The Bhīma Svarga

oṁ avighnam astu.

hana sira brahmana ṛṣi māvak siddhasymbol tan pahiṅan gәṅnikaṅ mahātmanirasymbol vәkasniṅ siddha vākbraja tumus tәkeṅ kulasantānanirasymbol kapva śūraśāstrasymbol tan hana kapuṅguṅira riṅ sarvaśāstrasymbol kasrana cakṣuh, viratisymbol tan hana haji huvus varaha ri sirasymbol apan sampun pakṣa tānugraha bhaṭāra gītapatisymbol sevu panonira tumoniṅ haji kabehsymbol ya mataṅyan hәnti kvehniṅ haji ri dalәmsymbol ri aṇḍabhuvana.

jāhnavī, kadi hiliniṅ jāhnavīsymbol vijilnikaṅ grasta sakeṅ tutuknirasymbol sira ta pinakajagatpatiniṅ jagat mvaṅ pinakasuluhniṅ bhuvana.

sahasrakiraṇa ikasymbol kadyaṅganiṅ bhuvanaB:1vsymbol tan hana kalintaṅan paḍa kasuluhan deniṅ teja saṅ hyaṅ sahasrarenasymbol maṅkana tikaṅ haji kabehsymbol tan hana kasiṅgahan denirasymbol lumah kṛtinira ri bhuvanasymbol sakasahaban deniṅ ākāśasymbol mvaṅ pṛthivīmaṇḍala deniṅ kamahātmānira riṅ saṅ hyaṅ śāstrasymbol tan kәneṅ ucap luput ginuṇitasymbol ika kavidagdhanirasymbol daśajihvāsymbol saptahastasymbol aṅiya n palidaha sapuluhsymbol mapitu n patuvuha gumәlarana.

aḍoh bhīma mati si yama yen kva vruh iṅ bapamu symbol mataṅen guruaniṅ sakadevatān kabehsymbol tan bhasmībhūtaa.

sapa arane bapamu.

pun pāṇḍu.

sapa babumu.

pun kuntī.B:2r

aḍoh bhīma mayan ta kva salah hiḍәpsymbol aṅucap hajisymbol aṅucap tattvaniṅ dadisymbol әndi uṅgvanmu vruha ri panone kamiA:2v tatā saṅ hyaṅ tattva dharmasymbol mantaṅen demu aṅucap bapamu si pāṇḍusymbol ibunta si kuntīsymbol tan vruh kva yen panilihanmu talaga pañcuransymbol mārgamu gumәlar riṅ jagat kaṅ iku.

aḍoh mara talaga pañcurane ujartasymbol dak sәṅguh tan māraṇaasymbol guru i rehkusymbol antyanta ujartasymbol marujar aku bhaṭārasymbol aku abәcik yen binәcikansymbol ahala duk iṅalansymbol dak varah ta kita bhaṭārasymbol pa araniṅ apaḍaṅsymbol du araniṅ ākāśasymbol sira ta kaṅ ṅaranA:3r saṅ hyaṅ jātinityākṣasymbol ku pva araniṅ buntutsymbol tiB:2v araniṅ pṛthivīsymbol sira ta saṅ hyaṅ asthitijātipralīna ṅaranirasymbol tan maṅkana rika guru.

tuhu bhīmasymbol sapa manih arane bapanta bhīma.

saṅ hyaṅ tayasymbol saṅ hyaṅ veya vāhyasymbol saṅ hyaṅ ila-ilasymbol saṅ hyaṅ raja panulah.

arani kabeh bhīma bapanta.

saṅ hyaṅ caduśaktisymbol saṅ hyaṅ nirāvaraṇasymbol saṅ hyaṅ nīlaśikhaṇḍasymbol saṅ hyaṅ astithijātiprālina symbol saṅ hyaṅ nirupadrava.

bhīma manava tan kadi aku bapanta, vәnaṅ aku aṅavak lәmah, acalagati avak gunuṅ, ajalәm avak bañu, āgneyatrimūrti avak apuy, abāyu sira avak aṅin, asuryyatrimutri asūryatrimūrti avak sraṅeṅe, aśaśāṅkatrimūrti avak vulan.

ṅuniveh dūradarśana, dūrākarṇana, dūrasarvajñāna, trus panone riṅ jagat, vәnaṅ ambaramārga, adṛśyacāra sakilan sakiṅ lәmah, aṅgaganacāra saḍәpa sakiṅ pṛthivī, amādapātapakan pucukiṅ kayu, ajalatuṇḍātapakan megha, adarśanātapakan aṅin, vәnaṅa bapamu amor i devatā tan patiṅgal rāga ri madhyapaA:4rda.

aḍoh aṅambara inucapta bhaṭāra guru, apan iku kasiddhaniṅ guru agugujәṅan, mānuṣaQ:1v hana kumavaśākәn.

bhīma nora.

hana guru, paran ta nimittaniṅ sinaṅguh nora, apan kita adūm āsana riṅ mānuṣa, ikaṅ amaṅunakәn tapa, yan olih sa yuga, luput iṅ ṅel lavan ṅәlih, olih roṅ yuga, tan kāndәlanB:3v lara roga, olih tәluṅ yuga, luput iṅ tuha pati, olih pataṅ yuga, vәnaṅ mati vәnaṅ ahurip, olih limaṅ yuga, trus panone riṅ jagat, olih nәm yuga, aḍaṅan avake kadi pusuh, gәnәp pituṅ yuga, vәnaṅ ambaramārga, amor iṅ devatā, tan patiṅgal rāga riṅ madhyapada, paran ta nimittane tan hana mānuṣa kumavaśākәn.

pun pāṇḍu ta antyanta mūḍhanipun, rare satәpak upamānipun, byakta amati tan vruh iṅ mārga paranipun, amaṅgih svarga.

guru әndi pva kaṅ ujar maṅkana, hana vvaṅ atuha mūḍha, kalaṅan deniṅ anakṣatra, katәvasanipun anak-anak rājaputra śakti vani, añakravati kaśaktin śaśāṅka bhūmi prakāśa śūra dhāraṇa, aṅәnani prajurit, kaliṅane, śaśāṅka riṅ saṅ hyaṅ vulan, bhūmi riṅ lәmah, prakāśa riṅ prajurit, śūra riṅ vani, dhāraṇa riṅ kīrtikatri , aṅәne riṅ anukhaniṅ jagat, kanimittane aku ahavana kaśūran, kavaninku riṅ jagat, kaliṅane, aku prasiddha aṅәntasakәna prasiddha anduṅkapa svarga bapaṅku.

aja bhīma, kaliṅane kva aharәpQ:2v amaḍa alavan aku, apa kaliṅane śabdamu, esi ujarmu, vvaṅ atuha mūḍha kalaṅan deniṅ anakṣatra, eh bhīma kadi aku guṇāmu, yen kva harәp gurua riṅ sakadevatān, mah pustaka vaca demu, hәnti pva demu amaca kaṅ iku, apaṅanti riṅ svarga bapamu.

rәpB:4v sinaṇḍuṅ kaṅ pustaka.

tan vruh aku amaca guru.

