanayā?, mevәh maluy⟨lb⟩ janma muvah, aṅhiṅ kәbho sapi asu vәk tәmahanya, yekā katakutku kamu⟨lb⟩ manah, yan aṅgānәn pasyaṅnikaṅ vatәk devatā, maṅkana liṅnira varah-⟨lb⟩varah ry avaknira,

nihan sahur saṅ para, satus kvehanikaṅ viṣaya kabhukti deniṅ vvaṅ,⟨lb⟩ tan ya maṅhiḍәpa lāra yan vruh ri katattvan bhaṭāra, mataṅnyan maṅkana, ⟨lb⟩ apan tan hana tu⟨ms: 84v⟩hutuhun ikaṅ ulah kabeh, mataṅnyan tan hana tuhu, an⟨lb⟩ hilaṅa donikā kabeh, maluya ri saṅkanya, ndi saṅkanya, saṅke saṅ hyaṅ⟨lb⟩ tayā, malilaṅ tan kāvaraṇan, sira sinaṅguh niṣkala ṅaranya, anuṅ kalīnaniṅ ⟨lb⟩ rāt kabeh, niyata tan salah paran, maṅkana pva katattvaniṅ janma, mvaṅ ⟨lb⟩ kavruhan saṅ hyaṅ paramārtha,

ndya ta mataṅnyan saṅśaya riṅ ulah kabeh, apa mataṅnyan pamuhāra lāra,⟨lb⟩ kabhuktyaniṅ viṣaya, maṅkana ta kәbho sapi asu vәk, sabarinyān mati mulih⟨lb⟩ ri tayā, tamatan dinalih mulih riṅ tayā, apan katon hilaṅ ⟨ms: 85r⟩ ikaṅ avaknya, yekā⟨lb⟩ inakunta mokṣa, jñānanya lāvan cittanya tan avruh irikā, lāvan ikaṅ tayā⟨lb⟩ an sinaṅguh paramārtha, apa ta paṅupakāranya, ndya kasiddhyan kadadi⟨lb⟩ denya, sumahur saṅ para, tan mokṣa ta ṅaran ikā, yan pamaṅguha kasid-⟨lb⟩dhyan, kunaṅ yan hilaṅ juga, ya mokṣa ṅaranya, yan kva liṅa saṅ para, ka-⟨lb⟩pan ta kәta yan tәka, apan dudū ikaṅ ahurip, kadi laṅgə̄ṅnikaṅ hana, kapan tekaṅ tayā yan ta pratyakṣa, sumahur saṅ para, dlāha ri tәkani pralaya, yan⟨lb⟩ tayā ikaṅ rāt kabeh, maṅkana liṅ saṅ para, ⟨ms: 85v⟩ apa yan mәtu ikā rat kabeh mu-⟨lb⟩vah, yekā mājarakәn yan līna ri tayā ikaṅ rāt, apan saṅkeṅ tayā saṅkanya⟨lb⟩ mәtu ṅūni, yan maṅkana liṅa saṅ para, viruddha tekā pakṣanta yan maṅ-⟨lb⟩kana, mataṅnyan sinaṅguh viruddha, apan līna riṅ tayā ikaṅ jagat liṅta,⟨lb⟩ mәtu pva ya mәne sinaṅguh ta mәtu saṅkeṅ tayā ikaṅ jagat, adva tan tayā⟨lb⟩ ṅaranikā, yan kalīnani jagat an vәtu, yan kva liṅa saṅ para, tan dadi taṅ ⟨lb⟩ paramārtha maṅkana,

sumahur saṅ kumāra,

aparan ikaṅ sinaṅguh saṅ para tayā ulihaniṅ jagat, lāvan saṅkaniṅ jagat ⟨lb⟩ mәtu, kasiha⟨ms: 86r⟩na varahәn ṅhulun bhaṭāra, ⟨lb⟩ ikaṅ sinaṅguh saṅ para tayā paramārtha, yekāna sinaṅguh prakṛtilīna, tayā ⟨lb⟩ pasaṅganiṅ citta sattva rajah tamah, lakṣaṇanya pәtaṅ tan pacetanā, apan ⟨lb⟩ tan hana kaprajñān iriya,