aḍoh bhīma, kapūhan aku demu saṇḍuṅ kaṅ pustaka, tan kataman lara roga, upadrava demu, śapatha kaṅ pustaka, apan iku saṅ hyaṅ dharma isinira kabeh, hana upamā, hana parākrama, hana śloka, hana vākya, hana āgama, hana adhigama, hana laghiman, hana prāpti prākāmya, hana vaśitva, hana prabhutva, vyākaraṇa, prakaraṇa, kajyotiṣan, kuṭāramānava, sārasamuccaya.

dak varah ta kita bhīma, yen haji saṅ hyaṅ upavākya, ṅgonanika, kveh kari kaṅ den aṅgo, apәl-apәl, halu-halu, hana prabhāva, hana śaṅkhapāṇi, śivāgama, tattvāgama, saṅ hyaṅ vva vuṅa vari, śrīmaṅgala, tattvamaṅgala, muktimaṅgala, caturmareda, daśaśīla, putus pamutus, daśagītavāṇi, kәlәm vatu, karas kirab, māyāpati, lavan patipati, kaṅ kinalәvihakәn kabeh deniṅ andadi janma, nimittaniṅ janma tutug tәkeṅ pūrva, dakṣiṇa, pacima, uttara, madhya, gәneya, nairṛti, bāyabya, eśānya, saṅ hyaṅ dharma den patyakna, ñumana makapayuṅniṅ kapanasan, makatәkәniṅ amaṅun hayu, kaṅ pustaka irәṅ iku.

guru mәne dak atakon iri kita, paran rika kamūlaniṅ pustaka irәṅ iku, mantaṅen sinaṅguh lәvih, paran kaṅ ginave.

bhīma dak varah ta kita, mūlaniṅ pustaka hirәṅ, roniṅ gәbaṅ, pinukah pinaḍa-paḍa lvane lavan davane, tinitisan gaṅgā vīra tanu, gaṅgā riṅ bañu, vīra riṅ panuli, tanu riṅ maṅsi.

paran ta kaṅ ginave maṅsi iku guru.

kukusiṅ lәṅa dilah, ghināṣa riṅ lavak tambaga, jineran laṇḍaniṅ kәpuh, vinoran lāka, iṅuliṅ iṅәnah riṅ pamaṅsen, ya ta maṅsi arane, ikaṅ ta prasiddha ṅgvaniṅ agave pustaka.

lahla lah guru sapa tāgave.

aku bhīma.

lah sapa tānulis.

aku bhīma.

sapa tāmaca.

aku bhīma, dak sәṅguh si tan mānuṣa.

mānuṣa uga kaṅ agave, kaliṅane mijil sakeṅ ajñāna aṅәn-aṅәn, vәtuniṅ akṣara,B:6r ya nimittaniṅ hana ujar maṅkana, śarīra rovaṅiṅ vāk vidyājnāna, śarīra rovaṅta, viyanda vido moktya, akәcap vṛddhi vicakṣaṇanira, kaliṅane śarīra juga rovaṅniṅ vidagdha, aṅәn-aṅәn pinaro pinatәlu, agave āgama, adhigama, pitovin pustaka, dak sәṅguh si mәtu sapa sakeṅ śūnya amarṇa avaknya, jәg sakiṅ ākāśa, bәl sakiṅ pṛthivī, amarṇa avaknya, vinaliṅku vvaṅ kaṅ mānuṣa, aḍoh anom sapaṅavruhta guru, amintuhu varah riṅ putrānom, maṅke ta pājarakәna i rehku, adhidrava samāhita, kamokṣajñāna, kadi vyakti teka, kaliṅanya, ya ta kaṅ anapaka riṅ prāya, athavi bhuvana maṅkana, ya teka pājarakәna i rehku. pinājarakәn pva kaṅ tan atītanāgatabhāva pustaka pinintuhunta. maṅke pājarakәna riṅ śabda kaṅ sinaṅguh pustakajāti.

bhīma pājarakәna kaṅ sinaṅguh pustakajāti, kita yan vruha, iku sadriya ñumana paradene kita tan vruh.

dak varah ta kita guru, kaṅ sinaṅguh pustakajāti, apan taliniṅ bhuvana, yeka sinaṅguhQ:4r pustaka, kaliṅane śarīra juga pustakajāti, kaṅ lәvih mәtu iki maṅke, śabda tuhu pinakataliniṅ buddhi, lah dudū rika.

tuhu bhīma.

harәp pva kita aruṅua pamacaṅku guru.

mah vaca bhīma.

yen dak vacane.

rәp sinambut kaṅB:7r pustaka, pinusus kumutug dadi apuy.

aṅapa katon denta guru.

aḍoh bhīma, denta cūrṇa kaṅ pustaka, kapūhan aku bhīma, kva vani aṅlәbur pustaka, tan katamana roga.

guru maṅko śivāgni, maṅko ta vacane.

aṅapa kaliṅane bhīma.

yen kukusika bhaṭāra īśvara, lalatunika bhaṭāra maheśvara, vaṅvanika bhaṭāra brahmā, pәlәtikika bhaṭāra rudra, urubiṅ gәni bhaṭāra mahādeva, vaṅkavanika bhaṭāra śaṅkara, harәṅika bhaṭāra viṣṇu, kәmbaṅiṅ avu bhaṭāra śambhu, avunika bhaṭāra śiva, sariniṅ kukus apa si kita bhaṭāra guru.

aṅapa kaliṅane bhīma.

mahāpadma, pagәsәṅan śarīra arane, dudū rika guru.

atūt iku bhīma, amacaa pva ganaleṅ agagaman maṅsi bhīma, apa pva bhīma.

sūkṣmane ta vacane.

sūkṣmane apa bhīma.

kukuse ta vacane.

moṅkono bhīma, lah vaca dak ruṅvakna.

yen dak avacane, ka kha ga gha ṅa, putih kukusira, ca cha ja jha ña, abaṅ kukusira, ṭa ṭha ḍa ḍha ṇa, hirәṅ kukusira, tata ta tha da dha na, kuniṅ kukusira, pa pha ba bha ma, sivah kukusira, ya ra la va, apiṇḍa goñjoṅ kukusira, śa ṣa sa ha birū kukusira, dudū rika guru.

tuhu bhīma, vәnaṅa ta kva aṅlәbur pustaka.

aṅapa ta dumeh tan vәnaṅa, apan aku vruh mūlaniṅ akṣara, apan hana ri śarīraṅku kabeh.

lah tatā yen tuhu śāstraB:8r hana ri śarīranta, kami aruṅvakәna bhīma.

lah guru, aṅuṅkabiṅ pustaka, hana riṅ atiṅku, analeniṅ pustaka hana riṅ taṅanku, mantraniṅ amaca pustaka, yen aku amamaca.

oṁ hana maṇik sakalapa, murub aṅabar-abar, teja varṇani ṅhulun, vaṅkava avak i ṅhulun, apan aku saṅ hyaṅ maṇik anavarata.

oṁ ila-ila tan hana, ḍәṅәn tan hana, bhūta-bhūta tan hana, bapa ibuṅku tan hana, sānaku tan hana kabeh.

sapa pva hana samana.

aku ḍavak hana samana, apan aku saṅ hyaṅ maṇik anuṅku rat, aku saṅ hyaṅ maṇik amiśeṣa, oṁ sa bā ta a īQ:5r, tan maṅkana rika guru.

manih bhīma.

yudhiṣṭhira pinakagәbaṅ, arjuna pinakatatali, nakula sahadeva pinaka papan, tulis iṅ pustaka, saṅ hyaṅ dharmarāja, kaṅ asәdahan pustaka, saṅ hyaṅ bhagavān citragotra, dudū rika guru.

tuhu bhīma, mataniṅ śāstra pva bhīma.

bhaṭāra indra.

ka kha ga gha ṅa, bhaṭāra īśvara, ca cha ja jha ña, bhaṭāra brahmā, ṭa ṭha ḍa ḍha ṇa, bhaṭāra mahādeva, ta tha da dha na, bhaṭāra viṣṇu, pa pha ba bha ma, bhaṭāra śiva, ya ra la va, bhaṭāra gaṇa, śa ṣa sa ha, bhaṭāra śambhu, suh pāda kita bhaṭāra guru.

әndi ṅgvane duk iṅ avakta bhīma.

ka kha ga gha ṅa, riṅ kulit, ca cha ja jha ña, riṅ dagiṅ, ṭa ṭha ḍa ḍha ṇa, riṅ gәtih, ta tha da dha na, riṅ otot, pa pha ba bha maA:11r, riṅ baluṅ, ya ra la va, riṅ gәgәlitan ri śarīraB:9r, śa ṣa sa ha riṅ sumsum, dudū rika guru.

atūt iku bhīma.

akṣara tuha pva bhīma, әndi ṅgvane denta.

a ā riṅ mukha, i ī riṅ rahi, u ū riṅ mata, ṛ ṝ riṅ kupiṅ, ḷ ḹ riṅ iruṅ, e ai riṅ lambe, o au riṅ caṅkәm, ә ә ̄ riṅ әlak-әlakan, manava ta dudū guru.

atūt iku bhīma.

avighna riṅ vәtәṅku, mastu riṅ śabdaku, namah riṅ uripku, siddham riṅ atiṅku, manava ta dudū.

atūt iku bhīma, arana kabeh bhīma, dalihanta harәp varahana guru.

a ā bapaṅku, i ī ibuṅku, oṁ avighna hiḍәpku, mastu riṅ śabdaku, siddham riṅ gulūṅku, ka kha ga gha ṅa, bāhuṅku tәṅәn, ca cha ja jha ña, bāhuṅku kiva, ṭa ṭha ḍa ḍha ṇa, sikuṅku tәṅәn, ta tha da dha na, sikuṅku kivan, pa pha ba bha ma, lambuṅku, ya ra la va, ri pusәrku, śa ṣa sa ha, ri pusuh-pusuhku, saṅ hyaṅ sarasvatī, ri śāstraṅku, pāda kita guru.

sadāśiva pustakaṅku, papanku brahmā śiva, gәbaṅku bhaṭāra bāyu, taliniṅ pustakaṅku, saṅ hyaṅ suntagi maṇik, pustaka śabdaku, lәtik kalimahoṣadha, śarīra, hiḍәpku maṅsi, saṅ hyaṅ śambhu devatāne śāstraṅku.

mantraṅku amaca: oṁ gәmut gaṇapati.

mantraniṅ analyaniṅ pustaka: oṁ gәmut giraṁ gaṇapati.

saṅ hyaṅ sarasvatī viti vitiṅ hatiṅku, saṅ hyaṅ vṛtta tәṅahe hatiṅku, saṅ hyaṅ sarasvatī pucuke hatiṅku, saṅ hyaṅ sarasvatī vite liḍahku.saṅ hyaṅ sarasvatī ... lidahku

paran ta nimittaniṅ pātakaa, aṅlәbur pustaka, apan punah brataṅku ri jagat, aku vṛkodara avak apuy, aku bāyuputraQ:6r avak aṅin, aku bhīma avak lәmah, punah brataṅku ri jagat, paran dumeh pātakaa aṅlәbur pustaka, lah guru.

adhikāra si bhīma vatәk kaṅ haji, ya sadumeh kva kumiṅkin amet patiniṅ bhaṭāraA:12v, avuru dene guṇamu, avuru dene kabisamu, vulaṅun syaranmu, dumeh kaṅ rat katon tan pasaṅgar, tan pabantәn avake den hiḍәp deva, bhīma huvus kva culuh cumbu, amamaḍa deva.adhikāra si bhīma ... amamaḍa deva

guru dak varah ta kita, paran dumeh abantәn kaṅ vruha ri kita, paran katәmvaniṅ ujar maṅkana, ya dumeh asraṅ amet dharma lәvih kaṅ mānuṣa, harәp avaśa vruh iri kita, ṅuniveh vruha saṅkaniṅ bhuvana, hana pva kaṅ tan vruh amumūja ananapu abrata abantәn, apan kita tan agavok ri pūjā bantәn, ndi uṅgvanantaA:13r anәmu bantәn pūjā samādhi, tapa brata, apaniṅ mānuṣa vatәke pūjā brata, tapa samādhi. kamūḍhan kapva manih, kaṅ vruh kamūla-mūlanmu, tan agavoka ri pūjā brata samādhi, lamun si kaṅ vruh, hana pva kumavruh iri kita, vruh-vruh kumavruh tur tam bruh, apa dumeh tan pamūjāa samādhia, apan māyva kapalaṅ dene vruh kamūla-mūlanmu,B:11r yen aku si vruh vaneh-vaneh, sapa ta kaṅ kinabhakten kita guru, aku guru, apan aku vruh kamūla-mūlaniṅ deva~symbol

bhīma apa ri kahiḍәpmu ri mānuṣa, paḍa alavan deva, ndya n paguṇaamu, savruhmu aṅaji, mānuṣa paḍa alavan deva, apaniṅ bhaṭāra viśeṣa riṅ mānuṣa, makādi sajagat kabeh, makādi hana avak iṅ mānuṣa.

ñumanane yen hanāvak iṅ mānuṣa pva guru.

bhīma dak varah ta kita, duk hana avak iṅ mānuṣa, kaṅ den hajiaku, īśvara, maheśvara, brahmā, rudra, mahādeva, śaṅkara, viṣṇu, śambhu, śiva, sapa ika, aku ika, kaliṅane aku viśeṣa hurip iṅ mānuṣa.

manava guru.