ṅuniveh ikaṅ cetanā, apa mataṅnyan sinaṅguh ulihaniṅ jagat apan ya ikā⟨lb⟩ kriyāśakti bhaṭāra ṅaranya, māyāmāyā ikā ātmā⟨,⟩ ya ta khyāti bhaṭāra para-⟨lb⟩makāraṇa, yāvat pvekaṅ ātmā cumetanekaṅ prakṛtitattva, tāvat mәtu ikaṅ⟨lb⟩ jagat, yapvan mari ikaṅ prakṛtitattva ci⟨ms: 86v⟩netanā deniraṅ ātmā, līna ikaṅ jagat ⟨lb⟩ maluy ri saṅkanya ri prakṛtitattva, maṅkana sthitinikaṅ rāt saṅkanya ṅūni,

sumahur saṅ kumāra,

apa dumehnikaṅ prakṛtitattva sәṅguhәn tayā de saṅ para,

sumahur bhaṭāra,

apan tan hiḍәpnya, ṅuniveh ikaṅ lakṣaṇa, tan paramārtha pvekaṅ tayā sin-⟨lb⟩aṅguh saṅ para viśeṣa, taha tan paramārtha ikā, apan saṅkani jagat lāvan⟨lb⟩ ulihanya, mvaṅ inulihakәn taya, vruh pva saṅ yogi, an tan paramārtha ikaṅ⟨lb⟩ tayā, ya ta mataṅnyan tan ikā phalani ⟨ms: 87r⟩ samādhi saṅ yogi, ndya ta lakṣaṇa⟨lb⟩ saṅ hyaṅ paramārtha, anuṅ tujuni samādhi saṅ yogi, yan kva liṅanta, ikaṅ⟨lb⟩ cetanā sarvajña saṅ kumavruhi ikaṅ rāt kabeh, sarvakāryakartā, saṅ gumave⟨lb⟩ ikaṅ rāt kabeh, ndi ta kahananira, yan kva liṅanta, kahananira ikaṅ rāt kabeh,⟨lb⟩ ndātan katon, apan tan palakṣaṇa, tan parūpa, tan pahiḍәp, pisaniṅu, apa⟨lb⟩ byaktanyān hana, yan kva liṅanta, nihan utpattisthitilīnani jagat, yeka ic-⟨lb⟩chā bhaṭāra, ikaṅ prakṛtitattva, ya sinaṅguh niṣkala ṅaranya, a⟨ms: 87v⟩hyun pva sira⟨lb⟩ gumavaya jagat ya mataṅnyan taṅ ātmā cumetanekaṅ prakṛtitattva, mataṅ-⟨lb⟩nyan mәtu nāda saṅkeṅ niṣkala, saṅke nāda mәtu taṅ vindu, saṅkeṅ vindu⟨lb⟩ mәtu taṅ ardhacandra, saṅke ardhacandra, mәtu ta oṁkāra, saṅkeṅ oṁkāra⟨lb⟩ mәtu taṅ tryakṣara, ⟨saṅkeṅ tryakṣara⟩ mәtu taṅ pañcākṣara, saṅkeṅ pañ-⟨lb⟩cākṣara, mәtu taṅ jagat kabeh, nāhan lakṣaṇanikaṅ niṣkalatattvān pamәt-⟨lb⟩vakәna jagat,

sumahur saṅ para, kadi saṅkeṅ prakṛti ikaṅ vindu nāda, apan saṅkeṅ bhaṭāra⟨lb⟩ ikaṅ vindu nāda mәtu, yan maṅkana liṅa saṅ para, yan dadya taṅ dharma⟨lb⟩ tuṅgal sumaṇḍaṅa dha⟨ms: 88r⟩rma rva, ndya dharma rva ṅaranya, nyaṅ cetanā lā-⟨lb⟩van acetanā, [n]dya ṅaranya cetanā, bhaṭāra paramakāraṇa, ndya acetanā⟨lb⟩ ṅaranya, nyaṅ prakṛtitattva, yekā tan dadi pinakadharmān atuṅgal, padanya,⟨lb⟩ kadyaṅgāniṅ tәṅah ṅve, sәṅguhәn ta tәṅah vәṅi, apa mataṅnyan tan dadi⟨lb⟩ maṅkana bhaṭāra, apan sira vәnaṅ makecchā ikaṅ rat kabeh, yan maṅkana⟨lb⟩ liṅa saṅ para, saṅsāra kapva bhaṭāra yan maṅkana, sadenyan saṅsāra bha-⟨lb⟩ṭāra, yan kva liṅa saṅ para, tan palvir kapva ikiṅ rāt kabeh, denyan tan palvir⟨lb⟩ ike jagat, apa yan kasaṅśayakna, yan maṅ⟨ms: 88v⟩kana liṅa saṅ para, ndya jagat tan⟨lb⟩ palvir tinonta, apan ta pva pratyakṣa ya, yāvat tan palvir ikaṅ jagat, tāvat⟨lb⟩ pralaya, pralaya ṅaranya, mәtu vaḍavānala yan tәkā, apan icchā bhaṭāra in-⟨lb⟩apekṣānya, ◉

tәlas sinurat iṅ antiraga pun, iti dharma pātañjala samāpta ◆ titi māsa padūpvan vulan kasapuluh, pañcavara, u, trivara, dva, saptavara, a, aṣṭavara, yama, vuku vuyai, i śaka, parab iṅ sakala lavaṅ gajah guṇa vvaṅ ◆