ḍah pinakāvak iṅ agni denira saṅ vṛkodara.

guru aṅapa ta katon denta.

bhīma murub avakta, denta kalәvihakәna avakta kaṅ murub, bhīma paran rika kalәvihana sunu saṅ hyaṅ śivāditya kaṅ apaḍaṅ, yen apuy sagunuṅ urubaniṅ apuy, tan kasoran sunu saṅ hyaṅ śivāditya.

guru aṅapa ta yen hana.

lah bhīma apaṅanti riṅ svarga bapamu si pāṇḍu.

guru aṅәn-aṅәn iṅ vәṅi athavi riṅ rahina, saṅ hyaṅ śivāditya, kinalәvihakәn, aṅapa ta duk kasaputan megha, sadā surәm sunu saṅ hyaṅ śivāditya, tan ucapәn iṅ vәṅi, tan maṅkana rika guru.

tuhu bhīma, alah kami, duruṅ kami alah alah, bhīma pira iku dalan mariṅ svarga.

tuṅgal guru.

alah si kva bhīma, apa dumeh tuṅgal.

pira pva denta guru.

roro bhīma, hana dalan mariṅ svarga, hana dalan mariṅ kavah.

guru den tәtәlu si hana, trimārga arane, papata papat hana, caturma caturmārga arane, vvavvalu hana, kaṅ aṣṭamārga arane, apa dumeh akeha tūtәn, saviji ta tūte, kaṅ dalan mariṅ hayu, ikaṅ maṅkana ta ya kapaṅgiha kaṅ surālaya, tan maṅkana rika guru.

tuhu bhīma, alah kami.

rәp dah.

bhīma mah galihiṅ kamal sasiku davāne, sadvāran gәṅnya, cәpani әndi vite lavan pucuke, kacәpan pva denta bhīma, apaṅanti riṅ svarga bapamu si pāṇḍu.

guru tan kәna ampag-ampaga kaṅ iku, saṅ hyaṅ ratәṅ ṅaranira, saṅ hyaṅ tuṣṭa gumuliṅ ṅaranira, saṅ hyaṅ tuṅtaṅ bhuvana ṅaranira, kunaṅ kamūḍhanku dak talenane riṅ tәṅah, den paḍa davāne, siṅ abot ika boṅkote, kaṅ aḍaṅan pucuke, sanimittaniṅ mānuṣa binotan ginampaṅan, sasiṅitiṅ manah pāduka bhaṭāra, sira ta kaṅ iṅaranan saṅ hyaṅ taraju tәpәt, tan pahi lavan śarīranira, tan maṅkana rika.

tuhu bhīma.

bhīma dak atakon iri kita, hana riṅ әndi kita duk bapamu jajaka, ibumu duk paravan, әndi ṅgvanta bhīma samana.

hana riṅ ajatmika aku, amor riṅ suri, pahesan, haneṅ lәṅa, haneṅ sipat.

akakarәpan pva bapamu lavan ibunta, hana riṅ әndi kita samana.

haneṅ ulat guyu aku samana.

apaṅgih pva bapamu lavan ibunta, hana riṅ әndi kita bhīma.

hana riṅ paṅan inumQ:8r aku samana.

duk saharas pva bapamu lavan ibumu.

hana riṅ cipta aṅәn-aṅәn.

duk abobot babumu, hana riṅ әndi kita.

paran si kaṅ tam bruh aku guru.

paran ñumanane yen kita vruh.

dak varah ta kita mūlaniṅ hana bhuvana, megha sapayuṅ gәṅnya, ākāśa bhaṭāra puruṣākāra, trusniṅ rāt umbakan, amijilakәn kaṅ pṛthivī, mәtu kaṅ vindu amijilakәn śivaliṅga, pataṅkәpniṅ liṅga praṇāla, mijil tāku samana.

sapa ta aranmu samana.

saṅ hyaṅ maṇik apus jñāna aranku samana, dumunuṅ tāku riṅ saṅ hyaṅ tulaṅan maṇik.

sapa aranmu samana.

saṅ hyaṅ gәñjor maṇik nirmala, savulan pva lavasku riṅ vәtәṅ.

sapa aranmu samana.

saṅ hyaṅ maṇik amaṅku puh, roṅ vulan lavasku riṅ vәtәṅ.

sapa aranmu samana.

saṅ hyaṅ maṇik bhūṣaṇa, tәluṅ vulan lavasku riṅ vәtәṅ.

sapa arane hajinta.

saṅ hyaṅ maṇik tiga varṇa, pataṅ vulan lavasku riṅ vәtәṅ.

sapa aranmu samana.

saṅ hyaṅ maṇik śrīgaḍiṅ, duk limaṅ vulan.

sapa aranmu.

saṅ hyaṅ maṇik kәmbaṅ varṇa, duk nәm vulan.

sapa aranmu samana.

saṅ hyaṅ bhūta lәṅis aranku samana, duk pituṅ vulan.

sapa aranmu.

saṅ hyaṅ vibhā saṅsaya, vvaluṅ vulan.

sapa aranmu.

saṅ hyaṅ variṅin suṅsaṅ aranku, gәnәp saṅa vulan.

sapa aranmu.

saṅ hyaṅ tuṅtuṅ bhuvana aranku, duk abibik paṅәnahan.

sapa aranmu.

saṅ hyaṅ lava rontek aranku, duk vuh umuṅup pva sakiṅ bhaga.

sapa aranmu.

saṅ hyaṅ tejomaya aranku.

duk miṅtәṅah kita mәtu, sapa aranmu.

saṅ hyaṅ tuṅtuṅ bhuvana aranku.

duk vus mәtu sapa aranmu.

saṅ hyaṅ vaspada aranku.

duk vahu sumalah riṅ lәmah, sapa aranmu.

saṅ hyaṅ bhuvanakośa aranku.

duk pva tinugәlan pusәrmu, sapa aranmu.

saṅ hyaṅ nāgāṅәlak aranku.

ari-arimu duk binuñcal sapa aranmu.

saṅ hyaṅ kīṭa prāṇa.

duk vinәḍakan kunir lavan vvas sapa aranta.

saṅ hyaṅ sari kuniṅ aranku.

duk dinusan sapa aranta.

saṅ hyaṅ nāga gombraṅ aranku.

duk linә ̄ṅan binurat sapa aranmu.

saṅ hyaṅ lәṅis aranku.

duk pinupukan әmbun-әmbunanta, sapa aranmu.

saṅ hyaṅ bhuvana tutub prāṇa aranku.

duk iṅәmban sapa aranmu.

saṅ hyaṅ uroja aranku.

duk sinalahakәn iṅ pāntarana, sapa aranta.

saṅ hyaṅ vindu śaṅkha aranku.

duk sinahaban kukusan sapa aranmu.

saṅ hyaṅ kukub ava aranku.

duk sinusvan sapa aranmu.

saṅ hyaṅ bhūta śakti aranku.

duk dinulaṅ sapa aranmu.

saṅ hyaṅ anantabhoga aranku.

sinambut dene bapa ibumu, duk kinudaṅ-kudaṅ, sapa aranmu.

saṅ hyaṅ kākarṣaṇa aranku.

duk kita lumiṅliṅ sapa aranmu.

saṅ hyaṅ meṅәt aranku samana.

duk bisa kumurәb sapa aranmu.

saṅ hyaṅ nāga śeṣa aranku.

bisa mәṅkok sapa aranmu.

saṅ hyaṅ gaṇa aranku.

duk bisa aṅadәg antәp sapa aranmu.

saṅ hyaṅ gaṇakāya aranku.

duk bisa mamalayvan sapa aranmu.

saṅ hyaṅ bhūta lәṅis aranku.

vruh pva kita anәṅguh bapa babu, sapa aranmu.

saṅ hyaṅ tutur meṅәt aranku.

bisa cacavәt sapa aranmu.

saṅ hyaṅ rājalīlā aranku.

duk bisa aṅaṅon sapa aranmu.

saṅ hyaṅ komāra aranku.

bisa babasahan sapa aranmu.

saṅ hyaṅ jātivarṇa aranku.

rumājaputra sapa aranmu.

bhaṭāra tuha aranku.

luṅa pva kita amәṅ-amәṅ, sapa aranmu.

bhaṭāra lumaṅlaṅ aranku.

duk bisa haji śāstra sapa aranta.

saṅ hyaṅ tattvajñāna aranku.

vruh pva kita riṅ guṇa mantraA:18v sapa aranmu.

saṅ hyaṅ vidyājñāna aranku.

vruh pva kita aṅaji dūradarśana, sapa aranta.

saṅ hyaṅ jagatprāṇa aranku.

vruh pva kita ri panamun dayaniṅ sinamayan, katәmu rasaniṅ pinet, katәmuniṅ tiniṅgalakәn, kapaṅgih maṅke sandhiniṅ pati, kapaṅgih tәmahaniṅ ilaṅ, sapa aranmu samana.

bhaṭāra guru aranku samana, saṅ hyaṅ hurip samana tāku aran bhaṭāra tan vәnaṅ ucapәn, tan maṅkana rika guru.

tuhu bhīma alah kami, duruṅ kami alah alah, paran gane saṅkane alaha si bhīma ikiB:16r.

seg rәp, anitihi andaka putih, akalihan lavan bhaṭārī umā.

bhīma cәpani әndi ṅgvanmu maṅke, kita guru anuṅgaṅ riṅ lәmbu putih, kālih lavan bhaṭārī umā, bhīma ruṅu śloka mami.

lah aku aruṅua.

oṁ sila sila mānuṣa, sila gaṇa maheśvara, amire bhaṭāra brahmā, aṅraṅkak bhaṭāra rudra, akilusū mahādeva, aṅruṅkuk saṅ hyaṅ śaṅkara, sila pas bhaṭāra viṣṇu, atimpuh bhaṭāra śambhu, muruduṅ bhaṭāra śiva, aṅadәg i gunuṅ nāga, pinayuṅan kālacakra, aṅagәm sarvasañjata, braja, pakuṇḍa, ḍәṇḍa, mokṣala, nāgapāśa, aṅkus, cakra, triśūla, padma, gadāsañjata, makambaṅ mata, mateṅ rahiA:19v, hyaṅ indra tarani ṅhulun, ruṅu ślokani ṅhulun.

oṁ gopāla gopālam svayam viṣṇumūrtiyam

oṁ indah ta kita kamu hyaṅ kala, hayva ta kita murugi ṅhulun, kaget kagә ̄m kataraṅgul, kavus tumiṅali ṅhulun, apan ṅhulun paṅavakniṅ bhaṭāra guru, guruniṅ devatā kabeh, anuṅgaṅ ri lәmbu putih kalih lan bhaṭārī uma, ruṅu ślokani ṅhulun.

oṁ aṣṭapado sa ṣaṭkarṇo dviśṛṅgaḥ saptalocanaṁ

triśirah trigudāsinam tritutәn

aṣṭasantәn saptaghrāṇo trinābhiḥA:20r ṣaḍgudaś caiva

ekabhagaṁ caturpuṭo ekalāṅgūlam eva ca

paran kaliṅane śabdaṅku bhīma.

tan bhāra śabdamu iku guru, apan iku cacaṅkriman panulak bhaṭāra kāla.

aṣṭapado arane cәpani kaṅ aṣṭapado patuṅgalane bhīma.

lah guru, aṣṭa araniṅ vvavvalu, pada araniṅ suku, sukuniṅ lәmbu papat kaṅ anuṅgaṅ paḍa suku roro, gәnәp vvavvalu.

ṣaṭkarṇo, karṇo araniṅ taliṅa, taliṅaniṅ lәmbu roro, taliṅaniṅ anuṅgaṅ papat, gәnәp nәnәm.

triśirah, tri araniṅ tәtәlu, śirahiṅ lәmbu tuṅgal, śirahiṅ anuṅgaṅ roro, gәnәp tәtәlu.

saptalocanam, sapta riṅ pipitu, locanam araniṅ mata, mataniṅ lәmbu roro, mataniṅ anuṅgaṅ lilima, gәnәp pipitu.

ṣaḍvāha, ṣaḍ araniṅ nәnәm, vāha araniṅ taṅan, taṅaniṅ paḍa bhaṭāra papat, taṅaniṅ paḍa bhaṭārī roro, gәnәp nәnәm.

dviśṛṅgaḥ, dvi araniṅ roro, śṛṅgaḥ araniṅ suṅu.

saptaghrāṇo, ghrāno araniṅ leṅiṅ cuṅur, leṅiṅ cuṅuriṅ lәmbu roro, leṅiṅ cuṅur paḍa bhaṭāra tәtәlu, leṅ iṅ cuṅur paḍa bhaṭārī roro, gәnәp pipitu.

trinābhiB:17v, nābhi araniṅ vudәl, vudәliṅ lәmbu tuṅgal, vudәliṅ anuṅgaṅ roro, gәnәp tәtәlu.

trigudaś ceva, ceva araniṅ silit, silitiṅ lәmbu tuṅgal, silitiṅ anuṅgaṅ roro, gәnәp tәtәlu.

aṣṭasantәn, santәn araniṅ susu, susuniṅ lәmbu papat, susuniṅ anuṅgaṅ papat, gәnәp vvavvalu.

dvipuruṣo, puruṣo araniṅ puruṣa, puruṣaniṅ lәmbu tuṅgal, puruṣaniṅ anuṅgaṅ tuṅgal, gәnәp roro.

ekabhagam, eka araniṅ tuṅgal, bhagam araniṅ bhaga.

caturpuṭo, catur araniṅ papat, puṭo araniṅ viṅsilan, viṅsilan iṅ lәmbu roro, viṅsilaniṅ anuṅgaṅ roro, gәnәp papat.

ekalāṅgūla, eka araniṅ tuṅgal, lāṅgūla araniṅ buntut.

ceva araniṅ kәdut lavan kәluhan gәnәp tәtәlu, tan maṅkana rika guruB:18r.

atūt iku bhīma, paran gane saṅkane alaha si bhīma iki.

rәp ḍah trigәni krodharūpa, pinakāvaku, hurip iṅ bhuvana kabeh, rūpanira patiṅ telerep, patiṅ kәrәjep, patiṅ kәrәdap, patiṅ gurilap, patiṅ kәrәtes, patiṅ garәlap, patiṅ kәrәñap, patiṅ kәrәcәp.

bhīma paran katon rūpaṅku demu.

kemәṅan aku deniṅ rūpanta, guru akeh varṇane, hana śveta, pīta, rāga, lohita, kṛṣṇa, hariṇa, harita, rakta, kemәṅan aku denta.

bhīma lah cәpani, kacәpan pva denta, apaṅanti riṅ svarga, bapamu.

guru manava aku tam bruh i rūpanta, apan rūpanta, saṅ hyaṅ jāti aranta, yen kita hurip iṅ pacima, saṅ hyaṅ puruṣaśaṅkara aranta, yen kita hurip iṅ uttara, saṅ hyaṅ karmādhipa aranta, yen kita hurip iṅ madhya, saṅ hyaṅ asәnә ̄ aranta.

yen kita hurip iṅ ākāśa, saṅ hyaṅ alih aranta, yen kita hurip iṅ pṛthivī, saṅ hyaṅ gambhīra aranta, yen kita hurip iṅ bañu, saṅ hyaṅ gāndhārī aranta, yen kita hurip iṅ teja, saṅ hyaṅ dvāra siddhi aranta, yen kita hurip iṅ bāyu, saṅ hyaṅ śāstrādhika aranta, yen kita hurip iṅ sarva kumilip, saṅ hyaṅ tṛṣṇā nirmala, yen kita hurip iṅ rәṣi, triguṇa, hurip iṅ deva, daśendriya, mānuṣa, daśamahāla, hurip iṅ lanaṅ, aṇuh, hurip iṅ vadon, paramāṇuh, hurip iṅ rāga, trisamaya, hurip iṅ tṛṇalatā, gulma, jaṅgama, nālitā, muvah antaja, harija, haluja, sarva ri hari-hari, aṅantiga, anta ya sarva tumuvuh, kita hurip iṅ kabeh, hana sādhu pañca mala, hana aṣṭa, sapta viṣyamala, pinakāvakta, hurip iṅ śivapuruṣa, hurip iṅ antyanta, antaḥśiva, pradhānapuruṣa, hurip i nirvāṇa śiva, kamokṣanikaṅ pinakāvakta A:23vsymbol

yen kita hurip iṅ malayu, saṅ hyaṅ ratnaśiva aranta, rūpanta sivah, yen kita hurip iṅ tañjuṅpura, saṅ hyaṅ ratna yaṅ aranta, rūpanta kadi āditya vāhu mijil, yen kita hurip iṅ jambudīpa, saṅ hyaṅ ratna viśeṣa, rūpanira kadi teja akalaṅan, yen kita hurip iṅ bali, saṅ hyaṅ ratna vindu, rūpanira kadi intәn, yen kita hurip iṅ nusa java, saṅ hyaṅ kalimahoṣadha, rūpanira kadi mas linәbuh, pinakāvakta kabeh.

bhīma yen aku makatutupiṅ bhuvanaA:24r, duk aku aṅher riṅ pūrva, dakṣiṇa, pacima, uttara, madhya, cәpani bhīma.

lah guru, maṅher kita riṅ pūrva, bhūta sadāgati aranta.

mantraku pva bhīma, lavan rūpaṅku.

rūpanta putih.

oṁ vṛṣabhagati pūrvadeśanta, mantrānatuga deśa,

saṅ deva kuśika ri āśā

sarika braja nityaśa, saṅ lәmbunika nityaśa

tan maṅkana rika.

tuhu bhīma, duk haneṅ dakṣiṇa, sapa aranku.

bhūta bandoga aranta, rūpanta abaṅ.

mantraku pva bhīma.

oṁ brahmā deva dakṣiṇābha, bamaru dәṇḍa raktābha

bama saṅ garganaba, bañak dadenaba.

atūt iku bhīma, yen aku apaṅanti riṅ pacima pva bhīma.

bhūta tuva aranta, rūpanta kuniṅ.

mantraku pva bhīma.

oṁ ta turaṅga pacimantra, ta metri metri pītata

metri turaṅga jaṭā, ta metri tapa ratunta

ta metri nāga tu nāga,

tan maṅkana rika.

tuhu iku bhīma, yen aku apaṅanti riṅ uttara pva bhīma.

bhūta hani-hani aranta, rūpanta irәṅ.

mantraku pva bhīma.

oṁ aniha uttaraniha, aniha cakrahaniha

aniha garuḍaniha aniha kuruṣyaniha

oṁ ya namo namaḥ svāhā.

atūt iku bhīma, duk aku apaṅanti riṅ madhya, sapa aranku.

saṅ hyaṅ yamarāja aranta.

mantraku pva bhīma.

oṁ yamarāja jaramaya, yamarāṇi nira maya

yame doro rodo meya, yame dosa sado meya

yada yoda dayodaya, yada yoṇi niyodaya

ya sirasih ya yasiha, yasi jaya jaya śiva

oṁ ya namo namaḥ svāhā

tan maṅkana rika.

atūt iku bhīma, dak atatakoni ri kita, paran rika kamūlankuA:25v, duk haneṅ bhuvana.

sampun guru, tan maṅkanaa.

lah bhīma lamun si kita vruh, aganteniṅ paluṅguhku ḍevek bapanta, lamun si kavruha denta.

lah yen moṅkono kaharәpta, ṅoṅ avaraha tattva kamūlanta.

lah bhīma ṅoṅ añjajātena lavan kita riṅ dalәm pahoman.

aṅapa ta kaṅ dalәm pahoman, tan hana sәmut katitiṅgi aṅruṅua śabda\-nta.

lah riṅ madhyaniṅ ākāśa pva bhīma.

aṅapa ta kaṅ madhyaniṅ ākāśa, tan hana rәṅit, namuk, kukupu, kumbaṅ, manuk aruṅua.

riṅ әndi pva ṅgvaniṅ ucap-ucap bhīma.

ri ṅkene guru.

aṅapa kaliṅane bhīma.

vastvani guru, tan hana aruṅua, tan hana hiḍәpe aruṅua.

moṅkono bhīma, lah ṅoṅ vastvan arane.

rәp dah

vinastvan aruṅua.

tan hana hiḍәpe aruṅua.

vus maṅko bhīma varah ta kami.

apasaṅtabe si mānuṣanta, tan kāmbәṅanya, aku atutur i kamūlanta.

nirbhūmi, nirjalam, nirbāpi}, nirteja, nircamārutah, nirdyugatah, kaliṅanya, nirbhūmi tan hana lәmah, nirjalam tan hana bañu, nirbāpi tan hanāgni, nirteja tan hana teja, nirsūrya tan hana āditya, nircandra tan hana vulan, nirmāruta tan hana aṅin, nirrūpa tan hana varṇa, avaṅ-avaṅ uvuṅ-uvuṅ, pәtәṅ hirәṅ, śūnya tan hana, noreṅ lor kidul vetan kulon, noreṅ sor noreṅ ruhur, saṅ hyaṅ lәṅis aranira, sira ta malәṅis ya avaknira, atutur ta sira, saṅ hyaṅ meṅәt ta aranira, sira ta dadyakәn śarīranira.

sapa pva hana samana.

hana bāyu lakṣaṇaṅku, maṅәmpәl pva kaṅ bāyu śabda hiḍәp, maśarīra ta avake, sarva hana paśarīran saṅ hyaṅ bāyu, satus saṅ hyaṅ paśarīranku ta ya pinakalakṣaṇaṅku, lәkasku, polahku, ambәku, śabdaku, brataṅku, pūjāku, gәlarku, aranku saṅ hyaṅ ananta viśeṣa.

apasaṅtabe mānuṣanta, ṅoṅ atutur i kamūlanta, hana bāyu maṅәmpәl savijiniṅ savi gәṅira, murub akṛta kṛta, tan hana sinuluhan iṅ jagat, sira ta kaṅ aranan bhaṭāra hyaṅ pramāṇa jātinityākṣa, kapiṅroṅnira marūpa, sajaguṅ gәṅira, kadi ṅūni rūpanira, sira ta inaranan saṅ hyaṅ caturdhanada, kapiṅtiganira marūpa, molah tan pāmbәkan, acaṅkәm tan paṅucap, ata ataṅan tan lumimbe, asuku tan lumaku, sira ta kaṅaran bhaṭāra tan paaran, tiniṅhalanira kaṅ jagat tan hana, sira ta saṅ hyaṅ mәnәṅ, saṅ amet pinet, amet suluhiṅ mata sakacaṅ ijo, pinilәr dadi sapulu, pinijәt dadi rәmpuk, tinibakәn dadi sabatamiriṅ, inidәkan dadi sarimbag, pinalidәr dadi sasvaṅ riṅ aṇḍabhuvana, dadi sacakraniṅ padāti, sira ta kaṅ anikut bhuvana, sira saṅ amindu bhuvana, sira aran ki huvus ki pahuvusan.

arәp pva kaṅ pṛthivī, aṅaṅәn-aṅәn hayvan i pṛthivī, aṅusap mata piṅtiga, mәtu kaṅ luh adrәs, tumiba riṅ pṛthivī, mәtu ta tīrtha, samana ta sira iṅaranan hyaṅ gambhīra, maṅampir aṅaṅәn-aṅәn, mata tәṅәn pinәlәsatakәn, dadi āditya, mata kiva pinәlәsatakәn dadi vulan, kapanasan pva sira deniṅ yuganira, akukuḍuṅ ta sira, samana ta sira inaranan saṅ hyaṅ kumbha, mojar ta aranira, umā tan adoh, gumәlar kaṅ jagat kabeh, tan hana vәṅi, tan hana paḍaṅ anaravaṅ kaṅ rāt samana, haneṅ svarga, kapva haneṅ śūnya paramaśūnya, hananiṅ aṇuh paramāṇuh, hana ta paṅadәgan saṅ hyaṅ śivāditya, sira ta aran bhaṭāra yaṅ vidhi, bhaṭāra yaṅ ananta viśeṣa, bhaṭāra yaṅ ananta viśeṣa pva sira ayuga, mijil saṅ hyaṅ meṅәt ayuga pva saṅ hyaṅ meṅәt, mijil ta saṅ hyaṅ asthitijāti, ayuga pva saṅ hyaṅ asthitijāti, mijil ta saṅ hyaṅ sūkṣma, ayuga pva saṅ hyaṅ sūkṣma, mijil ta saṅ hyaṅ niravayava, ayuga saṅ hyaṅ niravayava, mijil ta saṅ hyaṅ ananta viśeṣa, ayuga saṅ hyaṅ ananta viśeṣa, mijil ta saṅ hyaṅ viśeṣa, sakiṅ kadalīpuṣpa mārganira, ayuga saṅ viśeṣa, mijil ta saṅ hyaṅ pramāṇa viśeṣa, sakiṅ cupu maṇik havanira, ayuga saṅ hyaṅ pramāṇa viśeṣa, mijil ta saṅ hyaṅ tuṅgal-tuṅgal, sakiṅ liṅga baṅ varṇa mārganira, ayuga saṅ hyaṅ tuṅgal-tuṅgal, mijil ta sira kapat saṅ hyaṅ aṅәn, mijil sakiṅ tuṅtuṅiṅ ati, saṅ hyaṅ puṅguṅ mijil sakeṅ aṅәn-aṅәn, saṅ hyaṅ lәṅis mijil sakeṅ manah, saṅ hyaṅ tan hana, mijil sakeṅ putihiṅ pusuh-pusuh, ayuga pva muvah saṅ hyaṅ tuṅgal, mijil ta kita bhaṭāra guru, sakeṅ kumbha maṇik mārganta, ayuga pva kita devatā, bhaṭāra guru, mәtu taṅ īśvara, brahmā, mahādeva, viṣṇu, maheśvara, rudra, śaṅkara, śambhu.

bhaṭāra īśvara, devīnira bhaṭārī sarasvatī, bhaṭāra maheśvara devīnira bhaṭārī maheśvarī, bhaṭāra brahmā devīnira bhaṭārī pramāṇadevī, bhaṭāra rudra, devīnira bhaṭārī rājalakṣmīB:24v, bhaṭāra mahādeva, devīnira bhaṭārī mahādevī, bhaṭāra śaṅkara, devīnira bhaṭārī śaṅkarī, bhaṭāra viṣṇu, devīnira bhaṭāri śrī, bhaṭāra śambhu, devīnira bhaṭārī varāhī, kapaṅgih śiva ri madhya, mәtu sadā eka, aṅәbәk iṅ jagat kabeh.

kabeh aku vruh guru, ayuga bhaṭāra viṣṇu, mijil bhaṭārī pṛthivī, mayuga bhaṭārī pṛthivī, mijil bhaṭārī yaṅ antarī, ayuga bhaṭārī yaṅ antarī, mijil bhaṭārī gaṅgī, apan iku yuga yinugakәn, aku ayuga tan yinuga, agave tan ginave, hana tan pasihanakәn, apan aku pakumpulaniṅ bāyu śabda hiḍәp, aku ta kaṅaran saṅ hyaṅ anta viśeṣa, apan sānaku saṅ hyaṅ viśeṣa,B:25r putuṅku saṅ hyaṅ pramāṇa viśeṣa, buyutku saṅ hyaṅ tuṅgal-tuṅgal, pituṅku apa, saṅ kita bhaṭāra guru, aku viśeṣa kabeh, apan aku avakiṅ bāyu viśeṣa, aku huripiṅ rāt kabeh, kabeh kita bhaṭāra viniśeṣa deniṅ bāyu, kita bhaṭāra padene tan vruh i rehku, apaniṅ bhaṭāra vruh tan vinarah, kita pva tan vaspada tumiṅhal i rehku, guru, kita tәdas panonta ri jagat, harәp pva sira vaspadaa.

rәp dah.

sira vәkasiṅ tinon, sira tәkeṅ don, sira vәkasiṅ pinet, vәkasiṅ amet pinet, irika bhaṭāra madūm vipatha, sira ta ayuga bhaṭāra parameśvara, bhaṭāra parameśvara, tan payugaB:25v, sakvehniṅ navadevatā kabeh, samana ta sira inaranan bhaṭāra guru, kalihan pva kita ayuga tinampel punta kita pitәlu, amәtvakәn kanyā hayu, bhaṭārī umā aranira, lanaṅ tan lanaṅ, vadon tar vadon, antyanta listuhayunira, harṣa pva kita saṅgamaa, tan vihaṅ bhaṭārī umā, paksanta saṅgamaa, katiṅhalan ta carat bhaṭārī, kagyat ta kita samana, tinugәlan pva kaṅ carat, ya ta hana carat iṅ tahun, tumiba ri pṛthivī, ya ta hana carat iṅ lәmah, mәtu pva kaṅ gәtih itәm, ya ta kāraṇaniṅ hana kәbo, iṅusapan pva kaṅ gәtih, ya ta kāraṇaniṅ hana sapi, pinagavekәn leṅ, ya ta kāraṇaniṅ hana celeṅ, vinasuhan kaṅ leṅ, ya ta kāraṇanira hana asu, varas irikā abәbәk i leṅ, ya ta kāraṇaniṅ hana bebek, mәtu kulit hayam, ya ta kāraṇaniṅ hana hayam, kasilir pva riṅ aṅin, ya ta kāraṇaniṅ hana manuk.

hana rudhira aṅambәk-ambәk, ahәnәṅ śarīra, sira ta saṅ hyaṅ śaśaru\-dhi\-ra aranira, hana ta kali rudhira, ahәnәṅ aku muṅguh riṅ dodot, sira ta inaranan bhaṭāra samaguru aranira, aṅher pva sireṅ uṇḍuhaniṅ ati, samana ta sira duk iṅaranan saṅ hyaṅ pañcaśiva aranira, aṅher pva sireṅ ototiṅ ati, samana duk iṅaranan saṅ hyaṅ śabdaśiva, aṅher pva sira riṅ tuṅtuṅiṅ ati, samana ta sira inaranan saṅ hyaṅ sūkṣmaśiva, sira ta bhaṭāra yaṅ tan paguru aranira, tan maṅkana rika guru.

atūt iku bhīma, aḍuh maṅko si aku alah deniṅ si bhīma iki.

sәdәṅ analaṅkupkәn taṅan bhaṭāra guru, sinambut taṅanira de saṅ vṛkodara.

aja bhaṭāra guru, nora guru anәmbaha riṅ mānuṣa, balik deva anәmbaha riṅ mānuṣa.

bhīma apan aku alah, kaganten i luṅguh dene bapanta.

sampun paran bәcikanipun maṅkanaa, kita kagantenana luṅguh dene pun pāṇḍu, paran avakanipun kaṅ maṅkanaa, aja guru tan paveh aku, maliṅgih uga kita anitihi pāntarana gurua.

aja bhīma nora hana deva liñok, apan ujarku ri ṅuni, yen aku alah, gantenana luṅguh deni bapanta, aja dak varah ta kita, riṅ śabda vәnaṅ liñok lilima kvehnya, tan pasakapaṅgih ri pañcānṛta, ujariṅ amet patyani musuh vәnaṅ liñok, harәp arabi hayu vәnaṅ liñok, riṅ amet ahurip vәnaṅ liñok,A:33r riṅ arәpa sugiha vәnaṅ liñok, luṅhaniṅ dodolan vәnaṅ liñok, tan pāpa ika kabeh, moṅkono bhīma.

atūt iku guru, sukha si kami maṅko aṅruṅu ujarta.

mayan ta kita bhīma, sinaṅguh mūḍha ujariṅ para liñok pva ujariṅ avruhakәn tam bruh, maṅko ta paranta kaharәpanta bhīma.

guru dak palaku ri kita, svargane bapaṅku.

lah bhīma yen maṅkana kaharәpta, әndi ta ṅgvanane bapanta.

guru riṅ āgneya uṅgvanane bapaṅku.

bhīma norāna svarga tvaṅ.

guru ri pāntara arane svargaane bapaṅku.

bhīma norāna kadi kita aṅәntasakәn vvaṅ atuha, lah bhīma ri kṛtasamayajātipāntara, aranane svargaane bapanta, apan samayaku riṅ ṅuni lavan kita.

jātinta avarah, pāntarane ujarta, lavan manih, kaṅ abhiṣekaane bapaṅku, dak palaku iri kita, lavan sapa aranane bapaṅku, anitihi ri svarga kṛtasamaya.

bhīma aranane bapanta bhaṭāra arcana inarcana, ya aranane bapanta.

vruh aku guru denta simbiṅ patine bapaṅku.

bhīma si arca mas aranane pinūjā.

lah guru maṅkana, lavan manih kaṅ devatā aṅaturaknane siginiṅ vәḍihan lavan tuṅtuṅniṅ kuku vatәk devatā pinakasariniṅ puṣpa, әnahakna harәpiṅ pun pāṇḍu, tan kahalanipun iṅ asatrenya.

huvus kaṅ devatā kabeh aṅruṅu ujare si bhīma, sama mojar kaṅ devatā kabeh.

yogya pukulun lavan yama katәḍaa.

makālulun dagane bapaṅku.

paran si buddhia mami bhīma, yama әndi ṅgonta.

pukulun matur tanayan bhaṭāra, vvantәn pun yama.

yama kita katәḍaa dene si bhīma.

katәḍaa punapa ta pukulun, manavi ta katәḍaa patinipun yama, sukha paḍa bhaṭāra patyanipun yama.

taham tan katәḍaa patinta yama, makālulun dagane si pāṇḍu, aṅadәg svarga kitaB:29r.

apa ta sukha paḍa bhaṭāra yama makālulun dagane.

paran si liṅa mami yama, sukha kami.

punapa si ujaranipun yama pukulun.

duk sukha paḍa bhaṭāra, bhīma.

oṁ sarat ta denta vatәk devatā kabeh, agasti aṅgotakәna kaṅ devatā kabeh, aṅastrenana si pāṇḍu, brāhmaṇa maṇik puṣpaka, amvat ta sakiṅ indraśikhara.

sәg, lәs, sampun paripūrṇa .

lah mantraniṅ bapanta bhīma.

guru vastvakna aku amantranana.

oṁ hana yaṅ aku yaṅ, apan aku agave yaṅ, aku agave tan ginave, aku vәkasiṅ tan ginave, oṁ sa bā ta a ī, aku vәkase, aku agave namah śivāya, aku saliṅganiṅ tan hana, aku kavasa vijiniṅ jagat, aku saṅ jātiprāliṇa.

oṁ nora vetan nora kidul, nora kulon, nora lor, noreṅ madhya, noreṅ sor noreṅ luhur, nora kabeh.

kadi hanaa mānuṣa duk aku noraa, kadi hanaa deva duk aku noraa, apan aku mijil sakiṅ tan hana, aku saṅ hyaṅ tan hana, hana aku hana devatā, hana aku hana bhūta, hana aku hana mānuṣa, apan aku amijilakәn sakiṅ taya.

oṁ saṅ hyaṅ taya ta aranku, oṁ taya vetan taya kidul, taya kulon, taya lor, taya madhya, taya iṅ sor, taya luhur.

vastu luputa riṅ kriyā upāya, luputa riṅ tuju tulah tarañjana, luputa riṅ gave saṅ yama, tan katūtūtan pañcākṣara, padohaniṅ mahākāla, sakvehaniṅ sarva hala, tan tumameṅ śarīraṅku.

oṁkāra namah śivāya sa bā ta a ī.